منتديات مكشات


لمتابعة "الأحوال الجوية والرحلات" عبر جوال مكشات أرسل الرقم 1 إلى 89200 (اتصالات) - 601259 ( موبايلي ) - 708042 (زين)

::: تابعونا على تويتر مكشات :::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية

العودة   منتديات مكشات >
الـبـيـئــة > خيمة الحياة الفطرية
التسجيل التعليمـــات قائمة الأعضاء التقويم اجعل كافة الأقسام مقروءة

إضافة رد
 
أدوات الموضوع انواع عرض الموضوع
  #1  
قديم 08/03/2005, 08:51 AM
الصورة الرمزية مقنـــــاصة
مقنـــــاصة مقنـــــاصة غير متواجد حالياً
مكشاتي متواصل
 
تاريخ التسجيل: Feb 2005
الدولة: الامارات
المشاركات: 106
المواضيع: 17
مقنـــــاصة is on a distinguished road
(صير بني ياس .. مأوى الطبيعة)

بسم الله الرحمن الرحيم

صير بني ياس ثالث اكبر يزيرة في بوظبي..

و صير معناتها الرقعه اللي يملكها الانسان بالورث .. او المكان العالي اللي كله حصا او المكان اللي فيه ماي

و هاليزيره معروفه من زمان بين

البحاره و صيادين اللولو انها

تابعه لجبايل بني ياس ..

و من الموجودات و الاثار اللي لقوها في اليزيرة .. تبين انها كانت مأهولة بالسكان من اكثر من 5000 سنة

بدت اعمال التطوير في اليزيره بامر من بو خليفه الله يطول بعمره سنة 1970 .. و عشان يزيدون الرقعه الخضرا ..و بامر من بو خليفه بنوا يزيره صناعية هي اليزيرة الخضرا .. اللي تمتد على مساحة 10 كيلو عشان تكون قاعدة للتجارب الزراعية في اليزيرة ..

و هاليزيرة الصناعية فيها اكثر عن 32 مزرعة

و بفضل الله و من ثم توجيهات بو خليفة تحولت اليزيرة من ارض حصويه يردا .. لين منطقة من اكبر المحميات الطبيعية في شبه الجزيرة

الموقع و المساحه ..



تبعد صير بني ياس عن بوظبي مسافة 250 كيلو .. من الغرب .. و تبعد عن اقرب مينا .. مينا مفرق _ معدية دلما _ .. مسافة 8 كيلو ..

يعني بالتحديد على خط عرض 34- 24 شمال .. و خط الطول 40 – 52 شرق ..

و تتميز اليزيرة انه فيها سلسلة يبال على ارتفاع 150 كيلو و اللي تحتل 15 % من مساحه اليزيرة ..

و نقدر نقسم صير بني ياس لثلاث مناطق :

# مناطق ساحليه فيها خلجان صغيرة .. و كلها تغطيها غابات القرم

السياحه ..

بامر من بو خليفه الله يحفظه .. توفرت وسايل الراحه لزوار اليزيرة ..

و منها ..

# استراحه للزوار .. 80 سرير .. و وياها مطعم ..

# استراحه لكبار الزوار .. مكونه من اربع غرف

# سيارات سياحيه .. حق الكشته و الحواطه في اليزيره .. ويا مرشدين سياحيين ..

# مراكب سياحية و طرادات سريعه .. حق الجولات حول اليزيرة ..

و شي معدية .. عشان تنقل المواتر و الزوار من و لين اليزيرة ..



و حاليا .. ينبنى فندق في اليزيرة.. و هالمشاريع السياحيه و التطورات الحالية شي اكيد بتكون طفره سياحيه عوده ..



و للي يبى يوصل اليزيرة .. شي ثلاث وسايل ..

# عن طريج البحر .. تاخذ الرحله 3 ساعات من بوظبي

# عن طريج البر .. لين مينا مفرق و مناك لين اليزيرة بمركب سياحي .. تاخذ الرحله 40 دقيقة

# عن طريج الجو .. اليزيرة فيها مطار بطول 3 كيلو .. و ثلاث مهابط طيارات عموديه ..( هليكوبتر ) ..

الثروة الحيوانية ..



في غابات الصير يتوزع اكثر من 60 ألف حيوان من 23 نوع من الحيوانات البرية ، و شي منها انواع مهددة بالانقراض ..

و تعيش هالحيوانات طلقة تحوط في اليزيرة او في غابات واسعة و مشبجة ..



و من هالحيوانات .. الغزال العربي .. المها العربي .. المها الافريقي ..

أبو عدس .. آيلند افريقي .. الغزال الهندي .. غزال طومسون ..

الآيل الأرقط .. أمبالا .. اللاما .. الزراف .. اغنام الجبل .. البقر الوحشي ..



وهذه بعض الصور لبعض الحيوانات الموجودة في الجزيرة:










الطيور ..



