المشورة يا جماعة عن الباترول Gl-v 2007

[شمالات نجد]

بسم الله الرحمن الرحيم

السلام عليكم ورحمة الله وبركاته

أخواني اللي يعرف تفاصيل عن هالموديل (باترول gl-v) من ناحية السعر
وأماكن البيع والمواصفات يعلمني عنها لأني إن شاء الله مقبل على شراء (فتك)

سمعت أن المكيف أمامي فقط؟

اللون الداخلي أسود فقط؟

وبصراحة أبي موتر جديد 2007 بنفس مواصفات الموديلات الأوله اللي كان رمزها (sgl) من 2002 إلى 2004
قير عادي+ مكينة فتك+ داخليه بيج+ زجاج وأقفال كهرب+ مكيف خلفي+ مراتب صف ثالث بالعرض+ جنوط عادية عريضة مقاس16+ صدام أسود ورفارف سود

أين أجد مثل هذا الموديل (2007 جديد وليس مستعمل) بهذه المواصفات شد بلد من غير تعديل من الوكلاء وإذا كان هناك تعديل فبماذا تنصحونني

جزاكم الله كل الخير

[شمالات نجد]

صورة مع التحية لراعين الكشتات والجيوب.. للرفع

[طحنون]

الاخ العزيز

ابو عزيز

هاذا مشاركه العضو
bu3boood
من منتدى نيسان ارابيا






النوع هاذا من الباترول مواصفاته
قبل كم يوم كنت انا واخوي فالبحرين عندنا شغلة(لا لايروح بالكم بعيد ههههه)
وقلت خلني امر وكالة النيسان هناك(المؤيد للسيارات) واشوف كان اسعارهم حلووة للبتروول ال 2007
دخلت واشوف ذاك الزين واقف(GL-v فتك) الصراحة انا ادوره من زمان (تقديررررررر خااااااص)
الموتر دخل راسي بقوووة ههههه
بس الصراحة في النهاية سبب لي
احباط + صدمة = اطلع يبوعبووود من الوكالة زعلان ههههه
عالعموم نبدى بمواصفاته:
1- المكينة VTC 4800...............................هو غاية المطلوب ههههه
2- القير يجي(عادي)ويجي(تماتييك تيبترونيك)مثل المعروض.....شي طيب
3- تانكيين بنزين TWO TANKs (مثل السفاري والسوبر).. ....حق العراقيب
4- طبعا الصدامات(المدعميات)والرفارف سود......................عز الطلب
5- الجنوط(الرنجات)عادية16 حديد......................................حلي ووو
6- اكيد بدون كشافات ولحية قدام............................ما ابيهم ههههه
7- من داخل لون واحد اسود بس(مثل السفاري الاقل نوع).....مب مشكلة
8- السيت (الكرسي) الثالث الاخير اثنين متقابليين (كنه لاند روفر88)مب واحد كامل...احباط
9- فيه مكيف واحد قدام بس(اللي ورى مالهم رب)هههه...... ثاني احباط
10- اتوقع عندهم كم لون غير الابيض اللؤلؤي(بس ما سألت)... المختار محتار هههههه
11- السعر وماأدراك ما السعر(يالربع طلع السفاري الفل فالسعودية ارررررخص عنه)
قالت لي مسؤولة المبيعات(بحرينية طبعا) يالشيخ(هذي سعره 13800 دينار ) قلت هااااااااااااااا!!!!!
يعني 138000 ريال سعودي/قطري
يعني 137000 درهم اماراتي
يعني حوالي 10600 دينار كويتي
!!!!!!!!!!! معقوله !!!!!!!!!!!
وعارضين بعد سفاري فل اوبشن(ماسألت عنه لأني طنقرت عليهم(زعلت))ههههههه
مع العلم ان السفاري العادي(اقل نوع) فالسعودية118000والاوتو126000 والسفاري الفل136000(نعمه والله نعمه)
عاد انا خبري فالـ 2004 يوم كان السفاري الفل ب110000 كان الSGLب 87000 (يازين الاسعار بس)
المشكلة اني ناوي قريبا ان شاء الله على بتروول فتك(و اعطي الكبسووولة اخوي الصغير خخخخ)وعاجبني الGL-V فتك
بس مب موجود عندنا فالسعودية(مافيه غيرGLومكينته4500(مب فتك)وسعره 95000ريال بعد(مب شي)
فياليت اخواننا فالمنتدى اللي من الامارات وقطر والكويت(اذا ماعليهم كلافه)يزودوونا بمعلومات عنGL-Vعندهم (مواصفاته+سعره)
ولهم جزيل الشكر

وهاذا الرابط للموضوع



http://www.nissan-arabia.com/vb/showthread.php?t=28764





ومواصفاته بالنسبه لي ممتازه لاكن يعيبه انه بدون مكيف خلفي
لاني مااداني الفل ابشن كثير الاكسسوارات وثقيل وبالذات الفتحه مالي خلق عليها
واتمنى انه ينزل عندنا بالمواصفات هاذاي

[الدحبول]

انشى الله شباب يفيدونك ما عندي خلفية عن الباترول

[شمالات نجد]

أخوي طحنون جزاك الله خير على مرورك والله يعطيك ألف عافية أنا قريت المقال قبل كذا وبرضو ماطلعت بنتيجة غير إن اللون الداخلي أسود فقط. والباقي تطلبه مواصفات من المسعود في أبو ظبي.

