منتديات مكشات


لمتابعة "الأحوال الجوية والرحلات" عبر جوال مكشات أرسل الرقم 1 إلى 89200 (اتصالات) - 601259 ( موبايلي ) - 708042 (زين)

::: تابعونا على تويتر مكشات :::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية

العودة   منتديات مكشات >
الســيارات > خيمة السيارات وتجهيزاتها
التسجيل التعليمـــات قائمة الأعضاء التقويم اجعل كافة الأقسام مقروءة

إضافة رد
 
أدوات الموضوع انواع عرض الموضوع
  #1  
قديم 20/06/2011, 01:14 PM
الصورة الرمزية بر وعزبة
بر وعزبة بر وعزبة غير متواجد حالياً
مكشاتي متواصل
 
تاريخ التسجيل: Feb 2010
المشاركات: 114
المواضيع: 29
بر وعزبة is on a distinguished road
تجربتي مع الجيب اللاند كروزر الـ 6 سلندر و 8 سلندر.

السلام عليكم ورحمة الله وبركاته

الصراحة والدافع لهذا الموضوع كثرة الكتابات حول الفرق بين 6 و8 سلندر
وكل يوم طالع لنا موضوع جديد وكل يوم واحد كاتب لنا ودي أشتري جيب
6 سلندر أو 8 سلندر ومحتار وش رايكم وش آخذ والصراحة أنا عشت نفس
التجربة يوم جيت أباخذ جيب موديل 2000م قبل ثلاث سنوات
وسألت أهل الشور الطيب ونصحوني بالـ 8 وبعدها بعت الـ 8 وشريت 6 سلندر
ومن خلال تجربتي للسته والثمانية راح ألخص بعض الأمور المهمة ..

وراح نبدأ بالفرق الأول وهو ( السعر )

الـ 6 سلندر أرخص من الـ 8 سلندر بحوالي 15 ألف ريال والصراحة بعد الاستعمال
وعند البيع ما في فرق كلهم ما شاء الله يمشون بسرعة وماهي من السيارات الي
تنشب بالحلق وتغص وأنت ما بعتها الله يذكر بالخير الباجيرو الي كان معي غصه
والله شهرين إلى ان بعته .

الفرق الثاني الراحة والقوة وصرفية البنزين )

نجد في الخطوط الـ8 سلندر ملك الجيوب في الراحة والقوة وشيخ ولا يوجد له مثيل
طبعاً مقارنة بالجيوب الي مثله مو يجي واحد ويقول اللكزس هذا شيء ثاني.
والصراحة أنا ماني راعي سرعة الـ 6 سلندر حلو مش بطال لكنه شوي مزعج
إذا تعديت 140ك .
وبحكم إني ماني راعي سفريات كثيرة يمكن تكون مره بالسنة أو مرتين الصراحة
فرق معي السته سلندر داخل الديرة بالخفة والراحة وصرفية البنزين أقل من
الـ 8 داخل الديرة فقط أما الخطوط فالـ 8 أحسن بكثير حوالي 20 ريال لطريق مكة
وإذا عرفنا سرعة الرياض لا تتعدى الـ 80 بسبب ساهر فالـ 6 سلندر أحسن .
أما العزم فالأكيد أن الـ 8 أقوى بكثير من الـ 6 لكن الواحد يفكر إذا ماكان راعي
سرعة يمشي على هونه .

الفرق الثالث : ( قطع الغيار )

الصراحة هذا الفرق الي يستاهل والي جرب مو مثل الي ما جرب الـ 8 سلندر
قطع غياره أغلى بكثير من الـ 6 سلندر وفرق واضح للعيان نبدأ
& بـ الفحمات فرق حوالي 80 ريال .
& الزيت ما في فرق .
& سير التايمن الـ 8 سلندر كل 100 ألف وسعره حوالي مع شغل اليد 1500ريال
أما الـ 6سلندر كل 300 ألف يتم تغيره .
& المساعدات الـ 6 سلندر أرخص بحوالي 50 ريال .
& الهوبات الـ 6 سلندر أرخص بحوالي 130 ريال .
& السيور بأنواعها الـ 6 سلندر أرخص بحوالي 20 ريال .
& عموما الـ 6 سلندر أقل خربات من الـ 8 والي جرب أكيد بيتكلم .

