طريقة مندي لحم بسيطة اذا كنت عليمي

[ابوفهيدان]

السلام عليكم اخواني
المندي شي محبب لكل واحد ودايما نهتم بالمواضيع اللي عن المندي ونحب نعرف كيف يسوونه بس نخاف التجربه ويخرب لحمنا وانا اقول جرب بدجاج بالاول وبعدين اللحم بس الدجاااااج لازم لازم لازم يكون ذبح اليوم ماهو المجمد والا راح يخرب ومايضبط

طريقتي صار لي تقريبا 9 سنوات وانا ماشي عليها واشوف انها احسن من المطاعم بمليون مرة وبشهادة كل من جربها من الربع

عندي ملاحظة قبل لاتبدي بالمندي وهي
1- لاتحط اللحم وانت توك مغسله خل اللحم ينشف بالهواء ساعة
2- لاتخلي اللحم يلمس النار ولا تخلي الدهن يقطر علي النار داخل البرميل والا راح يصير طعم الدخان كثيف باللحم ويطغي علي نكهة اللحم بالكامل ( لاتستغرب راح تشوف بالشرح )
3_لاتحط بهارات بس ملح وزعفران ( الدجاج ..ضيف عود دارسين داخل الدجاجه)



نبدأ وبسم الله اليوم لحم تويس

اول شي كرسي ضو ومتوفر عند كل واحد




صندوق حديد (يمكن الاستعانه بقدر كبير )طبعا انا مفصله من الحديد اللي يستخدم لتوانكي المياه علشان مايصدي (وماانصح بالحديد العادي لانه ان غسلته صدي ) واغسله عقب ماتخلص ونشفه وانتبه ماتشطفه عدل ويجلس ريح الصابون باللحم




شب لك فحم او حطب بس الفحم اسرع ولاتشبه بمنقل وبعدين حطه علي الارض لازم لازم تشبه بنفس المكان اللي بتطبخ فيهوخله يستوي جدا ومايكون بعض الجمر فيه سواد وماتخليه لين يخمد حييييل بس حسيت انه استوي بالكامل ابدأ الشغل وهاذي العدة كاملة




جب اللحم وقطعه ولاتخلي القطع كبار احسب مساحة الصندوق(يمكن تقطعه اصغر بعد)






جب كاس مويه وحط ملعقة صبغ زعفران وملعقتين ملح وحركها مع المويه وامسح علي اللحم (لاتحط بهارات)
وخل اللحم ينشف شوي ومايقعد متبلل من المويه والزعفران





امسك كرسي الضو ولبسه قصدير لازم تلبسه بالكامل




ابدأ تصف اللحم علي الكرسي ولاتخلي لحم فوق لحم حاول تبعد كل لحمه لو سانتي عن الثانيه
ولاتخلي مجال للدهن يقطر علي النار لاتخلي قطع اللحم تتعدي اطراف كرسي الضو
(طبعا هاذي طريقتي لان كثرة الدهن وماينتج عنها من دخان تعطي نكهة قوية للحم وفي ناس يقولون مضرة)
طبعا راح تجي نكهة بطريقتي نفس المندي لاتحاتي (واحسن بعد)



بعدين شل الكرسي وحطه علي الضو ومايكون لاصق بالجمر طبعا واطبق عليه بالصندوق وانتبه يلامس جوانب الصندوق اللحم ويطلع طعم حرق لحم ثم ادفن الجوانب بالرمل وحط جمر فوق الصندوق ( طبعا انا زدته وحطيت فحم شوي زيادة لانه قصر علينا الجمر



عط عمرك الراحة لمدة 45 دقيقة ثم نظف الصندوق من الجمر ووخر التراب عن الجوانب
وافتحه شوي شوي علشان ماتغبر علي اللحم



طبعا خلال 45 دقيقة اللي مريح فيها خل واحد من الشباب اللي يتداوجون عندك وخاصة اللي جالسين عند الشاهي ومتبطحين يضبط الرز لحاله (بصل مع زيت ثم ضيف ملح+هيل+دارسين+مسمار+ليمون اسود غير مثقوب+مكعبين ماجي)خلها تغلي ربع ساعه ثم كب الرز( المنقوع ربع ساعه ) علية وخله يسكر

وبالهنا وبالعافيه


طبعا فيه كم واحد بيقول فيه حرق شوي
انا راح اقول السبب لان الجمر نقص علينا من كم واحد من اهل الشيش قاموا يشيلون ويحطون عندهم فأضطرينا نولع الفحم فوق الصندوق والمفروض ان الفحم اللي فوق الصندوق يكون مستوي وخالص لما نحطه
علشان كذا حصل الخلاف العربي الكبير للامة العربيه بسبب الشيش
وسلامتكم

[واكس]

لك تسع سنين تسويها وتوك تعلمنا خخخخخخخخخخخخخ
بس خطه حلوه بجربها انشالله بس وش المشكله ان حطيت بهارات؟؟؟؟؟؟

[اول 111]

مشكوووووووووووووووووووووووووووووووووور

[ابوفهيدان]

اخوي واكس مشكور علي التعليق
تبي نكهة مندي ولاتبي نكهة بهارات؟؟؟ اذا تبي نكهة مندي لاتحط بهارات علشان البهارات تغطي علي كل شي اكيد ماتصلح واها المندي يعرفون هالشي اكيد
ومشكوور

[Avalanche]

يعطيك العافيه

من جد تسلم يدك

شرح وافي
مدعوم بالصور
و تعليق جميل في نفس الوقت


عندي سؤال (مع أن الموضوع واضح)
بالنسبة للكرسي و الغطاء
كم يكون ارتفاعه عن مستوى الجمر

شكرا

[ابوسليمان2007]

الف شكر على الفكرررررررررررررررررررررره والطبخه

[ah666med]

مشكوووووووووووووووووووووووووووووووووووووور

[مسافر1]

ماشاء الله تبارك الله
طريقة رائعة وسهلة
جهد تشكر عليه أخي الكريم

[sosososo]

وين عليمي هذاشغل معلم
((مستشار))

[رياض السنباطي]

يعطيك العافيه

[ابوفهيدان]

شرفني مروركم
بالنسبة لاخوي بوعبدالله1 الارتفاع مو مهم بس اهم شي انه مايلمس الجمر

[الذيب المغترب]

يعطيك العافية .....

[الكهف1]

لك تسع سنين تسويها وحرقت اللحم
ههههههههههههههههههههههههههه

[ناصح]

طريقة فنية سهلة جدا

عليكم بالعافية

وبارك الله فيك

[ابوفهيدان]

الذيب المغترب .....لاهنت علي المرور
الكهف 1 ........ بلاك ماتدري وش احترق قبل اللحم

رياض السنباطي .....احس وانت تعلق بصوت العود استانس علي مرورك

ناصح............... يكفي المدح منك دامك نائب المشرف ويكفي اعجابك