الي عنده خبره بالميكانيكا او مر بنفس المشكله

[أبوسعد 511]

السلام عليكم ورحمة الله وبركاته

مساكم الله بالخير ياشباب


عندي مشكله بالجيب موديله 97 ومشكلته انه يدخن اذا دعست له او بعد الرجوع من السفر ووقف عشر دقايق شغال ودعست له يدخن دخان ابيض على ازرق تقريباً

علماً ان الزيت ماينقص ابد واغير كل 5000 الآف والمشكله لها اربع اشهر علماً اني متابع الزيت اول بأول ماينقص ابد


ودمتم

[nejjer]

مراحب ياحامد سعد

معروف إن الدخان الازرق هذا عادم زيت فيمكن عندك مشكله بالشنبر أو جلد البلوف شيك عليهم

[غروب-1]

عند جيب موديل 94 كان يدخن وغيرت الكلبليتر ورح الدخان تاكد من اصلاحه

[أبوسعد 511]

مشكور بس السياره بخاخات

[بدوي جنوبي]

هذا يسمي بداية تبويش

عندك الشنبر ضعيف ما يكشط الزيت من جدار السلندر

عشان كذا يدخن

عادي تقدر تمشي فيه لان الدخان عندك بكمية قليله



بالتوفيق

[ALI_M]

المشكلة في جلد البلوف ونصيحة انك إذا غيرتها تغير الشنابر والقايدات على العموم إصبر عليه إلى ان يبدأ ينقص زيته ثم إعمل المذكور

وروح وسافر ماهنا خلاف

[أبوسعد 511]

ياناس مافي كلام غير ذا يعني اكيد بداية تبويش

والله ترا شي يقهر لو فعلاً بداية تبويش

[القناص]

معليش العمر له احكام
كم هو ما شي بعد
ليش ما تسوي فحص كمبيوتر وتشوف اذا كان يبي له شنبر وتتطمن
بس الله الله بالورشة المظبوطه
واللي يسأل ما يضيع
الله الموفق

[أبوسعد 511]

السياره ماشيه 230000

[nejjer]

ماهو تبويش ياخوي يمكن طلب شنبر يعني الشنبر عندك تأكل
بعدين عادي ياخوي موديله 97 وشرهان عليه بعد ماتبيه يطلب شنبر موديلات 2002 الحين بالورش توضب وانا اجزم تمام الجزم انه شنبر وجلد بلوف بس

[أبوسعد 511]

ياشباب اشكركم على التواصل معي وشغلتكم واتعبتكم معي

وياليت ياشباب احد يقول لي كم يكلف الشنبر والجلد حقت البلوف

وانتم تعرفون الورش اليوم وحالات النصب الي حاصله ياليت احد يفيدني واكون شاكرله


والشكر لكم مقدماً ويعطيكم العافيه وماقصرتوا....