منتديات مكشات



لمتابعة "الأحوال الجوية والرحلات" عبر جوال مكشات أرسل الرقم 1 إلى 89200 (اتصالات) - 601259 ( موبايلي ) - 708042 (زين)


::: تابعونا على تويتر مكشات :::

**متابعة الاضطرابات الجوية المتوقعة خلال الثلث الاخيرمن ابريل وبداية مايوعام 2014 ** ::بئر هداج1413هـ

هنـــــا:تحديثات خبراء مكشات لحالات الثلث الأخير من أبريل وبداية مايو 2014م

تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور


العودة   منتديات مكشات >
الســيارات > خيمة أعطال السيارات وإصلاحها
التسجيل التعليمـــات قائمة الأعضاء التقويم اجعل كافة الأقسام مقروءة

إضافة رد
 
أدوات الموضوع انواع عرض الموضوع
  #1  
قديم 10/08/2012, 01:23 AM
الصورة الرمزية ابو الجادل
ابو الجادل ابو الجادل غير متواجد حالياً
مكشاتي
 
تاريخ التسجيل: Aug 2011
المشاركات: 17
المواضيع: 3
ابو الجادل is on a distinguished road
حل لتسريب فريون تكييف السيارة

السلام عليكم ورحمة الله وبركاته

الحمدلله رب العالمين ، وصلى الله على نبينا محمد واله وصحبه اجمعين
اللهم تقبل صيامنا وقيامنا واجعلنا ممن تغفر لهم وترحمهم وتعتق رقابهم من النار

كل عام وانتم بكل خير مقدما

حبيت اطرح بين ايديكم موضوع عن مشكله كثير منا يعاني منها ولا يجد لها حل الا بالحالات النادرة وبتكاليف باهضة لحل المشكله.وهي تسريب فريون مكيف السيارة.

دايم تصير معنا هذي المشكله ونقول بنروح لكهربائي تكييف ونزود فريون المكيف ، وهذا شي خاطئ ، لان الفريون موجود في دائرة مغلقة ، فإذا تناقص فهذا دليل على وجود تسريب ، ولكن من اللي يحط يده على مكان التسريب؟؟، ووين تحصلون عامل يكلمك بكل امانه ويقول لك فيه تسريب.
انا اليوم رحت لورشة بخضرية الدمام وسألت عن سبب للمشكلة ودلوني لورشة الرشيد، قلت بروح ورشة الرشيد مانيب خسران شي، ويوم رحت وطريت المشكلة قالوا لي العمال انتظر المهندس احمد(اردني)رجل محترم وخلوق جدا نحسبه كذلك ولا نزكي على الله.

وصل المهندس احمد وقلت له المشكله: اخوي احمد عندي مشكله في التكييف مدري ليه ما يبرد.
قال: عندك تسريب، المفروض الفريون مايتناقص لانه في دائرة مغلقة، مثل هواء كفر السيارة ، ما ينقص الا اذا فيه تسريب له.(احترم الامانه عند هذا الرجل)

قلت له وش الحل؟ قال بفحص لك بطريقة الليزر 350 ريال
بنزود المكيف بالفريون وبنحقن معاه مادة وتروح تستخدم السيارة 3 الى 5 ايام وبعدها ترجع ونشوف من وين التسريب ونعلمك، اذا يتصلح صلحناه او تجيب القطع المطلوبه لتغيير القطع اللي تسرب، وفي كلا الحالتين يتم احتساب تكاليف شغل اليد على حسب الشغل المطلوب.
طبعا الوكاله (عبداللطيف جميل الله لا يوفقهم) يفحصون بهذي الطريقة وبمبلغ 3000 ريال يقولون لك اترك عندنا الموتر مدة 3 ايام

قلت له هذي المعلومه وقال هذا خطا ، لانو بعض التسريبات ما تتضح الا مع حركة السيارة واهتزاز الاجهزة والمواسير.

قلت له توكل على الله وافحص وبرجع لك بعد 4 ايام، وهو يشتغل بالسياره انا اسولف معه عن التسريب و هل طريقة الكشف ناجحه ووش مدى نجاحها ، قال لي تعال ، وخلاني اشوف عدد كبير من الثلاجات والقطع الي عنده اللي غيرها للزباين ووضح لي اماكن التسريب.

