منتديات مكشات



لمتابعة "الأحوال الجوية والرحلات" عبر جوال مكشات أرسل الرقم 1 إلى 89200 (اتصالات) - 601259 ( موبايلي ) - 708042 (زين)

::: تابعونا على تويتر مكشات :::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية

العودة   منتديات مكشات >
الأدوات والتجـهـيـزات > خيمة أدوات الصيد
التسجيل التعليمـــات قائمة الأعضاء التقويم اجعل كافة الأقسام مقروءة

إضافة رد
 
أدوات الموضوع انواع عرض الموضوع
  #1  
قديم 03/10/2009, 01:49 PM
براوينغ براوينغ غير متواجد حالياً
مكشاتي متواصل
 
تاريخ التسجيل: Aug 2009
المشاركات: 70
المواضيع: 2
براوينغ is on a distinguished road
أجود البنادق التركيـة stoeger model 2000 موضوع كامل

بسم الله الرحمن الرحيم
السلام عليكم ورحمة الله وبركاته
Stoeger model 2000
انا كتبت هالموضوع لعل وعسى اوفي حق هالبندق المظلومه بشكل كبير بين الرمايه بسبب ان صناعتها ( تركيه ) ؟؟ واغلب الناس ما جربوها ومن تقول له تركي يقول انحش ,, وانا بصراحه سألت عنها قبل لا اشتريها وكثير من الناس اللي ذمها وقال ؟ دامها تركيه انحش عنها وشلت فكرة اني اشتريها من راسي وراحت الايام وجات وحصلت عند واحد من الاصحاب وحده وكنا قانصين مع بعض لـ الدحاريج ( وز الربيع ) وشفت رمي البندق اللي معاه وعجبتني بصراحه وانا كانت بندقي البلجيك القديم وبصراحه عليها رمي تاكل الجول اكل ؟ وانا على بالي البنلي لان شكليتها نفس البنلي ونيشانها احمر نفس نياشين البنلي ؟ المهم وصدنا صيدنا وتعشينا وسألته قلت له ؟ البنلي اللي معاك بكم شاريها قال اي بنلي ؟ قلت اللي ترمي فيها اليوم قال لا هذي مو بنلي هذي ستوقر التركيه ؟ قلت من جدك ولا تمزح انت ؟ قال لا والله ويجيبها واشوفها وتطلع ستوقر , وطلعنا الاسبوع اللي وراه وخذيت منه البندق بجربها والله ياشباب رميت فيها عليها رمي طيّب طيّب طيّب , وقلت له انشهد عليها رمي طيب بس خوفك من الخرابات قال الشوزن عندي لها 4 سنين ولا يوم شكت بس ارتك عليها بالتنظيف بعد كل صندوق فشق واكرفها وترا عليها مرامي طيبه ؟ قلت يعني تنصحني اشتري وحده مثلها ؟ قال توكل على الله ترا مافي مثلها بالرمي وبخفة الوزن وما ترجف وخفيفه حتى اللي عمره 6 سنين يرمي فيها والله ياشباب يوم ارمي فيها تقول ارمي بنص شوزن ؟؟ مع اني رامي ببنادق من قبلها ورميت ببنلي رافيلوا اللي كنت على بالي اخف الشوازن ارتداد بالعالم ؟ ويوم جربت الستوقر تغيرت نظرتي والله اخف من الرافيلوا بالندف , المهم وانا ابحث عنها لقيت واحد عنده ستوقر بأحدى منتديات الصيد , جيته وسألته عن البندق ؟ قال من احلى الشوازن وعليها رمي طيّب وخفيفه حتى ارتدادها خفيف من اخف الشوازن ,, قلت له ؟ شلون قلت انها اخف من الشوازن جربت من الشوازن امثال البنلي والبرتا ,, قال لي جربت الشوازن واول شوزن لي كانت تركيه وقال لي ماركتها بس نسيت والله ويقول والله عيفتني حياتي كل يوم فيها خـراب ,, وحرمت من التركيات وشريت لي براوينغ بلجيك القديم ورميها حلو بس ترجف وارتدادها قوي على الكتف ,, ودورت شوازن وقلت ابي لي شوزن بنلي ووصيت لي واحد من الربع وجاني قال حصلت لك بندق بنلي السودا وقلت انا شراي ورحنا وكلمته وعطاني سعرها واستغربت قلت ياولد اسعار البنلي غاليه ماتجي يمكن الشوزن فيها بلا ولا خراب ؟ قال لا نظيييفه قال خلاص بعطيه عربون وباخذ الشوزن بجربها اسبوعين واذا تمام ما فيها شئ شريتها ؟ ويقول جربتها ورمي ما فيه مثله ويوم جيت اشتريها وقابلت راعيها وسألته عنها قال هذي تركيه ستوقر ؟ انصدمت من فعلها وشريتها وهي عندي موسمين من احلى البنادق ,, وشريت لي وحده وبصراحه من احلى البنادق
ملاحظة :- كل التركيات الجدد غازيات,ماعدا الستوقر.
4- نظامها: ولا يوجد تركية جديدة تعمل بنظام إنيرشا دريفين Inertia Driven غير الستوقر ,ومطور أيضا حيث جعل سبرنق الإرجاع حول المخزن لتلافي عطل الترباس والانيرشا درايفن ,, النظام اللي تعمل عليه شوازن بنلي جميعاً
ومن افضل الانظمه
وانا بنقل لكم كلام ناس من نفس المنتـدى ومن برا المنتـدى عن هالسـلاح

