15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي متقدم
السلام عليكم ورحمة الله وبركاته
سؤال يحتاج إلى جواب من أهل الخبرة والتجربة
اقرب طريق للمدينة للي طالع من الطايف وهل فيه أحد جرب طريق الزيمة ( طريق الشاحنات ) أتمنى منكم الفائدة والشرح والوافي والتام بيض الله وجيهكم
مكشاتي متقدم
هلا وغلا يالله حيه...
طال عمرك بالنسبة لأقرب طريق من الطائف هو إنك تمسك طريق السيل وتمشي على طول لا تروح يمين ولا يسار لين توصل الشرايع وبتكون بمكة ومن مكة على جدة ومن جدة على المدينة...
من الطائف لجدة 220 كيلو تقريبا ومن جدة لين المدينة 400 كيلو اذا المسافة الكلية بحدود 620 كيلو...
بالنسبة لطريق الزيمة معروف وانا عن نفسي خاطرت ومشيت معه مرتين وهو طال عمرك طريق غير المسلمين وهو وانت ماشي مع طريق السيل بتمشي فيه حدود 70 او 80 كيلو بعدها بيجيك لوحة زرقا كبيرة وكتوب فيها مكة وجده على طول وجدة لغير المسلمين يمين وطبعا غير المسلمين مكتوبه على لوحة حمراء...
بس هالخط يربط فقط بين السيل وجدة فقط ولا يمر على مكة وينزلك على كبري بحرة....
نصيحتي لك لا تروح معاه لانه ماهو مزدوج وفيه مطبات وكله شاحنات وتجاوزات ولا يفرق عن الطريق الاساسي والله مافيه فرق انا احسبها دايم والله ما القى فرق وبالعكس دخولك مع مكة ازين من الزيمة والجموم....
نصيحتي لك انك تغير زيوتك وتشيك على كفراتك وتعبي بنزينك من الطائف وتتوكل على الله وتمسك طريق السيل وتتجه لمكة ومن مكة لجدة ومن جدة للمدينة....
إذا ما كنت تبغى تدخل مكة فالأحسن إنك تتجه باتجاه مكة وقبل التفتيش بنصف كيلو تاخذ خط الجعرانة يمين وإذا جتك لوحة الاتجاه للنوارية خذ يسار حتى النوارية وتلقط الخط السريع إلى المدينة من عندها وتقع النوارية جنوب الجموم
مكشاتي متقدم
شكرا للاخوين تركي بن عازب والدرع العربي على تجاوبهما السريع 0000 0ياأخ الدرع العربي بارك الله فيك طريق النورانيه هل هو واضح بحيث مايتوه الغشيم
أبد
أنت اتجه معه 5 كيلو وتجد الجعرانة قبل ما تدخلها تلقى الطريق واضح رح معه يسار
مكشاتي متقدم
الله يجزيك خير0000ويحقق لك ماتمناهوجميع اخواننا المسلمين
يا ذيب صعافيق
إذا دخلت الموقع بإذن الله علمنا عساك استفدت وما تهت !!!
مكشاتي متقدم
اسمع وانا اخوك ............
طريق غير المسلمين اقرب واقل وقتا من دخولك مكة ثم طريق المدينة .. وافضل من ذهابك الى جدة ثم المدينه .... قالو وين اذنك ياجحى قال منا ... وانا عن نفسي ما امشي الا معه من المفرق الى وادي فاطمة ( اول طريق المدينة 65 كم يمتاز بالاختصار وقلة الوقت ويشينه كثرة الشاحنات المقبولة .. لانك لو دخلت مكة تبى تحوس لين تمسك طريق المدينة وخاصة مع الصيف وزحمة المعتمرين...
اما من قال ان الطريق لايمر بطريق المدينة فغلطان 200 في 100 ... جرب ولن تخسر .. وامش فى التهر ازين ومليان محطات ... وزينوه من تالي ...
مكشاتي متقدم
أخوي ذيب الطريق أنا مشيت معه أمس وشغلت العداد حق السيارة وبدأ العد من عند مقبرة الجفالي إلى مفرق الجعرانة اللي عند ا لتفتيش 102كم وبعدين تمشي 8 كم يجيك ملف النوارية بس ما فيه لوحة تبين الملف لأني تعديت الملف لأن ما فيه لوحة واللوحة واضحه للي جاي من عند الجعرانة المهم إذا أخذت ملف النوارية تجيك لوحة تقول لك النوارية 24كم الخط جميل والإسفلت مجدد لكن فيه عيب واحد وهو إن ملفاته خطرة شوي يعني ما تستطيع تتعدى 90 إلى 100 كم في السرعة وميزت الخط هذا ما فيه ولا إشارة ولا تدخل مكة أبد والخط يطلعك على تفتيش جوازات التنعيم ومواقف الحجاج وإن شاء الله أكون افتك بالطريق
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس