بسم الله الرحمن الرحيم
والصلاة والسلام على نبينا محمد وعلى آلة وحبه أجمعين أما بعد :
الأخوة الأعزاء / بمنتدى مكشات
السلام عليكم ورحمة الله وبراكاته
عنوان الرحلة / سوالف ملك الزاجل... عن رحلة الشرقية.. مصورة ... وزيارة ( قافلة الخير)
اسمحوا لي اسولف عليكم لأنني من فترة ما لقيت أحد أسوالف عليه خوي ( ابو نواف) مسافر للحوطة (وأبو ياسر) بنيوزلندا ومديري ( أبو أبراهيم) بدبي في إجازة
لذلك أسمحوا لي بالسوالف ، نبدأ من وين أبدأ لكم أيه... تذكرت ... بعد نهاية دوام يوم الأربعاء الماضي الموافق 25/07/2007 وهذا اليوم المشهود للمنتخب السعودي .. كانت مباراة السعودية واليابان ... المهم كنت ضارب حسابي أني سوف أشاهد المباراة مع العيال في البيت مع أبو عبدالعزيز وأبو سليمان لكن تأخرت عليهم ولا طلعت من الملعب آه آه آسف من الشركة إلا الساعة الخامسة مساءاً كان يوم متعب تدريب من الساعة 7 صباحاً حتى العاشرة صباحاُ ثم اجتماع يعني عمل في عمل حتى موعد المباراة المشهودة والعيال يتصلون علي يبون يشوفون المباراة تدرون ليش يتصلون على لأنهم ما يعرفون يفصلون قنات المجد ويشبكون التلفزيون السعودي يبي له واحد فنان مثلي المهم وصلت بعد ما انتهاء الشوط الأول والعيال زعلانين ويتوعدون قلت ولا يهمكم ( إذا فازت السعودية أوديكم للشرقية رد على أبو سليمان وقال بسرعة نروح قافلة الخير قلت نعم لكن إذا فازت السعودية
المهم نادية المعزبة وقلت لها جيبي لي علاقة أثياب أبي أشغل التلفزيون وأخليه صافي علشان المباراة .... المهم شبكنا العلاقة وأشتغل التلفزيون وإلا السعودية واليابان متعادلين 1-1 وبدأ التشجيع أنا والعيال حتى فازت السعودية بعدها بدأ الجد
تدرون على طول العيال قال يا لله ودنا للشرقية " وأقسم لكم بالله أني تعبان جداً من الساعة 6 صباحاً وأنا أذاكر وبعدها اختبار وتدريب واجتماعات وغيرها من مشاكل لكن وعد الحر دين " المهم حملنا الأغراض بسرعة وبعشر دقايق قلت من اجل قبل الزحمة المهم مشينا بعد ما وصلت مخرج 15 تذكرت الكمرة رجعنا للبيت وصلينا المغرب ومشينا " العجله شينه "
واتركم مع الصور للرحلة أفضل من الكلام لأنكم مليتوا من السواليف
صوره للأجنجة العليا من الخارج "صدفه تعرفنا عليها بعد ما مريت على 6 شقق
مدخل الأجنحة
الاستقبال وتعامل راقي جدا
اللبي للأجنحة العليا
غرف النوم الرئيسية وبداخلها حمام
الحمام " أكرمكم الله "
غرفة الأشبال
من جهة أخرى
الصالة الرئيسية
يتبع أرجوا عدم الرد