اولاً مقارنة ثلاث اسلحه لاخونا الغالي مرجوج
ام بطن ستيفنز , سوبر بلاك ايقل بنلي , ستوقر التركيه


اقتباس:
المشاركة الأصلية كتبت بواسطة مرجووج مشاهدة المشاركة
سلام عليكم ...................
اقتباس:
المشاركة الأصلية كتبت بواسطة مرجووج مشاهدة المشاركة
السلاح : سوبر بنلي .. ستوقر تركية .. ام حبة استفنز..
الفشق ار سي 6 ... 36
حطيت قارورة توت على بعد 100 خطوة
النتيجه ما كسر القارورة الا الستوقر التركية ....
مع العلم ان الوصله اللي فيها هي والبنلي رقم ثنين

ماشالله ..... الله يستر عليه

البنلي وام حبة نفس المرمى يعني نفس مكان الرمية بس الفرق برش الحلبي
شاااكرين

هذا كلام اخونا مرجوج بموضوع ( اختصر المشوار... في التعلم من تجارب الاخوان في شوزن ام خمس )



وهذا كلام اخوي صالح بموضوع ( ادخل ونصحني في ام خمس الله لايهينك ) ومدحه للشوزن


اقتباس:
المشاركة الأصلية كتبت بواسطة sal7 مشاهدة المشاركة
إذا تبي بندق عليك بالستوقر التركيه نفس البانلي لكن تصنع في تركيا
اقتباس:
المشاركة الأصلية كتبت بواسطة sal7 مشاهدة المشاركة
تحت إشاراف خبراء شركة بريتا المالكه للمصنع أقل شيء مب غازيه و لا تقعد تفك و تربط
البندق أثبتت جدارها مقارنه بالبنادق الاخرا و سعرها أقل من سعر البيكال و لكن الستوقر
أجود بكثير من البيكال فيها نظام الانريتا درايف نفس البنلي و فيها اللي يقلل الندف نفس اللي في
الفرانكي المخزن ما يشيل ألا 5 و السبطانه 30 ً و كذالك البندق ماقنوم
و حسب اللي يستخدمونها يقول أنها بالرمي تفعل فعل البريتا و البنلي و طيبه بالحيل أفضل من اللي
حتى لا شريت شوك 660 ما تدري وين يروح الحلبي و يجي معها أيضاً أكسترا فول تطلع من السبطانه تقريباً 3 إلى 4 سم و 4 شوكات أخرى إضافيه
البندق ركب و أرم على طولا لا وزن غاز لا خرابيط و يكفي أنها تحت أشراف بريتا
و تأتي كذالك بتشكيله من الالوان المموه نفس اللي بالبريتا (اللي عذب الناس بجماله و دقت الرسم اللي فيه)

http://www.stoegerindustries.com/firearms/stoeger_model_2000.php

وهذا طريقت عمل الانريتا درايف المتبع في ستوقر
http://www.stoegerindustries.com/information/inertia_driven_system.php



