صح السانك ويعطيك العافيه
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
صح السانك ويعطيك العافيه
يا مرقب بالصبح ضليت اباديك ما واحد قبلي خبرته تعلاك
وليت يا ذا الدهر ما اكثر بلاويك الله يزودنا السلامه من اتلاك
يللي على العربان عمت شكاويك وليت يا دهر الشقا ول مقواك
واليوم هالكانون غادي شبابيك تلعب به الارياح من كل شباك
يا مالك اسمع جابتي يوم اوصيك واعرف ترى يا بوك بامرك وانهاك
وصية من والد طامع فيك تسبق على الساقه لسانه لعلياك
اوصيك بالتقوى عسى الله يهديك لها وتدركها بتوفيق مولاك
الله بحق اجدادك الغر يعطيك رضاه مع كل ما تمنى من امناك
احفظ دبشك اللي عن الناس مغنيك اللي الى بان الخلل فيك يرفاك
واعرف ترى مكه ولاها بناخيك لو تطلبه خمسة دواوين ما اعطاك
اجعل دروب المرجلة من معانيك وادراج سيسها على العز مرقاك
لا تنسدح عنها وتبغيني اعطيك جميع ما يكفيك ما حاصل ذاك
احذر امر ليعات تبيها لتاليك ايضا ويرخص عندها قدر مأواك
ادب ولدك ان كان تبغيه يشفيك واستسعفه من بعد مرباه يالاك
اما سمج واستسمجك عند شانيك ويفر من فعله صديقك وشرواك
والا بعد جهله ترا هو بياذيك لو زعلت امه لا تخليه يالاك
واحذر تضيع كل من هو ذخر فيك معروفه لا تنساه واوفه لعرفاك
ترا الصنايع بين الاجواد تشريك الى طمعت بركزها لا تعداك
واحذر سرور بغبة البحر يرميك ولا عنده افلس من تشكيك وبكاك
واوف الرجال حقوقها قبل تعنيك لا تعتمد بالعفو فالحق يقفاك
وهرج النميمه والقفا لا يجي فيك واياك وعرض الغافل اياي واياك
تبدي حديث للناس فيه تشكيك وتهيم عند الناس بالكذب واشراك
واذا نويت احذر تعلم بطاريك كم واحد تبغي به العرف واغواك
واحذر شماتة صاحب لك مصافيك والى جرا لك جاري قال لولاك
ولا تحسب ان الله قطوع يخليك ولا تفرح ان الله على الخلق بداك
ان اشتهى حط الطمع في تواليك لو ما لقيته يا فتى الجود يلقاك
والضيف قوم له حين يلفيك مما تنوشه يا فتى الجود يمناك
اكرم قباله فانها من شواديك وابذل له المجهود ما دام يعناك
واحذر تلاقي الضيف مقرن علابيك خله محب لك صديق اذا جاك
واوصيك زلات الصديق ان عثا فيك ما دام يغطاها الشعر فاحتمل ذاك
راعه ولو ما شفت انه يراعيك عساك تكسر نيته عن معاداك
واحذر عدوك لو ظهر بيصافيك خلك نبيه وراقبه وين ما جاك
لا تامنه فاطلب من الله ينجيك ويكفيك ربك شر ذولا وذولاك
شفني انا يا بوك بآ مرك وانهاك عن التعرض بين الاثنين حذراك
اذا حضرت طلايب مع شرابيك اسع لهم بالصلح واللاش يفداك
ابذل لهم بالطيب ربك ينجيك ولا تجضع الميزان مع ذا ولا ذاك
اما الشهادة ادها ان دعوا فيك بين عمود الدين لا عميت ارياك
بالك تماشي واحد لك يرديك طالع بني جنسك وفكر بممشاك
رابع اصيل في زمانك يشاكيك والى شاف خملاتك عن الناس غطاك
واحذر عن طرد المجفي حذاريك عليك بالمجبل وخل من تعداك
ثم العن الشيطان لياه يغويك ترا ان تبعته للشرابيك وداك
واوصيك لا تشتكي علينا بلاويك انت السبب اخذك عيونك بيمناك
واعرف ترا اللي وطا الفهر واطيك ولا انت اعز من الجماعة هذولاك
المسك يا راسي عن الذل واخطيك واحذر تكلم يا لساني حذاراك
والطف بجارك ثم قم دون عانيك وافطن الما يعنيك عن ربعة اخواك
يا ذيب وان جتك الغنم في مفاليك فاكمن الى حيث الرعايا اتعداك
من اول يا ذيب تفرس ابياديك واليوم جا ذيب عن الفرس عداك
يا ذيب عاهدني واعاهدك ما رميك .......ما رميك انا يا ذيب لو زان مرماك
والنفس خالف رايها قبل ترميك ..... ..ترا لها الشيطان يرمي بالاهلاك
ومن بعد ذا لا تصحب ال*** يعديك .......وعن صحبة الانذال حاشاك حاشاك
ترا العشير ال*** يخلف طواريك .... ...وانا ارجي انك ما تجي دون آباك
والهقوة انك ما تجي دون اهاليك ولا اظن عود الورد يثمر بتنباك
والحر مثلك يستحي يصحب الديك ..... ..وان صاحبه عاعا معاعات الادياك
لا تستمع قول الطرف يوم يلفيك ... ....بالكذب يقضي حاجته كل ما جاك
من نم لك نم بك ولا فيه تشكيك .... ...ويلاه قد ازرا رفيقك وازراك
عندك حكا فينا وعندي حكا فيك ... ....واصبحت كارهنا وحنا كرهناك
ما اخطاك ما صابك ولو كان راميك ... ....واللي يصيبك لو تتقيت ما اخطاك
مير استمع مني عسى الله يهديك ..... ..النصح يا مالك لك الله مولاك
عندي مظنه ما تمثلتها فيك واطلب لك التوفيق من عند مولاك
يا روعة أيامي ..
