++ الشـرح المحـتكر .. لتطـبيق الـ HDR من زيـزوم المبـتكر ++

[بريد5]

درس ولا اروع

سلمت يالغلا

وباذن الله التجربة في الاسواق

[طارق]

عوده للموضوع ..


والله يازيزوم ما أدري وش أقول لك ؟؟

الأكشن لما أضغط عليه يفتح معي الفوتوشوب تلقائي ولا يظهر لي الخطوات المعروفه لتثبيته

طرت على بالي فكره قصيته من سطح المكتب ورفست به في هالمسار ..

C:\Program Files\Adobe\Photoshop 7.0 ME\Presets\Photoshop Actions

الغريبه الحجم اللي يظهر لي 1 كيلوبايت

شكل العمليه ما ضبطت

الشي الثاني الأكشن ما يظهر لي .. وبعدين عندي الفوتوشوب عربي كيف أحوله الى انجليزي لكي يتوافق مع الشرح

الله يعينك أبي أتعبك معي

أخوك / الضاري

نيابة عن اخي ومشرفنا زيزوم
تفضل مشرفنا الغالي الضاري
اولاً خير ماسويت بوضعه بالمسار فهذا هو المسار الحقيقي لكل العمليات ( Actions ) والفرش والستيالات
وحجم الاكشن صغير كما تفضلت 1 كيلو بايت وكل شي مظبوط الان عندك .
ولتحويل الفوتوشوب الى انجليزي او العكس اليك الطريقه
افتح الفوتوشوب
اختر تحرير (( Edit ))
ثم تفضيلات (( Preferences ))
ثم عامة (( General ))
اسفل المستطيل تجد العربية حوله الى انجليزي وموافق واغلاق الفوتوشوب
ثم اعد فتح الفوتوشوب وسوف تجده تحول الى انجليزي والعكس صحيح
ولاظهار الاكشن اختر التالي من اعلى قوائم الفوتوشوب
اختر اطارات (( Window ))
بالاسفل تجد جميع الاطارات الشغاله على الفوتوشوب اختر منها عمليات (( Actions ))

وهذا درس لمشرفنا زيزوم لطريقة تثبيت الفلاتر والاكشن اظغط الرابط اسفل

++(الشرح المعتبر .. لتثبيت الفلاتر و الأكشنات .. بالصور )++

وهذي صورة لتحويل الفوتوشوب الى انجليزي او العكس



واسف اخي زيزوم
بالرد بالنيابة عنك
اخوكم طارق

[دغيم1]

السلام عليكم ورحمة الله وبركاته

أسعد الله أوقاتك بكل خير - وجعلها الله عامرة بذكره
رفع الله قدرك - وجعل ماقدمته في ميزان حسناتك - ووفقك لكل خير - والجميع إن شاء الله
تشكر أخي الغالي : zaizoom

مجهود - وإبداع - وتفرد - ونشاط -
تعجز الكلمات أن تصف لك عبارة تستحقها لأن ماقدمته أكبر من ذلك
دورة تدريبة يحصل المتعلم على دبلوم في هذه العملية .
من خلال هذا العمل أصبح لنا تفرد في إيجاد صور جميلة وواضحة .
تسلم على المجهود لك الدعاء والتقدير
محبك : دغيم 1
الرياض

[الضاري]

ياعلك تسلم يابوطروق <<< تدليع طارق

أنت وزيزوم عينان في راس واحد

ياملا العافيه تم تحويل اللغه وسوف أقوم بالتجربه

وأعود اليكم

[الضاري]

أخي طارق مشيت بالخطوات صح

بس لما فتحت الأكشن طلع لي كذا ..

وش السواه الحين ؟؟؟

ما أشوف لا hdr ولا شي !!!

ترى طريقة التثبيت على خبرك ما غيرت شي

لأني أضغط على الأكشن اللي حملته يفتح لي برنامج الفوتوشوب تقائي

ولا يطلب أي شي بخصوص التثبيت !!

[نعمان الفهمان]

اولا

جزاك الله الف خير على الجهود المبذولة لاخوانك وكثر خيرك

ثانيا

دائما الصراحة الواحد ودة يعلق على موضوع او يبدي راية في شي لكن يضرب بريك ويقول لية اتلقف او افرض على احد رايي


لكن هالمرة ابشيل البريك وابدرعم
شغلك هذا قهر وضلم انة يروح بلوشي يعني نعم استفيد انا وكم واحد من الشباب الي اطلعو علية لكن برضة غير كافي

سبق للاخ النحاسي وضبط احد مواضيعك وخلاة ملف
ليتك والله تشوفلنا حل وتضبط( كل مواضيعك) الي فيها شروحات لمعالجة الصور وتخليها بشكل ملف
يعني انت بذلت جهد جبار بالمواضيع هذي كمل معروفك طيب هههههههه
انا والله ما ودي احرج النحاسي اقولة زينهن مثل المرة السابقة هههههههه


خل عنوانك يدا بيد نساعد العجازين ومحاكيك اولهم

بيض الله وجهك وكثر من امثالك ياولد القروم

[الضاري]

أخي زيزوم أخي طارق

ياعلكم تسلمون يارب

أبشركم ضبطنا الطريقه بحذافيرها

العجله وما أدراكما ما العجله هي السبب في عدم ظهور الأكشن

رجعت للموضوع الاول للرائع والمبدع زيزوم ومشيت على كلامه خطوه خطوه

وشوفوا النتيجه ..

