عاجل: زجاج سيارتي ... مالحل؟؟

[أبو علي 444]

السلام عليكم ورحمة الله وبركاته..


أرجوا مساعدتي في تغيير الزجاج الأمامي لسيارتي فياجرا موديل 2003 ..

وذلك من خلال تغييرها ..

هل أغيرها في المحلات بالصناعية ..أو بالوكالة ((الجفالي))..؟؟

وإذا كان هناك محلات بارعة في التركيب فأرجوا كتابتها هنا ..

مع العلم أن موقعي الرياض ...ويُفضل أن يكون موقع المحل بشمال الرياض ..

وجزاكم الله خير

[شمالات نجد]

الصناعية القديمة المحل اللي عند الإشارة الجنوبية للصناعية (كبير وعلى شارعين لا أذكر أسمه) رح وأسألهم هناك قبل التركيب وإن شاء الله إني متأكد أنهم بيعرفون لها لأنهم ما بقي سيارة ما ركبو لها زجاج.
بارك الله فيك

[أبو علي 444]

مشكور أخويAbo Azaam

وجزاك الله خير ..

بالنسبة للصناعية القديمة تراني اسمع بها ولا قد شفتها ..

فياليت لو توصفلي المحل بدقة ..

وياحبذا لو كان المحل بالشمال

[alkongrs]

السالم الي بصناعية القديمة

[speed 557]

السالم الي بصناعية القديمة على شارعين شارع العنوز تقاطع الخرج القديم

[شمالات نجد]

بوصف لك وأنا جاي من بيتنا (حلوه)

شف وأنت جاي مع الدائري الجنوبي تطلع مع مخرج الصناعية أتوقع (مخرج الخرج "شمال") وعلى طول يجيك كبري رح من فوقه وبعد ناسي إذا فيه كبري ثاني المهم أنت روح طوالي حتى توقف عند الإشارة وشف في الركن الشمالي الشرقي أول محل بعد الإشارة على شارعين على اليمين لا يحظرني أسمه.
أنا معجب في شغلهم جداً حتى في أيام العيد فاتحين (سبق وتوهقت)
وشفتهم يركبون زجاج امامي حق مرسيدس (باص كبير) الزجاجة تكاد تكون أكبر من سيارتي الصغيرة

بالتوفيق

[المنبسط]

السلام عليكم
اضم صوتي لصوت من قال السالم للزجاج
الدائري الشرقي , متجه للجنوب بيجيك مخرج الخرج جنوب ادخل معه ثم بيجيك كبري ارقه ثم بتجيك اشارة شفه في الزاوية اللي قدامك .
المنبسط

[منتعش]

حي الله أخوي الغالي
نصيحة لك
إذا كان الكسر صغير
فأنصحك لا تغير الزجاج ورح لإصلاح الزجاج وصلحة والمحل في الصناعية القديمة عند اإشارة
والسبب : أن تغيير الزجاج غالباً بعد التركيب يحدث أصوات وتنسيم وعند المطر تشوف التهريب
أما إذا كان الكسر كبير ولا يصلح فالله يعينك تدور محل مضبوط وتأخذ عليه ضمان
والله يوفقك

[أبو علي 444]

مشكورين على الردود جميعاً

يعني تنصحوني بمحل السالم ...

لكن الوصف أبيه بدقة شوي الله لايهينكم

[VXR.2007]

السلام عليكم هذا المحال السالم والله اعلم اسال الاخون لتاكيد

[VXR.2007]

????????????????????????/

[أبو علي 444]

منتعش حياك الله

الكسر كبير وواضح ..

[أبو علي 444]

Vxr.2007

مشكور أخوي وماقصرت ...

[أبو علي 444]

للرفع للأهمية