وهذا حاط لكم موقعها والله يعطيه العافيه ويجزاه الله الف خير


وهذا كلام واحد من الأخوان باحد المنتديات الأخرى مع واحد ذم جميع البنادق التركيه وقال انها ما تصلح
ورد عليه اخوي , وانا مع اخوي صحيح والبنادق التركيه فيها الطيب وفيها الردي واعتقد اطيب فيها نوعين
الستوقر اطيـّب نوع والثانيه الميراج اللي يجي عليها akm طيبـه ولكن الستوقر اطيب منها من ناحية الخرابات لاني ما حصلت احد يشكي منها ,, اما الميراج طيبه وحلوه بس ما تقعد موسمين ولا ثلاث مواسم ويشكون منها ان الابره تنكسر وإلخ


السلام عليكم ورحمة الله وبركاته
تعقيب على كلمه اخوي الي ذكر بندق تركيه

كل البنادق تقول طع وتذبح لكن في فرق بالجوده وفخر الصناعه والمواصفات

اعتقادك خاطئ يالاخو انا اشوف بندق التركيه الي اسمها ستوقر رشها افضل من رش الفرانكي
وللعلم ستوقر التركيه شرتها شركة بنلي وللمعلومه اي قطعه بنلي تركب على ستوقر و اي قطعه ستوقر تركب للبنلي
مثل الرد وولف التركيه يركب لها قطع غيار البراوننق الجديد والعكس صحيح

وشكراً

وهذا أحد الاخوان من منتديات الصيد الأخرى بندقيته ستوقر وصايد فيها بط خضيري ويمدح الشوزن

هذي الفشقه والله يحفظك والشوزن ستوقر طال عمرك والله انه دشت قلبي هالشوزن
المهم الفشقة واظحه 32 جرام رقم واحد




وهذا من احد المنتديات الأخرى يتحدث عن الستوقر


السلام عليكم ,,

مرحبا اخوي العليمي ,, البندق ماعليها كلام ومن افضل التركيات ,, وهي تراها قديمه ماهي جديده ,, لكن موديل 2000 جديد يعني اصدار جديد لكنها نفس البندق ,,, وهي فعلا تتبع لشركه بنييلي لكن للتصنيع التركي اي للسوق التركي ولبنان وسوريا لقله الطلب على الايطالي لأرتفاع سعره بهذه الدول تم تصنيعها بتركيا لتكلفة اقل ,, لكنها وصلت لنا طبعا هي اقل جوده من البنلي الأيطاليه توكل على الله ,, ان كان سعرها طيب ,, وهي عند احد الشباب بسوريا يرمي فيها ومخليها هناك من اكثر من 4 سنوات ويمدحها وحاليا بيشتري الموديل الجديد 2000 ,, انا أملك وحده بالسعوديه ستوقر موديل 2000 البندق مراميها طيب ولا عليها ,,


وهذا أيضاً أحد الاخوان يتكلم عن الستوقر

الستوقر التركيه الربع نشدتهم عنها رموا بها البندق خفيفه ورميه اطيب من الروسيه
وانا شفتها وفهقت مكينتها اخف من الروسيه بمليون مرهـ
والله يكتب لك الي فيه الخير والصلاح



وهذا نظام الستوقر الأنريشا درايفن
الأستعداد


*إطلاق النار وعملية سحب الطلقة الجديدة.


*الإرتداد وعملية الرجوع للترباس وكيفية الضغط على الضراب لكي يكون جهاز للأطلاق الجديد.



*إخراج الفارغ وستبداله بجديد..



وهذا رابط لزيادة المعلومات عن البندقيه




هناك تجويف يهدف الى بعقب مخزون من ستوقر النموذجي لعام 2000 للسماح لتركيب اختياري والزئبق معبأة ارتد المخفض...قطع التحكم ووزن الأخشاب الخلفي ( الأخمس) للبعد والارتفاع والنزول,و حيث مسكة البندقية وانحناءها أثناء التصويب ، فتختار ما يلائمك وتقوم بتركيبه.
ليكون مناسب أكثر لرمي.

ترباس الستوقر

*نظيف لأجل أنه يعمل بنظام إنيرشا دريفين بدلا من الغاز.
*وقوي وذو قفل عند دورانه.
*ويعطي وزن أخف للبندقية بسبب عدم وجود أجزاء الغاز


ومزودة بنيشان أحمر مثل نيشان benelli في المنشاف الأمامي قابل لتغيير .

