طلب مساعده من النشاما عن أفضل تتبيله للدجاج المشوي؟؟؟؟؟

الرذاذ · #1 15/04/2008, 07:39 PM

يا إخوان ممكن فزعتكم أبغى طريقة و تتبيلة للدجاج المشوي اوإذا ممكن مدعم بصور
تقبلوا خالص تقديري و إحترامي ...
أخوكم الرذاذ

الطش و الرش · #2 15/04/2008, 09:03 PM

فيه تتبله اسمها كوكومان تلقاها في بنده والعثيم ممتازه اذاقطعت الدجاج حط التتبيله من يوم تشب الفحم وكل شوي قلب هالدجاج في هالخلطه اللى ماتبي اي اضافات وخذ طعم ترا الكوكومان ذا بتلقاه في قاروره بلاستيك شكل القاروره حقت المويه ولونه بني غامق

عاشق السيل · #3 15/04/2008, 11:21 PM

الطش والرش عطاك وحدة وأكيد إنها زينة على كلامه ،،

والثانية خذها من عندي ( شغل بيت ) :
أول شي جب دجاج مايزيد عن 700 جرام وقطع الدجاجة الوحدة أكثر من ثمان قطع وبعدين حضر التالي :
شوي ملح ، شوي فلفل أسود ، شوي فلفل أحمر ، علبة صلصة ، بهارات مشكلة مطحونة بس لاتكثر ، ملعقة خل تفاح ، ليمونة وحدة معصورة ، شوي ثوم مفروم حسب الرغبة ، فصين بصل مفروم ، ملعقة زيت زيتون ، بيالة ماء ،، بعدين اجمعها في قدر واحد مع الدجاج واخلطها خلطا مبرحا حتى تدوخ من الخلط !!

وحطها بالثلاجة لمدة لاتقل عن ساعة قبل الشوي ولو طولت تراها أحلى ،، وبعدين توكل على الله وابدأ بالشوي بس لازم يكون الجمر هااااااادي جدا وراكد لأبعد الحدود وبالعافية ...

وتقبل مروري الغالي ......

قاصد الصمان · #4 16/04/2008, 12:01 AM

اقتباس:

المشاركة الأصلية كتبت بواسطة الرذاذ

يا إخوان ممكن فزعتكم أبغى طريقة و تتبيلة للدجاج المشوي اوإذا ممكن مدعم بصور
تقبلوا خالص تقديري و إحترامي ...
أخوكم الرذاذ

السلام عليكم
من خلال التجارب في استخدام الطرق المختلفة في التتبيل للشوي لم اجد افضل من اضافة الملح + الخل الابيض ، ولكن يكون ذللك قبل الشوي بساعة تقريبآ حيث ان الخل يعطي نكهة جيدة للحم ، ولأن البهارات على مختلف انواعها تنشف اللحم 0

الرذاذ · #5 16/04/2008, 12:18 AM

اقتباس:

المشاركة الأصلية كتبت بواسطة الطش و الرش

فيه تتبله اسمها كوكومان تلقاها في بنده والعثيم ممتازه اذاقطعت الدجاج حط التتبيله من يوم تشب الفحم وكل شوي قلب هالدجاج في هالخلطه اللى ماتبي اي اضافات وخذ طعم ترا الكوكومان ذا بتلقاه في قاروره بلاستيك شكل القاروره حقت المويه ولونه بني غامق

و الله إنك نشمي يا الغالي و أنا أول مره أسمع عنها وإن شاء الله أجربها

ع العمرو · #6 19/04/2008, 05:58 PM

http://www.mekshat.com/vb/showthread.php?t=107567 اليك هذا الرابط اخي وارجوا ان تعم الفائدة.

الآراك · #7 19/04/2008, 09:14 PM

الطريقة المتبعة في غالب اللحوم للشواء وفي أي مطعم على وجه البسيطة
حتى مطاعم طرق السفر هو الخل والفائدة منه هو تفتيت الأنسجة الموجودة في اللحم وهو سر الطراوة الموجودة في لحوم المطاعم
الشي الثاني عشان يصير لون اللحم أو الدجاج تقل شوي فلم كرتون هو الصلصة الحمراء وبعض الناس يفضل الزعفران مثل محلات البخاري
عن نفسي والي حولي أفضل طريقة هي :
ملح ،صلصة،ثوم مدقوق،بهارات،خل،عصير ليمونة ، بعضهم يزيدون علوب حبحر عشان نكهة الحراق
(إن بغيت صلصة باربكيو زيادة )
تقطع الدجاجة أرباع وتشلخ مع المفاصل ثم
تخلط هالمقادير جميع
وتترك 3 ساعات
هذا بخصوص التتبيلة أما بخصوص الشوي فكل واحد وحسب مزاجه في مسألة النضج
وجعله مهابيط العافية

ابوفهيدان · #8 19/04/2008, 10:33 PM

عاشق السيل عزالله طريقتك مضبووووووطه
تستحق التجربه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

رابط إعلاني