منتديات مكشات



لمتابعة "الأحوال الجوية والرحلات" عبر جوال مكشات أرسل الرقم 1 إلى 89200 (اتصالات) - 601259 ( موبايلي ) - 708042 (زين)

::: تابعونا على تويتر مكشات :::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية

العودة   منتديات مكشات >
الـمـوروث الـشــعـبي > خيمة القصائد المكشاتية
التسجيل التعليمـــات قائمة الأعضاء التقويم اجعل كافة الأقسام مقروءة

إضافة رد
 
أدوات الموضوع انواع عرض الموضوع
  #1  
قديم 16/07/2004, 12:11 AM
الصورة الرمزية ابو عايد
ابو عايد ابو عايد غير متواجد حالياً
 
تاريخ التسجيل: Sep 2002
الدولة: فى ارض الله الواسعة
المشاركات: 4,499
المواضيع: 162
ابو عايد is on a distinguished road
قصائد القنص والطيور

الصبح تلقى للحباري مماشي ومقيضات ماثعو هن صقاقير
وطلعت قرناس بصدره نقاشى ومجرب ماهوبرا عى تناكير
لاشاف طلعه زان وجهه وهاشي ثم انطلق والكف يرخي له السير
وسقنا خلافه مع حروف الدشاشى متجنبين الروض هو والعثامير
سواقنا ماهو خطات الجغاشي متعلمن للطرد في ديره الطير
حول من اللجه تقل وبل ناشي وصاد المخيش واكتنفنا المخامير
وثارن عليهم بالمكن والنواشي ماطار طاح ونومسن راعي الطير
ويازين عقب العصر وقت المعاشي وتعليمنا لو حوشنا بالمواكير
هب البراد وصار فيها رشاشي ثم انحرفنا للدلال المباهير
في وسط صيوان ملي بالفراشي فيه النشاما والوجيه المسافير
رفقه خلاما هي بخوه معاشي وبين اخويانا ماتهم المخاسير
للشاعر /عيسى النومس


رد مع اقتباس

رابط إعلاني

  #2  
قديم 16/07/2004, 12:19 AM
الصورة الرمزية ابو عايد
ابو عايد ابو عايد غير متواجد حالياً
 
تاريخ التسجيل: Sep 2002
الدولة: فى ارض الله الواسعة
المشاركات: 4,499
المواضيع: 162
ابو عايد is on a distinguished road
[align=center]الشاعر حمد السعيد
شاعر كويتي شاب عشق المقناص والصحراء والوسم والربيع والبارق والمطر كأي شاب بدوي فهذا عشقنا وهذا ماجبلنا وتربينا عليه ..
لشاعرنا الشاب حمد السعيد الكثير من القصائد بالمقناص .وتميز شعر حمد السعيد بالعذوبة ووصفه الدقيق للطير لكثرة علاقته به وقربه لنفسه ..
اول قصائد الشاعر والتي سأعرضها عليكم من خلال هذه المشاركة التي سأورد فيها قصائد شاعرنا هي قصيدة الطلح ..والطلح هي شجرة ذات اشواك تنبت في الصحراء وكانت مناجاة وحديث شجن بين شاعرنا الذي يحاكي شجرة الطلح من خلال قصيدة رائعة وهو يسأل الشجرة عن طيره الذي فقده ...
بأسلوب سلس وشيق وفي نفس الوقت يبين لنا الشاعر حمد السعيد مدى العلاقة والحب الذي يجمع بينه وبين الصقر ..
اترككم مع القصيدة [/align]
"
[align=center][/align]
يالطلح مامرك مع الصبح صافي طيرٍ غدا لي امس والشمس حيه
اتلى العهد به راح يطرد مقافي خبري به اوما في جناحه هنيه
ورد الطلح لاوالله الا مرنا العصر وافي
اقبل علينا ثم اخذ بانحرافي يوم الحباري وقعن له سويه
قال الشاعر يالطلح قل لي عل مابه خلافي
كانه تعشى قلت عله عوافي والحي يجمعه الولي مع خويه
ورد الطلح لاوالله الا صاد خرب متعافي
لامفلسٍ مره ولاقال كافي يوم اخلفنه عن عشاه حقبيه
قال الشاعر خابره والله قاطعٍ مايخافي
انشدك باللي منبتك بالسوافي عساه في خيرٍ ولافيه سيه
رد الطلح خبري به اقرش في سبوقه خلافي
والفجر شخّص بالنواظر وشافي طلعه بعيد ويمته ساحليه
قال الشاعر يالطلح ذا حبه ولاهو بخافي
بعض الطيور ان راح قلنا عوافي لاشك هذا وين ابلقى حليه
رد الطلح اتعب عليه وعادت الحر يافي
يجيبه اللي رازقٍ هالعجافي بهايمٍ تمشي على غير نيه
قال الشاعر يالطلح لك مني يابو غصن ضافي
لاجيك انا في موتر القش هافي واسقيك هاللي باقي بتانكيه
وآطا على رملة سوافيك حافي وكلٍ على ماقيل يذكر خويه
للشاعر / حمد السعيد


[align=center]قصيده بصوت الشاعر حمد السعيد [/align]


التعديل الأخير تم بواسطة ابو عايد ; 18/08/2004 الساعة 11:30 PM.
رد مع اقتباس
  #3  
قديم 16/07/2004, 12:24 AM
الصورة الرمزية ابو عايد
ابو عايد ابو عايد غير متواجد حالياً
 
تاريخ التسجيل: Sep 2002
الدولة: فى ارض الله الواسعة
المشاركات: 4,499
المواضيع: 162
ابو عايد is on a distinguished road
[align=center]كما ذكرت لكم اخواني واخواتي في الجزء الاول ان هناك تكملة لما حصل مع الشاعر حمد السعيد ومناجاته لشجرة الطلح وهو يسألها عن صقره الذي فقده اثناء المقناص .وبينت لكم الحب والعلاقة التي تربط القناص بصقره .
لم يعثر حمد السعيد على صقره وحزن كثيراً لفقده وكان كل مابتمناه ان يكون الطير في خير وشبعان وان البرد لم يؤثر عليه
وصلت قصيدة الطلح الى مسامع الناس عبر الصحف واللقاءات مع الشاعر حمد السعيد وسمع بها سمو الامير عبد العزيز بن سعود((السامر)) والامير عبد العزيز من عشاق القنص ومن عشاق طير الحر وتألم لاحساسه بمعاناة شاعرنا حمد السعيد وهو يناجي شجرة الطلح وينشدها عن طيره
واختار سمو الامير اطيب صقوره وارسلها الى الشاعر حمد السعيد لعله يعوضه عن صقره او يخفف بعضاً من معاناته ..
وكان لابد ان يسجل هذا الموقف لسمو الامير عبد العزيز بن سعود
وكانت هذه الابيات التي كتبها الشاعر حمد السعيد وهو يصف طيب سمو الامير عبد العزيز بن سعود من خلال دمج كل ذلك مع الوصف الدقيق والرائع للصقر ..
اترككم مع القصيدة لتستمتعوا [/align]


يالبازعي طيري طلع مثل راعيه زولٍ وفعلٍ والمواري تشابه
بالطلع موقف مالقى من يماريه عساه يسلم سيدي يوم جابه
له ماكرٍ في بر فارس محاريه كني اشوفه يوم خاطو اقطابه
صفاة وجهه مع شدوده توديه ضمن الحرار ولاوراها اااطلابه
النادر اللي يوم عزمت اسميه سميته (السامر) واشوفه زهابه
اليا قفيته شفت دقٍ محنيه واليا نطحته من عيونه تهابه
كن الثريا في قواطي مواميه ابيض نحر كنه يشع الضوا به
هجرٍ..قصير الساق..جبره ثناديه وله عاتقٍ يعطي شموخ ومهابه
اليا مسح وجهه ونهض مواطيه يطري علي اللي عزيزٍ جنابه
به من طبوعه مشبع اللي حواليه وماخذ من طبوعه ليان بصلابه
وجهه ليامن صاد يشبه محاليه لابشر بضيفٍ وردد هلا به
لاتل سبقه قلت ياطير لبيه واقفى وكني كاسبٍ به ثوابه
وجاهن وهو كن المنايا تباريه زيزوم قوم وفزعوه القرابه
اللي معه بالطلع ماعاد يمديه ياصل مطاليعه وهو مادرى به
من عادته برق الدواغر مداميه في صيدته الطير غمقٍ صوابه
اليا ضرب ماوافق الضرب يفريه كن بيمينه من سيوف الصحابه
ينقى كبير العرف ماهو يخليه من خيشت قدمه نهبها نهابه
ياسعد عين اللي قنص عانيٍ فيه طيرٍ وماخذ من طبوع الذيابه
لاصارت الدعوا عناد ومشاريه اخذه وكنك ماخذٍ معك لابه
الطير احبه حيل من حب راعيه عبد العزيز اللي عزيزٍ جنابه
الشاعر / حمد السعيد


