استشارررررررره تكفون يالنشامى اشتريه ولا لا Gx

[شبراق]

السلام عليكم ورحمة الله وبركاته


بالخير ياخواني
قلت مالي والله الى استشير اخواني في مكشات

امس لقيت لي GX هدد موديل 98 الون بيج ماشي 250 الف الموتر ماجاه صدوم جايه ضربه خفيفه تحت باب السواق مابينت والله بالحيل الموتر شكله نظيف وراعيه راكد ماجاه بر وقفته زينه بالحيل الخلفيه بيبان ماهو شنطه اصطباته عاديه داخليه نظيف بالحيل يقول يسام 52 الف
ونا والله ماعمري شريت تايوتى دايم بالباترول لكن والله هذا اعجبن بس والله ماعرفلهن ولا اقيامهن وشرايكم يالربع
زين سعره ونا سمعت ان موديل 98 و 99 ماينفع هل هذا صحيح ؟

انصحوني الله يجزاكم خير

[عاشق السيل]

وعليكم السلام ورحمة الله وبركاته ،،

أما بالنسبة لموديلات 98 ، 99 إنها ماتنفع !! هذا الكلام غير صحيح ،،

رغم إني أستخدم باترول وأفضله على اللاند إلا إني أقول اللاند ممتاز بكل موديلاته ،،
وإذا كنت راعي بران وطلعات كثيرة أنصحك تاخذ الموتر بلا تردد وأما السعر أشوف إنه غالي شوي بس يمكن هذا سعره (( الله أعلم )) ،،
أما إذا كنت تبي تستخدم بالمدينة وطلعات البر حسب المزاج أقولك ترا الموتر يبي يتعبك لأنه غير مريح وخاصه إنه قير عادي ،، وبالتوفيق يالغالي ....

[هاوي الله]

الله يشري لك الجديد بإذن الله

[بومعطش]

ياغالي الموتر قيمته أتوقع أنها غاليه على ممشاه وموديله؟؟
شكل الموتر سعودي صح؟؟
انصحك تشوف غيره والله يوفقك بالموتر الطيب

[هاوي الله]

الطيب يبشر بالخير إن شاءالله

[شبراق]

الله يبيض اوجيهكم جميعاً وماقصرتو

عاشق السيل

والله انا راعي مقناص يعني دايم بالبر بالنسبه للسعر والله تقدر تقول غالي بس اغدين اصبر اشوي

ماقصرت بيض الله وجهك يالغالي

------------------
هاوي الله

امين وياك انشاءالله
الله يجزاك الف خير

-------------------
بومعطش

الله الله الموتر سعودي

الله يعطيك العافيه

[بواسامه]

ياهاوي
اسمك فيه شي في النفس
وردك كذلك ((الله يشري لك الجديد بإذن الله))
الله مايشتري لاحد
تعالى الله عما تقوله علوا كبيرا
لا تقل قصدي كذا فالناس لهم ماتضح من العبارة
لا ماتكنه في قلبك
بل قل مانفهمه من لغتنا العربيه الله يرزقك بسيارة جديده

غفر الله لي ولك

[ابودوس]

السلام عليكم ورحمة الله وبركاته

بالخير ياخواني
قلت مالي والله الى استشير اخواني في مكشات

امس لقيت لي GX هدد موديل 98 الون بيج ماشي 250 الف الموتر ماجاه صدوم جايه ضربه خفيفه تحت باب السواق مابينت والله بالحيل الموتر شكله نظيف وراعيه راكد ماجاه بر وقفته زينه بالحيل الخلفيه بيبان ماهو شنطه اصطباته عاديه داخليه نظيف بالحيل يقول يسام 52 الف
ونا والله ماعمري شريت تايوتى دايم بالباترول لكن والله هذا اعجبن بس والله ماعرفلهن ولا اقيامهن وشرايكم يالربع
زين سعره ونا سمعت ان موديل 98 و 99 ماينفع هل هذا صحيح ؟

انصحوني الله يجزاكم خير

اذا كان داخليه بيج قيمته حول 60الف واذا داخليه ازرق
هذي قيمته وتقبل تحياتي

[شبراق]

ابو دوس داخليه ازرقالله يجزاك خير ماقصرت

[الدحبول]

50 تجيب 98 Gxr