باجيروا 3800

[abu naif]

مساء الخير اخواني اعضاء مكشاتي
استشيركم في الباجيروا مكينة 3800 او 3000 ايهما الافضل من ناحية الاستخدام في البر والمدينة
وكم سعره في المعارض بالنسبه للمستخدم وجزيتم خيراً

[ابومالك1426]

طبعا الافظل 3800
القيمة للفل عند الوكالة 128 الف ريال
114 الف ريال بدون مواصفات
اما المستعمل احد الشباب باعه 103 الف ريال بدون مواصفات مكينة 3800

[أ.الخزاعي]

ميتسوبيشي باجيروا اربعة أبواب 2007م نزل منه نوعين أو دفعتين بمكة
الدفعة الأولى الفل أوبشن ب97ألف
الدفعة الثانية وشكله مرررة جنان ب13ألف
وأنا أفكر إني أشتريه بس يقولون إنه مو راس مال ولا يجيب سعر مثل اللاند كروزر

[abu naif]

يأخون كم سعر الباجيروا الي مديله 2004 وفوق المستعمل

[رجل كريم]

مسا الورد,

طبعا 3800 متفوق بشكل كبير على 3000 من جميع النواحي ..في المدينة والبر ..

تحياتي..

[الربذي]

الخزاعي وشلون ب113 وعندنا الفل 2007 ب128الف

[جمعان 22]

انا جربت ال 3000

ما شفت منه شيئ غير انه يفتقر ..للنشط

وما كان هالشيئ يهمني ابدا

ولكن الافضل 3800

والسيارة ممتازة جدا

[رجل كريم]

وأنا أفكر إني أشتريه بس يقولون إنه مو راس مال ولا يجيب سعر مثل اللاند كروزر

يعني تطيح السيارة مهما كانت ممتازة وتلبي الطلب عشان سعرها مايمسك زي التويوتا .. دام كذا الواحد يخلي فلوسه في جيبه اضمن له , ولاياخذ ميتسوبيشي ولا تويوتا وياخذها مشاوير بالتاكسي .. اسمحلي هذي النظرة قاصرة وغير منطقية ..

اخوي الخزاعي اعتقد ان نظرتك هذي قديمة سيارتي شاريها بتسعين الف موديل 2004 وماشية 165 الف كم وسيمت من الشريطية بـ 55 الف ريال . بعد اربع سنوات من الاستخدام .. اتمنى انك تزور المعارض وتشوف ان سعر السيارة ارتفع اكثر من السابق بكثير ,, وصدقني ماراح تلقى السيارة هذي بكثرة في المعارض لان اللي يمتلكها مايفرط فيها بسهولة حتى لوكان مايجيب راس ماله ..

تحياتي ..

[أبو بتال]

الباجيرو يااااااااخوي ممتاااااااااااز انا اخذت الاسبوع الماضي باجيرو 2004 فل كامل نظيف جدا ولله الحمد ومن جد سيارة مالها مثييييييييييل ابدا سواء فالبر او فالمدينة وانا اخذتها ب 65000 (اغلى من سعرها حول 3000 بس اللي يشوف نظافتها يعرف انها تستاهل )وتراها ماشية 49000

[anas]

انا معي 2004 فل كامل 3800 ، بصراحة ممتاز في البر والمدينة واقتصادي في البنزين وتعبيه بنزين 91 ، لكن في السفر لك عليه من ناحية عزل الهواء .

[المميـز]

من واقع تجربتي

2004 مكينه 3000 ماشاء الله تبارك الله موتر

يعجبك بالبر وبالديره والسفـــر

وبالنسبه للجديد 2007 تغير شكله ومن وجهة نظري تغير الى الافضل

وصار على عدة فئات

يعني فيه نوع مكينته 3000 ومواصفاته عاديه وسعره بـ 88000ريال

وفيه نوع مكينته 3000 ولكن ( فتحه - ثلاجه - مثبت ) بـ 97000ريال

وفيه نوع سياحي مكينته 3800 سعره بـ ؟؟؟؟

وفيه نوع فل كامل مكينه 3800 ومواصفاته كل شيء فيه بـ 128000 ريال


وهذي صورة الفل كامل منقوله لكم من احد المنتديات