الفرق الرابع : ( الصبر والمطبات والمشي بالطرق الصحراوية والنفود )

الصراحة الـ 6 سلندر زين تحس إنه ددسن تكرفه ما يضره شيء عكس
الـ8 سلندر حساساته كثيرة ويخوف مو زي الـ 6 سلندر أقل حساسات
اما في البر عز الله الـ 8 ماله مثيل لكن الـ 6 مش بطال يجي منه ونفس المطب
ما فيه فرق يسن الـ 6 و الـ 8 سلندر .

وفي الختام الصراحة اتمنى أن أكون رجل محايد بين الـ 6 والـ 8 سلندر
ولا أكون رجال متعصب للـ 6 سلندر أو الـ 8 سلندر
لكن هذه تجربة أحببت أن أنقلها لكم
ولا تنسوني من دعائكم




من نصب نفسه للناس إماما ،، فليبدأ بتعليم نفسه قبل تعليم غيره ,وليكن تأديبه بسيرته فبل تأديبه بلسانه ..


رد مع اقتباس

رابط إعلاني

  #2  
قديم 20/06/2011, 01:17 PM
الصورة الرمزية برق الشمال-
برق الشمال- برق الشمال- غير متواجد حالياً
مكشاتي متقدم
 
تاريخ التسجيل: Oct 2010
المشاركات: 342
المواضيع: 25
برق الشمال- is on a distinguished road
رد: تجربتي مع الجيب اللاند كروزر الـ 6 سلندر و 8 سلندر.

بيض الله وجهك ومقارنة ممتازة جداااااااااااا تقبل مروري
رد مع اقتباس
  #3  
قديم 20/06/2011, 01:25 PM
الصورة الرمزية سيف الظفير
سيف الظفير سيف الظفير غير متواجد حالياً
 
تاريخ التسجيل: Nov 2007
الدولة: نــ ج ـــد العذية
المشاركات: 7,366
المواضيع: 147
سيف الظفير is on a distinguished road
رد: تجربتي مع الجيب اللاند كروزر الـ 6 سلندر و 8 سلندر.

كفيت ووفيت يالغالي ولكن بالنسبة لي انا جربت 6 سلندر موديل 2009 ممشاه اقل من 50.000 قير عادي

ما كمل 6 شهور الا وابيعه واشتري 2009 فل الفل 8 سلندر وكلها لاندكروزر طبعاً


والنية على بركة الله بـ 5.7 الجديد

جربته وكرهت موتري



ابو صالح الظفيري
رد مع اقتباس
  #4  
قديم 20/06/2011, 01:41 PM
سليمان بن ربيعان الربيعان سليمان بن ربيعان الربيعان غير متواجد حالياً
مكشاتي فضي
 
تاريخ التسجيل: Jun 2010
الدولة: الرياض ((القصيم -الشيحية))
المشاركات: 1,899
المواضيع: 23
سليمان بن ربيعان الربيعان is on a distinguished road
رد: تجربتي مع الجيب اللاند كروزر الـ 6 سلندر و 8 سلندر.

بارك الله فيك وجزاك الله كل خير ما قصرت
ما شاء الله تبارك الله اسلوب الشرح رائع وجميل







سبحان الله وبحمده سبحان الله العظيم
خفيفتان على اللسان ثقيلتان في الميزان
رد مع اقتباس
  #5  
قديم 20/06/2011, 01:54 PM
alkitbee alkitbee غير متواجد حالياً
مكشاتي متواصل
 
تاريخ التسجيل: Oct 2009
المشاركات: 96
المواضيع: 3
alkitbee is on a distinguished road
رد: تجربتي مع الجيب اللاند كروزر الـ 6 سلندر و 8 سلندر.

