خرافة مكينة 511 ؟؟ هل حقيقة أم خيال !!

بوغيث 6363 · #1 14/08/2009, 03:51 PM

السلام عليكم

فيه رجل يثبت لي أن في مكينه أسمها 511

و أنها من أقوى المكائن

أتوقع أنها خرافه

الوسيطاء · #2 14/08/2009, 04:07 PM

توقعك في محله خرافه في خرافه والدوله باعت جموس الطرادات بدون مكائن بس

يقولون انها من بلدها مسننه والكائن 454 وماتفرقها عن الوكاله بس مسننه

وفيه شركه امريكيه عدلت على 454 وصار 511 وثبتت انها 454بس معدله

ابو البر · #3 14/08/2009, 06:48 PM

نعم فيه
وهاذي سلمك الله صنعتها شركة ستروين الفرنسيه بمناسبة البويبيل الآلماس على ما اعتقد / ولكن ليست للأستخدام العادي .( ما يعادل 511) ولكن حجم كبير نوعا ما .
اما اذا كان قصدك سيارات تستخدم محليا / فما فيه شك اقوى من مكينة 454 المعدله ( في امريكا فقط ) الى 511 / للسباقات / ويوجد ايضا في دبي .
وسلامتك .

nova · #4 14/08/2009, 08:37 PM

ما فيها يا جماعه ماكينة 511 هذي اسطوره الا اذا كانت ماكينة 454 وتم تعديلها

الي 511 مثل ما صارت ماكينة 350 ضغط عالي بعد التعديل صارت 385 وهذا

تقرير عن محركاتت الجمس علما بان هذا التقرير لم اذكر به محركات المارين

المعروفه وهي محركات الجمس والشفر ولكن مخصصه للاستخدام البحري

بالطرادات واليخوت وهي من المحركات الداخليه للطرادات واليخوت وليست من

المحركات الخارجيه وان شاء الله سأضع تقرير عن مكائن المارين مع الصور

((علما بأن هذا التقرير تم الرد في احد المشاركات واضعه مره اخري بين ايديكم))

لاحظة بعض الاخوان اللي يتكلم عن حجم المكاين للجمس وان مكينة 511 اقوي
مكينه وهي 10 سلندر الموضوع وما فيه انه قصه او بالاحري اسطوره خرافيه
اطلقها اناس لم يعرف الجمس علي اصوله ومكائن الجمس هي ابداء من
اصغر مكينه حجم 205 وهي اضعف مكينه للجمس غير موجوده عندنا بالخليج
وهي من ستة سلندرات علي شكل I وهي موجوده بكثره في سوريا ومصر
والماكينه الثانيه حجم 235 من ستة سلندرات موجوده بدول الخليج خاصة
في شفر الامبالا موديل 77 والشفر نوفا وموجود في الجمس البرازيلي المسمي
b10 كوستوم ونزل في فترة من 86 الي 91 وانقطع لفشله في دول الخليج
والماكينه حجم 235 تأتي بنوعين النوع الاول ذراع بستن طويل وهي مخصصه
للشاحنات مثل الجمس السيرا كلسك وشاحنة جمس المعروفه بأسم سي 65 وباص
جنرال موترز المعروف بأسم البلوبيرد المشهور بلونه الاصفر مع الاسود .
والنوع الثاني من الماكينه 235 ذو ذراع البستن القصير وموجوده تلك الماكينه في
الشفر النوفا والامبالا والكابريس والبونتياك البونوفيل والاولدزموبيل كاتلس
ونبداء في محركات 8 سلندر علي شكل V المعروفه لدينا وبكثره
واول نوع من مكائن 8 سلندر وهي حجم 305 الموجوده بالكابريس والامبالا وهي
اضعف مكائن 8 سلندر وهي مخصصه للسيارات الصالون ولكن يحدث فيها عملية نصب
واحتيال من بعض ضعاف النفوس في الكراجات والتشاليح ليتم تركيبها في الجمس وهي
ضعيفه ولا تتحمل الجمس وتستهلك بنزين اكثر من وهي علي الصالون لان الجمس اكبر من
الصالون , والمحرك الثاني حجم 350 وهو من نوعين النوع الاول يسمي 350 ((اثنين ثابت))
وموجود في الكابريس والامبالا والسوبربان حجم 10 والجمس حوض حجم 10 شاصي قصير
والنوع الثاني من 350 وهو الماكينه حجم350 ((اربع ثابت )) ضغط عالي وهي مخصص وموجود في
السوبربان والجمس الحوض فقط . علما بانها لا يعرف مكائن 350 الا شخص مكانيكي يتم فتح الكارتير
ويعرفها اذا كانت اثنان ثابت او اربع ثابت علما بان الاربع ثابت اقوي من الاثنين ثابت ويتم تزويد
ولغم ماكينة 350 اربع ثابت وتصبح حجم الماكينه 385 ولكن بعد اضافات عديده من تغير الكرنك
والكام شفط المعروف بعمود الكامات او عمود العصافير وتغير البساتن وتغير عدة اجزاء في المحرك
وطبعا الماكينه حجم 385 مخصصه لسباقات الشوارع الا اذا كان صاحب السياره فضل ان يدخلها الحلبات
والمضمار في يجب اضافة عليها اضافاة كثير ومكلفه تتعدي 30000 اذا اشترا قطع جديده .
والماكينه الاخيره والمشهوره بأسم البك البلوك وهي تعني القطعه الكبيره حجم 454 وتلك هي
المكائن التي تأتي من الوكاله او يتم تركيبه ولا يوجود شئ اسمه ماكينة 511 للجمس خاصه
وجنرال موتورز عامه .
علما باني لم اذكر الوان المكائن وهي تاتي بالالوان الاحمر وهي في حقبة الستينات الي بداية
السبعينات وبدأت ايضا في السبعينات المكائن ذات اللون الازرق الفاتح الي ان تغير لونها الي
الاسود في الثمانينات وللمعرفه فقط ان مكائن ذات اللون الاسود من نوعين النوع الاول ذات
غطاء البلوف المصفح وذات غطاء البلوف المخطط وهي معروفه بهذا الاسم لدي المكانيكين
وتوقفت عن تزويد الشفر والجمس بمكائن ذات اللون الاسود المصفحه الي سنة 1985
وبدأت ذات الغطاء المخطط من موديل 1986 .
علما بان تلك المحركات تأتي بطرمبة بنزين Full Pump من نوعين الاولي والمعروفه
بالطرمبه الميكانيكه وتركب في الماكينه علي الجانب الايمن من الماكينه وهي مخصص لمكائن الكاربريتر .
والطرمبه الثانيه هي الطرمبه الكهربائيه الموجوده في تانكي البانزين وهي غير عمليه مثل الطرمبه الاولي
ومشاكلها كثيره وحتي استبدالها وفكها متعبه للطرفين ان كانت للمكانيكي او لصاحب السياره وهي مخصصه
للمكائن ذات الحقن الاكتروني المسمي لدينا البخاخ

تحياتي للجميع

باثفندر · #5 14/08/2009, 08:43 PM

مجرد وجهه نظر ،،،

454 انش تعادل 7400 لتر
511 انش تعادل 8100 لتر .

الخماش111 · #6 14/08/2009, 10:56 PM

لا صدق واعرف واحد مركب هالمكينه وهي فالاصل مكينة تبيس

nova · #7 15/08/2009, 12:06 AM

اقتباس:

المشاركة الأصلية كتبت بواسطة الخماش111

لا صدق واعرف واحد مركب هالمكينه وهي فالاصل مكينة تبيس

يا اخوي الغالي الخماش 111 ماكينة الاوتبيس اللي اتكلم عليه نزل بحجمين الحجم الاول ماكينته 235 سته سلندر مثل اللي بالصوره

والحجم الثاني ماكينة 454

و ماكينة 511 ما نزلت من المصنع كلش وهذا الاتوبيس اللي اتكلم عنه اسمه بلوبيرد BlueBird

وتحياتي لك وللجميع

سحابه القصيم · #8 14/08/2009, 11:29 PM

رهم 454 ويغدي ازين من 511

ابو امنه · #9 15/08/2009, 12:41 AM

موفق خير يالغالي

bn 3mir · #10 15/08/2009, 01:06 AM

الله لايهينكم

بنزرت · #11 15/08/2009, 02:33 AM

سلام
المكينه 511 حقيقه وماهي خيال
اصلا ليه تكون خيال ... ميكنه ماهي العنقاء ولا الغول!!!!!!!!!

مكينه 511 صحيح موجوده وهي ليست ترهم ولا خرط من 454 ... وهي بحجم 8,3 لتر
اليكم رابط مكينه 511 معروضه للبيع بسعر 3700 دولار
http://www.forabodiesonly.com/mopar/...d.php?p=600683
وهذا رابط لسياره كديلاك بمحرك 511
http://videos.streetfire.net/video/1...l-ci_42385.htm
وسلامتكم

nova · #12 15/08/2009, 07:43 AM

اقتباس:

المشاركة الأصلية كتبت بواسطة بنزرت

سلام

اقتباس:

المشاركة الأصلية كتبت بواسطة بنزرت

المكينه 511 حقيقه وماهي خيال

اصلا ليه تكون خيال ... ميكنه ماهي العنقاء ولا الغول!!!!!!!!!

مكينه 511 صحيح موجوده وهي ليست ترهم ولا خرط من 454 ... وهي بحجم 8,3 لتر

اليكم رابط مكينه 511 معروضه للبيع بسعر 3700 دولار

http://www.forabodiesonly.com/mopar/...d.php?p=600683

وهذا رابط لسياره كديلاك بمحرك 511
http://videos.streetfire.net/video/1...l-ci_42385.htm
وسلامتكم

اخوي الغالي بنزرت الصوره هذي اللي بالرابط اللي حاطها انت وانت ما قريت اللي بالانجليزي مكتوب

511 C.I. Stroker moter الماكينه هذي مجهزه للرايسنغ يعني حقة سباق مو حقة الجمس الاصليه

وبعد الماكينه هذي ما طلعت من اي مصنع من مصانع جنرال موترز الشركه الام للجمس والشفر لان هذي

الماكينه لشركة دودج والماكينه هذي معروفه ومشهوره وتفتخر فيها شركة دودج وهذي الماكينه اسمها هيمي

HEMi وحجمها 440 وبعد التعديل من شركة موبار mopar الجناح الرياضي لشركة دودج يصير حجم

الماكينه 511 وشركة موبار نزلت ماكينه حجم 528 علي الدودج شارجر 1966 منافسه للفورد موستانج شلبي

Shelby GT500 و الكامارو SS والشيفيل SS والنوفا SS في عصر القوه والحقبه الذهبيه في الستينات

وماكينة الهيمي 440 توجد علي الدودج شارجر والشالنجر والماجنوم والكورنيت .

اخوي بنزرت انت شوف الرابط اللي حاطه فوق الرابط هذا منتدي الموباراذا حبيت

تتأكد حط مؤشر الماوس علي صورة السياره اللي فوق برأس المنتدي يطلعك mopar froum

يعني بالعربي منتدي الموبار واذا حبيت تتاكد وتعرف تقراء انجليزي اقراء اسم

دومين المنتدي .forabodiesonly.com شوف شعار شركة كرايسلر الشركة الام لشركة دودج فوقها كلمة for

وشوف الرابط حقك عدل وشوف كلمة موبار

http://www.forabodiesonly.com/mopar/...d.php?p=600 683

وحبيت اذا تبغي تنزل معلومه بمنتدي تاكد منها يا اخوي علشان الكلمه اللي تقولها امانه واشكرك علي

المنتدي الاجنبي الصراحه منتدي عجيب وروعه .

وحبيت اقول الصوره هذي الديلكو يركب من قدام يعني فوق طرمبة الماء و

والجمس والشفرالقديم ديلوكها يركب وراء بالماكينه

مع تحياتي لك يا اخوي

بنزرت · #13 17/08/2009, 11:42 AM

اقتباس:

المشاركة الأصلية كتبت بواسطة nova