يأتي معا الستوقر خمس شوكات ومفتاح شوكات



وهذا الكلام من موقع ستوقر شرح عن أجزائها
(ترجمة google)


والقصور الذاتي انطلاقا ® نظام القوى في العالم ، أسرع وأبسط ، والأكثر موثوقية شبه البنادق بالسيارات



.
قانون القصور الذاتي قد تم تسخيرها في القصور الذاتي انطلاقا ® النظام ، مما يجعل شتويغر شبه السيارات البنادق أسرع وأبسط ، والأكثر موثوقية.
اول قانون نيوتن في الفيزياء ، وفيما يتعلق الجمود ، ثابت وغير متغيرة. ونضعه على العمل من أجل كنت في أفضل وضع نظام التشغيل من أي وقت مضى.



موثوقة -- وانطلاقا من القصور الذاتي لا تحتاج إلى ضبط النظام.
.

وسوف يقوم بتحميل أي شيء من دورة ضوء مجال ل3-1/2 "قناني العام بما يتفق مع الاعتمادية بعد عام.

بسيطة -- ونظام لديها سوى ثلاثة أجزاء رئيسية هي : الهيئة الترباس ، في الربيع والجمود ، ورئيس الدورة الحالية للاستيلاد.

سريع -- مع أجزاء قليلة جدا ، وانطلاقا من القصور الذاتي هو نظام سريع


النظيفة -- غاز ، دخان ، ومسحوق أحرقت برميل البقاء في المكان الذي ينتمون إليه ، بدلا من أن يتم تحويلها إلى بندقية آلية ، كما هي الحال في أنظمة الغاز.

القوي -- الصلب القوي قفل العروات على الدورية للرئيس الترباس من القصور الذاتي انطلاقا من نظام القفل الحديد الصلب إلى داخل ماسورة البندقية.

المنخفضة الصيانة -- غون التنظيف يأخذ جزء من الوقت ، لأن هذا النظام هو الأكثر نظافة.

وخفيفة الوزن -- والقصور الذاتي انطلاقا من نظام لا يصدق وخفيفة الوزن. البنادق صممت مع النظام يمكن أن يكون بعض من الأخف وزنا على الإطلاق.

والستوقر يجي منها اربع اشكال ,
1 - خشب

2 - فيبر اسود

3 - تمويه

4 - تمويه ماكس فور

المميزات
5- طول السبطانة 30 و28 و26 انش
6- قابلة لتركيب مخزن.
7- وزنها خفيف لايتجاوز 3 كيلو ونص.
8- ترمي من 24 إلى 56 قرام .
9- ما فيها رجف ورجفها يقارن بالنص شوزن
10 - سهولة فكها وتركيبها بخمس دقائق وبنزل مقطع بالأسفل يبين فكها وتركيبها
11 - مسكتها حلوه وتتركب على الكتف على طول واقسامها سحبتها سريعه وخفيفه مو مثل بعض البنادق تتهاوش معها على ماتسحبها
12 - فيه ميزه امأن ماتدخل الفشقه بالمخزن الا لما تضغط الزر اللي بجأنب الزناد وبأين باول صورة شرح لنظام انيرشا درايفن , زر ابيض وفيه خط احمر ,, هذا ينظم دخول الفشق للمخزن وميزه طيبه , واذا بغيت تطلع الفشق بسرعه تضغط عليه وتنفضهم بسرعه

والحين بعطيكم روابط لـ مقاطع يوتيوب عن البندقية
السايمي أوتو + والبمب أكشن
اول مقطع يبين لكم كيفية صيانتها وفكها وتركيبها , اللي من سهولته اشبهه , بالسخيف
http://www.youtube.com/watch?v=Wrgvn...eature=related

وهذا مقطع أخر شرح للبندقيه ويرمون فيها بط ووز وديك رومي ؟ شوفوا شلون رمي البندق
بالوز وبالبط , وهذا يبين انها ترمي فشق قوي مو مثل باقي البنادق التركيه
اللي حدها 32 قرام


وهذا المقطع لواحد يرمي بالستوقر


وهذا المقطع لواحد يرمي فيها على ورق



وهذا المقطع لواحد يرمي اطباق
http://www.youtube.com/watch?v=2tcyN...eature=related

وهذا المقطع صور لمنتجات ستوقر من ام خمس وبمب اكشن وام بطن وام بطنين



وشوفوا خفة الستوقر وخفة رجفها والله اني مجربها وترا نفس المقطع بالضبط
رجفها اقل من النص شوزن والله حتى ولدي اللي عمره 8 سنوات يرمي فيها
حتى بالـ 32 رجفها نفسه ما يتغير



وهذا المقطع يبين لكم رمي الستوقر ورش الستوقر بالشوكات على ورق



وهذا مقطع بعد ستوقر موديل 2000 نفس اللي فوق بس اخمسها غير
وشوفوا خفت رجفها


وهذا بعد مقطع لـ رمي الستوقر



وهذا المقطع لشكل الستوقر الموهه


وهذا مقطع لرمي اطباق بالستوقر


هذا المقطع الأول عن سهولة صيانة الستوقر وفكها وتنظيفها وتركيبها
وتركيب مخزن اضافي لها
http://www.youtube.com/watch?v=_yuOj...eature=related


وهذا المقطع الثاني عن سهولة صيانة الستوقر وفكها وتنظيفها وتركيبها
وتركيب مخزن اضافي لها
http://www.youtube.com/watch?v=fZm6t...eature=related

وهذا مقطع للستوقر بس البمب أكشن شوفوا رميها



وهذي بعد مقطع لستوقر بمب أكشن


وهذا بعد مقطع لستوقر بمب أكشن



وبالأخير ياشباب اتمنى أني افدتكم عن هالبندق ولو بالشي البسيط وترا البندق تستاهل من يقتنيها وترا سعرها رخيص وفعلها يهول ,, واتمنى من الاخوان يغيرون الفكرة الغلط اللي ماخذينها عن البنادق التركيه وانا معاهم
صح فيه بنادق تركيه رديه رديه رديه , بس هذا ما يعني ان كل البنادق التركيه
رديه ,, بالعكس انا اشوف ان الستوقر احسن من البيكال لان اغلب اللي شروا
البيكال يشكون من رشها ويقولون الحلبي مايدرون وين يروح ولذالك
يشترون لها تشوكات ,, وانا اقول ان هالبندق الستوقر احسن من
البلاك وولف + الريد وولف + الميراج
احسن من هالثلاث بنادق التركيه بالرمي وقوة التحمل
والجوده لان اللي يشرفون عليها مهندسين benelli
ولو تلاحظون بس الستوقر اللي لها مقاطع من بد البنادق التركيه كلها ويرمون فيها الاجانب ولها مقاطع باليوتيوب , والبلاك ولف والميراج وغيرها مالها مقاطع وهذا ان دل يدل على ان الستوقر فعلها طيب واحسن من البنادق التركيه الثانيه وتشوفون الاجانب يرمون فيها
وياليت من الأخوان اللي ماجربوها يجربونها لانها بصراحه بندق
مميزاتها جميله وانا بصراحه صار لها عندي من الموسم اللي فات
وهالموسم وما شفت منها الا كل خير وما شفت فيها عيوب
ووتسوق سوق يهول بالفل تشوك وتشوك رقم 2 , ومرماها حار
وبالختـام اتمنى أني افدتكم ولو بالشئ البسيط
واسمحوا لي على القصور
رد مع اقتباس

رابط إعلاني

  #2  
قديم 03/10/2009, 03:29 PM
الصورة الرمزية a7md al-q9em
a7md al-q9em a7md al-q9em غير متواجد حالياً
مكشاتي ذهبي
 
تاريخ التسجيل: Aug 2009
الدولة: ...القصيم - الرس ...
المشاركات: 2,384
المواضيع: 19
a7md al-q9em is on a distinguished road
Exclamation رد: أجود البنادق التركيـة stoeger model 2000 موضوع كامل

مششششششششكور يالغاآلي وبآرك الله فيك على المجهودوالستوقر بندقيه مايحتآج تعريف لهآ والناس كل ماقلت لها شي قالت لك بنلي بنلي هههههه سلامات يعطيك العافيه يالغالي وتقبل مروري


