تنظيف خزان ومجاري البنزين والكلبليتر بدون فك!!!

[الحاتمي]

السلام عليكم............................................. ............ هذي ياشباب طريقه لتنظيف خزان البنزين ومواسير نقل البنزين والكلبليتر وما تكلفك الا نص علبة زيت مكينه..شل سوبر اواكسترا او اي نوع؟؟؟؟؟؟الطريقه مجربه انا على سياره هايلس موديل94 .......طلعت السياره من الوكاله قبل 10سنوات مشت معي اكثر معي 250000 كيلو وبعته ولا اذكر اني غيرت له لاصفاية بنزين ولا طرمبه ولا فكيت الخزان ولا الكلبليتر ماعليك الا انك تجيب علبة الزيت واذا جيت تعبي بنزين(فل) تحط نص علبه مع البنزين وتمسك به الخط...... واذا ودك تحط علبة الزيت كامله مايمنع لاني اذكر اني حطيت اكثر علبه كامله اكثر من مره ...............................هالطريقه تبي تنظف لك من قاع الخزان الى الكلبليتر من دون فك وتغيير اي شي بموترك والسبب ان الزيت يسهل الحركه ولزج يبي يكنس اي عوالق وتراب بعد مايختلط مع البنزين لانكم عارفين ان البنزين ناشف ولا يسهل الحركه مثل الزيت................... وترى الزيت مايخلط مع كل مره تعبي فل يعني سو الطريقه هذي بعد4 او 5 مرات تعبي بنزين او كل شهر هذي تجربه خاصه اناجربته ونجحت ومن فوايده بعد ان السياره يصير عزمه قوي شوي واشتغاله صافي وماتبلشك بالتقطيع اللي ناتج عن سد د بالطرمبه او الكلبليتر اوالصفايه او المواسير ........................... واللي عنده طرق جديده للعنايه بالسياره او اختراعات لايبخل علينا ياشباب................................اخوكم الحاتمي................................ight:

[Khalid AlGhamdi]

وعليكم السلام ورحمة الله وبركاته

مشكور اخوي بس التجربة تخوف

[قناص القرائن]

والله شي

[صقر]

طريقة رائعة وحلوة يالحاتمي

وانا اسمع انهم يحطون زيت عشرة (زيت الدركسون) في التانكي أثناء التعبئة ..

هذا بالنسبة لسيارات البنزين..

ما ذا عن سيارات الديزل ..... اسعفني يالحاتمي ..وتراك مشكور

بارك الله فيك.

[قناص القرائن]

لاكن اكيد مايخر فيها شي

[الاجودي]

انا الي سمعته زيت درقسون

وجربتها على كابرس

ولاشفت شىء واضح لاسلب ولا ايجاب

[نجمة سهيل]

[ALIGN=center]طريقه سهله ومجربه ، وأذكر سويناها على جمس ولاندكروزر في أخر رحله لنا للصيد ،

والحمدلله التقطيع الي يصير لنا بالجمس زاال ،[/ALIGN]

[الحاتمي]

الأخوه الاعزاء..................الطريقه صحيح انه تخوف بس اناجربته بزيت مكينه شل سوبر..وزيت اكسترا........ وترى حتى زيت الدركسون مقارب لزيت المكينه واهم شي انه فيه لزوجه تسهل مرور البنزين بالاماكن الصغيره والظيقه............. لان البنزين مثل ماقلت نااااااااشف....والزيت عكسه .............تبي تقتنعون اكثر. جب شوي بنزين واسكبه على راحة يدك وافركه.. وجب ثلاث او اربع قطرات من زيت المكينه من عيار الزيت اسهل لك وافرك يدك الثانيه ........................................... شف اي ايديك تحس انه تتحرك براحه ونعومه اكثر؟؟؟؟؟؟؟؟؟؟؟؟؟؟؟؟؟اكيد اليد اللي فيها زيت؟لانه لزج ويسهل الحركه وبالنسبه لك يالغالي صقر اذا كانت سيارتك ديزل اخلط مع الديزل بنزين هاهاهاهاهاها........ وعلى فكره ترى لوتحط قارورة ماء صحه صغيره بنزين بسيارتك الديزل تبي تلعلع المكينه وتزود قوته شوي بس يأثر على المكينه مع مرور الوقت خصوصا اذا كانت من نوع سفاري ديزل؟؟؟؟؟؟؟؟؟؟؟؟؟؟ اماطريقة تنظيف الديزل فيه فلتر بالكبوت يفك كل مده وينظف من الشوائب والماء والاوساخ..................ولكم تحيات الحااااااااااااااااااااااااااااااااااااااااااااااا اااااااااتمي

[قناص القرائن]

كذا ريحتني

[شاص]

ight: العلم بحرررررررررررررررررر

[العنكبوت]

طيب والبخاخ ؟؟؟
ياليت احد يقول لنا

[Bader-M]

