منتديات مكشات



لمتابعة "الأحوال الجوية والرحلات" عبر جوال مكشات أرسل الرقم 1 إلى 89200 (اتصالات) - 601259 ( موبايلي ) - 708042 (زين)

::: تابعونا على تويتر مكشات :::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية

العودة   منتديات مكشات >
الســيارات > خيمة السيارات وتجهيزاتها
التسجيل التعليمـــات قائمة الأعضاء التقويم اجعل كافة الأقسام مقروءة

إضافة رد
 
أدوات الموضوع انواع عرض الموضوع
  #1  
قديم 01/08/2003, 02:00 AM
الخبير الخبير غير متواجد حالياً
 
تاريخ التسجيل: Jul 2001
المشاركات: 1,518
المواضيع: 57
الخبير is on a distinguished road
الونش وطرق الإستفادة منه

يا مرحبا بالجميع
هذا موضوع من زمان وهو يقرقع في قلبي وودي أتكلم عنه، ولكن ماكان ودي أحط الموضوع إلا وأنا حاط كل إلي في قلبي.
( الموضوع يحتوي العديد من الصور لذلك آمل منك عزيزي القارئ الإنتظار )

ليش الونش مهم؟
غالب الناس يعتقدون إن الونش فايدته لراعين السطحات أو إلي يطلعون الناس من الغراز ولكن هذي نصف الحقيقة، فمثلاً خل نقول إنك رجال طلعت للبر تتمشى أنت و أهلك أو أنت بالحالك ثم غرزت السيارة لاسمح الله ولا حولك أحد إنتظرت ساعة، ساعتين ماشفت مخلوق و يمكن يمر واحد و يسفهك.
أو خل نقول إنك كنت رايح تتمشى بعد مطرة و طحت في طين و نفس القصة وش السواة أنت معك الواير ولكن ماتقدر تطلع السيارة لوحدك ( يمكن تقدر إذا كنت هلك هوجن أو أندريه العملاق ) إذا كان معك الونش تربطه في أقرب سدرة أو غيرة و تتل عمرك.

كيف تختار الونش المناسب؟
فيه بعض الناس الله يهديهم ، يحسبون كل ما كانت قوة الونش أقوى كل ما كان أفضل. هذي القاعدة صحيحة نوعاً ما ولكن كل ما زادت قوة الونش زاد حجمه ، و إذا زاد حجمه تبي تبلش وين تحطه.

بالنسبة لأهل الشيصان ما عندهم مشكلة لأن الصدام كبير فيقدرون يركنونه عليه. لكن هنا تجي مشكلة ثانية : خل نقول إنك شريت ونش 5.5 طن وهذا على ما أذكر أقوى الموجود و ركبته فوق الصدام صحيح إنه يبي يكون بكبر الصدام ولكن لأن حجم الونش كبير حبتين لذلك يبي يمنع دخول الهواء للمكينة، وهذي الحركة تولد حرارة دائمة للسيارة.
في نظري القاصر أعتقد إنه من 3.5 إلى 4.5 طن هن أفضل شئ بسبب الحجم المناسب و السعر المناسب.

ايضاً فيه شئ ثاني:
فيه نوعين من الفرارات إلي تكون قدام الونش الأولة هذي

أو هذا

انا افضل الثاني لأن الرول يسهل مرور الكيبل على الجوانب، أما الأول فما فيه هذي الميزة.

تركيب الونش:
طبعاً صعبة إنك تبي تركبة لوحدك، لذلك غالباً ما توديه لأحد الورش المعروفة بتركيبه سعر التركيب غالباً يكون 800 ريال، 300 ريال شغل يد و 500 للقاعدة إلي تبي تشيل الونش. يتراوح سمك هذي القاعدة من 5 ملم إلى 10 ملم ولكن أهم شئ هو التلحيم لذلك إختاروا ورشة تلحيمها زين.
هذي صورة لها

لك طريقتين للتركيب عموماً: الأولى إنك تركبه على الصدام، والثانية إنك تخفيه داخل الصدام وتفتح لك فتحه في الصدام عشان يطاع كيبل الونش.

جهاز السحب:
فيه طريقتين رئيسيتين لتشغيل الونش: الأوله عن طريق القير ، و الثانية عن طريق جهاز السحب. أنا عن نفسي أستخدم الثانية لأنها تعطيني حرية أكبر.

