منتديات مكشات



لمتابعة "الأحوال الجوية والرحلات" عبر جوال مكشات أرسل الرقم 1 إلى 89200 (اتصالات) - 601259 ( موبايلي ) - 708042 (زين)


::: تابعونا على تويتر مكشات :::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور


العودة   منتديات مكشات >
الســيارات > خيمة السيارات وتجهيزاتها
التسجيل التعليمـــات قائمة الأعضاء التقويم اجعل كافة الأقسام مقروءة

إضافة رد
 
أدوات الموضوع انواع عرض الموضوع
  #31  
قديم 12/10/2007, 01:56 AM
الصورة الرمزية SilverSniper
SilverSniper SilverSniper غير متواجد حالياً
 
تاريخ التسجيل: Jan 2004
المشاركات: 1,193
المواضيع: 126
SilverSniper is on a distinguished road
رد: صور لجمسي وقصة حب تدوم وتدوم وتدوم escape_man

الله يلوم اللي يلومك..
الجمس والشفر.. ما طلع ولا راح يطلع مثلهن..
مكينة الجمس تدخل يدك في سلندرها وأنت مرتاح من كبره.. هذا وهي 350.(5700). ما بالك بالمشهورة 454.(7400)..
والناس طايرين بالفكسار اللي وزنه وزن تريلة ومكينته حمار كحيلة.. سلنرها وسلندر الهايلكس واحد.. إذا ما صار سلنر الهايلكس أكبر بعد..
وأنا أشهد ان البليزر موتر.. وأنا من عشاق البليزر وعارف قوته.. والله ما شفت موتر مثل قوته ومثل تحمله وصبره.. يكفي ان الجيش الأمريكي استخدمه قبل الهمفي..ياما كسرت خشوم أهل الجيوب به..الله من واحد شفته فاغر فمه يحسب الجيب مافيه أقوى منه( خصوصاً أخواننا أهل الأرباع ) .... وياما سحبت من خمام الياباني.. من الهايلكسات مروراً بالجيوب وحتى الدينات سحبتها بالبليزر.. ولا أقوى منه.. حتى الجيوب اللي الناس طايره فيها.. ما تجي ربع قوته.. واللي شايف فعل البليزر أو جربه هو اللي يعرف كلامي.. ولا يهون قطع عشره..
وعلشان عيونك... هذي صور لبليزري..



وهذا مقطع له وهو يشتغل.. وتسمع تقسيم الكام على مكينته ( 383 )
http://www.youtube.com/watch?v=UFQq_t6G36k

عز الله..
..ما عقب الشفر موتر..
لا للتايوتا وباقي خمام الياباني..
رد مع اقتباس
  #32  
قديم 12/10/2007, 02:38 AM
escape_man escape_man غير متواجد حالياً
مكشاتي ذهبي
 
تاريخ التسجيل: Nov 2004
الدولة: الرياض
المشاركات: 3,296
المواضيع: 20
escape_man is on a distinguished road
رد: صور لجمسي وقصة حب تدوم وتدوم وتدوم escape_man

اقتباس:
المشاركة الأصلية كتبت بواسطة غضنفر مشاهدة المشاركة
ما شاء الله
الله يهنيك بجمسك
مشكور لدعواتك وكل عام وانت بخير عضونا المميز غضنفر

اقتباس:
المشاركة الأصلية كتبت بواسطة شبح الصحراء مشاهدة المشاركة
أما انا ذكرياتي مع الجموس تضيق الصدر كان عندي جمس وانيت حوض طويل خراباته مالها أول ولا آخر حطيت فيه قيمته وأكثر خلال أقل من سنتين بس الردي ردي واللئيم اذا اكرمته تمرد ما قد رحت فيه بر إلا قبت حرارته اتش أو طلع فيه خراب ومرتين تشب المكينة نار صار رفيق للورش والصناعية جابلي الوسواس وضيقة الصدر وبعته الله لا يرده كلب سرق هله .