لا غشاك الليل وأسرف بك "الحزن العميق
جـنـب وجـيه البشر وإسـجـد لـ[خالقها]
* سبحان الله وبحمدهسبحان الله العظيم *
رد مع اقتباس
  #3  
قديم 03/10/2009, 03:53 PM
الصورة الرمزية ضحية بيشة
ضحية بيشة ضحية بيشة غير متواجد حالياً
مكشاتي برونزي
 
تاريخ التسجيل: Sep 2006
المشاركات: 1,034
المواضيع: 76
ضحية بيشة is on a distinguished road
رد: أجود البنادق التركيـة stoeger model 2000 موضوع كامل

يظل التركي تركي ....ياما وهقتنا وجلسنا نتفرج على العالم وهي ترمي ..جربتها بام روحين

وام خمس وكلها فشلتنا ...خل عنك محد يجي زي الايطالي يبطوووون...

كل هاللي تشوف دعايات وتسويق


رد مع اقتباس
  #4  
قديم 03/10/2009, 04:42 PM
الصورة الرمزية كسير الشوزر
كسير الشوزر كسير الشوزر غير متواجد حالياً
مكشاتي متواصل
 
تاريخ التسجيل: Apr 2008
المشاركات: 75
المواضيع: 7
كسير الشوزر is on a distinguished road
رد: أجود البنادق التركيـة stoeger model 2000 موضوع كامل

يعطيك ربي الف عااافيه
ومشكوووور علي الطرح الراقي والمميز
تقبل مروري


رد مع اقتباس
  #5  
قديم 03/10/2009, 05:17 PM
محمد الحمود محمد الحمود غير متواجد حالياً
مكشاتي متواصل
 
تاريخ التسجيل: Jun 2009
المشاركات: 168
محمد الحمود is on a distinguished road
رد: أجود البنادق التركيـة stoeger model 2000 موضوع كامل

يعطيك العافية على الموضوع والمعلومات.
رد مع اقتباس
  #6  
قديم 03/10/2009, 06:35 PM
BaDeR-21 BaDeR-21 غير متواجد حالياً
مكشاتي
 
تاريخ التسجيل: Oct 2009
المشاركات: 6
المواضيع: 1
BaDeR-21 is on a distinguished road
رد: أجود البنادق التركيـة stoeger model 2000 موضوع كامل

مشكور على الجهد الكبير ,,

ويعطيك ربي الله عافيه وجعله الله في موازين حسناتك ,,


رد مع اقتباس
  #7  
قديم 03/10/2009, 10:17 PM
الصورة الرمزية أبو طلال-نقوه
أبو طلال-نقوه أبو طلال-نقوه غير متواجد حالياً
مكشاتي متقدم
 
تاريخ التسجيل: Jun 2008
الدولة: الكويت
المشاركات: 501
المواضيع: 70
أبو طلال-نقوه is on a distinguished road
رد: أجود البنادق التركيـة stoeger model 2000 موضوع كامل

مشكووور عالموضوع الجميل, و أنا من زمااان أقول أن الستويجر هي أفضل شوزن تركيه, و من رأي أنها ما تعتبر من التركيات لأنها ذات جوده عاليه... و يعطيك العافيه.


سبحان الله وبحمده سبحان الله العظيم

رد مع اقتباس
  #8  
قديم 04/10/2009, 04:30 AM
الصورة الرمزية عــ ــاشـ ــق الكــ ـــدري
عــ ــاشـ ــق الكــ ـــدري عــ ــاشـ ــق الكــ ـــدري غير متواجد حالياً
مكشاتي متواصل
 
تاريخ التسجيل: Oct 2009
المشاركات: 96
المواضيع: 2
عــ ــاشـ ــق الكــ ـــدري is on a distinguished road
رد: أجود البنادق التركيـة stoeger model 2000 موضوع كامل

وعليكم السلام ورحمة الله وبركاته
مشكو اخوي وما قصرت على المعلومات النادره جدا وماءجور على التعب الكبير
خابركم شقرديه
مع تحيات اخوكم \عزام حمود السويلم الحربي
رد مع اقتباس
  #9  
قديم 04/10/2009, 07:54 AM
الصورة الرمزية ابو سفيان
ابو سفيان ابو سفيان غير متواجد حالياً
مكشاتي فضي
 