ملاحظة مهمة:
غالب الورش إلي تركب الونوش تحط أصابع البطارية الموجب على الموجب و السالب على ماص السيارة، وهذا خطأ وقعت فيه و بغيت أعشش بالبر ذيك المرة. يجب أن يكون الموجب على الموجب و السالب على السالب.

إذا كنت في البر و غاصت السيارة في الطين وش تبي تسوي، طبيعي تربط الونش في أقرب شجرة حولك، ولكن إذا كنت في الطعوس و غرزت السيارة وش تبي تسوي؟
هنا تجي فايدة الأطناب، وهذي الأطناب هي مثل أطناب الخيمة ولكن مواصفات ثانية، يعني الطول متر و السمك 5 سم. الموجود في السوق عندنا طوله متر ولكن سمكه 2 أو أقل وهذا ينعفط مع أقل شد. ولتسهيل دخول الطنب في الأرض و ثباته تحط لولب على أوله .

طريقة وضع الأطناب:
يوضع الطنب ثم تضرب الراس بمطرقة ثقيلة ( أنا أستخدم وحدة ثقل الراس 6 كيلو ) ثم لامنه وصل للمروحة ابد ابرم المروحة في الأرض، تبي تلقاه يغاص في الأرض ويثبت أهم شئ إنك تغرسه لأقصاه ( في الصور ما ركزته لأقصاه لأني كنت طالع بالحالي و ذبحنى العج ) ثم تربط شنكار الونش في الشنكار المربوط الملحم في الطنب.

هذي المقاومة جيدة و تقدر تسحب السيارة الخفيفة بس، إذا كنت تبي تثبيت أكبر يبيلك طنب ثاني، تحط الطنب الأول موازي للطرف الأيمن للسيارة و الثاني موازي الطرف الثاني ثم تجيب لك واير و تفره على الطنبين بحيث يكون شكل مثلث ( راسين على الطنبين و الثالث على السيارة ) مثل كذا



أهم شئ إنك تطق الأطناب في أرض صلبة، يعني تطقها على راس طعس ما ينفع.
إذا ما كان معك طنب ولا حولك شجرة، تقدر تفك الإستبنه و تحفر لك حفرة عمقها متر تقريباً ثم ترمي فيها الإستبنه ولا تنسى تربط الشنكار فيها ثم إدفن الكفر. وسم باسم الله و توكل عليه.
إذا كانت قوة الونش 3 طن، فأنت تقدر تزيدها إلى 6 طن عن طريق بكرة.


بعض النصائح الأخيرة:
للمحافظة على الونش لا بد إنه في كل مرة تستخدمة تصف الواير جنب بعض مثل الصورة هذي


إذا كنت تبي تسحب سيارة مغرزة لا بد تسحبها من ورى أو من قدام عشان تتفادى ميلان الشاص.
تأكد إنك شاد الواير بعد من تنتهي من السحب، عشان ما يرتخي عليك و أنت تمشي.
إذا أرخيت الواير و سحبته انتبه تسحبه لآخرة، لابد إنه يكون لاف على الأقل لفتين على مكينة الونش ولا من المحتمل إنه ينفلت.
إنتبه تعفط واير الونش لأنه يخربه.
إذا كنت مغرز في شعيب وكانت حولك شجرة، لا تلف واير الونش على الشجرة، إربط أي واير ثاني حول الشجرة ثم إربطه أو أشبكه في واير الونش.

أتمنى تستفيدون من الموضوع، و تستمتعون في قراءته مثل ما إستمتعت أنا في إعداده.


الخبرة هو الإسم الذي يطلقة الشخص على تجاربه الفاشلة

"Obstacles are those frightful things you see when you take your eyes off your goal."
Henry Ford
رد مع اقتباس

رابط إعلاني

  #2  
قديم 01/08/2003, 02:55 AM
بن نشار بن نشار غير متواجد حالياً
مكشاتي متواصل
 
تاريخ التسجيل: Apr 2003
الدولة: نجد
المشاركات: 194
المواضيع: 20
بن نشار
بيض الله وجهك
مشكور وما قصرت موضوع جيد ويحتاجه الكثير
وبالتوفيق
رد مع اقتباس
  #3  
قديم 01/08/2003, 03:08 AM
الصورة الرمزية بن سليم
بن سليم بن سليم غير متواجد حالياً
مكشاتي برونزي
 
تاريخ التسجيل: Jan 2003
الدولة: مـــــــــكه المـــكرمه
المشاركات: 1,060
المواضيع: 53
بن سليم
[ALIGN=center]بعد التحية والاحترام :

أخوي :

الخبير

الله يعطيك العافية والصحة....