فاحذروا يا اخوان من الكهربائيين الي يزودون لكم الفريون والسلام وتشوف نفسك كل شوي حاط لك فريون بـ 200 ريال ويصمل معك مده محدده ثم يخلص، اذا التسريب قوي فأعرفوا ان الفريون بيخلص خلال ايام ، واذا التسريب بسيط فما يمديك تخلص الصيفيه ويجي الشتاء ومن عقبه الصيف وتشغل المكيف وتكتشف انه مايبرد.

وفق الله الجميع لكل ما يحب ويرضى
ولا تنسونا من خالص دعائكم
رد مع اقتباس

رابط إعلاني

  #2  
قديم 10/08/2012, 02:50 AM
ابوهديبي ابوهديبي غير متواجد حالياً
مكشاتي
 
تاريخ التسجيل: Aug 2012
المشاركات: 3
المواضيع: 1
ابوهديبي is on a distinguished road
رد: حل لتسريب فريون تكييف السيارة

شكرا اخي ابو الجادل على هذه المعلومة والله يوفقكم ويتقبل منا ومنكك صالح الأعمال
عندي هالمشكلة في جيب البرادو من زمان مشكلة تهريب الفريون وزي ماتفضلت عند كل كهربائي يزيد فريون ولا يجدده ويلهط من ها الدراهم ولافيه فايده بس الله يعافيك وين ألقى ورشة الرشيد بالضبط لأن من الدمام
رد مع اقتباس
  #3  
قديم 10/08/2012, 05:26 AM
ms662 ms662 غير متواجد حالياً
مكشاتي متقدم
 
تاريخ التسجيل: Jun 2006
المشاركات: 701
المواضيع: 70
ms662 is on a distinguished road
رد: حل لتسريب فريون تكييف السيارة

السلام عليكم
شكرا علي الافاده اخي الكريم
لكن احب اقولك ان سعر الفحص عنده 350 ريال غالي جدا ومبالغ فيه
لان يوجد ماده تشتريها بمبلغ 40 اربعين ريال
اذا شكيت ان فيه تهريب فريون عندك تحطها مع الفريون وقت التعبأه او الزياده
وتتوكل على الله تخلص لك كم مشوار والمكيف شغال
وبعدين اذا جا الليل عن طريق الكشاف العادي تشيك علي دائرة التبريد كامله
والمكان الي فيه تهريب راح تحصله معطيك لون فسفوري واضح ينعكس باضاءه الكشاف
وتصلحه
فالرجل الي انت تفضلت بذكره راح يحقن لك الماده مع الفريون ٣٥٠ ريال
بينما اذا كان الفريون فاضي مره راح تعبيه ١٥٠+٤٠=١٩٠ ريال (طبعا تقل اذا كان المكيف باقي فيه فريون اصلا ماسرب بالكامل)وتعرف وين التهريب منه بدل دفع ٣٥٠ ريال عشان معرفه الشي نفسه
واسف على الاطاله لكن من باب التوضيح لك وللاخوان ان بالامكان الفحص بقيمه اقل
رد مع اقتباس
  #4  
قديم 10/08/2012, 05:55 PM
الصورة الرمزية صاروخ الغطغط
صاروخ الغطغط صاروخ الغطغط غير متواجد حالياً
مكشاتي نشيط
 
تاريخ التسجيل: Feb 2011
المشاركات: 812
المواضيع: 81
صاروخ الغطغط is on a distinguished road
رد: حل لتسريب فريون تكييف السيارة

نصيحه لك يا اخوي رح لحقين تعبية الفريون ويعبونه بضغط هواء ويحطون رغوة فيري على اليات والمواصير والكمبرسم ويطلع التهريب انا كان ينقص الفريون ياخذ شهر وفحصته بالطريقه هاذي ولقيت شق صغير يضهر فقاعات في الي وغيرت الى وخذت سنه مانقص او عندك البلف او الوجيه الاصلاحات عب المكيف بضغط هواوخله يفحصه رخيص ب20ريال الفحص


رد مع اقتباس
  #5  
قديم 10/08/2012, 06:31 PM
الصورة الرمزية أصيل حجآ زي
أصيل حجآ زي أصيل حجآ زي متواجد حالياً

مشرف خيمة أعطال السيارات وإصلاحها

 
تاريخ التسجيل: Jul 2009
الدولة: فــي أرض الله الــوآســعــة !!!
المشاركات: 8,411
المواضيع: 186
أصيل حجآ زي is on a distinguished road
Talking رد: حل لتسريب فريون تكييف السيارة



يـــأستآذ / ابو الجادل

هذا أما خدعك أو ما هو شآطر { بالحيل } !
أو يتعلم بسيآرآت النآس لكسب العيش أو غشآش !!!
أو طيب وهذي حدود معرفتهُ وشطآرتهُ من غير سوء .

وقد يكون خدعك وشفط درآهمك من غير وجه حق .


فيه عدة طرُق للكشف عن تهريب المُبرّد { الفريون / الرفرجرنت } للمُكيفآت
منها ما هو بالشفط ومنها ما هو بالضغط ومنها بحسآسآت ألكترونية وليزرية
ومنها ما
هو بالصبغ { الدآي بنترنت دتكشن Dye Penetrant Detection } .


وبالطريقة العآدية لكشف التهريب :
يشبُك سآعآتُه قبل أضآفة المُبرّد ويشفُط النظآم بمضخة خآصة للشفط ويقرء السآعة
في الجآنب النآقص من سآعة الضغط الوآطي { السآعة بها سآعتين للضغط / عآلي ووآطي } .
يقرئها نآقص 30 أنش أو مركري لمُدة نصف سآعة بالضبط { 30 دقيقة }
أذا نقص الضغط في الثلاثين دقيقة بمُعدّل 4 أنش أو مركري فعندك تهريب أكيد ضروري أصلاحُه .

بمعنى أخر يجب أن يُحآفظ على الشفط { الفآكيوم Vacuum } لمُدة ثلاثين دقيقة
بأن ما ينقُص سلبآ { الشفط بعكس الضغط / تحت الصفر بثلاثين بوصة زئبقية }
وأن نقص ووصل حوآلي 26 بوصة زئبقية خلال نصف سآعة فأن ذلك يدُل على تهريب في النظآم .

وهُنآك طُرق أخرى للكشف .

شُفها بالسآعة اليسآر تحت { العقرب متوقف على الصفر وتحت الصفر هو القيآس } :





هُنآك طريقة وطُرق لكشف التهريب من غير أضآفة مُبرّد { فريون / رفرجرنت 134a Refrigerant }
تُضيف مُبرّد بقيمة 350 وبعدين تفرّغهُ وترجع تعبي بـ 350 مرة أُخرى بعد زعمهُ بأصلاح التهريب .

الكشف على التهريب يتم قبل ومن غير أضآفة مُبرّد { فريون Freon / رفرجرنت 134a } بخسآرة 700 ريآل .

هذا غش وشفط وحلب أموآل النآس بالبآطل ويزعم أنهُ ثقة .

أليك عدة أشرطة توريك كيف تكشف على تهريب المُبرّد
وصلحها أنت بنفسك وشحمك ولحمك { DIY } من غير خسآير :









































































































































وهذي أشرطة لكيفية أصلاح خلل المُكيفآت والتهريبآت :








































































دروس عن التكـيـيــّف والتدفئة لغمآرة السيآرة :
















































**********************


{إذا كـُنت لا تقرأ إلا ما يُـعجبك فـقـط .. فإنك إذاً لن تـتـعـلم أبداً}
دروس ألأصيل الحجآزي *** لكل جواد كبوه
مـا حك جـلـدُك مــثــلُ ظـفـرك ‘ فــتــولّ أنـت زمـآمُ أمرك.
رد مع اقتباس
  #6  
قديم 10/08/2012, 08:09 PM
كسير الحظ كسير الحظ غير متواجد حالياً
مكشاتي متواصل
 
تاريخ التسجيل: Jul 2009
المشاركات: 179
المواضيع: 2
كسير الحظ is on a distinguished road
رد: حل لتسريب فريون تكييف السيارة

وعليكم السلام


سبق ان اصلحت عنده
وهو افضل السيئين على كل حال

ما يميز عمله هو الضمان غيره ما يعطيك ضمان ويروح عليك الفريون بلوشي

+
يعجز كثير من المتكهربين (الغشاما) عن اكتشاف مكان التهريب بل الكثير منهم ان قلت له فيه تنسيم يعتذر عن اصلاح سيارتك يعني شغله بس تعبيه فريون تنسيم ما يشتغل لك

اما الرشيد فيضع هذه المادة بدراهمك ويوفر على نفسه التعب بحيث ان المادة تتسرب من اي مكان فيه تنسيم ويتم اصلاحه والسلام

سلمولي على الحدب ( بالهفوف ) يالي تعرفونه
رد مع اقتباس
  #7  
قديم 11/08/2012, 02:28 AM
ابوراكان تبوك ابوراكان تبوك متواجد حالياً
مكشاتي فضي
 
تاريخ التسجيل: Sep 2008
الدولة: تبوووووك الورد
المشاركات: 1,580
المواضيع: 7
ابوراكان تبوك is on a distinguished road
رد: حل لتسريب فريون تكييف السيارة

معروف الفحص بالماء الاخضر او الفسفوري يطلع واضح وانا فحصت بـ 200 وطلع صوفه كمبروسر والرديتر والثلاجه الداخليه مع الفريون يقعد 3 شهور ويطيرررررررررررر
مافيه شيء اسمه فحص باللليزر هاذي كذبه الكهربائيين وحقين المكيفات يبالغون في شغل اليد
رد مع اقتباس
  #8  
قديم 11/08/2012, 03:20 AM
ahmad963 ahmad963 غير متواجد حالياً
مكشاتي متقدم
 
تاريخ التسجيل: Mar 2007
المشاركات: 218
المواضيع: 14
ahmad963 is on a distinguished road
رد: حل لتسريب فريون تكييف السيارة

أنا عندي جمس سوبربان قديم موديل 92 صلحت مكيفه العام وبعد تقريبا شهر خلص الفريون رجعتله قالي هذا فيه تهريب بسيط جدا مانقدر نكتشف مكانه ، قلت لهم طيب وش الحل قالوا لي مالك إلا ترايستار أو الرشيد يكشفونه عن طريق الليزر ، صفطه ورحت لتقريبا ثمانية كهربائيين وكلهم نفس الكلام وكلهم يقولون مالك الا ترايستار والا الرشيد ( فقلت بيني وبين نفسي لاتجتمع الأمة على ضلال خلنا نروحلهم ) رحت لترايستار تعذروا مني قسم التكييف قالولي مانستقبل موتر قديم ، رحت للرشيد قالوا اختصاصنا تايوتا ، رجعت أدور كهربائيين يشوفولي حل مالقيت ، لين حصلت باكستاني قال مايحل مشكلتك إلا محل واحد ( نسيت اسمه ) رحت له راعيه لبناني طويل شايب وطريقته عبا لي غاز مادي وشهو ياهيدروجين أو نيتروجين أو شي قريب من هالأسماء ، وبعد ماعباه جاب جهاز عنده يشم هذا الغاز ، وصار يمرر هالجهاز على الكمبرسر والمواصير ، يوم مرر الجهاز على الكمبرسر صرخ الجهاز ، ويوم مرره بعد على مكان أحد مواصير المكيف ( صامولة تربط ماصورتين ببعض )صرخ الجهاز ، ومرر على باقي المواصير مافيها شي وحدد لي أماكن التهريب وقالي غير اصلاح الكمبرسر والجلده اللي تجي داخل الصامولة بين الماصورتين ،وصلحتها عند كهربائي آخر دلني عليه اللبناني لأنه تعذر عن تصليحها وانتهت المشكلة وقيمة الكشف على التهريب 100 ريال فقط لاغير والشغلة ماخذت ربع ساعة
رد مع اقتباس
  #9  
قديم 12/08/2012, 05:24 AM
الصورة الرمزية ابو الجادل
ابو الجادل ابو الجادل غير متواجد حالياً
مكشاتي
 
تاريخ التسجيل: Aug 2011
المشاركات: 17
المواضيع: 3
ابو الجادل is on a distinguished road
رد: حل لتسريب فريون تكييف السيارة

شكرًا للجميع

اخوي ahmed963

اتمنى اعرف وصف ورشة اللبناني اللي تقول عنه طويل وشايب
لأني كنت ابحث عنه قبل اروح للرشيد

انتظر ردك
رد مع اقتباس
  #10  
قديم 12/08/2012, 02:25 PM
هملول السحاب هملول السحاب غير متواجد حالياً
مكشاتي متقدم
 
تاريخ التسجيل: Apr 2010
المشاركات: 384
المواضيع: 29
هملول السحاب is on a distinguished road
رد: حل لتسريب فريون تكييف السيارة

الله يجزاك خير يابو الجادل

وبارك الله فيك وفي معلومات الاخوان القيمة..