ولوعة حاظري ..
يا بهجة الخافق ومتعة ناظري...قرائتها مرارا ولم اشبع ...... نديم المجرة شكراعلي المتعه..,,
صح السانك وبيض الله وجهك
السلام عليكم ورحمة الله وبركاته,,
مسيت بالخير يانديم المجره,,
ماشالله تبارك الله على هالقصيده صح لسانك عزالله انها علاج,,
لاهنت تحياتي لك,,
صح لسانك ياشاعرنا عز الله انها قصيدة جزلة تقبل مروري
جهز الأشهب وخذ بالدار جولة * يا طرى ياسعود لك عشرين طاريللشمال وراس لينة لف حوله * بالفياض اللي مثل ريح القـــــــماري
وعليكم السلام
صح لسانك ياخوي وبيض الله وجهك
لا تفرح إن الوقـت أسعدك واعطاك = لابــد مـا ســود اللـــــــيالي تبكيـــك
دنــــــيا تقلـــب علــها مـــاتــولاك = تمسي عزيز وتصبح من الصعاليك
تقبل تحياتي لك اخوك...[عشقي الصحاري]
بالرغم من ان الغرض من الاغراض التقلديه الامر الذي قد يجعل من النص اقل فنيا من غيره في الاغراض الاكثر جذب للذائقه الادبيه الا اني المح ذكاء وحرفيه عاليه لديك اخي من حيث البناء العام للنص والبناء الداخلي للابيات فالنص في بناءه العام كان نصا دائريا بدء بحال الدنيا وانتهى بحاله مخالفه لكنها للدنيا وهذا جمال فائق في النصوص الدائريه
اما البناء الداخلي فاعتمد الصور العميقه المجزوءه المفتوحة التاويل المستقله الفكره لكنها كانت بالمجمل مربوطة الهدف وهي الحكمه والاجمل من كل هذا انه بامكانك تقديم او تأخير او اقتباس او اخذ او ترك بيت دون ان يؤثر ذلك على جمال النص
انت مدرسة فائقه يرتقي بها الشعر هنا اخي
تقبل تحياتي
النادر
الحمله اللي مابها جير شاهين=في ذمتي ماهي مع الصيد في جو
اليا تنادوا افزعو يالميامين=قبل يتقي ريشها عالي النو
إلى اقبلت تخفي عيوبك عن اعداك = وإلى ادبرت تظهـر عيوبك لاهاليـك
اغنم من صروف الدهر كانه امداك = قبل اللحد عن ظاهر الارض يخفيك
وترى التشكي للمخاليق يشــــــنـاك = يحط من قدرك ويفـرح امــعــاديـك
من روعة هذه القصيدة لازالت في المقدمة
على فكره منهو اللي تولجلك ((ابوحويل)) اخاف اللي يغار منك اكيد عرفته
اتمنى لك التوفيق يابوعبدالرحمن والله ياللي يخاويك يشتري قربك
صح السانك ابدعت
الطير والمقناص ومزارق الطيب .... اموت ما والله تخليت عنهن
صدق فاك بما نطق
صح لسانك يا نديم المجره
الذين يشاهدون الموضوع الآن: 1 (0 من الأعضاء و 1 زائر)