الله يعوض عليك يالشبح ... وشكلك ماتوفقت هذا اولاً ... ثانيا الامريكي يبيله شخص عنده قابلية انه يتعلم ويكون خبرة ميكانيكية وكهربائية وان كانت بسيطة.. الحرارة ماتجي بدون سبب اذا تفهم مقصدي ... واكبر اكبر اكبر علة مسببة للحرارة هي الراس ... وقيمته بالتشليح 600 ريال ودور ياباني راس مكينته بهالقيمة
رد مع اقتباس
  #33  
قديم 12/10/2007, 02:43 AM
escape_man escape_man غير متواجد حالياً
مكشاتي ذهبي
 
تاريخ التسجيل: Nov 2004
الدولة: الرياض
المشاركات: 3,296
المواضيع: 20
escape_man is on a distinguished road
رد: صور لجمسي وقصة حب تدوم وتدوم وتدوم escape_man

اقتباس:
المشاركة الأصلية كتبت بواسطة عضو بقراطيسه مشاهدة المشاركة
سلمت يالغالي وربي يوفقك ... حلو حلو وهذي خطتي القريبة انشاء الله
بويه سوداء 1500 ريال + لفت كت للرفع 1900 + كفرات 31
ويصير 100 %


اقتباس:
المشاركة الأصلية كتبت بواسطة مايغرز مشاهدة المشاركة
بس ابي اقول كلمة00 فضل الجموس على باقي السيارات كبير كبير00 ولوما الجموس ماعرف اهل الياباني الدبل والمكاين الطيبة00 عزالجموس لازال موجود وعندي منهم اثنين ويسمحولي اهل الياباني 00
احلى يامتعصب ... مافي تعارض بين الجمس وغيره و يمكن الردي يكون عند غيرك مطلب ومناسب ايضا لمتطلباته ومقدار منفعته منه.

شاكر مرورك يا 454
رد مع اقتباس
  #34  
قديم 12/10/2007, 02:46 AM
escape_man escape_man غير متواجد حالياً
مكشاتي ذهبي
 
تاريخ التسجيل: Nov 2004
الدولة: الرياض
المشاركات: 3,296
المواضيع: 20
escape_man is on a distinguished road
رد: صور لجمسي وقصة حب تدوم وتدوم وتدوم escape_man

اقتباس:
المشاركة الأصلية كتبت بواسطة SilverSniper مشاهدة المشاركة
الله يلوم اللي يلومك..
الجمس والشفر.. ما طلع ولا راح يطلع مثلهن..
مكينة الجمس تدخل يدك في سلندرها وأنت مرتاح من كبره.. هذا وهي 350.(5700). ما بالك بالمشهورة 454.(7400)..
والناس طايرين بالفكسار اللي وزنه وزن تريلة ومكينته حمار كحيلة.. سلنرها وسلندر الهايلكس واحد.. إذا ما صار سلنر الهايلكس أكبر بعد..
وأنا أشهد ان البليزر موتر.. وأنا من عشاق البليزر وعارف قوته.. والله ما شفت موتر مثل قوته ومثل تحمله وصبره.. يكفي ان الجيش الأمريكي استخدمه قبل الهمفي..ياما كسرت خشوم أهل الجيوب به..الله من واحد شفته فاغر فمه يحسب الجيب مافيه أقوى منه( خصوصاً أخواننا أهل الأرباع ) .... وياما سحبت من خمام الياباني.. من الهايلكسات مروراً بالجيوب وحتى الدينات سحبتها بالبليزر.. ولا أقوى منه.. حتى الجيوب اللي الناس طايره فيها.. ما تجي ربع قوته.. واللي شايف فعل البليزر أو جربه هو اللي يعرف كلامي.. ولا يهون قطع عشره..
وعلشان عيونك... هذي صور لبليزري..



وهذا مقطع له وهو يشتغل.. وتسمع تقسيم الكام على مكينته ( 383 )
http://www.youtube.com/watch?v=UFQq_t6G36k

عز الله..
..ما عقب الشفر موتر..
لا للتايوتا وباقي خمام الياباني..
ياهلا وغلا بهامور الشفرات والبليزرات والامريكي كله
هلا بمشرفنا وتاج راسنا
بمناسبة طلتك البهية بموضوعي .. اجدد شكري لك على جهودك المبذولة معنا وكثير ما استفدنا من نصائحك وتوجيهات