[align=center]قصيده بصوت الشاعر حمد السعيد [/align]
رد مع اقتباس
  #4  
قديم 16/07/2004, 12:29 AM
الصورة الرمزية ابو عايد
ابو عايد ابو عايد غير متواجد حالياً
 
تاريخ التسجيل: Sep 2002
الدولة: فى ارض الله الواسعة
المشاركات: 4,499
المواضيع: 162
ابو عايد is on a distinguished road
[align=center]قصيدة اخرى للشاعر حمد السعيد بعنوان الشيح
والشيح نبات صحراوي طيب الرائحة والطعم حيث انه بعد تجفيفه يشرب مع الشاي او يشرب لوحده وله طعم طيب ورائحة طيبة ..وفي الفياض اللي يكثر فيها الشيح يشبونه ليستدفؤا بناره
وهاهو شاعرنا من جديد يناجي هذه النبتة بأسلوب شيق وهو يودعها بعد مضي فترة في الصحاري للقنص وقد غلبه الشوق لابنه ((خالد)) . الا انه يعتذر من هذه النبتة لانه سيغادر الى الديره والاهل ..وحمد السعيد تميز بهذا الاسلوب فكما سمعناه وهو يقول بيتين شعر ويرد على نفسه بلسان شجرة الطلح ..وهنا يتحاور مع نبتة الشيح ويحاورها بأسلوبه المميز وشاعريته المرهفة ومفرداته البدوية الاصيلة ..
هذا الملف لقصائد القنص وهذه القصيدة لم يذكر بها حمد السعيد الطير ولكنها قريبة لقلوبكم لانها تصف اماكن المقناص وهدة الطير وهي جزء من هذا الملف الذي ارجو ان اضع به كل ماتقع عليه يدي لأعرضه لكم بهذه الطريقة التي اتمنى ان تحوز على اعجابكم
واترككم مع القصيدة[/align]
[align=center]
[/align]
ماجيت منك وخاطري فيك يالشيح ماجيت منك الا وانا خالصٍ منك
طرت على قلبي طواري المراويح للديره اللي شوفها يعوضني عنك
قال الشيح الله اكبر كن مالك مساريح
ماكن مريتو قنوصٍ مصابيح من كثر صيدي عقب الامحال مسمنك
منقولة قال الشاعر
ودعت بك ربعٍ كرامٍ مفاليح بعيونهم عشقٍ قديم لمواطنك
وانا دموعي مثل دمع التماسيح ياموطني يالله عسى الخير يسكنك
قال الشيح يرزقني اللي منشي السحب والريح
واللي قعدوا عندي عساهم مرابيح فقعٍ وصيدٍ وانت يالعجل ماارعنك
قال الشاعر يالشيح دوك ايدي شهبٍ مجاريح
ولالقيت ابك الدفا وهبة الريح كم ليلةٍ ازرت ظلوعي تزبنك
قال الشيح مثلك يبي رمثٍ وبيضٍ صحاصيح
روح..وباكر لالفيتو مشافيح والله لادسس كل ماتشتهي عنك
قال الشاعر يالشيح ماقصدي ملل يوم انا اصيح
يطري علي (خالد)عقب وقفة الريح واهل دمعٍ لو تحسه يحزنك
انا اتحضن وهم وافز واطيح وانت السحاب وكل نجمه تحضنك


[align=center]قصيده بصوت الشاعر / حمد السعيد [/align]