انا لا اوافق في الراي حيث انه لا يوجد وجهه مقارنه بين 6 و 8 من ناحية صرف البنزين والقوه والتحمل والعزم. 8 سيلندر الماكينه تمشي 500000 بدون صرفيه زيت ملحوضه و ذا سافرت مسافات وخصوصا في الصيف بتلاحظ الحراره ثابته......
الصراحه هذا راي من واقع تجربه..
رد مع اقتباس
  #6  
قديم 20/06/2011, 01:55 PM
درب الشمالي درب الشمالي غير متواجد حالياً
مكشاتي
 
تاريخ التسجيل: Aug 2010
المشاركات: 12
المواضيع: 4
درب الشمالي is on a distinguished road
رد: تجربتي مع الجيب اللاند كروزر الـ 6 سلندر و 8 سلندر.

الله يعطيك العافية على المقارنة
بس ولو الـ 8 سلندر لحــــــــالة
رد مع اقتباس
  #7  
قديم 20/06/2011, 02:14 PM
الجال الطويل الجال الطويل غير متواجد حالياً
مكشاتي متواصل
 
تاريخ التسجيل: Jan 2006
المشاركات: 61
الجال الطويل is on a distinguished road
رد: تجربتي مع الجيب اللاند كروزر الـ 6 سلندر و 8 سلندر.

تحياتي للجميع -----انا اقول لاتوجد مقارنه فرق بين الثرى والثريا على شي حصل معنا--مره كنا برحله الى المناطق الجبليه في سوريا ومعنا ال6وال8 والله يابو سته في بعض المرتفعات قعد يباحث بمكانه قلنا الله يستر مايجيبنا عكبسي وعطي الله ابو ثمان يتنقز تقل يمشي حدور فرق واضح ----ترو سيارتي ابو سته-- عن لااحد يحسب ---والسلام
رد مع اقتباس
  #8  
قديم 20/06/2011, 02:28 PM
الصورة الرمزية بر وعزبة
بر وعزبة بر وعزبة غير متواجد حالياً
مكشاتي متواصل
 
تاريخ التسجيل: Feb 2010
المشاركات: 114
المواضيع: 29
بر وعزبة is on a distinguished road
رد: تجربتي مع الجيب اللاند كروزر الـ 6 سلندر و 8 سلندر.

اقتباس:
انا لا اوافق في الراي حيث انه لا يوجد وجهه مقارنه بين 6 و 8 من ناحية صرف البنزين والقوه والتحمل والعزم. 8 سيلندر الماكينه تمشي 500000 بدون صرفيه زيت ملحوضه و ذا سافرت مسافات وخصوصا في الصيف بتلاحظ الحراره ثابته......
الصراحه هذا راي من واقع تجربه..
حبيبنا أنا ما أقول أن السته أفضل من الثمانية من ناحية القوة لكن من ناحية التحمل أختلف معك
الثمانية حساساته كثيره وتخرب على طول في الطرق الصحراوية
لأنه مهيئ لمدن وليس للصحراء والبر عكس GXR مهيئ للبر والصحراء ونفسه الهدد
رد مع اقتباس
  #9  
قديم 20/06/2011, 02:36 PM
قرم العيال قرم العيال غير متواجد حالياً
مكشاتي فضي
 
تاريخ التسجيل: Mar 2007
الدولة: القصيم
المشاركات: 1,659
المواضيع: 54
قرم العيال is on a distinguished road
رد: تجربتي مع الجيب اللاند كروزر الـ 6 سلندر و 8 سلندر.

تجربه حلوه .. لكن الكلام هذا عن الجيل القديم .. اعلوم الجيل الجديد !!



رد مع اقتباس
  #10  
قديم 20/06/2011, 05:21 PM
ABO AL-HESH ABO AL-HESH غير متواجد حالياً
مكشاتي متقدم
 
تاريخ التسجيل: Jun 2007
الدولة: الرس
المشاركات: 306
المواضيع: 18
ABO AL-HESH is on a distinguished road
رد: تجربتي مع الجيب اللاند كروزر الـ 6 سلندر و 8 سلندر.

الزين سعره فيه ... وبعد بالمرتفعات ما فيه مقارنه ابد بين 6 و 8 وايضا لا منه نطحك الهواء..


رد مع اقتباس
  #11  
قديم 20/06/2011, 05:31 PM
الصورة الرمزية abuslman88
abuslman88 abuslman88 غير متواجد حالياً
مكشاتي متواصل
 
تاريخ التسجيل: Mar 2011
المشاركات: 167
المواضيع: 4
abuslman88 is on a distinguished road
رد: تجربتي مع الجيب اللاند كروزر الـ 6 سلندر و 8 سلندر.

أخوي بارك الله فيك
مجرب 8 سلندر راحة وقلة صرفية وخوي ما شاء الله تبارك الله
6 سلندر زين لكن ثقيل بالحيل



كن مبتسما ....ترى الكون جميلا وتعيش سعيدا
رد مع اقتباس
  #12  
قديم 20/06/2011, 06:45 PM
أبو غدي1432 أبو غدي1432 غير متواجد حالياً
مكشاتي متقدم
 
تاريخ التسجيل: Jun 2011
المشاركات: 731
المواضيع: 49
أبو غدي1432 is on a distinguished road
رد: تجربتي مع الجيب اللاند كروزر الـ 6 سلندر و 8 سلندر.

أنا عندي gxr موديل (99)

بصراحة في نظري كرسيدا

ياني أروح عليه وأجي وأطلع فيه أماكن ما تتخيلها .

بسم الله ما شاء الله بعدين خفيف مو ثقيل.

صح ال vxr أقوى منه.

بس بصراحة عاجبني
رد مع اقتباس
  #13  
قديم 20/06/2011, 07:00 PM
الصورة الرمزية أطلال نجد
أطلال نجد أطلال نجد غير متواجد حالياً
مكشاتي ذهبي
 
تاريخ التسجيل: Apr 2008
الدولة: عريق البلدان
المشاركات: 2,082
المواضيع: 14
أطلال نجد is on a distinguished road
رد: تجربتي مع الجيب اللاند كروزر الـ 6 سلندر و 8 سلندر.

بارك الله فيك أخي بر وعزبة
عز الله أنك ما قصرت كفيت ووفيت




سبحان الله و بحمده عدد خلقه و رضا نفسه و زنة عرشه و مداد كلماته
اللهم صلّ و سلم على نبينا محمدِ عدد ما ذكره الذاكرون و غفل عن ذكره الغافلون
رد مع اقتباس
  #14  
قديم 20/06/2011, 08:18 PM
عبادل المالكي عبادل المالكي غير متواجد حالياً
مكشاتي متواصل
 
تاريخ التسجيل: May 2011
المشاركات: 94
المواضيع: 5
عبادل المالكي is on a distinguished road
رد: تجربتي مع الجيب اللاند كروزر الـ 6 سلندر و 8 سلندر.

مشكووووووووووووووووو اخوي على الموضوع الرائع
رد مع اقتباس
  #15  
قديم 20/06/2011, 10:36 PM
الصورة الرمزية قناص مزاجي
قناص مزاجي قناص مزاجي غير متواجد حالياً
مكشاتي متقدم
 
تاريخ التسجيل: Sep 2010
المشاركات: 492
المواضيع: 45
قناص مزاجي is on a distinguished road
رد: تجربتي مع الجيب اللاند كروزر الـ 6 سلندر و 8 سلندر.

اخي العزيز

ال 6 سلندر افضــــــل اذا كان قير عادي

وال 8 سلندر افضل اذا قير تماتيك

وبحكم تجربتي انا افضل القير العادي




السعودية - درجات الحرارة السحب (ملون)

http://sa.arabiaweather.com/sats/::gcc:sa:irt
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 12:08 PM




Powered by vBulletin® Copyright ©2000 - 2014, Jelsoft Enterprises Ltd.
Translation By : exahost.com.sa
هذا المنتدى يستخدم منتجات بلص
جميع الحقوق محفوظة © موقع مكشات ،،، لأفضل عرض استخدم : 768 ×1024 ::: مكشات / أحد المشاريع المحتضنة في حاضنة بادر لتقنية المعلومات والإتصالات