وربي يبارك بمويتراتك ويجعلها عون لك...
رد مع اقتباس
  #35  
قديم 12/10/2007, 03:05 AM
الصورة الرمزية Bader-M
Bader-M Bader-M غير متواجد حالياً
 
تاريخ التسجيل: Feb 2003
المشاركات: 2,799
المواضيع: 88
Bader-M is on a distinguished road
رد: صور لجمسي وقصة حب تدوم وتدوم وتدوم escape_man

اه

تدري اني احسك اكثر من راعي الجيب الجديد وحتى ان كان سعره فوق 200 الف
والسبب ان هذه السيارة اصيلة و عملية و تقدر توضب مكينتها وانت في البر وقطع غيارة رخيص و متوفر

الله يعطيك خيرها ويكفيك شرها
ونصيحه لك لا تفرط فيها ابدا ابدا ابدا مهما كانت المغريات
تحياتي اليك



حسابي بالتويتر
https://twitter.com/badermotors

قد تعلمت الصمت من الثرثار ...
والتساهل من المتعصب ....
واللطف من الغليظ...
والاغرب انني لا اعترف بجميل هؤلاء المعلمين !!
رد مع اقتباس
  #36  
قديم 12/10/2007, 03:48 AM
عقرب رمل عقرب رمل غير متواجد حالياً
مكشاتي متواصل
 
تاريخ التسجيل: Jul 2006
المشاركات: 61
عقرب رمل is on a distinguished road
رد: صور لجمسي وقصة حب تدوم وتدوم وتدوم escape_man

صراحه سيارتين اموت فيهم وودي امتلكهم الجمس والباترولvtc
وعندنا جمس صالون 92 وصراحه أشهد انه موتر بس ياليت مكينته 454
علشان طييييران في السماء
والله يعطيك العافيه على الموضوع والصور
رد مع اقتباس
  #37  
قديم 12/10/2007, 04:19 AM
روافد روافد غير متواجد حالياً
مكشاتي متقدم
 
تاريخ التسجيل: Mar 2007
المشاركات: 258
المواضيع: 21
روافد is on a distinguished road
رد: صور لجمسي وقصة حب تدوم وتدوم وتدوم escape_man

الله يعطيك خيرة ويكفيك شره
رد مع اقتباس
  #38  
قديم 12/10/2007, 04:37 AM
الصورة الرمزية الدحبول
الدحبول الدحبول غير متواجد حالياً
عضو موقوف
 
تاريخ التسجيل: Oct 2006
المشاركات: 1,327
المواضيع: 20
الدحبول is on a distinguished road
رد: صور لجمسي وقصة حب تدوم وتدوم وتدوم escape_man

اقتباس:
المشاركة الأصلية كتبت بواسطة escape_man مشاهدة المشاركة
السلام عليكم ورحمة الله وبركاته

هذي يمكن اول مشاركاتي برفع صور لمنتدانا الغالي مكشات وهي بحقيقتها مداعبة لمشاعر من يشاطرني حب الجموس والشفرات وخاصة قطع عشرة او البليزر ...

يستغرب البعض انه رغم عدم تجاوزي 30 سنه عمراً الا اني اعشق هالفئة المتينة من السيارات والكثير ينظر بعين الاستغراب ولسان حاله يقول "" وش حدك على القرادة يالمقرود ""


ولكن يمكن مايلومني احد لاصرت انحدر من اصول دوسرية وربيت وانا اشوف انواع واشكال من الجموس تخترش حول بيوتنا او خيامنا ورغم رومنسيتي وحبي للقصيد الا اني يصيبني جني وتدمع عيني لاسمعت قصيد بالجمس ( ياربي لا تبلانا )

وعلى قولة القايل

ياركب اللي جاهز(ن) للمطاريش= جمس(ن) حمر كم طرشةً قد طرشها
عليه سواق عيونه مغاطيش = شايب ومبطي في عيونه غطشها
يمشي من الحوطه بوقت المغابيش = وعبا من اطرف شيشه من شيشها
وعدل رفارف موتره بالشواكيش= وتله على الخط الشمالي جمشها
واليا ترادى جريها قال ذا ليش؟= دبل لها ثم بالثلاثه نعشها
واليا ذكر له مركز(ن) فيه تفتيش = خريت كم من غبشةً قد غبشها
مجرب مسرى الغداري مع الحيش= ولو داس له بيضة حمّره مافقشها

راح اعرض بعض الصور الخاصة بمواتري واركز على قطع عشره ويمكن احمس بعض الناس بطرح مالديهم عن معشوقهم رغم ان المعشوق لايصح وصفه للناس ولا ابراز محاسنه J

هذي صورة للبليزر العودي والي بعته للاسف وراعيه مابخص الموتر زين ... ويوم جيت ادوره عنده عقب سنه وتلني الحنين له تل قالولي انه باعه


وهذي صورته قبل تعديل لونه واول ماشريته ... وعلى فكره ... الي يشتري بليزر فلايبخل عليه ويكرمه بتغيير القطع الاستهلاكية اول مايشريه ثم باذن الله يرتاح 4 سنوات وهذا واقع تجربتي.


هالرحلة كانت بشعيب الجفير وصاحب اليوكن 2001 قال قبل مانمشي ... ماودك تركب معنا وتريحنا من هالقرمبعة ... ومايدري ان الاقدار ماهي على الكيف وان البليزر بيتله هو ويوكنه من الغراز.


هذي جمعة ود ومحبة لي ولصاحب الدوج عقب مهايط بالعمل ويشهد الله ان الدوج ماقصر الي وصل معي هالمحل




وهذي صورة طخيمان ... شفر قطع عشرة موديل 81
عليه فلتر هواء ايدلبروك نيكل الظاهر هذا اسمه وهدرز امريكي مجلوب من امريكا مع دبات رياضية ومخرج له شكمانين وعليه جنوط نيكل 10 انش مع كفرات شاهين اكبر حجم.


صورة ثانية وعرض جانبي وتشوفون شلون اللون الرصاصي راكب مع الاحمر


ما للشدايد الا اهلها ومن حكم تجارب سابقة فالجموس والبليزرات مشهود لها القوة في الاراضي الطينية وباجتياز الشعبان اذا ضبطت امور كهربتها طبعا وبهالرحلة بالذات كان معي اشكال واصناف من الجيوب الحديثة وكان كل همهم حسبي الله عليهم ان ونيتي يطفي ويجون يسحبونه مع اني سحبت كثير منهم في غير زمان ومكان وكان منهم فتك 2003 للعضو ... ولا خلونا نستر عليه.


هذي الصور رد على الي يقول ان الجموس حدها دوار العويضة شرقا وتفتيش القدية غربا وهي بروضة


هذي صورة تذكارية لي مع الجمس وتقبلوا مني اجمل تحية وناطر تعليقاتكم ومشاركة اهل الجموس


ونعم فيك يالدوسري
مشهورين فيه
أنا عبدالله الخليفي الهلالي من اليمن الجنوبي الوالد يقولي كانوا يجون رجال من وادي الدواسر عندنا شبوة عتق بالقرب من حضرموت
عندهم ونيتات GMC على فرد
يجونا عندنا بذي الونيتات يشترون أسلحة ( عيلمان . كانده . برنوا ......الخ)
ويودون الرجال من عندنا إلى بطحاء
رد مع اقتباس
  #39  
قديم 12/10/2007, 12:21 PM
الوعب الوعب غير متواجد حالياً
مكشاتي متقدم
 
تاريخ التسجيل: Apr 2006
الدولة: بلاد الاسلام
المشاركات: 436
المواضيع: 33
الوعب is on a distinguished road
Thumbs up رد: صور لجمسي وقصة حب تدوم وتدوم وتدوم escape_man

السلام عليكم ورحمه الله و بركاتة


مشكورين على طرح الموضوع و السيارات الامريكيه لها معجبيها (محبي العضلات الامريكية)

و مثل ماتفضل الاخوان الامريكي و بالاخص البليزر قوي ما شالله عليه ويتحمل غرابيل الزمن

حبيت اشارك بصوره لسيارتي وهي شفر تاهو موديل 1997 طبعا جير اوتو ماتيك مكينة فورتك

ماخليت مكان مارحت له بهالسياره و في كل طلعه اقول خلاص السياره هذي تبي تودع وهذي هي ما شالله

صامدة من سنوات الى يومنا هذا و ان شالله بشريلها فحل عن قريب .

هذي الصوره بعد مابحثت في ملفاتي القديمه ابحث عن صوره للسياره و مالقيت الا هذي

صورتها شتا العام الماضي في العزبه و العذر عن عدم اكتمال صوره السياره لان القصد ماكان اخذ صوره للسياره.

رد مع اقتباس
  #40  
قديم 12/10/2007, 10:53 PM
الصورة الرمزية حقوق المطر
حقوق المطر حقوق المطر غير متواجد حالياً
مكشاتي متقدم
 
تاريخ التسجيل: Aug 2006
الدولة: محافظة الشماسية
المشاركات: 439
المواضيع: 16
حقوق المطر is on a distinguished road
رد: صور لجمسي وقصة حب تدوم وتدوم وتدوم escape_man

يازين موضوعك زيناه ويازين الجمس زيناااه .. مشكووور
انا اشهد انه مركب وموتر
اللي يقول الامريكي والجموس والشفرات ماهي بزينة ماعندك احد
ولا يدري وين الله حاطه به ... مع احترامي
الوالد الله يطول عمره معه ( شفر ونيت 79 ) فاكه وكالة
كان ينقل عليه تمر الحمولة ( 4 طن واكثر ) والله العظيم هذا الحاصل .. يوم كان راعي فلاحة .. الى درجة ان المسامير الثمانية تنقطم .. كان يودي من القصيم للمدينة والأحساء قبل يكون هناك مصنع لتعبئة التمور بالقصيم هذا من غير المشاوير والروحات والجيات والكشتات
والان هو راعي حلال ومكفيه من ناحية شيل الشعير والاعلاف وهالامور
كلنا تعلمنا السواقة عليه انا واخوي تفحيط ودوس وصرقعة شباب.. ولا زال هذا الشفر معه وهو سيارته الرئيسية الى هذه اللحظة
واشهد ان اللي جاه وجراله ماحصل لاي سيارة

اشهدوا للجمس ياللي تعرفونه && عقب مشيه بالمسافات الطويله
والنفود اللي وطاها ويش لونه && ماورى خط الحجاز ارض مهيله
يوم يقبل والجبل مركوز دونه && يصعدونه يوم والمنزال ليله
ياحلاة الجمس يرقى مع ركونه && والجبال السود تسجد تحت ويله
ثم رصه بالدبل لجت صحونه && والحصى يفتر مع فرت عجيله
سايقه ساطي وكان الله بعونه && لالقى المقطوع ملزومن يشيله
اشهد ان الجمس كامل في فنونه && اشكر المصنع ومن صمم موديله
منوة اللي لاذكر تسهر عيونه && العميل اللي ذكر موعد عميله
يذكرون الجمس ياللي تشترونه && بالبداوة وانت فايز ياوكيله


رد مع اقتباس
  #41  
قديم 13/10/2007, 03:03 AM
الصورة الرمزية -المستشار-
-المستشار- -المستشار- غير متواجد حالياً
مكشاتي
 
تاريخ التسجيل: Jul 2007
المشاركات: 29
المواضيع: 4
-المستشار- is on a distinguished road
رد: صور لجمسي وقصة حب تدوم وتدوم وتدوم escape_man

السلام عليكم
اود اشارككم ببعض الصور لهاذه السيارات الجباره
http://www.mekshat.com/pix/upload02/images51/mk57255_1986%20chevy%20blazer-01_jpg.jpg

يتبع


رد مع اقتباس
  #42  
قديم 13/10/2007, 03:15 AM
الصورة الرمزية -المستشار-
-المستشار- -المستشار- غير متواجد حالياً
مكشاتي
 
تاريخ التسجيل: Jul 2007
المشاركات: 29
المواضيع: 4
-المستشار- is on a distinguished road
رد: صور لجمسي وقصة حب تدوم وتدوم وتدوم escape_man






يتبع
رد مع اقتباس
  #43  
قديم 13/10/2007, 03:23 AM
escape_man escape_man غير متواجد حالياً
مكشاتي ذهبي
 
تاريخ التسجيل: Nov 2004
الدولة: الرياض
المشاركات: 3,296
المواضيع: 20
escape_man is on a distinguished road
رد: صور لجمسي وقصة حب تدوم وتدوم وتدوم escape_man