تاريخ التسجيل: Jul 2007
الدولة: الطائف المأنوس
المشاركات: 1,734
المواضيع: 56
ابو سفيان is on a distinguished road
رد: أجود البنادق التركيـة stoeger model 2000 موضوع كامل

بيض الله وجهك
صراحه بندق تستاهل ان تقنى
وشكرا على هذا الموضوع الرائع والجبار
وتقبل مروري وتعليقي


رد مع اقتباس
  #10  
قديم 04/10/2009, 03:38 PM
براوينغ براوينغ غير متواجد حالياً
مكشاتي متواصل
 
تاريخ التسجيل: Aug 2009
المشاركات: 70
المواضيع: 2
براوينغ is on a distinguished road
رد: أجود البنادق التركيـة stoeger model 2000 موضوع كامل

احمد القصيم .. مشكور على المرور المميز طال عمرك
ضحية بيشة .. هلا اخوي ومو اصابعك ماهي سوا ,, وهذي تعتبر من اجود البنادق وانت ما جربتها ,, وانا قلت بالموضوع ان فيه بنادق تركيه فاشله جدأً وما تسوى ريال ,, وهذي من اجود البنادق التركيه وحرام تكون صناعتها تركيه لان رميها بصراحه طيـّب طيـّب طيـّب وانت جربها واحكم ولأ تحكم على شئ ماجربته وبعدين الستوقر يشرفون عليها مهندسين بنيلي ونفس انظمة البنلي اللي تفتقدتها جميع البنادق التركيه ؟ كل البنادق التركيه غازيه ما عدا الستوقر الوحيده نظامها انيرشا درايفن نفس انظمة شوازن بنلي وهذا ان دل يدل على أن مهندسين بنلي يشرفون عليها , وبالنسبه للاعلانات لا اخوي انا ما امشي على الاعلانات انا مجربها بنفسي وصدقني لو احس ان البندق لو 1 % انها فاشله ما كتبت كل هالموضوع وتعبت نفسي بس انا مقتنع بالبندق 100 % وانت جربها وصدقني بتنقتنع فيها وبعدين لو تلاحظ ان هذي الشوزن التركيه الوحيده أللي لها مقاطع باليوتيوب ويرمون فيها ؟ باقي الشوازن التركيه مالها مقاطع وهذا أن دل يدل على انها بندق طيبه , ومشكور على مرورك المميز طال عمرك
واحد منكم .. هلا ومرحبا ومشكور وبالنسبه لسعرها بالكويت 230 دينار جديده بالكرتون ,, وبالسعوديه اتوقع 4000 ريال وماني متأكد من سعرها بالسعوديه ومشكور على المرور المميز طال عمرك
كسير الشوزر .. الله يعافيك ومشكور على المرور المميز طال عمرك
محمد الحمود .. الله يعافيك ومشكور على المرور المميز طال عمرك
بدر 21 .. العفوو وهذا أقل شئ أقدمه لكم ومشكور على المرور المميز طال عمرك
الهاون .. هلا اخوي سعرها بالكويت 230 دينار الفيبر الاسود وبالسعوديه اتوقع 4000 ريال وطولها يجي ثلاث 30 انش + 28 انش + 26 انش , واغلب شئ الثلاثين انش اللي جانا بالخليج .. مشكور على المرور المميز طال عمرك
الكشته .. هلا اخوي وبالنسبه للميراج حلوه ومراميها حلوه ما عليها بس اغلب الناس اشتكوا منها من ثاني موسم يقولون ينكسر النتاش (الابره) وتبدأ بالخرابات اما الستوقر واحد عنده له 7 سنين ما اشتكى منها وسعرها 230 موجوده بالكويت عند وكيلها المزين بويوسف .. ومشكور على المرور المميز طال عمرك
ابوطلال .. العفوو وعز الله انك صاج الستوقر بنظري ما اعتبرها تركيه على أداءها العالي وخفتها ورميها ,, ومشكور على مرورك المميز طال عمرك
المرقاب + حفراوي 190 .. هلا اخواني سعرها بالكويت 230 دينار الفيبر الأسود وبالسعوديه اتوقع 4000 ريال لاني مأعرف سعرها بالسعوديه ,, ومشكورين على المرور المميز
عزام الحربي .. العفوو وبالنسبه لسعرها 230 دينار بالكويت , وبالسعوديه اتوقع 4000 ريال , ومشكور على المرور المميز
ابوسفيان .. العفو والبندق بصراحه مظلومه بشكل كبير بين الصيادين وانا حبيت اوضح لهم بهالموضوع بس عشان يجربونها ويعرفون مراميها لاني انصدمت من فعلها بصراحه بندق طيبه طيبه طيبه والله , ومشكور على مرورك المميز طال عمرك
رد مع اقتباس
  #11  
قديم 05/10/2009, 02:08 AM
a1Ruwais a1Ruwais غير متواجد حالياً
 