بحيرات الماي العذب تجذب مجموعة من الطيور البرية اللي تمر في المنطقة ..

واليزيرة فيها حوالي 86 نوع من الطيور .. منها .. الحبارى .. السمان .. فلامنجو ..



الانواع الموجوده في اليزيرة 22 بس .. و الباجي كلها طيور مهاجره استقرت فيها .. و بعد شي انواع من البط و الدواجن و الفرّي و الاوز ..




واسفة على الاطالة بس حبيت اوريكم جزء من اهتمام الدولة بالمحميات الطبيعية في دولتنا الغاالية
والسموحة


[align=center](( لا ترتجي مني مواصيل وعلوم ** هذا قراري كان تبغي مردي ** ماقبل عتب منك ولااقبل اللوم ** مات الغلا يامبيح اليوم سدي))[/align] :D



أهم قاعدة في الطلعات البرية : لا تأخذ أي شئ إلا الصور، لا تترك أي شئ إلا الذكريات، لا تقتل أي شئ إلا الوقت وفي تقوى الله وأهتم بنظافة وسلامة البيئة
:director:
رد مع اقتباس

رابط إعلاني

  #2  
قديم 08/03/2005, 09:30 AM
الصورة الرمزية رحال الخبر
رحال الخبر رحال الخبر غير متواجد حالياً

رحالة ومكتشف عالمي

 
تاريخ التسجيل: Oct 2004
الدولة: الخبر
المشاركات: 1,596
المواضيع: 73
رحال الخبر is on a distinguished road
Thumbs up مشاركة: (صير بني ياس .. مأوى الطبيعة)

الغالي او الغالية ( مقناصة)

مشكور جدا على السرد السياحي الجميل
امتعنا ماذكر في موضوعك حول جزيرة بني ياس
واهتمام زايد الخير الله يرحمة معروف
وهذا من اعمالة التي تكتب له بعد مماته عسى الله ان يخلفكم خير منه وبولده الخير ماشي انشالله
وسؤال حول الجزيرة الله يحفظك

هل هناك مواسم معينة للزيارة

والمفرق اللي ذكرته هو قبل ابوظبي من جهة الغرب ولا لا

ولك كل الهلا والسلام


انت الزائررقم
تابع تويتر
‏@aldaqfaq
وائل عبدالعزيزالدغفق

رد مع اقتباس
  #3  
قديم 08/03/2005, 10:51 AM
الصورة الرمزية الهلالي
الهلالي الهلالي غير متواجد حالياً
مكشاتي نشيط
 
تاريخ التسجيل: Oct 2002
الدولة: الدمام
المشاركات: 834
المواضيع: 22
الهلالي
مشاركة: (صير بني ياس .. مأوى الطبيعة)

[align=center]مشكوره أخت مقناصة على المعلومات الجيدة. بس لي ملاحظتين :
1- الموضوع ورد فيه( أبو خليفة الله يحفضه ) رحمة الله عليه .
2- ذكرتي ( و تتميز اليزيرة انه فيها سلسلة يبال على ارتفاع 150 كيلو و اللي تحتل 15 % من مساحه اليزيرة )
ممكن يكون الإرتفاع بالمتر أو القدم ولكن بالكيلو مستحيل .
أرجو تقبل ملاحظاتي بصدر رحب ولكي تحياتي .[/align]


درجة الحرارة في مدينة الدمام
رد مع اقتباس
  #4  
قديم 08/03/2005, 10:59 AM
الصورة الرمزية مقنـــــاصة
مقنـــــاصة مقنـــــاصة غير متواجد حالياً
مكشاتي متواصل
 
تاريخ التسجيل: Feb 2005
الدولة: الامارات
المشاركات: 106
المواضيع: 17
مقنـــــاصة is on a distinguished road
مشاركة: (صير بني ياس .. مأوى الطبيعة)

اخوي رحال الخبر اشكرك على تعقيبك على الموضوع
بالنسبة لسؤالك حول المواسم انا لمن كنت في المدرسة قبل حوالي 4 سنين خذونا المدرسة رحلة لمدة ثلاث ايام لهذة المحمية قمة في الروعة
بالنسبة للمواسم ما ادري بس اذكر انه لازم تصريح عشان تدخل هذي المحمية كان الوالد ربي يحفظه يبي ياخذنا لمها بس <<<<<< الوالد تعذر بالبرد ذيك الايام تعرفون الابهات يتعذرون عشان هالسوالف

بالنسبة للسؤال الثاني بالنسبة للمفرق هو انته تروح لها بواسطة هولكبتر او عبارة بس مادري انت وش تقصد بالضبط


اخي العزيز الهلالي اشكرك على تواصلك وملاحظتك والسموحة انا مانتبهت لهالنقطة لان الشيخ زايد باقي بقلوبنا واعتبره ويانا مامات
وبالنسبة للجبال راح اتأكد مرتن ثانية وراح اررد لك خبر شكرا على ملاحظاتك اخي العزيز



