15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي متقدم
السلام عليكم ورحمة الله....
عندي لاندروفر قديم م/77 ويحتاج لبعض قطع الغيار (كراسي مكينه واصلاح الكلتش )
وين احصل القطع بسعر معقول علما باني في الرياض او ورشة متخصصه في هالجيوب.......
تحياتي................................
ان تعرف
شئ عن كل شئ
خير من ان تعرف
كل شئ عن شئ
...............{واذا خاطبهم الجاهلون قالوا سلاماْْْْ}.................
موقع الأخ / حميدان التركي
https://www.homaidanalturki.com/
مكشاتي متقدم
يا شباب
وينكم يالنشامى
تحياتي.........
مالك حل
الا انك تطلبها طلبيه
من الوكاله نفسها
لان
سياره قليلة الاستخدام و قديمه بنفس الوقت
تقبل تحياتي
مكشاتي متواصل
السلام عليكم
أخوي فيه ورشة فقط لسيارات الدفع الرباعي
جنوب الفيصلية تماما ما بينهم إلا الشارع الصغير
الميكانيكي سعودي أجودي وفيه إنجليزي يشتغل على الروفر
والقطع يجيبونها من موزع الروفر في الشرقية ( ما يحضرني إسمه لكن أسعاره تفرق كثير عن الوكيل )
مكشاتي متواصل
نسيت أقولك
إذا كان اللاند روفر من نوع ديفندر Defender
ودي أشوفه إن ما كان عندك مانع تبيعه
مكشاتي متقدم
الاخ ابو خلود
الورشة وين بالضبط .... ووش اسمها؟
بالنسبة للنوع اللي ذكرته ما اعرفه لكن الجيب م/77 (زي جيوب الحرس الوطني سابقا)
تحياتي.............................
مكشاتي متواصل
سلام
إسمها ورشة الدفع الرباعي
الموقع جنوب الفيصيلية
إشارة تقاطع العليا العام مع الثلاثين ... الفيصلية على يمينك ...وإنت رايح جنوب ..صح
من عند الإشارة لف يمين بتجيك محطة بنزين علي اليسار الورشة في نفس المحطة .
نعم هو الديفندر حق الحرس ... تبيع ؟
مكشاتي متقدم
يعطيك العافية ابو خلود
رحت للورشة واخذت القطع بس ماشفت لا السعودي ولا الانجليزي مالقيت الا مهندسين سودانيين بس سعرهم لك عليه
على العموم مشكور وما قصرت
تقديري.....................................
مكشاتي
كاتم اللهب ..
نصيحه بعه وافتك منه بكلفك واجد
مكشاتي
اخوي كاتم اللهب تحصل قطعه بتشليح الحاير وفيه ورش بالصناعيه القديمه يرهمون والمشكله ماهي صعبه وبالمناسبه ترى الاندروفر خوش سياره واكثر سياره مظلومه عندنا كأن مافيه جيب الا تويوتا او نيسان والاندروفر يجي اربع انواع الرنج والدسكفري والاندروفر الكلاسيكي المعروف واذكر يجي الى موديل الفين وفيه جيب صغير جديد مايحضرني اسمه تراهن ياخوان بالسوق طايحات اسعارهن وانا كان عندي دسكفري اخذته باربع وعشرين الف ريال نظيف مامضى على موديله اربع سنين من احسن مايكون وفيه قطع ارخص من التويوتا والنيسان ونشاط ومركب واقتصاديه بالبنزين مع انه ثمان سلندر وراسين مكينته ولا طلب علي شي 0
سبحان الله وبحمدة
مكشاتي
ترى اقصد بالطايحه اسعاره كل انواع الاندروفر ماعدا الرنج الموديلات الجديده0
مكشاتي متقدم
الاخ/ مرقاب
شكرا لك
ومثل ما قلت اللاندروفر خوش سيارة واكثر سياره مظلومه عندنا كأن مافيه جيب الا تويوتا او نيسان
اللاند روفر يتميز بالقوة والتحمل (الموديلات القديمة من واقع تجربة) ولكن عيوبة قلة قطع الغيار او عدمها احيانا ولكن بقليل من التفكير والتأني تستطيع ان تضع له قطع غيار سيارات اخرى
عزيزي /شرقان
السيارة قديمة جدا وللمعلومية تم شراء قطع الغيار (كراسي القير+اصلاح الكلتش )بمبلغ 100 ريال وركبتها شخصياً
اسأل عن قيمة كراسي القير الخاصة بالنيسان او التايوتا ولاحظ الفرق
تقديري.....................
مكشاتي
اخوي كاتم اللهب
فيه محل شفته بالصناعية القديمة متخصص بالاندر وفر قديم وجديد اسال عنه يمكن يفيدونك
اللاند روفر سياره عظيمه تستاهل الحب والعنايه
شف محل البدر يمكن مازال عنده قطع
اذا نزلت مع كبري دويرة الخرج في الصناعية القديمه باتجاه الجنوب يجيك على اليمين محل البدر
تلقى عليه علامة الروفر والجاكور
بالتوفيق
استمتع بهواية اللاسلكي ودع غيرك يتمتع بها كذلك
7Z1FM
مكشاتي متقدم
القناص
شرقان
شكرا على الفائدة
وابشركم السيارة تم اصلاحها والحمد لله
مرة اخرى اكرر شكري لكل من شارك بالموضوع
تقديري.......................
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس