جمس سوبربان 94 مخزن ونظيف ولله الحمد

[أسيرنجد]

السلام عليكم ورحمة الله وبركاته
( ما شاء الله تبارك الله )
اخواني عندي جمس موديل 94 سعودي وارد الجميح عادي موب ملكي بسم ابوي من الوكاله يعني مالكه واحد من يوم طلع ولله الحمد والى الحين هو معه مخزن ونظيف مامشى الا 141 الف فقط لاغير واقف ما يتحرك الا وقت السفر بس وحاب اعرضه للرغبه في الجديد وموب مستعجل في البيع لانه مسيوم 35 ولا قد دخل حراج يعني ما راح يبيع الا اذا جاب السومه الطيبه المناسبه
المواصفات موديل 94 بني لونين وداخلي بيج اكياس الوكاله الى الان عليه وعلى المراتب وملبسه المراتب فوق اكياس الوكاله للمحافظه الداخليه نضييييفه ولله الحمد والبودي نضيييف بس الرفرف الخلفي اليمين مرشوش ناتج من حكه وليس صدم هذا لابراء الذمه وباقي البودي ما جاه رش وعلى الوكاله وده لو تبي واكشف على المحركات والقير والمكيف (بارد زي الثلج ما شاء الله ) نضيييييف ولله الحمد
وكفراته نضيفه برجستون والاستماره والفحص جديده بلمختصر للي يبي يركب يشغل ويتوكل على رب العالمين ( السياره في البايكه يعني ما تجيه الشمس )
اترككم مع الصور ونشوف السومات الطيبه والي تخارجني سومته يرسلي على الخاص او هنا على العام وادق عليه والله يكتب الي فيه الخير للجميع يارب

[قناص*07]

الصلاة على النبي وما شاء الله


الله يرزقكم القيمه اللي تسركم

[تخبرلي وظيفة]

ماشاء الله تبارك الله
الله يرزقك بالبيعة الي تسر خاطرك
ولو كان شنطة تفاهمنا معك
ولكن دامه باب ما جاز لي

[fahad6000]

اخوي جعله مبارك لك وللي من نصيبه اسومه بثلاثين بعد اذن الاداره هذا جوالي 0598396686

[أسيرنجد]

قناص الله يجزاك خير
تخبرلي وظيفه الله يجزاك خير ويرزقك ان شاء الله الي تبي
فهد سومه طيبه من وجه طيب بس اخوي فهد مسيوم 35 برا موب حولي يالغالي

[المعني555]

الله يرزقك كل خير

[بن قاسم 1]

ما شاء الله الموتر شيخ الله يرزقك

[أسيرنجد]

المعني امين وياك ان شاء الله

بن قاسم وياك يارب

[z0om]

ارسلي رقمك على الخاص ..... وموقعك؟؟؟؟؟

[أسيرنجد]

اخوي زوم ما اقدر ارسل رساله على الخاص عشان المشاركة موقعي الطائف
ارسلي رقمك ونتفاهم ان شاء الله والله يكتب الي فيه الخير يارب .

[عاشق الفتك 20]

الله يـــــــرزقك بـــا الــــزبـــون الــصـــامـــل ان شـــــاء الله

[أسيرنجد]

امين يارب اخوي عاشق الفتك تشكر على مرورك وتعطيرك متصفحي