اقتباس:
المشاركة الأصلية كتبت بواسطة ابوعبدالرحمن الصفيان مشاهدة المشاركة
ما شاء الله

الله يهنيك به
الله يهنيك بالايمان وطاعة الرحمن يابو عبدالرحمن والف شكر لتنويرك موضوعي

اقتباس:
المشاركة الأصلية كتبت بواسطة طايربالعجه مشاهدة المشاركة
اه

تدري اني احسدك اكثر من راعي الجيب الجديد وحتى ان كان سعره فوق 200 الف
والسبب ان هذه السيارة اصيلة و عملية و تقدر توضب مكينتها وانت في البر وقطع غيارة رخيص و متوفر

الله يعطيك خيرها ويكفيك شرها
ونصيحه لك لا تفرط فيها ابدا ابدا ابدا مهما كانت المغريات
تحياتي اليك
مايغلى عليك الونيت ياخوي طاير بالعجة واذا على الجيب فهذا الجيب عندي 2005 راكنه بالبيت ولاقد طب برا الزفلت ... متعة البر في تذكر مكاشيتي مع الشيبان على الجموس بالزمان الاول الله يرحم من مات منهم والي بقى يمدلهم بالصحة. شرفتني اخوي طاير بالعجة والف شكر لتواجد..

اقتباس:
المشاركة الأصلية كتبت بواسطة عقرب رمل مشاهدة المشاركة
صراحه سيارتين اموت فيهم وودي امتلكهم الجمس والباترولvtc
وعندنا جمس صالون 92 وصراحه أشهد انه موتر بس ياليت مكينته 454
علشان طييييران في السماء
والله يعطيك العافيه على الموضوع والصور
الله يحقق امانيك واذا عزمت فابشر بالفزعة مع ان تدوير مثل هالمواتر والتاكد من سلامة شيصانها امر متعب جدا
حياك خيي وشرفتني بمرورك.

اقتباس:
المشاركة الأصلية كتبت بواسطة روافد مشاهدة المشاركة
الله يعطيك خيرة ويكفيك شره
الله يجزاك خير وشاكر مرورك يالغالي

اقتباس:
المشاركة الأصلية كتبت بواسطة الدحبول مشاهدة المشاركة
ونعم فيك يالدوسري
مشهورين فيه
أنا عبدالله الخليفي الهلالي من اليمن الجنوبي الوالد يقولي كانوا يجون رجال من وادي الدواسر عندنا شبوة عتق بالقرب من حضرموت
عندهم ونيتات GMC على فرد
يجونا عندنا بذي الونيتات يشترون أسلحة ( عيلمان . كانده . برنوا ......الخ)
ويودون الرجال من عندنا إلى بطحاء
انعم بحالك يالهلالي ... ( مالي تعليق على كلامك ) وشاكر مرورك.
رد مع اقتباس
  #44  
قديم 13/10/2007, 03:24 AM
الصورة الرمزية -المستشار-
-المستشار- -المستشار- غير متواجد حالياً
مكشاتي
 
تاريخ التسجيل: Jul 2007
المشاركات: 29
المواضيع: 4
-المستشار- is on a distinguished road
رد: صور لجمسي وقصة حب تدوم وتدوم وتدوم escape_man

رد مع اقتباس
  #45  
قديم 13/10/2007, 03:28 AM
الصورة الرمزية -المستشار-
-المستشار- -المستشار- غير متواجد حالياً
مكشاتي
 
تاريخ التسجيل: Jul 2007
المشاركات: 29
المواضيع: 4
-المستشار- is on a distinguished road
رد: صور لجمسي وقصة حب تدوم وتدوم وتدوم escape_man



ارجومنك ياescape_manارسال رقم جوالك الي على الخاص
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:03 AM




Powered by vBulletin® Copyright ©2000 - 2014, Jelsoft Enterprises Ltd.
Translation By : exahost.com.sa
هذا المنتدى يستخدم منتجات بلص
جميع الحقوق محفوظة © موقع مكشات ،،، لأفضل عرض استخدم : 768 ×1024 ::: مكشات / أحد المشاريع المحتضنة في حاضنة بادر لتقنية المعلومات والإتصالات