يا ذيب عاهدني وعاهدك مرميـــــــك***مرميك انا يا ذيب لو زان مرمـــاك

[عقال]

قصيدة الشاعر الفارس / براكات الشريف ينصح ابنه مالك

يا مرقب بالصبح نطيت راقيك

ما واحد قبلي خبرته تعلاك

وليت ياذا الدهر ما كثر بلاويك

الله يزودنا السلامة من اتلاك

ياللي على العربان عمت شكاويك

وليت يا دهر الشقا ول مقواك

واليوم هالكانون غادن شبابيك

تلعب به الارياح من كل شباك

يامالك اسمع جابتي يوم اوصيك

واعرف ترى يابوك بامرك وانهاك

وصية من والد طامع فيك

تسبق على الساقه السانه العلياك

اوصيك بالتقوى عساء الله يهديك

الها وتدركها بتوفيق مولاك

الله بحق اجدادك العز يعطيك

مرضاته مع ما تمنا من امناك

احفظ دبشك اللي عن الناس مغنيك

اللي الى بان الخلل فيك يرفاك

وعرف ترى مكة والاها ابناخيك

لو تطلبه خمسة ملاليم ما عطاك

اجعل دروب المرجلة من معانيك

واحذر تميل عن درجها بمرقاك

لا تنسدح عنها وتبغيني اعطيك

جميع ما يكفيك ما حاصل ذاك

ادب ولدك ان كان تبغيه يشفيك

واستسعفه من بعد مرباه يا لاك

اما سمج وستسمجك عند شانيك

ويغر من فعله صديقك وشرواك

والا بعد جهله تراه ياذيك

لو زعلت امه لا تخليه يالاك

واحذر تضيع كل منهو ذخر فيك

معروفه لا تنساه واوفه بعرفاك

ترا الصنايع بين الاجواد تشريك

اليا طمعت بغرسها لا تعداك

واحذر سرور بغبة البحر يرميك

ولا عنده املس من تشكيك وبكاك

واوف الرجال حقوقها قبل تعنيك

والا تعتمد بالقول والحق يقفاك

وهرج النميمة والقفا لا يجي فيك

واياك عرض الغافل اياي واياك

تبدي حديث للملا فيه تشكيك

وتهيم عند الناس بالكذب وشراك

واليا نويت احذر تعلم بطاريك

كم واحد تبغي منه عرف وغواك

واحذر شماتة صاحب لك مصافيك

اليا جرالك جاري قال لولاك

ولا تحسب ان الله قطوع يخليك

ولاتفرح ان الله على الخلق بداك

الضيف قدم له حين يلفيك

مما تنوله يا فتى الجود يمناك

اكرم اقباله فانها من شواديك

وابذل له المجهود ما دام يعناك

احذر تلقي الضيف مقرن علابيك

خله محب لك صديق اذا جاك

واوصيك زلات الصديق ان عثا فيك

ما دام يغطاها الشعر فاحتمل ذاك

راعه ولو ما شفت انه يراعيك

عساك تكسر نيته عن معاداك

واحذر عدوك لو ظهر بي يصافيك

خلك نبيه وراقبه وين ما جاك

لا تامنه واطلب من الله ينجيك

ويكفيك ربك شر ذولا وذولاك

شفني انا يا بوك ابامرك ونهيك

عند التعرض بين الاثنين حذراك

اذا حضرت إطلابة مع شرابيك

اسع لهم بالصلح واللاش يفداك

ابذل لهم بالطيب ربك ينجيك

والا تجضع الميزان مع ذا ولا ذاك

اما الشهادة فادها ان ادعو فيك

بين عمود الدين لا عميت ارياك

بالك تماشي واحد لك يرديك

طالع بني جنسك وفكر بممشاك

رابع اصيل في زمانك بشاكيك

لاشاف خملاتك عن الناس غطاك

واحذرك عن طرد المقفي حذاريك

عليك بالمقبل وترك اللي تعداك

ثم العن الشيطان لياه يغويك

ترى ان تبعته للشرا بيك وداك

واوصيك لا تشكي علينا بلاويك

انت السبب أخذك اعيونك بيمناك

واعرف ترى ما قد وطا الفعر واطيك

ولانت اعز من الجماعة هذولاك

المسك يا راسي عن الذل واخطيك

واحذر تكلم يا لساني وحذراك

والطف بجارك وقم دون عانيك

وافطن لما يعنيك عن ربعة اخواك

ياذيب وان جتك الغنم في مفاليك

فاكمن لين ان الرعايا تعداك

امنول يا ذيب تفرس باياديك

واليوم جا ذيب عن الفرس عداك

يا ذيب عاهدني وعاهدك مرميك

مرميك انا يا ذيب لو زان مرماك

والنفس خالف رايها قبل ترميك

ترى لها الشيطان يرمي بالإهلاك

ومن بعد ذا الا تصحب النذل يعديك

وعن صحبة الانذاك حاشاك حاشاك

ترى العشير النذل يخلف طواريك

وانا ارجي انك ما تجي دون اباك

والهقوه انك ما تجي دون اهاليك

ولا ظن عود الورد يثمر بتنباك

والحر مثلك يستحي يصحب الديك

وان صاحبه عاعا معاعات الادياك

لا تسمع قول الطرف يوم يلفيك

بالكذب يقضي حاجته كل ما جاك

من نم لك نم بك ما فيه تشكيك

ويلاه قد ازرا رفيقك وأزراك

عندك حكا فينا وعندي حكا فيك

واصبحت كارهنا وحنا كرهناك

ماخطاك ما صابك ولو كان راميك

وللي يصيبك لو تتقيت ما خطاك

مير استمع مني عسى الله يهديك

النصح يا مالك لك االله مولاك

عندي مظنه ما تمثلتها فيك

واطلب لك التوفيق من عند مولاك

[عاشق الشعر]

بسم الله الرحمن الرحيم
السلام عليكم ورحمة الله وبركاته
الاخ العزيز عقال اشكرك على الاختيار الرائع لهذه القصيده

[* ضب *]

رحم الله الشاعر
الصراحة قصيدة فيها من الحكم الكثير
لكن .. خل عنك قصيده.. وبس
شكراً لحسن اختيارك

[ابو عايد]

[align=center]

شكراً أخي العزيز عقال على هذه المشاركه الجيده والجميل بحق

وصح لسانك ويعطيك العافيه

ونتطلع لجديد

وتقبل تحياتي // العاشق الولهان [/align]

[عقال]

يعطيكم العافية على الردود

[سالم سالم]

السلام عليكم ورحمة الله وبركاته
صح لسانك ياعقال وقصيدة طيبة ولو مافيها الا :
يـا ذيـب عاهدنـي وعـاهـدك مرمـيـك
مرميـك انـا يـا ذيـب لـو زان مرمـاك

ويعطيك العافية

[دعيج]

السلام عليكم ورحمة الله وبركاته

قصيده رائعه جدا ..

جزلة المعاني ..

شكرا على هذه المشاركه الرائعه .....

[مريقب العيفار]

يا اخوان كل مرة تمر علي هالقصيدة

احس ان وراها شي

يعني المسألة ما هي بس نصيحة ولد

يقول
امـنـول يـــا ذيـــب تـفــرس بـايـاديـك
واليـوم جـا ذيـب عـن الفـرس عــداك

لكيد هو يشير الى شي

لكن وشو هالشي؟!!

أحد يا اخوان الله يجزاكم خير يقول لنا وش سالفة هالقصيدة

[بيالة]

أخوي عقال مشكوووووووووور على القصيدة

فيه قصيدة فيه قصيدة يقو مطلعها
التايه اللي جاب مصري يقنه مدري من تكون له

[سبيع الغلباء]

اخوي عقال...
صح لسان قيله
ونقله
بس طويله ممله
لو صوتيه كان ازين
بس مشكووووووور

[وبل نجد]

مشكوووووووووووووووورررررررررر

[الهواوي0]

صح لسانك ويعطيك العافيه

[سلطان المغيري]

ياسلام ابيات درر من جواهر وياقوت
خاصه هذي الابيات فيها من المعاني الكثير
تشكر على الاختيار الطيب

مـن نـم لـك نـم بـك مــا فـيـه تشكـيـك

ويـــلاه قــــد ازرا رفـيـقــك وأزراك

عنـدك حكـا فينـا وعـنـدي حـكـا فـيـك

واصبـحـت كارهـنـا وحـنـا كرهـنـاك

[الوتر الحزين]

شكرا اخوي على القصيده الجزله والحكيمه

احيي ابن عمي سبيع الغلباء وجميع الاعضاء