شروكي أم هايلكس

[ابن سلمه]

السلام عليكم ورحمة الله و بركاته

تحية طيبة إلى جميع أعضاء هذا المنتدى المتميز
وبعد:

أحببت أن تقدموا لي المشورة
أنا محتار عرض علي أخذ هايلكس99و
جراند شيروكي98
فأيهما آخذ؟
ولكم جزيل الشكر

أبو عبد الرحمن

[بدوي جنوبي]

عليكم السلام ورحمة الله وبركاته

يا هلا وغلا ابن سلمه

اذا الشروكي نظيف جميع المحركات واهم شي الدفرنسات والدبلات
توكل علي الله وخذه ولا تتردد

واذا كان فيه اعطال وخربات انحش منه وخذ الهايلوكسز

بالتوفيق اخي

[مستقنص]

اخي ابن سلمه


السلام عليكم ورحمة الله وبركاته


هو الشي طبعا اولا واخيرا يرجع لك ويرجع لميولك والشي الثاني قيمة المال المتوفره والميزانيه الي معك علشان وش تشتري ونظافة الموتر

- هل الهايلكس دفرنس ولا دفرنسين

وللمعلوميه ترا الهايلوكس فرص بيعه افضل من الجراند شروكي لو حبيت تبيعه مستقبلاً


هذا ماحبيت اعطيك من وجهة نظر ومشوره


وشكراً واتمنى لك الاختيار الموفق

[مكشات عنيزه]

شف ياخوي ابن سلمه مثل ما قال اخوي ذرى
الأمر في الاول والاخير راجع لك ولرغبتك وراحتك للشيئ
لكن ابطرح وجهت نظري وما سأفعله في موقفك
اذا كان القراند شروكي نظيف واهم شي المحركات جميعه
مثل ماقال اخوي بدوي جنوبي
خذ القراند شروكي وبشرط انك تخليه يبتل على نظافته
يعني تطلعبه للبر تكون سواقك راكده وبدون تهور ونظيفه
اما اذا كان العكس في اي نقطه ذكرته اعلاه
فأنصحك بالهيلوكس وتراه حمار كده
تقبل مروري.... مكشات عنيزه

[الصمان 2]

الهايلكس أفضل

من حيث القوة و التحمل وقلة الخرابات ( اذا كان نظيف )

وتستفيد من الصندوق في حمل العفش

وماسك سعره لو حبيت تبيعه بعدين .

واستخر قبل ما تقدم على شيء

دمت في حفظ الله . .



.

[الدحبول]

هذي صورة لموديل 2005
مادري وش أقول
الجراند شيروكي جيب
هايلوكس بيك إب
يعني مافي مقارنة
عن نفسي إذا كان الجراند شيروكي نظيف خذ

[الدحبول]

مميزات الجراند شيروكي
1) فخم
2) جير أوتومتيك
3) دفع رباعي مستمر
4) مثبت سرعة
5) موصفات العصر الحديث
6) قليل الاعطال إذا كان نظيف
وش موصفات الجراند الشيروكي 98 المعروض عليك ؟؟؟ وكم علية ؟؟ كم ماشي ؟؟

[ابن سلمه]

شكرا على الإفادة

طبعا الهايلكس غمارتين
و مواصفاته كما ذكر أخي الدحبول

) فخم موجود
2) جير أوتومتيك موجود
3) دفع رباعي مستمر موجود
4) مثبت سرعة موجود
5) موصفات العصر الحديث (تقريبا) هو ليمتد
6) قليل الاعطال إذا كان نظيف (يعني)


ولا أذكر كم مشى
ولكن سآتي به غدا

ولكم جزيل الشكر

[ابن سلمه]

مشى 170000

[كبدالبعير]

دغدغني
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[الدحبول]

بشرنى شتريت

[ابن سلمه]

آسف مشى 160000