عندي مشكلة بالسفاري وابغا حل تكفون يالربع

[خشمً طيب]

المشكلة في السوبر سفاري 99 وهي بالمكيف تبريد ضعيف او معدوم اذا كان واقف ومع الممشى يبرد شوي

الفريون مع الزيت مافاد والفلتر غيرناه والمشكلة لقيت اثنين من الشباب ويقولون نفس المشكلة بعد ممشى 25000

[مقلب]

ربما يكون السير مرتخي شوي
شد عليه وجرب ,,, وانشاء الله ينفع
تحياتي

[ابونايف الروقي]

السلام عليكم
اخوي ممكن سوال وين فيه مكان فلتر المكيف حق السفاري ؟

[عاشق السيل]

تاكد من نوعية الفريون إنها مناسبة للسفاري وإلا لا !!

تراي أنا قبلك تبهذلت من الكمبروسر يطفى على كيفه ومبهذلني بالحر واكتشفت إن نوعية الفريون غير مناسبة وغيرت الفريون وصار تمااااااااام والحمد لله ،،

وإذا كنت بالرياض ممكن أدلك على سوداني جني بالمكيفات بالصناعية القديمة أكيد راح يريحك من هالمشكلة ..

[خشمً طيب]

السلام عليكم
اخوي ممكن سوال وين فيه مكان فلتر المكيف حق السفاري ؟

حول الدرج اللي قدام الراكب يابعد راسي

[خشمً طيب]

تاكد من نوعية الفريون إنها مناسبة للسفاري وإلا لا !!

تراي أنا قبلك تبهذلت من الكمبروسر يطفى على كيفه ومبهذلني بالحر واكتشفت إن نوعية الفريون غير مناسبة وغيرت الفريون وصار تمااااااااام والحمد لله ،،

وإذا كنت بالرياض ممكن أدلك على سوداني جني بالمكيفات بالصناعية القديمة أكيد راح يريحك من هالمشكلة ..

مشكور يالغالي وانا بالجبيل ولاكن امر الرياض دايم عطني وين محل السوداني ولا تهون

[bmw_07450]

السلام عليكم
اخوي ممكن سوال وين فيه مكان فلتر المكيف حق السفاري ؟

اذا كان موترك مثل الي في الصوره ترى مافيه فلتر فيه ثلاجتين الثلاجه الاولى تحت الدرج
والثلاجه الثانيه للمكيف الخلفي وموقعها يسار الباب الخلفي.
وترى فكها صعب شوي وطبعا اذا فكيتها راح يروح الفريون عليك
وسلامتك

[ابو شجاع]

السلام عليكم رحمة الله وبركاته:
اي ولله يااخوانى تراى اعانى من تكييف الموتر حقي بس معى (ربع) فل كامل 2003 قالى واحد تأكد من الثلاجة حقت المكيف هي نظيفة والفلاتر بس ماحبيت العب فيه الا اذا لقيت واحد تنصحون به وخصوصا الصيد
جاى وفي الرمضان نحتاج المكيف اكثر من اي وقت

[خشمً طيب]

الله يسهل والله يجيب الحل

[سفاح الضبان]

اخوي شيك على مروحة المكينه ترا لها علاقه وكذلك التشوك للمكيف

[ابو فيصل 99]

السلام عليكم
اخوي مشكلتك الكمبوريسر ضعيف ميه بالميه
يحتاج الى تصليح او تبديل

[دحيم العبود]

اخي فيه تماتيك للمكيف قد يكون سبب مشكلتك حيث انه يعمل على رفع الابنص للسياره عند التوقف وقد حصل معي نفس الخلل ووجدت احد اليات الواصله اليه فيها تهريب ( علما ان السياره ليست سفاري )

ارجوا التاكد من عمل تماتيك المكيف

[البريداوي 872]

اخوي انا عندي باترول 97المكيف اول ماتشغله تموت من البرد لكن اذا مسكت خط يقفل المكيف مايطلع الا صوت وقالولي المشكلة من التوماتيتك حق الكمبرسر لانه الكتروني

[خشمً طيب]

جزاكم الله خير

[صمت اللقاء]

السلام عليكم

اخوي مشكلتك الكمبوريسر ضعيف ميه بالميه
يحتاج الى تصليح او تبديل

مثل ما قال لك اخونا

المشكله في الكمبوريسر ضعيف

انا معي نفس مشكلتك في سفاري 99 ولفيت الرياض ولفيت عندنا بعد اجمعوا كلهم على الكمبوريسر ضعيف يبي تبديل

واذا لقيت حل علمني .

تحياتي