منتديات مكشات


لمتابعة "الأحوال الجوية والرحلات" عبر جوال مكشات أرسل الرقم 1 إلى 89200 (اتصالات) - 601259 ( موبايلي ) - 708042 (زين)

::: تابعونا على تويتر مكشات :::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية

العودة   منتديات مكشات >
الأدوات والتجـهـيـزات > خيمة الطبخات البرية
التسجيل التعليمـــات قائمة الأعضاء التقويم اجعل كافة الأقسام مقروءة

موضوع مغلق
 
أدوات الموضوع انواع عرض الموضوع
  #1  
قديم 21/12/2008, 06:13 AM
الصورة الرمزية أخت مبارك
أخت مبارك أخت مبارك غير متواجد حالياً
مكشاتي فضي
 
تاريخ التسجيل: Dec 2008
الدولة: في بيتنا بعد وين
المشاركات: 1,632
المواضيع: 46
أخت مبارك is on a distinguished road
Thumbs up مشخول الدجاج على الطريقة البحرينية من أخت مبارك

السلام عليكم ورحمة الله وبركاته

اليوم جبت لكم طريقة مشخول الدياي على الطريقه البحرينيه

بس ارجوكم يعني لاتكسرون بخاطري وتقولون لي ليش ماحطيتي لنا صورة تطبيق الطبخه
بصراحه صعب علي اصور مع التطبيق
لاني ابي اركز اكثر على الطبخه مو التصوير عشان ماتختترب طبختي
بس ان شاء الله بحاول المرات الجايه اني اصور الطريقه بالكامل

صورة المشخول قامت بطبخه الوالدة الغاليه يطول بعمرها يارب




مقادير المشخول

2 دجاج مقطعين
ليمون اسود اثنين مقطعين قطع صغيره اولشي تكسر ثم تقطع باليد بشكل عادي جدا

1 بطاطا كبيره مقطعة مكعبات كبيره شوي

نص فلفل اخضر رومي

3 حبة كبيره طماطم مقطعه مكعبات

1 بصله كبيره

ثوم وزنجبيل مطحونين

البهارات ، كركم ، فلفل احمر ، ملح ، بزار بحريني ، فلفل اسود مطحون ، كمون وكزبرة ناشفه اللي تجي مطحونين مع بعض ،، ملح


رز من خمس اكواب تقريبا الى ست حسب الرغبه

الطريقة

نحمس البصل مع الليمون الاسود مع شوي ماء فنجان تقريبا بدون زيت حتى يذبلون وينشف الماء نهائيا وبعدين نضع الزيت ونضع الثوم والزنجبيل ونحركه حتى يذبل ونحط جميع البهارات المذكورة ونحرك ونخليه شوي تحس تطلع ريحته تقوم تحط البطاط وتقلبه شوي حتى يتحمر قليللا وبعدين نحط بقية الخضروات المذكورة ونحمس ونخليه على نار هاديه
نجي للدجاج نحمره في زيت غزير وبعدين نرجع نحطه على الخلطه اللي عملناها من شوي
بنفس الوقت في قدر ثاني
نسلق الرزق مع البهارات الحب اللي هي فلفل اسود قرنفل دارسين وهيل من كلشي شوي
وبعد مايستوي الرز نشخله ونحطه على خلطة الدجاج
ونسكر الغطا او نحط ورق قصدير ونسكر القدر زين ونغطيه بالمغطاه ونخليه على النار مدة نص ساعه على نار هاديه جددددددا
وبعدين نحط صحن على القدر ونقلبه او ممكن نغرفه بالملاس ماكو اي مشكله
يؤكل بالطريقتين
وان شاء الله تعجبكم الطبخه


ومثل ماتعرفون انا عضو جديدة هنا بالمنتدى وياريت كلمن يدخل يكتب لي رد يحط بالرد رابط اخر موضوع له بالمنتدى عشان اسوي له رد ومنها نتعرف عليكم وعلى مواضيعكم الحلوة وايد ونستفيد
وبارك الله بالجميع

رابط إعلاني

  #2  
قديم 21/12/2008, 06:24 AM
الصورة الرمزية شاهق العمق
شاهق العمق شاهق العمق غير متواجد حالياً
عضو موقوف
 
تاريخ التسجيل: Dec 2008
الدولة: بيتنا
المشاركات: 463
المواضيع: 15
شاهق العمق is on a distinguished road
رد: مشخول الدجاج على الطريقة البحرينية من أخت مبارك

تسلم يدك يا اخت مبارك وتسلم يد الوالده الله يحفظها ويطول بعمرها

طبخه شهيه شفتها الساعه سبعه الصبح اتصلت على طول على المدام قلت لها سوي مشخول دجاج