التعديل الأخير تم بواسطة ابو عايد ; 03/03/2005 الساعة 12:05 AM.
رد مع اقتباس
  #5  
قديم 16/07/2004, 01:18 AM
الصورة الرمزية ريف النشاما
ريف النشاما ريف النشاما غير متواجد حالياً
 
تاريخ التسجيل: Mar 2004
المشاركات: 7,133
المواضيع: 481
ريف النشاما is on a distinguished road
السلام عليكم ورحمة الله وبركاته

[align=center]أخي ابو عايد

أختيار موفق وسلس قصائد عذبه وجميله جدا
مناجاة شاعر وقناص متمكن
محاوره جميله جدا
صح لسانك يابن سعيد

أخي أضافة لجمال هذا الموضوع فقد أدخلت الصور



تحياتي
[/align]


رد مع اقتباس
  #6  
قديم 17/07/2004, 04:07 AM
الصورة الرمزية بــح ــر الــكــرم
بــح ــر الــكــرم بــح ــر الــكــرم غير متواجد حالياً
مكشاتي متقدم
 
تاريخ التسجيل: May 2004
الدولة: الحفنه
المشاركات: 561
المواضيع: 55
بــح ــر الــكــرم is on a distinguished road
شكراً لك أخوي أبو عايد

وأتحفتنا بالقصيد والقصص الجميله
ونريد منك الزود
وعلى قولتهم
أنت كريم
وحنا نستاهل


رد مع اقتباس
  #7  
قديم 17/07/2004, 07:42 PM
الصورة الرمزية المُهند
المُهند المُهند غير متواجد حالياً
مكشاتي متقدم
 
تاريخ التسجيل: Dec 2003
الدولة: جنون الشعر
المشاركات: 204
المواضيع: 2
المُهند
[align=center] السلام عليكم ورحمة الله وبركاته




شكرا لك وماقصرت


كفيت ووفيت ...الله يعطيك العافيه



وتسلم يمناك على هذا الاختيار


تحياتي لك
[/align]







www.3abs.com
هذي عوايدنا إليا ثار هالقبــــــــــس

,,,, تلحق علي درب الطلابه طلابــــــــــــــــه 0

حنا هل العادة سلايل بني عبـــــس

,,,, كم عايلٍ يزمي وحنا عـذابــــــــــــــــــه

رد مع اقتباس
  #8  
قديم 23/07/2004, 11:01 PM
قشاع الرمث قشاع الرمث غير متواجد حالياً
عضو موقوف
 
تاريخ التسجيل: May 2003
المشاركات: 1,050
المواضيع: 55
قشاع الرمث
السلام عليكم ورحمة الله وبركاته

مضوع جميل تشكر عليه يا ابو عايد ..
عندي سؤال اذا ما فيه ازعاج

وهو وين ممكن القا قصايد الشاعر حمد السعيد
على اشرطه مسجل بصوت الشاعر او غيره.
علما باني في الرياض .

مع الشكر ..
رد مع اقتباس
  #9  
قديم 25/07/2004, 12:35 AM
الصورة الرمزية ابو عايد
ابو عايد ابو عايد غير متواجد حالياً
 
تاريخ التسجيل: Sep 2002
الدولة: فى ارض الله الواسعة
المشاركات: 4,499
المواضيع: 162
ابو عايد is on a distinguished road
[align=center]أخي الغالي ريف النشاما مشكور على مرورك

وعلى هذه الاطلاله الرائعه من مشرفنا الغالي

وكلك ذوق .......... ويعطيك الف عافيه يابو عبد العزيز

[line]

هلا والله وغلا باخوي السهلي مشكور على مرورك

وابشر والله من عيوني الثنتين وما عليك زود

[line]

وعليكم السلام ورحمة الله وبركاته

مشكور يالغالي على مرورك .......... .

