تقرير توضيحي عن ماطور ابو راسين(بستمين)

[اصيل نجد]

الله يطول عمرك اخوي على التنبيه بس ودي انك كاتب الموديل حقه او مصوره صوره من فوق علشان نتجنب هالنوع مشكور للمره الثانيه على تنبيه اخوانك لك تحياتي

[قلايد الخيل]

الممشكله اخووي ان اغلب الي بسوق متشابه ولو انك مصور الكتابه الي عليه يكون احسن طال عممرك

[فتاح الجواد]

تشكر على حرصك على اخوانك

[abomohammd0]

الله يعينك على الي جاك

[محمدالعريني]

الصراحه انا كنت احذر الشباب اللي هنا بالمنتدى وخارج المنتدى من هالنوع ابو بستمين وادري ان الكثير ينغر في شكله
لكن الافضل ومن واقع تجربه مواطير الشراع وكيل ابوجمل الاصلي في الغرابي ولك الخيار بالحجام وتراه يظمنه 6 شهور انا له معي الان حوالي 4 سنوات ولا قال لا مع العلم انا ماخذ الحجم الكبير 380 ريال
وفيه الحجم اللي اصغر منه ممتاز والظاهر قيمته 230

[الصقار10]

تشكر وجزاك الله خير وجهد تجد اجره عنده الله ان شاء الله

[dge]

اشكر كل من شارك و افاد
وبنسبة للكتابة وصورة كاملة للماطور مع الكرتون بحاول انزلها...

[ضيف الغضا]

اشتريته بــ 150 ريالاً قبل سنة و زيادة ... و الان أراه يباع بأقل ... لكن ما أدري أي موديل تقصدون ؟؟
يجي بكرتون حجم كرتون القدر الكاتم الوسط ومعه شنطة و ليّ أصفر مدمج به أمبير قياس
استعملته مرات قليلة بكل عناية و اهتمام و لا نفع للجيب .. خرب من دون كرف
هل أحد من الإخوان جربه للسيارات الصغيرة ؟؟؟
رميته و اشتريت أمريكي أيضاً بـ 150 يجي بشنطة بلاستك و تحت التجربة

[المستهدف]

السلام عليكم
بحمد الله شريت ماطور هواء ابو راسين(بستمين) المهم الماطور جيد نوعا ما لكن حبيت انزل لكم الموضوع هذا للحذر وتنبية

الصورة 1 ويضهر فيها الماطور
شكل جميل و يلاحظ البستم الكبير



صورة للبستم


صورة للبستم اثناء فك المسامير



رفع البستم المزيف وظهور الحقيقة



صورة للغطاء البلاستيكي الذي يكتم الحرارة على البساتم



صورة توضح شكل البستم وصغر حجمه ورقة جداره



قطعة داخل البستم لمنع الهواء من الخروج ومقارنتها بعيار الهواء



مشكلة واجهتني عند اعادة التركيب الربلة كبيرة وتخج من البستم



==



==




الماطور لا يختلف عن البستم الواحد
يكتم الحرارة على البستم فماتبين معك وتقول هذا الماطور ما يحتر
تم تجربة الماطور جيد لكن لا تعتمد عليه خل معك ماطور ثاني
الي قصير وغير جيد

في الختام اقول لكم النا منزل الموضوع لتوضيح و التبيين وهاذا جهد شخصي فلا تبخل بكلة تشجيعة



ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ


عمل جميل

شاكرا لك



.

[فهد3012]

بسم الله الرحمن الرحيم

السلام عليكم ورحمة الله وبركاته

يا شباب أنا بقول الي حصل معي للفائدة طلعة الطعوس وطبعا يلزمك تنسيم السيارة المهم طلعة منها رآيح البيت نزلت اعبي هوا بالماطور الي معي الماطور (ابو جمل) عبا كفر واحد وخرب فكيت الماطور لكيت البستم خربان الماطور ماجاه كرف من يوم شريته المهم رحت الغرابي وسئل إذا فيه محل متخصص قالو الشراع رحت للشراع وقلت عندي ما طور ابغى صيانه طبا قال ابو هنود مافي مشكل جبت الماطور اول ما شافه قال هذا من عند العوبثاني قلت وش دراك قال اللزقه او الاستكر الي يجي لونه فضي وأنا ألحين بالش وشلون أركب بستم قالي ابو هنود
البستم الي عندنا كبير ما يركب مع الي معك رحت للعبثاني وتراه قريب منه قالي ما عندنا صيانه قلت عندكم قطع غيار قالي لا .

أرجو من الاخوان الي يعرف مكان بيع بساتم احجام كبيره وصغيره يفيدنا واسف على الاطاله المهم
ملاحظه / إذا نويت تشتري شيء ماطور او قطه ثاني ناظر الزقه الفضيه الي مكتوب عليها اصلي دقق تشوف اسم محل في اللزقه اسم محل في اللزقه وانت وتقديرك للمحل إذا موثوق فيه أسئل عن المنتج والقطع علشان ما تبلش بعدين

[waheedqatar]

الله يعطيك القوة على التقرير الطيب