سؤال بخصوص جيب الهدد التابع لعبدالوهاب اليحيى ؟؟؟

[علي عليوه]

أنا رحت اليوم العصر لمعرض عبدالوهاب اليحيى بالرياض

وهذي المرة الرابعة تقريبا اللي اروح لهم وأسألهم عن هدد 2007

وبكل مرة الجواب منهم هو :

موديل 2007 خلاص انقطع

وما راح نجيبه ابد

السؤال /

هل كلامهم صحيح وإلا حركة إغراء للزبون

اللي أنا مستغربه ليش 2007 بالذات هو اللي ينقطع

بينما 2006 يحطون عليه تخفيض 10000 الاف ريال

أمرهم غريب فعلا !!!!!!!

أرجو من أصحاب الاختصاص بالتسويق وذوي القدرة على فهم الفلسفات التسويقية

تحليل هذه المسألة وطرح أي فكرة تدور في باله

[ابوريناد1979]

كانك تبي تستخدم ورا ماتاخذ 2006 ووفر 10000 ماهنا فرق كبير
(مجرد ابداء رأي)
وتقبل مروري

[حطاااااب]

السلام عليكم ورحمة الله وبركاته
الاخ 0 0 0 علي
الكلام صحيح انا دورت من عند اليحيى هدد مالقيت
طبعا اللي بالدمام وقلت شف لي في فروعكم بالمملكه
قال للاسف مافي وانتهت
وكثر انتهاء من الموديل هذا لتوخف الناس
من موديل 2008
تحياتي لك

[علي عليوه]

أبو ريناد رأيك على عيني مو على راسي

بس انا ابي جديد وخلاص مستعمل ما ابي لو يكون ما يكون

ودي اجرب الهدد جديد

ورايك اعتز فيه بقوة

ـــــــــــــــــــــ

حطااااب

أشكرك جزيل الشكر على معلومات وبصراحة وفرت علي البحث عن أرقامهم بالشرقية

الله يعزك ويوفقك

وكلامك مقبول جدا وهذا اللي انا خايف منه

[ابو مريم]

الشركه تبي تطرح طراز جديد كليا وتبي تضمن سوق له
السبب اللي خلى اللي مراوي على الشراء يجزم ويجمع دراهمه
ويجزم على اقتناء الهدد 2007 تخوفا من الطراز الجديد واعتقد ان العدد كبير
لان الناس يعرفون ويثقون بالشكل القديم ويعرفون ان الموديل الجديد ما راح يكون نفس كفاءة 2007
وهذا اللي خلاه ينقطع من السوق
لو تذكرنا عام 97 صارت نفس الحركه
وارتفع سعره والسيارات الموجوده في المعارض اصبحت محدوده
والله اعلم

[علي عليوه]

أبو مريم بارك الله فيك

وصدقني كل خوفي من هذا الامر

والقهر اني ابي ذهبي وما حصلت وكان الابيض موجود بس أتغلى عليه للأسف

وفجأة حتى الابيض انقطع والاسبوع الماضي حصلت واحد ابيض بفرعهم بالقصيم

وتأخرت شوي قالو راح يعني ما هو مكتوب لي ولله الامر من قبل ومن بعد

انا سؤالي هل هي حركة من اليحيى والا كلامهم صحيح

والله يستر ما يكون احد عيالهم يقرأ الموضوع ويدبل الاسعار

ويحق له ما فيه أحد ما دبل سعره من التجار الله يدافع !!!

[ابو مريم]

المواتر اللي راحت عليك لا تندم عليه ما تدري وين الخيره واصبر وانا اخوك
وما اظن انه حركه منهم ولا كان يقولون يبي يجينا بس اصبر لا تستعجل مثل شغلهم اول لازم حجز وعربون
يعني ما يقولون لك خلاص انقطع من السوق وما راح يارد
المصلحه بالاول وبالاخير لهم
لاكن الاكيد انه ما راح يرتفع سعره اكثر يمكن يمسك سعره لاكن الارتفاع ما اظن
وراح تلقى ان شالله بالمعارض اذا ما لقيت جديد راح تلقى اخو الجديد
لابد فيه ناس يحتاج ويبيع بس لازم المعارض خصوصا معارض القصيم والرياض
وموفق خير ان شالله
وصاتي لك لا تكره شي الله كاتبه ولا تستعجل
والله اعلم

[علي عليوه]

اشكرك اخوي ابو مريم والله يكثر من أمثالك

ونصائحك تاج على راسي

والله يكتب لنا الخير جميعا

[ابوريناد1979]

أبو ريناد رأيك على عيني مو على راسي

بس انا ابي جديد وخلاص مستعمل ما ابي لو يكون ما يكون

ودي اجرب الهدد جديد

ورايك اعتز فيه بقوة

انا اقصد خذ 2006 جديد (أصفار) اذا موجود
مستعمل و 2006 لو يفرق 20000 عن 2007 لاتاخذه

[سعد777]

انا مثلك دورت هدد عندهم في الدمام وقالو انقطع
وشريت فورد اكسبدشن من الحسره 4×4

[علي عليوه]

أبو ريناد 2006 هذا انساه واعتبر إنه من التراث

لأنه مستحيل تحصله جديد

وأشكرك على طرح رأيك

..........

سعد999

الله يعطيك من خيره ويكفيك شره

وأعتز بمداخلتك

[الدحبول]

2007 انقط من السوق وما توقع تحصل لان الناس هابين علية يقول المديل 2008 مهوب زين تعرف أشاعات
مثل ما قال الاخ ابو ريم كان 97 شيخ
انصحك ما تتسرع وتصير مثل الناس
إنتظر 2008 بينزل في أكتوبر أو نوفمبر 2007
يعني شهرين أو 3 أشهر

[بدنية2002]

انصحك نصيحه اخويه ان تنتظر الي موديل2008

[توم كروز]

يقلون 2008 تغير شكلة هو صحيح الكلام

[الوافي99]

أنا رحت اليوم العصر لمعرض عبدالوهاب اليحيى بالرياض

وهذي المرة الرابعة تقريبا اللي اروح لهم وأسألهم عن هدد 2007

وبكل مرة الجواب منهم هو :

موديل 2007 خلاص انقطع

وما راح نجيبه ابد

السؤال /

هل كلامهم صحيح وإلا حركة إغراء للزبون

اللي أنا مستغربه ليش 2007 بالذات هو اللي ينقطع

بينما 2006 يحطون عليه تخفيض 10000 الاف ريال

أمرهم غريب فعلا !!!!!!!

أرجو من أصحاب الاختصاص بالتسويق وذوي القدرة على فهم الفلسفات التسويقية

تحليل هذه المسألة وطرح أي فكرة تدور في باله

اوالله الشيك 10000 بسنه