انا ضيف عندكم يهل الرياض

[السعساع]

السلام يهل الرياض الكرام ابي منكم خدمة موقع وكيل كفرت وكيل مشلاان اللة الهينكم ابي الجي من الشرقية الى الرياض ومدل بس الي يعرف الموقع يوصفلي وهل يوجد صناعة فرنسية او مريكية وش الفضل لكم تحياتي

[ابوريناد1979]

حياك الله ,,,, وتوصل بالسلامه ان شالله
والله مدري وين وكيل ميشلان
بس رح لشارع الغرابي بالبطحاء في 20 الف محل كفرات رح وسعر لين لتقى ارخص محل وضمانه ضمان الوكيل
اذا تبي وصف الشارع ارسلت لك موقعه عالقوقل ايرث
تحياتي

[aziz2727]

وكيل مشلان عند كبري الخليج
شف الله يسلمك تجي من طريق الخليج متجه من الشرق الى الغرب ، تمسك الخدمة من بعد شارع النهضه بيجيك دوار شارع الاحساء وخذه وتعده بيجيك شارع الستين ارجع من عند اشارة شارع الستين بتشوف شكل كفر كبير هذا هو الموقع

[وسيـع البـنايد]

السعساع

ياهلا ومرحبا - مثل ما قال أخوي أبو ريناد عليك بالغرابي أزين لك من الوكيل ( الجفالي )
الغرابي محلات كثيرة وسعر زين وتقدر تبيع عليهم كفراتك القديمة - المستعملة -
وبالنسبة للصناعات فيه ميـشلان ألماني - فرنسي - أمريكي والأسعار متقاربة جداً فيما بينها
لا تستعجل واسأل أكثر من محل .. موفق خـير

[برق تميم]

اخوي السعساع اكثر محلات الغرابي الجنسيه اليمنيه والله حراميه انتبه لهم الكفرات الي عندهم قديييييييييييييمه ناظر التاريخ تاكد منه

واذا موتر بر لا تعدى دلنوب

[السعساع]

شكرن للجميع ابي را يكم الحسن الصناعة الفرنسية او المريكية

[وسيـع البـنايد]

بالنسبة للصناعة - وجهة نظري - وبالمعلومة اللي عندي
إن ميشلان في كل دولة لها مصانع وهي مشهورة وفيه أكثر من صناعة
لكن المرشح حسب الترتيب
فرنسي
ألماني
أمريكي
برازيلي

وأنت ماشي

[السنع كله]

ياهلا باهل الشرقية وانت راسهم ياهلا والله ومرحبا عطوك الاخوة العنوان لكن تراهم عازمينك الليلة على العشاء والله يحييك

[السعساع]

الاخ السنع كلة اسم على مسمى اللة لايهينك انت ومن تفاال مع موضوعي