أخوي الدحبول شاكر مرورك العطر وجزاك الله خير

طيب الحين نبي الكلام اللي عليه القيمة لو اشتري باترول gl-v من المسعود في أبو ظبي بمواصفاته المذكورة شد بلد وأطلب أن يكون به مكيف (خلفي) وداخليته (بيج) ومراتب الصف الثالث (بالعرض).. فقط

هل يحققون هذه المواصفات لي؟
كم بيكون قيمته بدون إضافات ومع إضافات؟
هل شغله بيكون نظيف يعني نفس السيارة لما تجي شد بلد؟
هل القطع التي يضعها أصليه؟

ويا ليت إذا أحد عنده رقم المسعود اللي في أبو ظبي عشان أدق عليهم واريح هالراس.

نقطة مهمة وضرورية: هل السفاري تيب (1) يجي داخليته بيج لأن الحمراني سألته وقال لا فقط أسود؟ وكم سعره؟

وشكراً لكم أخواني

[طحنون]

انتظرلحظات يالحبيب

[طحنون]

الاخ العزيز ابو عزام
عندي لك راي ان شاء الله يعجبك
انت تبي مواصفات الباترول المذكور ولاهو موجود عندنا
خذلك سفاري رقم واحد سواء قيرعادي اوتماتيك زي ماتحب
انا ادري وش اللي تبي الشكل والرفارف تكون سود (والله ان شكل روعه تحس الموتر وحش مالومك)
اشتر الموتر من المعارض يعني الموتر عليه لوحات بس انه اصفار
طبعا المواصفات هاذي يجي من الداخل اسود وانت ناتبيه صح
ونفس الشي الرفارف والصدامات سود
خلاص
اصبغ الصدامات والرفارف عند اطلق ورشه
وبالنسبه للداخليه يقلبونه لك اللون اللي انت تبي (طبعا كلامي هاذا عن الاسيات والارضيه والسقف)
لاكن الابواب اتركها اسود علشان مايلعبون في الديكور الاصلي
طبعا هاذي الاشياء راح تكلف حسب خبرتي اذاكان جلد الماني وشغل وكله في حدود 1800 الى 200 ريال
وصبغ الصدامات والرفارف بحدود 1200ريال طبعا يكون الرش نصف لمعه مطفيه علشان يكون هناك تمييز
في الشكل
طبعا انت بتكسب مواصفات ماهي موجود في الباترول
gl-v
وجودمكيفين والقير اذا تبي تماتيك لا ن الفئه هاذي ماتجي قير تماتيك ماتجي الا قي عادي
طبعا فتك
وتستفيد من الضمان
ريموت كنترول الاسيات الخلفيه زي السوبر سفاري
وترتاح من انك تشتري من برا
وسعره تقريبا
بالوكاله 114 للقيرالعادي


ارجو اني افدتك يامحب الفتك

[شمالات نجد]

هلا بك أخوي طحنون والله أنك ما قصرت كلفنا عليك

لا والله بالنسبة للرفارف والصدامات السود إذا كتب الله وشريت (gl-v) أول شي بسويه بأصبغها وكالة نفس لون الموتر أكشخ عشان ما يزعلون علي عزام وأهله

الغرض من هالموديل (gl-v) المكينة 4800 مثلك عارف هالموديل بالذات خفيف نفس وخرابيطه مهيب واجد وقليل ما يطلب ويتحمل أكثر بحكم أنه جيب أكثر من أنه كشخه والناس تمووت فيه

أما بالنسبة لتغير الداخلية رايتك بيضاء بس يا زين الشيء شد بلد خصوصاً الداخلية ما ودك تلمس شي

أنا ذبحني التفكير صراحه وشكلي بدور 2004 sgl مستعمل ونظيف لأن مواصفاته العادية هي اللي ادورها وباقي الفلوس أضبط بها الموتر وأغراض البر والله يكتب اللي فيه الخير

أكرر شكري لك.. جزاك الله خير

[algnaa9]

مرحبا يا جماعة انا قريت موضوعكم وقلت اتصل على الوكاله علشان افيدكم وقالوا لي سعره 113000


الغير عادي بس ما هو بموجود حاليا في الشركه (قطر)

[شمالات نجد]

شكراً أخوي algnaa نعم هو موجود في الامارات وقطر ولكن اللون الداخلي أسود وليس (بيج)

المشكلة أنا اليوم دورت على 2002 إلى 2004 باترول sgl-v فتك ما لقيت كثير والأغلبية ليست بنظيفة بل جميعهم،، بصراحة أستغربت من قلتها في السوق

يا زين الجديد بس وين اللي داخليته بيج وفيه مكيف خلفي وخرابيطه مهيب واجب

اكرر شكري لمرورك أخي