اذا حنا ماشجعنا سياحة بلدنا منو بيشجعها ؟؟؟ <<<<<< سؤال يدور بذهني
رد مع اقتباس
  #5  
قديم 08/03/2005, 11:03 AM
alferis alferis غير متواجد حالياً
مكشاتي متواصل
 
تاريخ التسجيل: Jan 2004
المشاركات: 122
المواضيع: 8
alferis
مشاركة: (صير بني ياس .. مأوى الطبيعة)

موضوع جميل جداً
واسلوب في الطرح ممتاز
وعندي سؤال هل آي شخص يمكنه الذهاب الى الجزيرة في اى وقت ام لابد من اذن مسبق
تحياتي




رد مع اقتباس
  #6  
قديم 08/03/2005, 11:32 AM
الصورة الرمزية مقنـــــاصة
مقنـــــاصة مقنـــــاصة غير متواجد حالياً
مكشاتي متواصل
 
تاريخ التسجيل: Feb 2005
الدولة: الامارات
المشاركات: 106
المواضيع: 17
مقنـــــاصة is on a distinguished road
مشاركة: (صير بني ياس .. مأوى الطبيعة)

هلا اخوي alferis

تسلم على مرورك الكريم
بالنسبة لسؤالك انت تعرف انه المحميات الطبيعية لابد انه لأي زيارة من تصريح دخول لهذه المحمية واخذ الاذن المسبق من جهة معينة في ابوظبي والمواسم اتوقع في مواسم معينة ماعندي خلفية بس لازم يكون هناك اذن مسبق للدخول

اتمنى لك يوم جميل
رد مع اقتباس
  #7  
قديم 08/03/2005, 12:02 PM
الصورة الرمزية الجيب الربع
الجيب الربع الجيب الربع غير متواجد حالياً
 
تاريخ التسجيل: Jan 2004
الدولة: الرياض والدوادمي
المشاركات: 1,472
المواضيع: 64
الجيب الربع is on a distinguished road
مشاركة: (صير بني ياس .. مأوى الطبيعة)

[align=center]
اقتباس:
المشاركة الأصلية كتبت بواسطة رحال الخبر
الغالي او الغالية ( مقناصة)

مشكور جدا على السرد السياحي الجميل
امتعنا ماذكر في موضوعك حول جزيرة بني ياس
واهتمام زايد الخير الله يرحمة معروف
وهذا من اعمالة التي تكتب له بعد مماته عسى الله ان يخلفكم خير منه وبولده الخير ماشي انشالله
وسؤال حول الجزيرة الله يحفظك

هل هناك مواسم معينة للزيارة

والمفرق اللي ذكرته هو قبل ابوظبي من جهة الغرب ولا لا

ولك كل الهلا والسلام
الصور صغيرة مافية صور أكبر

وهل هناك موقع على الشبكة للجزيرة؟

ياليت تزودينا بأي مواقع على الانترنت عن الطبيعة والآثار والحياة الفطرية بالامارات مع الشكر الجزيل مقدماً[/align]
رد مع اقتباس
  #8  
قديم 08/03/2005, 12:05 PM
الصورة الرمزية مقنـــــاصة
مقنـــــاصة مقنـــــاصة غير متواجد حالياً
مكشاتي متواصل
 
تاريخ التسجيل: Feb 2005
الدولة: الامارات
المشاركات: 106
المواضيع: 17
مقنـــــاصة is on a distinguished road
مشاركة: (صير بني ياس .. مأوى الطبيعة)

من العين الجيب الربع اجيب لك اللي تبي
وتسلم على تواصلك
رد مع اقتباس
  #9  
قديم 08/03/2005, 12:37 PM
alferis alferis غير متواجد حالياً
مكشاتي متواصل
 
تاريخ التسجيل: Jan 2004
المشاركات: 122
المواضيع: 8
alferis
مشاركة: (صير بني ياس .. مأوى الطبيعة)

حبيت اضيف هذي الإضافة البسيطة

رد مع اقتباس
  #10  
قديم 08/03/2005, 02:00 PM
الصورة الرمزية مقنـــــاصة
مقنـــــاصة مقنـــــاصة غير متواجد حالياً
مكشاتي متواصل
 
تاريخ التسجيل: Feb 2005
الدولة: الامارات
المشاركات: 106
المواضيع: 17
مقنـــــاصة is on a distinguished road
مشاركة: (صير بني ياس .. مأوى الطبيعة)

مشكور يالغلا على الاضافة المميزة
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:18 AM




Powered by vBulletin® Copyright ©2000 - 2014, Jelsoft Enterprises Ltd.
Translation By : exahost.com.sa
هذا المنتدى يستخدم منتجات بلص
جميع الحقوق محفوظة © موقع مكشات ،،، لأفضل عرض استخدم : 768 ×1024 ::: مكشات / أحد المشاريع المحتضنة في حاضنة بادر لتقنية المعلومات والإتصالات