السلام عليكم
........
انا سمعت عنها
ولكن لم اجربها
.....
ولكن فيه علبة تباع عند المحطات البنزين
وهي مخصصه لتنظيف الكلبريتر و البخاخ
واعتقد انها مضمونه اكثر
لانها من شركة متخصصه في هذه المجالات
والله اعلم
..........
تقبل تحياتي

[ابو الريم]

اخوي الحاتمي .......... كلامك فيه نوع من الصحة ولكن طريقة العلاج فيها نظر , فالبنزين القديم الذي كان يأتي بالرصاص كان يهتم بهذه القضية فالرصاص المذاب توجد من مكوناته لزوجه مثل الزيت ترطب الربلات وجلد الكربريتر وغيرها , اما بعد ازالة الرصاص من البنزين وصار بنزين خالي من الرصاص فتحتاج السيارة بين فترة واخرى ترطيب وخاصة اذا كانت كربيرتر , من طرق الترطيب مثل ما ذكر الاخوة زيت باور لان هذا الزيت يحترق ( ولا يتبخر ) واحتراقه سريع ولا يبقى منه شيء وبنفس الوقت ترطيبه عالي اما زيت المكينة شل وغيره ففيه سلبيات كثيرة لانه ما يحترق وتبخيره صعب , فاول مشاكله انه يعدم البواجي , ويكون طبقة شحم فوق البساتم وهذا يضر السيارة على المدى البعيد


عموما افضل حل مثل ما ذكر اخونا طاير بالعجة يوجد في محلات الزينة او المحطات علب لتنظيف الكربيرتر او البخاخ , فهي في الحقيقة نفس فكرة الزيت ولكن بنسب مدروسة ومن افضل الشركات شكرة STP

اما عن فلتر البنزين اخوي الحاتمي فما اظن ان الزيت ينظفه , لان عبارة عن صفايه يصفي البنزين من الشوائب , ( تعرف بنزينا نظيييف مرة ) وليس للزيت علاقة بالتنظيف واذا نظفه ( يعني ذوبها ) فهذه مشكلة لان معنى هذا الكلام ان هذه الشوائب راحت للمكينة


تحياتي ابو الريم ’’’

[الحاتمي]

اخوي الغالي ابو الريم........اشكرك على ملاحظاتك اللتي ذكرت........ودائما يكون الإختلاف في وجهات النظر له فوائد فلربما يطول هذا النقاش وهذا هو مانرجوه.... فلعله يبحر بنا إلى مالا نعرف اوإلى اشياء نعرفها ونسيناها....او يتبدل النقاش إلى موظوع اّخر اكثرفائده. وتعليقا على كلامك بأن زيت شل اوغيره من زيوت الماكينه له سلبيات في حالة خلطه مع البنزين؟ اولا:قارن بين نسبة الزيت إلى نسبة البنزين(علبة زيت 1لتر)...(خزان بنزين 80 لتر)؟؟ ألا ترى ان فيها ظلم شديد للزيت 1%80.....................................خزان سعته 80 إفتراظي فسعة الخزانات تتفاوت. وهذه النسبه لاتظر بقدر ماتفيد(مثال إظافة الكلور شديد الخطوره والسميه إلى الماء اللذي نشربه) ثانيا: زيت الماكينه قد يصل إلى غرفة الإشتعال حتى لو لم تظيفه مع خزان البنزين ويحترق ؟؟؟؟؟ والدليل ماتفسيرك للون دخان العادم الأزرق؟؟؟؟وماتفسيرك لكون بعض السيارات اللتي تحتاج إلى شمبر تكون المنطقه الخلفيه بالسياره من جهة الشكمان لونها اصفر؟؟؟؟؟؟؟؟ ثالثا: انت ذكرت في كلامك ان الزيت يعدم شموع الإشعال(البوجي)اتفق معك في هذا ولكن يبدو لي انك استنتجت هذا من سياره بحاجة إلى جلد بلوف اوتغيير شمبر.. لأن الزيت يهرب إلى غرفة الإشتعال بكثره ويؤثر على البواجي. رابعا : الطبقه اللتى نراها فوق البساتم ليست شحم؟؟ بل هي كربون ويوجد على البلوف ايظاً. خامساً: زيت الماكينه لاينظف!! بل يسهل ويسلك ويفتح الإنسدادات. ولنفترض ان الشوائب تجاوزت الفلتر(الصفايه) وتجاوزت الكربريتر اين سيكون مصيرها؟؟ بالطبع سيتم حرقها وإخراجها مع العادم. لن تبقى في الماكينه..................عموماً الغالي ابوالريم اكررشكري لك لانك زودتني بما لم يكلفني عناء البحث..............الحاااااااااااااااااااااااااااا ااااااااااااااااااااااااااااااااتمي

[أبو ناصر]

السلام عليكم
في نقطة مهمة وهي :-
بالنسبة للزيت الذي نضعه مع البنزين هل يزيد استهلاك السيارة للبنزين أو يقل استهلاكها .