كيف طريقة صيد السمان (الفري) في المملكه

[مجلى الدوسرى]

السلام عليكم ورحمة الله وبركاته

اريد اخبار عن السمان (الفري) هل بين عندكم في مناطق السعوديه وكيف صيده مثل طريقتناا في الكويت من الليل الي الفجر ؟؟؟

ولــكــم جـــزيـــل الــــشــــكــــــر ...

[مـدحـدر]

تقريباً مثلكم بالجهاز

واتمنى يفيدونك الشباب اكثر

[@الرحال@]

والله اخوي مجلي بالنسبة لي امشي على الطريقة القديمة
بحيث اني ادور عليه من الصبح لين العصر تقريبا واناظر في قوع الشجر مثل الرمث والشوك عندنا بكثرة وتعتبر تلك الاشجار افضل مكان يختبئ فيه طائر السمان

[مجلى الدوسرى]

السلام عليكم ورحمة الله

اخواني وحبايبي في المملكه وعلى الأبخص والرحال من يعز عليكم بنسبه الطيور السمان يوجد في السفانيه قرب البحر بكثره مدة يومين ولكن لم اصيد شيء بسب لا أملك شوزن في بيتي الثاني
ولكم جزيل الشكر ...

[ماجد 2003]

اخوي ممكن لو تكرمت تشرح لنا طريقة صيده عندكم في الكويت
لاني اول مره اسمع عنها

ولك جزيل الشكر

[الصقعاوي]

لا هنت تروح عند أقرب محل بيع أدوات الصيد وتشتري شبك اسمه شبك السمان لايقل عن 15 متر وتركزة مثل الصيوان او التيزار وتشتري شريط صوت السمان ويكون معك مسجل أو استريو يكون صوت سماعته قويه وعالية ويكون قريب من شجر العشر او الرمث ويكون غرب الشجر لان السمان وهو راجع يرجع من ناحيه المشرق ووقته يكون من اذان المغرب حتى اذان الفجر والمسجل شغال وتبعد عن الشبك بمسافة 2كيلو طوال الليل (للمعلومه كل ماطال الشبك كان ازين )
وباءذن الله تعين خير......

[ولد سبيع]

جزاك الله خير

[صقر البحيرات]

اخوي مجلي يعطيك العافية بس ابي اقول شغلة وحدة القنيص إذا مابه تعب وكسافة وتهمتك الشمس ترى مابه حلى ولا له لذا الصيد هوايه ولا المقصود العدد ولا الأكل والجهاز اعتبره خطأ استعماله والله حرام كذا نقضي على السمان وغيره تعتبر مجزره اعرف واحد بليله صاد 500سمان وش استفاد تراه والله ما تلذذ بهن وهذا اسراف ياخوي تراه موب بس انت تستعمل الجهاز ابي اقولك شغلة ثانية
تخيل عدد القوانيص 1000بالكويت والسعودية افترض افتراض وكل واحد بليلة خل نقول صاد 200على الأقل كم المجموع 200000ومستحيل عدد القوانيص كذا اصلا كل بيت تلقى نصهم قناصة
واسف اخوي بس تراه من باب الأخوه والرسول صلى الله عليه وسلم يقول { الدين النصيحة }{ تناصحوا}
تقبل مروري واسف كان كلامي قاسي بعض الشي
اخوك من عرعر عروس الشمال

[محب النبى]

اخوي مجلي يعطيك العافية بس ابي اقول شغلة وحدة القنيص إذا مابه تعب وكسافة وتهمتك الشمس ترى مابه حلى ولا له لذا الصيد هوايه ولا المقصود العدد ولا الأكل والجهاز اعتبره خطأ استعماله والله حرام كذا نقضي على السمان وغيره تعتبر مجزره اعرف واحد بليله صاد 500سمان وش استفاد تراه والله ما تلذذ بهن وهذا اسراف ياخوي تراه موب بس انت تستعمل الجهاز ابي اقولك شغلة ثانية
تخيل عدد القوانيص 1000بالكويت والسعودية افترض افتراض وكل واحد بليلة خل نقول صاد 200على الأقل كم المجموع 200000ومستحيل عدد القوانيص كذا اصلا كل بيت تلقى نصهم قناصة
واسف اخوي بس تراه من باب الأخوه والرسول صلى الله عليه وسلم يقول { الدين النصيحة }{ تناصحوا}
هذا الكلام الصحيح وانا اويد كلامه ميه فى الميه
وصلى الله على محمد وال محمد

[@الرحال@]

المشاركة الأصلية كتبت بواسطة صقر البحيرات

اخوي مجلي يعطيك العافية بس ابي اقول شغلة وحدة القنيص إذا مابه تعب وكسافة وتهمتك الشمس ترى مابه حلى ولا له لذا الصيد هوايه ولا المقصود العدد ولا الأكل والجهاز اعتبره خطأ استعماله والله حرام كذا نقضي على السمان وغيره تعتبر مجزره اعرف واحد بليله صاد 500سمان وش استفاد تراه والله ما تلذذ بهن وهذا اسراف ياخوي تراه موب بس انت تستعمل الجهاز ابي اقولك شغلة ثانية
تخيل عدد القوانيص 1000بالكويت والسعودية افترض افتراض وكل واحد بليلة خل نقول صاد 200على الأقل كم المجموع 200000ومستحيل عدد القوانيص كذا اصلا كل بيت تلقى نصهم قناصة
واسف اخوي بس تراه من باب الأخوه والرسول صلى الله عليه وسلم يقول { الدين النصيحة }{ تناصحوا}
تقبل مروري واسف كان كلامي قاسي بعض الشي
اخوك من عرعر عروس الشمال

صح السانك اخوي صقر البحيرات
انا اضم صوتي لصوتك

[النمر العربي]

فكره حلوه بس الاقتصاد زين

[ابوقفش]

صح لسانك . وبيض الله وجهك

[صقر20]

الأخوان ماقصروا أفادوك
ربما طرق الصيد متشابهة بدول الخليج نظراً لموقعها الجغرافي وحدودها المتقاربة
بإمكانك زيارة هذا الموضوع

ماهي طريقة صيد السمان