15 نوفمبر 2015 - 16:514 نوفمبر 2015 - 21:27 منتديات مكشات


لمتابعة "الأحوال الجوية والرحلات" عبر جوال مكشات أرسل الرقم 1 إلى 809207 (اتصالات) - 601259 ( موبايلي )

::::::: تابعونا على تويتر مكشات :::::::


مرحبا بكم في منتديات مكشات

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
النتائج 1 إلى 6 من 6

الموضوع: يا اهل مكشات ابي اروح لصلالة وشلون

  1. #1
    تاريخ التسجيل
    Oct 2006
    المشاركات
    117

    يا اهل مكشات ابي اروح لصلالة وشلون

    بسم الله الرحمن الرحيم

    مساء الخير يا اخوان انا من الرياض ابي اروح لصلالة شلون او بمعنى ثاني اي الطرق اسلك ما ادري شلون اروحلها وهل العملة لازم اغيرها تكفون ساعدوني با اسرع وقت لاني ناوي ها الاسبوع امشي بعون الله

    ولكم فائق الاحترام,,,,,,,,,,,,,

  2. #2
    تاريخ التسجيل
    Nov 2006
    المشاركات
    196

    مشاركة: يا اهل مكشات ابي اروح لصلالة وشلون

    السلام عليكم ورحمة الله وبركاته

    ما ابي اطول عليكم


    عندي لكم وصف دقيق للطريق المختصر والمؤدي الى صلاله

    عند وصولك الى عبري ستجد بمدخل عبري وعلى يمينك مستشفى عبري أحسب من بعد المستشفى دوارين وبعدها تبي تجيك وكالة تويوتا على يسارك ومن بعد الوكاله مباشره دوار رح يمين لطريق مؤدي الى تنعم + حمراء الدروع مسافة 9 كيلوا تبي تجيك محطة بنزين ( شل ) لازم تعبي منها بالبنزين وبعد المحطه بــ 100 متر تقريبا يبي يجيك ملف على يسارك بعد المسجد رح معه مسافة 88 كيلوا يبي يجيك دوار اسمه ( نتيه ) رح معه يسار مسافة 15 كيلوا بعدين يجيك ملف على اليمين مؤدي الى عويفيه لف معه مسافة 100 كيلوا بالتمام بعدها يبي يجيك طريف مسقط صلاله لف يمين بأتجاه صلاله وهنا تلتقي مع اللي جايين لصلاله مع طريق نزوى و بعد 25 كيلوا تبي تجييك محطة المها بالغابه لازم تعبي منها بنزين يتبقى عليك الى هيما 218 كيلوا هيما فيها محطتين بنزين متوفر فيها ومن بعد هيما تتجه الى سيح الغافتين 100 كيلوا فيها محطة بنزين ومن بعد سيح الغافتين تتجه الى قتبيت بمسافة 123 كيلوا فيها محطة بنزين عب فيها بنزين ولا توقف بأذن الله الا في ثمريت وهي على بعد 80 كيلوا من صلاله

    المسافه من عبري الى صلاله عن طريق الطريق المختصر

    من عبري الى ثمريت 860 كيلوا

    من ثمريت الى صلاله 80 كيلوا

    ما ذكرته ماهو الا اضافه بسيطه لما تفضل به الاخوان في أكثر من موضوع وفقهم الله

    والله يحفظ الجميع


    هذا رد الأخ وثاب وفقه الله فى أحد المواضيع المشابهه

  3. #3
    الصورة الرمزية دغيم1
    دغيم1 غير متواجد حالياً

    مشرف قسم الرحلات ونائب مدير المركز الإعلامي

    تاريخ التسجيل
    Feb 2007
    الدولة
    الرياض
    المشاركات
    10,662

    مشاركة: يا اهل مكشات ابي اروح لصلالة وشلون

    اقتباس المشاركة الأصلية كتبت بواسطة F B I
    بسم الله الرحمن الرحيم


    مساء الخير يا اخوان انا من الرياض ابي اروح لصلالة شلون او بمعنى ثاني اي الطرق اسلك ما ادري شلون اروحلها وهل العملة لازم اغيرها تكفون ساعدوني با اسرع وقت لاني ناوي ها الاسبوع امشي بعون الله
    ولكم فائق الاحترام,,,,,,,,,,,,,
    السلام عليكم ورحمة الله وبركاته
    حياك الله أخي الكريم
    لديك الطريق الآتي :
    الرياض - الخرج - حرض - منفذ البطحاء - المثلث - مدينة العين - منفذ عبري
    يفضل ان تسلك طريق حرض نهارا وذلك لأنه طريق آحادي والرمال الزاحفة تغلق احيانا جزء من الطريق وكذلك لوجود الجمال - وهو طريق جيد ومختصر .
    بعد ذلك تجد على الرابط أدناه الطريق المختصر من منفذ عبري وحتى مدينة صلالة
    متمنيا لك رحلة سعيدة وآمنه
    تقبل تحياتي
    راحت حياتي وأنا أطري وأنا أنوي
    واللي بغيته نسيته يوم خليته
    أنا أحسب إني صغير وبالعمر توي
    لاشك شيبت وأحلىالعمر عديته