وما عليك زود .... والله يعافيك ومن قال يسلم يالغالي

[line]

وعليكم السلام ورحمة الله وبركاته

لا شكر على واجب ....... ومشور على مرورك اخوي قشاع الرمث

على ما اعتقد ان الشاعر اشرطه تسجيل في الكويت

ولكن ابحث عنها في مواقع التسجيلات الاسلاميه وانشاء الله تلقاها

[line]

واسف على التاخير يا رجال

وتقبلوا تحيات العاشق الولهان [/align]
رد مع اقتباس
  #10  
قديم 26/07/2004, 02:57 AM
الصورة الرمزية بــرق الشمال
بــرق الشمال بــرق الشمال غير متواجد حالياً
مكشاتي متقدم
 
تاريخ التسجيل: Sep 2003
الدولة: السعوديه
المشاركات: 728
المواضيع: 30
بــرق الشمال
مشرفنا العزيز ابو عايد الله يعطيك
العافيه على هالقصائد وسبقتن بقصيده
حمد السعيد ....على العموم الشكر لك كل الشكر


رد مع اقتباس
  #11  
قديم 30/07/2004, 01:10 PM
الصورة الرمزية ابو عايد
ابو عايد ابو عايد غير متواجد حالياً
 
تاريخ التسجيل: Sep 2002
الدولة: فى ارض الله الواسعة
المشاركات: 4,499
المواضيع: 162
ابو عايد is on a distinguished road
[align=center]هلا والله وغلا ببرق الشمال

مشكور على مرورك والله يعطيك العافيه

والشاعر قد اعجبني بقصائده وقمت بطرحها بصوته وله ديوان وله موقع معروف

وتقبل تحيات // العاشق الولهان[/align]
رد مع اقتباس
  #12  
قديم 19/08/2004, 02:29 PM
الصورة الرمزية ابو عايد
ابو عايد ابو عايد غير متواجد حالياً
 
تاريخ التسجيل: Sep 2002
الدولة: فى ارض الله الواسعة
المشاركات: 4,499
المواضيع: 162
ابو عايد is on a distinguished road
[align=center] السلام عليكم ورحمة الله وبركاته

اقتباس:
عندي سؤال اذا ما فيه ازعاج

وهو وين ممكن القا قصايد الشاعر حمد السعيد
أخي قشاع الرمث هذا موقع الشاعر حمد السعيد من هنا

وتقبل تحياتي // العاشق الولهان [/align]
رد مع اقتباس
  #13  
قديم 20/08/2004, 12:20 AM
الصورة الرمزية قناص الحفر
قناص الحفر قناص الحفر غير متواجد حالياً
مكشاتي متواصل
 
تاريخ التسجيل: Aug 2004
الدولة: حفرالباطن
المشاركات: 72
المواضيع: 9
قناص الحفر
((( ماشاء اللــــــــــــــة )))

السلام عليكم ورحمة الله وبركاته

اخوي
صح لسانـــــــــــــــ ـك

ابي قصيدة عن جيب سفاري ولا تواخذني اذا قلت
الموديل
92 ومشكور على القصائد




سوا لي الكيف وارهو لي الدلة &&&&&
البن الاشقر يداوي الراس فنجالة &&&&
رد مع اقتباس
  #14  
قديم 20/08/2004, 01:38 PM
الصورة الرمزية ابو عايد
ابو عايد ابو عايد غير متواجد حالياً
 
تاريخ التسجيل: Sep 2002
الدولة: فى ارض الله الواسعة
المشاركات: 4,499
المواضيع: 162
ابو عايد is on a distinguished road
[align=center]هلا والله قناص الحفر

مشكور على مرورك وصح ابدانك وانشاء الله الشباب مايقصرون

وتقبل تحياتي // العاشق الولهان [/align]
رد مع اقتباس
  #15  
قديم 08/01/2008, 10:35 PM
الصورة الرمزية أبوعبدالرحمنa
أبوعبدالرحمنa أبوعبدالرحمنa غير متواجد حالياً
مكشاتي متواصل
 
تاريخ التسجيل: Nov 2007
المشاركات: 62
المواضيع: 1
أبوعبدالرحمنa is on a distinguished road
رد: قصائد القنص والطيور

يعطيك العافيه اخوي ابوعايد ماقصرت
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:07 AM




Powered by vBulletin® Copyright ©2000 - 2014, Jelsoft Enterprises Ltd.
Translation By : exahost.com.sa
هذا المنتدى يستخدم منتجات بلص
جميع الحقوق محفوظة © موقع مكشات ،،، لأفضل عرض استخدم : 768 ×1024 ::: مكشات / أحد المشاريع المحتضنة في حاضنة بادر لتقنية المعلومات والإتصالات