خرافة مكينة 511 ؟؟ هل حقيقة أم خيال !!

[محمد ابوبيادر]

الصراحه ماعمري شفت المكينه 511
بس من كنا صغار وحنا نسمع عنها
انها قوه جباره ومنها الكلام بس كلام اخوى نوفا كلام مقنع
واللي عنده سياره عليها مكينه 511 يخبرنا عنها
والظاهر انها دعايات للجموس القديمه لا اساس لها من الصحه
والله اعلم

[النوفي 3535]

اخواني الاعزاء
بخصوص الماكينة 511 مادري هي كلمة ولا صدق
بس فيه واحد منالجماعه عنده جمس موديل 76 شارية من الكويت في وقته ومغير مكينته
بمكينه تسمى (( بهبهاني )) وغطاء البلوف نيكل
السيارة الحين ماشية بس 5000 كم
ومخزنه
والماكينة الي تم تركيبها بالوكاله حسب افادة الشخص وانا عليها عزم مجنون ويقال
انها هي ماكينة 511 صاحب السيارة رفض التصوير
تحياتي

[بوغيث 6363]

أخوي النوفي 3535 ,, أرجو قرأت الردود السابقه للتأكد أنه مافيه مكينه 511 ,,
واذا كان فيه أرجو أنك تصور المكينه ,, انا مصدقك بس من واقع علمي غير موجوده تحيااتي

[بوغيث 6363]

للرفع .. للأستفاده ..

[ابو صنعه]

حبيت اشارك معكم بالموضوع
المكينه موجوده بالفعل وكانت السياره عند واحد من الجيرااان وتصادرت السياره منه
والان ممنوعه لان يستخدمونها لتهريب لان ما توقف عند شي ومن قوتها اذا مشت حدها يصير الشكمان احمر

[بوغيث 6363]

المشاركة الأصلية كتبت بواسطة ابو صنعه

حبيت اشارك معكم بالموضوع
المكينه موجوده بالفعل وكانت السياره عند واحد من الجيرااان وتصادرت السياره منه
والان ممنوعه لان يستخدمونها لتهريب لان ما توقف عند شي ومن قوتها اذا مشت حدها يصير الشكمان احمر

كل شي جايز بس على كلام الخبراء انها مهي موجوده آصلاً

وشكراً لمشاركتك <<

[الخفاره]

السلام عليكم اخواني اهي اصلا 501,1 فيقرونها 511 وهي 454 البلوك والروس والبساتن مزوده بحيث توصل قوتها الى هذا الحجم مثل الجموس الجدد 8100 البلوك (السلندر)حق 454 بس البساتن تختلف والروس ونضام كويلات بدل الديلكو واليوكن 6000 نفس البليزرات موديل السبعينات نزل 400 واقف والكابرس 76 عمليه التزويد الحديثه تركز على الكهرباء اكثر من الميكانيكا ولكم مني اجمل تحيه

[التسعه شفر]

واحد من الربع يحكي لي ويقول انه صديق له معه جمس 511 موديل تسعه وسبعين
سافر عليه من الرياض الى الحويه .
ويوم وصل الحويه ووقف الجمس كان ظلام وناظر شكامينه لقاها مولعه مثل الفحم لون الشكامين صارت حمر .

[مخاوى ابوه]

المشاركة الأصلية كتبت بواسطة ابو صنعه

حبيت اشارك معكم بالموضوع
المكينه موجوده بالفعل وكانت السياره عند واحد من الجيرااان وتصادرت السياره منه
والان ممنوعه لان يستخدمونها لتهريب لان ما توقف عند شي ومن قوتها اذا مشت حدها يصير الشكمان احمر

المشاركة الأصلية كتبت بواسطة التسعه شفر

واحد من الربع يحكي لي ويقول انه صديق له معه جمس 511 موديل تسعه وسبعين
سافر عليه من الرياض الى الحويه .
ويوم وصل الحويه ووقف الجمس كان ظلام وناظر شكامينه لقاها مولعه مثل الفحم لون الشكامين صارت حمر .

لا اله الا الله
الشكامين تصير حمر !!!!!
المرهمات ما تسوي كذا بتسويها ال511 !!!
يا الربع اصحو المكينه ذى خرافه
ادخل موقع جنرال موتور وشف ان لقيتها
الله يهدينا واياكم

[معدي المرقاب]

ياجماعه انا سئلت واحد متقاعد من الصيانة المركزية في سلاح الحدود قديما يقول غير صحيح وحنا نسمع بس ماشفنا شي والطرادات مكاين عادية بعضها454وبعضها350بس العالم تحب المبالغة ....وظرب لي مثال قال لوكنت على دورية ومعك جمس مكينته 350ولحقت ذاك الوقت لك جيب راعيه مهرب شي طبيعي ان الجمس يبي يجيبه لانه الجمس غمارة وخفيف والمكينه قوية وشتهر عند العالم ان511.هذ للتوضح فقط

[رفرف83]

السلام عليكم .. انااا سمعت ولكن ما شفت

حسب كلام من شااف يقول انها سوداء ولها عدد 2 فلتر زيت ..

ويقال انها جت على ونيتات طلبيه للحكومه بعدد معين ..

والمقصد ما صنعت للغرض التجاري لذلك لا يوجد قطع غيار الا بطلب من جنرال موتر

[GS5]

مودجوده من فورد بس
اما جنرال موترز مابه واللي يقول به يثبت لنا ويجيب لنا رقمه
و اللي يقول 8100 هي 511 مالك لوا الـ8100 حجمه تقريبا 496
و مكاين البيج بلوك اللي حول 511 و نزلت من المصنع بدون تعديل > 454 , 502 , 572 و الظاهر 555 بس منب متأكد منه الظاهر تعديل ..
والسلام عليكم

[تناهيت]

المشاركة الأصلية كتبت بواسطة GS5

مودجوده من فورد بس
اما جنرال موترز مابه واللي يقول به يثبت لنا ويجيب لنا رقمه
و اللي يقول 8100 هي 511 مالك لوا الـ8100 حجمه تقريبا 496
و مكاين البيج بلوك اللي حول 511 و نزلت من المصنع بدون تعديل > 454 , 502 , 572 و الظاهر 555 بس منب متأكد منه الظاهر تعديل ..
والسلام عليكم

[GS5]

طيب ولاصارت حمر !!
الفتكات والكروزرات وحتا الهايلكسات والدداسن إذا ركب هدرز ستيل يصير احمر يولع هههههههههههههههـ
والوكاله ماصنعت الأقزوز استيل يعني لو وش مازينت مايحمر ويولع من المكينه

[GMS96]

ومنكم نستفيد معلومات قيمـه
بارك الله فيكم