هذي صوره مركبه .. وسميتها ( ما على الله بعيد ) سبحانه



وهذه بعد التطبيق ..



تحياتي

[zaizoom]

أهلا وسهلا بكم جميعا أحبتي الكرام ..

أستأذنكم بتقــديم أصــحاب الاستــفسارات بالــرد ..

.
.

( طارق )

هلا بك يالغلا .. مرورك شرف لي .. الله لا يحرمني من طلتك ..

أبهى صور التعاون تتجلى في أخلاقك وتعاملك ..

نعم الشرح ما قمت به للرد على الأخ الغالي / الضاري .. حول استفسار الفوتوشوب ..

ولا أزيد على شرحك إطلاقا .. فلقد وفيت وكفيت .. الله لا يحرمك الأجر ..

ولا تستأذن مني .. فالموضوع منك ولك .. وكاتبه تحت أمرك يالغلا ..

.
.

بالنسبة لصورتك المرفقة .. محاولة رائعة ..

لكن ما سبب ظهور الهالة العجيبة ؟

لأني قمت بتطبيق الطريقة على صورتك الأصل ، ونجحت معي .. ( على عجل )

راجع الطريقة بالضبط .. فلربما هنالك نسيان لخطوة ما .. جل من لا يسهو ..

شاكرا لك تعاونك المثمر .. فالموضوع لك .. وأعتذر لإزعاجك بالردود على المستفسرين ..

دمت بود أيها الشهم ..

.
.
.

( الضاري )

هلا والله وغلا يبو ضاري .. آسف لتأخر الرد .. ما كنت موجود يالغلا .. وطروق ما قصر ..

الحمد لله إن أمورك زبطت تمام الآن .. وحنا برسم الخدمة وأنا أخوك .. اسأل لما تمل ..

ولزيادة التوضيح :

ولا تتعجل ثاني مرة .. ففي العجلة الندامة << ظريف الليلة ..

بالنسبة للتطبيق فهو رائع .. وبداية جميلة جدا .. ( ما على الله بعيد ) ..

ومع الممارسة .. ستتقنها بالتمام ..

وأي استفسار أبشر بعزك .. تكفى نشط الموضوع بالأسئلة .. دمت بود ..

.
.
.

( نعمان الفهمان )

حي الله شيخ العجازين .. ما خبرت راعين الصيد كذا ؟.

لا ومن البدايع بعد .. والله ونعم ..

لا وأنا أخوك .. تكفى درررررررررررررعم على طول .. ما نبي مجاملات ..

فالموضوع منكم ولكم .. والفائدة لكم ..

وأبشر بعزك .. غدا تلقاه محمل بصيغة HTML .. وش تبي بعد .. آمر يالغلا ..

ونحن تحت خدمتكم أيها العجازين ..

دمت بود ..

.
.
.

[التايغر]

هلا والله وغلا اخوي زيزووووم

الف الف الف شكر لك على هالموضوع وعلى الشرح الوافي والله يعطيك الف عافيه على ما بذلته من جهد

وفعلاً جهد يستحق الشكر عليه لتميزه واهميته

وكفيت ووفيت

طبعاً حتى الان مازلت موجود في فانكوفور

وجبت معي تطبيقي على الصورة وان شاء الله تنال على اعجابكم

معلومات سريعه عن الصورة : في جبال ويسلر - منطقة بريتش كلومبيا - كندا

تمثال مبني فوق الجبل للاولمبياد 2010 وارتفاع الجبل (ويسلر) 6000قدم يعني الظاهر 1.8كليو
------------------------
وهذي الصورة الاصلية



وهذي بعد تطبيق الدرس



والله يعطيك العافيه اخوي زيزوووم المتميز

والف شكر لك

[(محمد العبري)]

لاجديد يذكر إبداع يتجدد
وتفاعل طبيعي لموضوع رائع من عضو ومشرف رااااائع
تحياتي لك على مثابرتك وجهدك وحرصك وإهتمامك
اشياء كبيرة تقدمها الله ينفعبه ويعيننا على رد جمايلك فهذه الدروس لو قيمناها مادياً لكانت ((بالشي والشويات ))ويمكن لو دفعنا ماحصلنا مثل هذا الشرح لمستفيض والسهل اليسير
لو سمحت نفسي بأن استمر بالكتابة لكتبت
ولكن أقول
أجزل الله لك المثوبة
دمت مبدعاً

[فيصل الضويحي]

يامال العافيه والله

موضوع تشكر عليه الصراحه

متكامل من جميع الجهات

الله يعطيك العافيه ومخاقصرت

اشكرك من اعماق قلبي

[وكيل مدرسة]

	ما أقول إلا Professor creativity

[سامي العنزي]

ماشاء الله تبارك الله عليك اخوي زيزوم مبدع
الشرح وافي ومجهود متعوب عليه .
فعلا الطريقه خياليه جدا .
تسلم يمينك يامخرجـــنا .( والله انك خطير )!!

[ريف النشاما]

مشاء الله تبارك الله

كعادتك مميز مشاء الله

بارك الله فيك وبيض الله وجهك على هذا الأبداع

[الضاري]

الله لايهينك يالغالي وما ننحرم منك إن شاء الله

وشرحك مايبي له كثر أسئله واضح وسهل

تسلم والله يعطيك العافيه