طيور روسية

[algnaa9]

مرحبا يا الربع امس اتصل واحد من الربع في روسيا و قال لي انه طرح طيرين فرخ و قرناس
المواصفات :
الفرخ احمر صافي راسه من بدنه مقاسه 17.5*17.5 وحده علي 3000 دولار يعني تقريبا 10000 الاف ريال


القرناس بكر في ظهره دق فارسي ويمدح لي عاتقه و شلايله و ثندوته ومقاسه يزيد على 17 عرض وطول وحده 4000 دولار

[<عاشق الصمان>]

طيب وشلون التوصيل ................

[algnaa9]

طيب وشلون التوصيل ................

مرحبا يا اخ عاشق الصمان اذا خلص الرجال مدته بيرجع وبيجيب الطيور معه قريب ان شاء الله واول ما توصل باعطيكم خبر

[الهواوي0]

أتكل على الله وأنا أخوك وكان ما تبية أنا باخذة بس حول أنك تنزلة صور

[راعي الجير]

مشكور والله يرحم والديك وارجو الانتباه من ارسال الاموال الابعد التأكد من المصداقيه

[فنجون]

احذروا النصب لا يصير مصير خوينا الذي طرش الفلوس لليمني ليشتري البندق ونصب عليه

[قلب شاهين]

الله يرزقكم بالبيعه الطيبه أنشاء الله ،،

بس ياليت لو كان فيه صور يكون أحسن ،،

تحياتي / قلب شاهين ،،

[أبو رداد]

احذروا النصب لا يصير مصير خوينا الذي طرش الفلوس لليمني ليشتري البندق ونصب عليه

صادق اخوي
اخوان لاتشترون الا على الشبه
موضوع تجارة الصقور موضوع حساس جدا
اول شي الطيور ماتتقيم صح الا على يد الصقار وهناك علل كثيره لاتبين الابشوف الطير
ثاني شي الطير نفس واحتمال موته نتيجه النقل والتهريب كبير جدا
والله ييسر للجميع

[راعي وباد]

اللي موب شاري تراي شراي بس وين موقعك والطيور وينها وهل هي بتدخل معه

[فتى ضباء]

مكلمني رجال براالمنتدى علمته بعلوم الطيور
واذاانت متاكد من الرجال يبي القرناس بالقيمه
اللي حدها شرط سلم واستلم ويكون الطير سالم
وسلاااااااااااااااااااامتكم

[المري]

السلام عليكم

اتوقع هذا الكلام غير صحيح !!!!

مقاس 17 ونص صافي ب 10,000 ريال ...

اتوقع الكلام فيه غلط..
والله يحمى المسلمين من النصب

[*الـزيـن*]

يابلاش

اشريهن كلهن بس ورنا الصور واستلمهن داخل السعوديه

[سلطان2007]

17 ونص بـ10000 بس؟؟ والله السعر الزييين ..

توكل على الله بس لاترسل الفلوس لحد ماتتأكد وانا اخوك ..

تحياتي يالقناص ..

ابوالوليد ..

[algnaa9]

الرجال بيجيب الطيور لقطر ما ندز الفلوس عليه يعني ماتدفع ولا تشتري الا على نظرك


ودمتم

[حطاااااب]

السلام عليكم ورحمة الله وبركاته
algnaa9
اكيد الاخوان ماقالوا الكلام الا لحرصهم على من في المنتدى
ومن اساليب الغش اللي تحصل الايام هذي
وثق ان خوفهم عليك يدل على النيه الصادقه
لان كل سنه يطلع نصابين جدد وبساليب جدد
وهم قصدهم النصح لك
ودام بجيب الطير يمك انت ونظرك
دام السلعه قدامك يكون افضل لك
واسلم لك
تحياتي لك