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  4. #4
    تاريخ التسجيل
    Oct 2006
    المشاركات
    633

    مشاركة: يا اهل مكشات ابي اروح لصلالة وشلون

    شف يالغالي الشباب ما قصروا معاك بالوصف بس انا بعطيك وصف شااااااااااااااامل وكامل من الرياض الى ان تصل الى مدينة العين وطبعا من العين للمنفذ ماهي مسافة طويله واعتبر نفسك دخلت عمان اما من منفذ عمان لين توصل صلالة هذي مسااااااااااافة الله يعينك عليها والعضو المكشاتي منتج رسمي ماقصر معاك من حيث دقة الوصف من المنفذ لين توصل صلالة...

    انا بعطيك من الرياض لمدينة العين.....


    شف يالغالي عندك طريقين توصلك لمنفذ البطحاء اللي هو حدودنا مع الامارات....

    الاول هو اتجاهك من مدينة الرياض تجاه طريق الشرقية وبعد تقريبا 280 كيلو تقريبا بيجيك مفرق الهفوف ( الاحساء) رح معه وبعد 100 كيلو بتكون بالحسا ومنها لطريق سلوى 100 ومنها لمنفذ البطحاء بحدود 250 كيلو ومن البطحاء للعين تقريبا 300 كيلو...

    اذا المسافة مع هذا الطريق بحدود 1030 كيلو لين العين فقط...

    وهالطريق بصراحة اضمن لك لانه من الرياض لين الهفوف مزدوج وخط نظيف ومساراته واضحة ومافيه زحف رمال....

    الطريق الثاني هو اللي ذكره دغيم1 وهو الرياض الخرج 90 كيلو ومن الخرج لحرض 250 كيلو ومن حرض للبطحاء 260 كيلو تقريبا ومن البطحاء للعين 300 كيلو تقريبا...

    والمسافة مع الخط بحدود 900 كيلو متر الى مدينة العين فقط...

    وهالخط من تتعدى الخرج لين توصل الحدود وهو كله شاحنات ومسااااااااار واحد فقط رايح جاي وزحف رمال واحيانا عج وعيبه هو عدم توفر المحطات وعب بنزينك من الخرج فل لان مافيه الا محطتين تقريبا من بعد الخرج وكلها تقريبا من بعد حرض واذا وصلت البطحاء عب فل من محطة ساسكو اللي بالحدود وشيك على الموتر...

    انا والله ما عطيتك العلم الا عن تجربة ومريت مع الخطين هذي كلها واعرفها زين وانا والله عن نفسي اذا الله كتب بمشي هالاسبوع لصلالة وباذن الله بسلط طريق الخرج واخاطر للمرة الثانية بس والله نصيحتي لك تمسك الطريق الاول اللي يمر بالحسا خصوصا اذا معاكم عائلة....

    ترى المسافات اللي ذكرتها لك ليست دقيقة ولكنها تقريبية وماهي فارقة كثير يعني لو اخطيت تراني اخطيت بفرق 10 او 20 كيلو فقط بس هي بهالحدود تقريبا...

    وترى الفرق بين الطريقين كله بالكثيييييييييير بالكثييييييييير خل نقول 150 كيلو فقط؟؟؟ طيب والله ماتستاهل

    خلني اخذها يساعة وربع اضمن لي


    عموما يالغالي سامحني على القصور وطريق السلامة
    القرآن الكريم بين يديك وبدون تحميل واقرأه وكأنك تقرأه بيدك على هالرابط
    .

  5. #5
    تاريخ التسجيل
    Aug 2004
    الدولة
    الغربية
    المشاركات
    565

    مشاركة: يا اهل مكشات ابي اروح لصلالة وشلون

    يالحبيب :/
    خط الخرج البطحاء فيه محطات واجد توني جاي منه اما من حرض الى البطحاء فيه اربع محطات .. وخذ العلم من واحد جاي قبل ابام توصل بالسلامة وزيدك بعد ... من حرض الى البطحاء انا افضله ليلا لان الهواء ليلا عادة مايخف بل غالبا .. الشي الثاني الرمال كلها تكون في طريق القادم من البطحاء وليس الذاهب ... بالتوفيق
    0557711177
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  6. #6
    تاريخ التسجيل
    Jun 2007
    المشاركات
    131

    مشاركة: يا اهل مكشات ابي اروح لصلالة وشلون

    مشكور على الموضوع



    ـــــــــــــــــــــــــــــــــ

    مع اجلوكو تصبح مليونير

    http://food2000.maktoobblog.com

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •