وحش نيسان نافارا وتقرير كااامل وصور منوعة بالمواصفات السعودية

[فارس العمور]

السلام عليكم ورحمة الله وبركاته

استكمالاً لموضوع الاخ العزيز Ra3y_Datsun على هذا الرابط :

وقد طلب مني صور لسيارتي الجديدة نافارا 2008 وذلك لوجود بعض الاختلافات بين مواصفات الوكيل المسعودي والجمراني ( عفوا الحمراني)

طبعا لن اعيد ماذكر بالموضوع السابق ولكن سأوافيكم بما لدي من صور وملاحظات

بس الله نبداء... قولو مشاء الله سواء اعجبتك ام لا فذكر الله كيب يا اخوان
تم التصوير بجوال N82 من نوكيا

وهذه البداية بمقدمة جبارة بالشكل والمظهررر

اما من داخل السيارة فمشاء الله فخامه على مستوى مثيلاتها طبعا انا اضفت بعض الحاجات المهم الصور تتكلم

الطبلون نفس الشيء تقريبا ولاحظ ان ضغط المكينة يوصل 8 !! وهذا يميزها عن الهايلكس والددسن الي حدها 7


وهذا المسجل انا ركبته والاصلي بيجيكم بالصور تحت وعلى فكرة مسجل ممتااااز وسبق وكتبت عنه موضوع

وهذا المسجل الاصلي

يتبع ...

[فارس العمور]

درجين واحد بقل والثاني بدون وتحته فتحه صغيرة للفيوزات كما بالصورة ..

المراية الامامية جداااا ممتازة فيها بوصلة دقيقه وعاكس نور الكتروني يعني ماتجهر عيونك السيارات !! ومبين عليها الفخامة !!

تحكم كهربائي للقزاز والاقفال !!

المفتاح والريموت

خلفية السيارة وهنا وااااضح الاختلاف بينها وبين الخليجية !!

يتبع...

[فارس العمور]

وهنا نلاحض وجود جناع مع لمبة البريك بعكس الخليجية !!

المراتب الخلفية واسعه وبقماش اعتبره الافضل بين قريناتها


حامل للمشروبات للمقاعد الخلفية ..

طبعا وهذا اختلاف كبيرررر وهو عدم وجود خطوط على جوانب السيارة ( شطرطون)


وهذا اختلاف اخر وهو لمبه على المرايات فيها بعكس الخليجيه

ولاحظت قوة في حديد السيارة بشكل عام مقارنة بقريناتها طبعا بشكل نسبي و من المرة الاولى لقيادتها تحس بان السيارة متماااسكة جدا وافضل ما يميزةها هو الصدامات ليست من البلاستك الغبييييي ومع وجود الكشافات المصنوعة من الزجاج وليس البلاستك !!


صورة لاسفل السيارة بداية من الامام !!

يتبع..

]]>

[فارس العمور]

وهنا محرك السيارة واتوقع ما فيه اختلاف ولكن لايوجد مانع انزلاق في البريكات بعكس الخليجية !!

وهنا شيء عجيب اول مرة اشوفه وهو في قير السيارة من الاسفل لاحظت وجود حاجه مثل المساعدات تسمح للقير بالحركة مع المكينه ولا يكون مثبت بالبدي !! وهذي جديده بالنسبة لي !!
كما بالصورة

صورة لاسفل السيارة من ناحية الكفرات الامامية

اما الدفرنس فمغطاء بغطاء من الالمنيوم ليساعد على تبريد الزيت اكثررررر

هذي الانوار الداخلية نسيت احطها فوق لكم مع مكان حفظ الالنظارات

بالنهاية صور للسيارة من الخارج كختاميه للصور

طبعا مايميز الخليجية عن الحمراني على حد علمي مثبت السرعة للاسف لا يوجد عندنا ومانع الانزلاق !! هذا المهم والباقي لا يهمني
السيارة بشكل عام قوية قوية جدااا ومتماسكة لكنها تحتاج كفرات اعرض ليكمل جمالها وتزيد رساوتها
حاولت امشي عليها الى اخر شي فما جابت الا 200 كم يمكن لانها ماتمرنت كثيررر او لارتفاعها
لاحظت ان قيرها غريب شوي يعني ماهو مثل الهايلكس او الددسن سلس وخفيف وانما مثل الشاص قاسي وله اصوات وحركات طبعا مايخفاكم وجود نمرة 6 فيها !!

وسلامتكم وبأذن الله اوافيكم بكل ماالاحظة بالسيارة من ميزة او عيب علماً بأن سعرها بالوكالة 72 الف وبالمعارض 70 الف حالياً
ولكم كل الاحترام والتقدير
اخوكم فااارس

[ولد وايل]

الله يطعمك خيره وكيفيك شره ..

هل قدام دفرنس او عكس

[Avalanche]

الله يطعمك خيره وكيفيك شره ..

من جد روعه ..........


بس ........

حبيت أسأل بالنسبة للمسجل (سبق وكتبت عنه موضوع)
ممكن تضع وصلة الموضوع

الف شكر لك .....

[ذيب طي]

مـــــــــشــــــكـــــــور
على هذا التقرير الاكثر مـن رائع حقيقه
وانا اشهد انك كفيت ووفيت
والموتر بصراااحه مـــسـكـت
والله يبارك لك فيه
بس انتبه مره ثانيه لاتخاطر وتسرع
والله يحفظ الجميع.
تقبل الله عفواعفوا قصدي تقبل مروري

[sameer_1798]

ماشاء الله تبارك الرحمن عسى الله يعطيك خيره ويكفيك شره
أباسألك عساهم نزلوا دفع رباعي ؟

[Nasser_s]

الشي الوحيد الي يعيب السيارة انها مو دفرنشين يعني مش 4x4
وشكرا

[أبو_خالد]

الله يبارك لك فيها

[icom 2006]

مبروك والله يعطيك خيره ويعديك شره

بس وانااخوك كم قوه مكينته ؟؟ وكم سرندل ؟؟ وهل يجي منه دفع رباعي ؟؟ وهل هو افضل من الددسن السوبر جي ال ؟؟؟

مع خالص شكري يالغالي ...

[فارس العمور]

جزاكم الله خيررررر كلكم

وبالنسبة للاستفسارات

فالسيارة ليست دبل ولم يصل للوكيل دبل حتى اليوم


أما بالنسبة لمحرك البنزين فهوQR25DE هو هو نفس محرك الألتيما الحالية الأربعة سلندر .

مكون من IL4 في خط مستقيم بكامة علوية مزدوجـة وسعة 2.5 ليتر و16 صماماً قوة تبلغ 162 حصاناً

عند 5200 دورة/الدقيقة وعزم دوران يبلغ 25.5 كغ-م عند 4400دورة/الدقيقة.

[s3ed]

الله يعطيك خيرها ويكفيك شرها يارب

[ابوعبدالرحمن الصفيّان]

ماشاء الله تبارك الله


الله يعطيك خيرها ويكفيك شرها

[عبدالله ابو]

السلام عليكم

اولا مبروك الموتر والله يعطيك خيره ويكفيك شره

ثانيا
لفت انتباهي اللون الاسود!!
وكما تعلم ان اللون الاسود وغيره من الاوان الغامقه تمتص الحراره بعكس الاوان الفاتحه مثل الابيض الذى تعودنا عليه في سيارات البيك اب ( الونيت)

سوال

هل النيفارا يجي منه اللوان غير الابيض والاسود

والسلام عليكم