واعطيتها المقادير والطريقة وقلت لها الموضوع بمكشات اذا ماعرفتي ادخلي مكشات واقري الموضوع عساها

تضبطه زي اللي بالصوره
  #3  
قديم 21/12/2008, 06:38 AM
الصورة الرمزية سبيطي حول
سبيطي حول سبيطي حول غير متواجد حالياً
مكشاتي متواصل
 
تاريخ التسجيل: Nov 2007
الدولة: قـــــــdohaــطر
المشاركات: 114
المواضيع: 13
سبيطي حول is on a distinguished road
رد: مشخول الدجاج على الطريقة البحرينية من أخت مبارك

يالله صباح خير
شهيتينا عالصبح

عاد المره اليايه نبي الصور خطوة بخطوة كيفج عاد
وتسلمين


يــارب...
تـهـديـنـي...

قـبـل لـحـظـة الـفـوت.
  #4  
قديم 21/12/2008, 06:48 AM
الصورة الرمزية أبو درويش
أبو درويش أبو درويش غير متواجد حالياً
مكشاتي متقدم
 
تاريخ التسجيل: Oct 2008
المشاركات: 269
المواضيع: 8
أبو درويش is on a distinguished road
رد: مشخول الدجاج على الطريقة البحرينية من أخت مبارك

كبسه مضبوطه عليكم بالعوافي


طريقه جميله وسهله بجربها في الاستراحه مع العيال ...


  #5  
قديم 21/12/2008, 07:55 AM
كشته 111 كشته 111 غير متواجد حالياً
 
تاريخ التسجيل: Jun 2006
المشاركات: 643
المواضيع: 108
كشته 111 is on a distinguished road
رد: مشخول الدجاج على الطريقة البحرينية من أخت مبارك

شكرا اخت مبارك علي الطبخة الحلوة وهلا بيك بين اخوانك في السعودية , وهذا آخر مواضيعي :

http://www.mekshat.com/vb/showthread.php?t=176252


وشكرا ,,,


  #6  
قديم 21/12/2008, 09:36 AM
الصورة الرمزية أخت مبارك
أخت مبارك أخت مبارك غير متواجد حالياً
مكشاتي فضي
 
تاريخ التسجيل: Dec 2008
الدولة: في بيتنا بعد وين
المشاركات: 1,632
المواضيع: 46
أخت مبارك is on a distinguished road
رد: مشخول الدجاج على الطريقة البحرينية من أخت مبارك

شاهق العمق يعطيك العافيه ياخوي عالكومنت الطيب نورت ياهلابك
وان شاء الله تضبك المدام الطبخه والله يوفقكم يارب
  #7  
قديم 21/12/2008, 09:38 AM
الصورة الرمزية أخت مبارك
أخت مبارك أخت مبارك غير متواجد حالياً
مكشاتي فضي
 
تاريخ التسجيل: Dec 2008
الدولة: في بيتنا بعد وين
المشاركات: 1,632
المواضيع: 46
أخت مبارك is on a distinguished road
رد: مشخول الدجاج على الطريقة البحرينية من أخت مبارك

سبيطي حول والله ماضن اسوي الطبخات بالخطوات ترا احسه شي ممل ومتعب
هههههه زين مني وقفت وطبخت والله يبيله قلب التصوير عفكره
بس ان شاء الله ربك يسهل بس خلني القى قبول من الاعضاء اذا تقبلوا تواجدي ابشروا بالزين ان شاء الله
الله يعيننا
بالتوفيق ان شاء الله ياخوي
  #8  
قديم 21/12/2008, 09:46 AM
سحر الغيوم سحر الغيوم غير متواجد حالياً
مكشاتي
 
تاريخ التسجيل: Oct 2008
المشاركات: 1
سحر الغيوم is on a distinguished road
رد: مشخول الدجاج على الطريقة البحرينية من أخت مبارك

مرحبا بك اختي من البحرين .
لي رجاء أن يكون هناك تصوير أفضل لطبخة من بعد لكي يظهر الشكل العام لها ..ويعطيكم ألف عافية عليه.
  #9  
قديم 21/12/2008, 10:44 AM
ولد مزينة ولد مزينة غير متواجد حالياً
مكشاتي متقدم
 
تاريخ التسجيل: Oct 2007
الدولة: القصيـــــــــــــــم
المشاركات: 529
المواضيع: 18
ولد مزينة is on a distinguished road
رد: مشخول الدجاج على الطريقة البحرينية من أخت مبارك

مشكورة اخت مبارك على الطبخة الجميلة ومنكم نستفيد
  #10  
قديم 21/12/2008, 11:15 AM
شبكة المجمعة شبكة المجمعة غير متواجد حالياً
مكشاتي متواصل
 
تاريخ التسجيل: Nov 2008
المشاركات: 135
المواضيع: 17
شبكة المجمعة is on a distinguished road
رد: مشخول الدجاج على الطريقة البحرينية من أخت مبارك

ان شاء الله نقوم بالتجربه
الف شكر لك والله يطول في عمر والدتك وعمرك

اخر مواضيعي

http://www.mekshat.com/vb/showthread.php?t=176694
  #11  
قديم 21/12/2008, 05:57 PM
الصورة الرمزية ابوفهيدان
ابوفهيدان ابوفهيدان غير متواجد حالياً
 
تاريخ التسجيل: Oct 2007
الدولة: درة الخليج (الكويت)
المشاركات: 2,608
المواضيع: 63
ابوفهيدان is on a distinguished road
رد: مشخول الدجاج على الطريقة البحرينية من أخت مبارك

وليش ماتطبخينها انتي ؟؟؟؟
ماخذه طبخة الوالدة وتشرحين عليها ؟؟ الله يخليها لك
لازم الخطوات بالترتيب وتصورينها يمكن نسويها وتطلع مرقوق
تري احنا اهم شي عندنا الصور تصدقين اننا مانقرا التفصيل والمكونات بس نطالع بالصور لين تخلص هذا الواقع

ننتظر جديدك ووين الكرك؟


لايمكننا حل المشاكل ...
باستخدام نفس العقلية التي انشأتها .




ألبرت آينشتاين
  #12  
قديم 21/12/2008, 08:28 PM
الصورة الرمزية أخت مبارك
أخت مبارك أخت مبارك غير متواجد حالياً
مكشاتي فضي
 
تاريخ التسجيل: Dec 2008
الدولة: في بيتنا بعد وين
المشاركات: 1,632
المواضيع: 46
أخت مبارك is on a distinguished road
رد: مشخول الدجاج على الطريقة البحرينية من أخت مبارك

ابو فهيدان هلا والله ان شاء الله كاني يالسه اطبخ لكم ماتشوف انت جايتك بصور طبخاتي
اشدعوه عاد كلها طبخه وحده حطيتها للوالده الباقي كله انا والكرك توي احين من ثواني نزلته بالمنتدى

ياهلا نورت تسلم
  #13  
قديم 21/12/2008, 08:45 PM
الصورة الرمزية رحال الخليج
رحال الخليج رحال الخليج غير متواجد حالياً
مكشاتي متقدم
 
تاريخ التسجيل: Jun 2007
المشاركات: 671
المواضيع: 7
رحال الخليج is on a distinguished road
رد: مشخول الدجاج على الطريقة البحرينية من أخت مبارك

ماشاء الله مشكوره الله يعطيك العافية


  #14  
قديم 21/12/2008, 09:54 PM
الصورة الرمزية faad
faad faad غير متواجد حالياً
مكشاتي برونزي
 
تاريخ التسجيل: Apr 2006
المشاركات: 1,028
المواضيع: 25
faad is on a distinguished road
رد: مشخول الدجاج على الطريقة البحرينية من أخت مبارك

ماشاء الله يا اخت مبارك
وفقكي الله لما يحب ويرضى ونرجو الاسنمرار في هذه المواضيع الشيقة والمجوعة
faad


  #15  
قديم 21/12/2008, 10:12 PM
اذكر ربك اذكر ربك غير متواجد حالياً
مكشاتي متقدم
 
تاريخ التسجيل: Aug 2008
المشاركات: 202
المواضيع: 6
اذكر ربك is on a distinguished road
رد: مشخول الدجاج على الطريقة البحرينية من أخت مبارك

ماشاء الله تبارك الله ... تسلم الأيادي يابنت الأكارم

سبحان الله وبحمده سبحان الله العظيم


انا مانيب مشرك ولا فاسق ولا عربيد ... انا الي لا عصى واخطا تجهم واقلقه ثوبه

أنا عبدك ولد عبدك وجداني هل التوحيد ... خطاياي اخجلتني يالله الغفران والتوبه



موضوع مغلق


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:20 PM




Powered by vBulletin® Copyright ©2000 - 2014, Jelsoft Enterprises Ltd.
Translation By : exahost.com.sa
هذا المنتدى يستخدم منتجات بلص
جميع الحقوق محفوظة © موقع مكشات ،،، لأفضل عرض استخدم : 768 ×1024 ::: مكشات / أحد المشاريع المحتضنة في حاضنة بادر لتقنية المعلومات والإتصالات