تاريخ التسجيل: Mar 2009
المشاركات: 8,888
المواضيع: 10
a1Ruwais is on a distinguished road
رد: أجود البنادق التركيـة stoeger model 2000 موضوع كامل

الله يعطيك العافيه
رد مع اقتباس
  #12  
قديم 06/10/2009, 02:26 PM
براوينغ براوينغ غير متواجد حالياً
مكشاتي متواصل
 
تاريخ التسجيل: Aug 2009
المشاركات: 70
المواضيع: 2
براوينغ is on a distinguished road
رد: أجود البنادق التركيـة stoeger model 2000 موضوع كامل

مدلهم المزن . الله يعافيك وشاكر لك على مرورك المميز طال عمـرك
رد مع اقتباس
  #13  
قديم 06/10/2009, 09:12 PM
الصورة الرمزية عاشق الفتك 20
عاشق الفتك 20 عاشق الفتك 20 غير متواجد حالياً
مكشاتي ذهبي
 
تاريخ التسجيل: Aug 2009
الدولة: حفرالباطن
المشاركات: 3,503
المواضيع: 43
عاشق الفتك 20 is on a distinguished road
رد: أجود البنادق التركيـة stoeger model 2000 موضوع كامل

خل عنك التركيااات كلهن خرطي مايجي مثل الايطالي والرووسي
ونفس كلام اخووي ضحية بيشه
رد مع اقتباس
  #14  
قديم 06/10/2009, 09:16 PM
الصورة الرمزية سيف الظفير
سيف الظفير سيف الظفير غير متواجد حالياً
 
تاريخ التسجيل: Nov 2007
الدولة: نــ ج ـــد العذية
المشاركات: 7,369
المواضيع: 147
سيف الظفير is on a distinguished road
رد: أجود البنادق التركيـة stoeger model 2000 موضوع كامل

عطي الله البريتا اكستريما 2

والبنلي



ابو صالح الظفيري
رد مع اقتباس
  #15  
قديم 06/10/2009, 10:48 PM
aljubail aljubail غير متواجد حالياً
مكشاتي متقدم
 
تاريخ التسجيل: Dec 2008
المشاركات: 306
المواضيع: 6
aljubail is on a distinguished road
رد: أجود البنادق التركيـة stoeger model 2000 موضوع كامل

يعطيك العافيه اخوي وماااقصرت على الموضوع الرائع وصراحه دخلتها براشي بشوف لي وحده وان شاء الله احصلها

والعالم من سمعو شوزن تركيه قالو اتركها وابعد عنها التركي خرطي وهم ماجربوها وانا مجرب بلاك ولف وصراحه رميها حلوووووووو رامي فيها 40 قرام على بط وتسوق مشاء الله عليها

والي يقول بنلي البنلي بندق جيده وحلوة ومن افخر الشوازن بس مايقول احسن شوزن ومافي مقارنه بالسعر
يعني البنلي السوبر بلاك اقل شي بتلقاها وهي مستعمله ماتقل عن 7000 او 8000
وهذي اذا هي 230 دينار يعني تطلع اذا الدينار من 14 ريال3220
اوفر وممتازه

واكرر شكري لخوي طارح الموضوع وبيض الله وجهك
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:48 PM




Powered by vBulletin® Copyright ©2000 - 2014, Jelsoft Enterprises Ltd.
Translation By : exahost.com.sa
هذا المنتدى يستخدم منتجات بلص
جميع الحقوق محفوظة © موقع مكشات ،،، لأفضل عرض استخدم : 768 ×1024 ::: مكشات / أحد المشاريع المحتضنة في حاضنة بادر لتقنية المعلومات والإتصالات