مشكور على هذا الموضوع المميز والشيق

ولكن عندي أستفسار بسيط وهو :

إذا كنت مغرز في شعيب وكانت حولك شجرة، لا تلف واير الونش على الشجرة، إربط أي واير ثاني حول


الشجرة ثم إربطه أو أشبكه في واير الونش لـــــــــــمـــــــــاذا؟


وكم أسعار الونش الستعمل تقريباً؟


وأين أجدها؟

وشكــــــــــــــــراً........

أخوكم : بن سليم [/ALIGN]




قـديمـك . . . نـديمـك . . . لـو الجـديـد . . . أغـنـاك .


عــزبة الوســيـعــه
رد مع اقتباس
  #4  
قديم 01/08/2003, 01:28 PM
الخبير الخبير غير متواجد حالياً
 
تاريخ التسجيل: Jul 2001
المشاركات: 1,518
المواضيع: 57
الخبير is on a distinguished road
السلام عليكم
ما قصرتوا يا بن نشار وبن سليم على تعليقكم على موضوعي.

بالنسبة لسؤالك يابن سليم السبب إنك إذا لفيت واير الونش على الشجرة ، لابد إنك تربط شنكار الونش في الواير ( صح ؟) مع الشد و النتل يمكت يؤثر الشنكار في الواير ( هذا رايي أنا لأني قد شفته مرة معلم على الكيبل.
ميزة ثانية إذا كان معك واير ثاني، هو إنك تلفه على الشجرة أكثر من مرة بحيث يكون ماسكها صح، ويكون عندك مدى أكثر لسير الونش.
رد مع اقتباس
  #5  
قديم 01/08/2003, 02:18 PM
الصورة الرمزية المسفهل
المسفهل المسفهل غير متواجد حالياً

مستشار إداري

 
تاريخ التسجيل: Apr 2002
المشاركات: 2,417
المواضيع: 147
المسفهل is on a distinguished road
[ALIGN=center]عمل رائع يا مشرفنا الخبير عز الله إنك اسم على مسمى ..

أما أنا فقد إستفدت من هذا الموضوع فائدة كبيرة وأضاف إلى معلوماتي

القليلة كثيرا من الفوائد .
[/ALIGN]



رد مع اقتباس
  #6  
قديم 02/08/2003, 08:26 AM
الصورة الرمزية أيمن
أيمن أيمن غير متواجد حالياً

مستشار إداري

 
تاريخ التسجيل: Jun 2001
المشاركات: 2,921
المواضيع: 91
أيمن is on a distinguished road
[ALIGN=center]( لقد تم إضافة هذا الموضوع إلى المواضيع المميزة والشيقة في هذه الخيمة )
مع الشكر للجميع ،،


مشرف الخيمة[/ALIGN]
رد مع اقتباس
  #7  
قديم 02/08/2003, 10:01 AM
الصورة الرمزية laith
laith laith غير متواجد حالياً
 
تاريخ التسجيل: Dec 2002
الدولة: الشرقيه
المشاركات: 639
المواضيع: 70
laith is on a distinguished road
الاخ " الخبير " ..حفظك الله

موضوعك ثري جدا بالمعلومات المهمه .. حول استخدامات الونش وخاصة شرحك الوافي عن محاور الارتكاز عند استخدام الونش ..

شكرا لك على المجهود الرائع ..

هنالك نقطه احببت توضيحها .. وهي درجة الخطوره العاليه عند اسخدام الاوتاد اوالاطناب .. وتعتمد على طبيعة الارض وقوة التثبيت كما ينبغي امالة الوتد الى جهه مغايره ولو اماله بسيطه ..

نفعنا الله بكم وثبت لكم الاجر انشاءالله


اخوكم / لـــيـث :heart:
رد مع اقتباس
  #8  
قديم 02/08/2003, 12:39 PM
الباهي الباهي غير متواجد حالياً
 
تاريخ التسجيل: Feb 2003
الدولة: الوطن العربي
المشاركات: 1,118
المواضيع: 93
الباهي is on a distinguished road
موضوع ممتاز وغني بالمعلومات
والنصائح الطيبه
بارك الله فيك على افادتنا بما نجهل


طيري صدااام
(سبحان الله وبحمده سبحان الله العظيم)
رد مع اقتباس
  #9  
قديم 02/08/2003, 12:42 PM
الصورة الرمزية السمح
السمح السمح غير متواجد حالياً
 
تاريخ التسجيل: Aug 2001
المشاركات: 4,817
المواضيع: 259
السمح is on a distinguished road
[ALIGN=center]موضوع متعوب عليه
من خبير في هذه الأمور
بارك الله فيك يابوذيب
وجعلك تسلم على هالموضوع الرائع

أحلى تحية [/ALIGN]


رد مع اقتباس
  #10  
قديم 02/08/2003, 01:02 PM
الخبير الخبير غير متواجد حالياً
 
تاريخ التسجيل: Jul 2001
المشاركات: 1,518
المواضيع: 57
الخبير is on a distinguished road
السلام عليكم
أشكركم جميعاً على التعليق على مشاركتي.
أشكرك يا ليث على تعليقك على الطنب، ومثل ما تفضلت لا بد إن الطنب يصير مايل عكس جهة السيارة، ولكن إذا كان في الطنب مروحة يكون صعب هذا الشئ.
رد مع اقتباس
  #11  
قديم 05/08/2003, 01:05 AM
ممتر البران ممتر البران غير متواجد حالياً
مكشاتي متقدم
 
تاريخ التسجيل: Apr 2003
الدولة: نجد العذية
المشاركات: 641
المواضيع: 13
ممتر البران is on a distinguished road
مشكور

لاكن وين اغير الواير حقه لئنه عندي تعبان وهل هو مكلف ولا ومشكور على الموضوع الجميييييييييييييييييل
ومن وين الاطناب
واسف على الاطاله


قناص الى الابد
رد مع اقتباس
  #12  
قديم 05/08/2003, 02:24 AM
صقر صقر غير متواجد حالياً
 
تاريخ التسجيل: Aug 2002
الدولة: السعودية / القصيم
المشاركات: 4,971
المواضيع: 99
صقر is on a distinguished road
اخي الخبير

السلام عليكم ورحمة الله وبركاته

مشكور على الموضوع الرائع.

وحبيت اضيف اضافة لعلنا نستفيد منها

وهي اذا كنت مغرز ولا معك (طنب) .. فإذا كان حولك (حصى) بإمكانك احضار بعض الحصى وربطها بالواير ودفنها بالارض ومن ثم ابدأ بسحب السيارة

اما اذا كنت في نفود ولا حولك حصى فيمكنك استعمال الاستبنة بدفنها بالارض بعد ربطها بالواير ومن ثم إبدأ بسحب السيارة.

ومرة اخرى اشكرك
رد مع اقتباس
  #13  
قديم 05/08/2003, 08:58 AM
الخبير الخبير غير متواجد حالياً
 
تاريخ التسجيل: Jul 2001
المشاركات: 1,518
المواضيع: 57
الخبير is on a distinguished road
السلام عليكم
الطنب تلقاه عند المواهب.
و الواير تلقاه عند السليماني

ما قصرت يا صقر على الإضافة
رد مع اقتباس
  #14  
قديم 06/08/2003, 01:48 AM
المدهش المدهش غير متواجد حالياً
مكشاتي
 
تاريخ التسجيل: Jul 2003
المشاركات: 25
المواضيع: 3
المدهش
ماقصرت الموضوع مهم والكل يحتاجه وما يجي من نظرك الى الزود
رد مع اقتباس
  #15  
قديم 06/08/2003, 09:57 AM
ابوقاسم ابوقاسم غير متواجد حالياً
 
تاريخ التسجيل: Aug 2002
المشاركات: 1,917
المواضيع: 88
ابوقاسم is on a distinguished road
Cool كا مل والكامل وجهه..................

الله يعطيك العافية اخوي الخبير والموضوع ما شاء الله كامل من مجاميعة ......
الاوتاد هذي جا هزة ووين الاقيها ........
ومع السلامة


[imhttp://www.mekshat.com/pix/upload/sign/images/mk1463.gif[/img
[img]

انا اشهد ان الباث سيارة
http://www.mekshat.com/pix/upload/sign/images/mk1463.gif[/img]
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 11:17 AM




Powered by vBulletin® Copyright ©2000 - 2014, Jelsoft Enterprises Ltd.
Translation By : exahost.com.sa
هذا المنتدى يستخدم منتجات بلص
جميع الحقوق محفوظة © موقع مكشات ،،، لأفضل عرض استخدم : 768 ×1024 ::: مكشات / أحد المشاريع المحتضنة في حاضنة بادر لتقنية المعلومات والإتصالات