اللهم أعز الإسلام والمسلمين وأذل الشرك والمشركين
اللهم انصر عبادك المسلمين والموحدين في سوريا
اللهم إنك القادر على كل شيء سبحانك فمكّن لهم بالارض يامجيب
اللهم وحد بين صفوفهم وألف بين قلوبهم
اللهم ارحم شهدائهم وارضى عنهم وتجاوز عن سيئاتهم
اللهم استرنا على الارض وتحت الارض ويوم العرض
رد مع اقتباس
  #11  
قديم 12/08/2012, 05:00 PM
الكلاسك الكلاسك غير متواجد حالياً
مكشاتي متقدم
 
تاريخ التسجيل: Aug 2006
المشاركات: 383
المواضيع: 3
الكلاسك is on a distinguished road
رد: حل لتسريب فريون تكييف السيارة

اقتباس:
المشاركة الأصلية كتبت بواسطة ابو الجادل مشاهدة المشاركة
السلام عليكم ورحمة الله وبركاته


الحمدلله رب العالمين ، وصلى الله على نبينا محمد واله وصحبه اجمعين
اللهم تقبل صيامنا وقيامنا واجعلنا ممن تغفر لهم وترحمهم وتعتق رقابهم من النار

كل عام وانتم بكل خير مقدما

حبيت اطرح بين ايديكم موضوع عن مشكله كثير منا يعاني منها ولا يجد لها حل الا بالحالات النادرة وبتكاليف باهضة لحل المشكله.وهي تسريب فريون مكيف السيارة.

دايم تصير معنا هذي المشكله ونقول بنروح لكهربائي تكييف ونزود فريون المكيف ، وهذا شي خاطئ ، لان الفريون موجود في دائرة مغلقة ، فإذا تناقص فهذا دليل على وجود تسريب ، ولكن من اللي يحط يده على مكان التسريب؟؟، ووين تحصلون عامل يكلمك بكل امانه ويقول لك فيه تسريب.
انا اليوم رحت لورشة بخضرية الدمام وسألت عن سبب للمشكلة ودلوني لورشة الرشيد، قلت بروح ورشة الرشيد مانيب خسران شي، ويوم رحت وطريت المشكلة قالوا لي العمال انتظر المهندس احمد(اردني)رجل محترم وخلوق جدا نحسبه كذلك ولا نزكي على الله.

وصل المهندس احمد وقلت له المشكله: اخوي احمد عندي مشكله في التكييف مدري ليه ما يبرد.
قال: عندك تسريب، المفروض الفريون مايتناقص لانه في دائرة مغلقة، مثل هواء كفر السيارة ، ما ينقص الا اذا فيه تسريب له.(احترم الامانه عند هذا الرجل)
هذا كلام معروف جدتي الله يطول عمرها تعرفه

قلت له وش الحل؟ قال بفحص لك بطريقة الليزر 350 ريال
لو انه قال بفحص بطريقة الاشعه الكهرو نيتروجينيه باستخدام مادة اليورانيوم المنضب المتفاعل مع ذرات اوكسيد الميثان اتش أو ثري كان صار الفحص 8799 ريال بس فحص شغل اليد 9900
بنزود المكيف بالفريون وبنحقن معاه مادة وتروح تستخدم السيارة 3 الى 5 ايام وبعدها ترجع ونشوف من وين التسريب ونعلمك، اذا يتصلح صلحناه او تجيب القطع المطلوبه لتغيير القطع اللي تسرب، وفي كلا الحالتين يتم احتساب تكاليف شغل اليد على حسب الشغل المطلوب.
طبعا الوكاله (عبداللطيف جميل الله لا يوفقهم) يفحصون بهذي الطريقة وبمبلغ 3000 ريال يقولون لك اترك عندنا الموتر مدة 3 ايام

قلت له هذي المعلومه وقال هذا خطا ، لانو بعض التسريبات ما تتضح الا مع حركة السيارة واهتزاز الاجهزة والمواسير.
أي اهتزاز وكلام فاضي هذا غاز ماهو طين!!
قلت له توكل على الله وافحص وبرجع لك بعد 4 ايام، وهو يشتغل بالسياره انا اسولف معه عن التسريب و هل طريقة الكشف ناجحه ووش مدى نجاحها ، قال لي تعال ، وخلاني اشوف عدد كبير من الثلاجات والقطع الي عنده اللي غيرها للزباين ووضح لي اماكن التسريب.

فاحذروا يا اخوان من الكهربائيين الي يزودون لكم الفريون والسلام وتشوف نفسك كل شوي حاط لك فريون بـ 200 ريال ويصمل معك مده محدده ثم يخلص، اذا التسريب قوي فأعرفوا ان الفريون بيخلص خلال ايام ، واذا التسريب بسيط فما يمديك تخلص الصيفيه ويجي الشتاء ومن عقبه الصيف وتشغل المكيف وتكتشف انه مايبرد.

وفق الله الجميع لكل ما يحب ويرضى

ولا تنسونا من خالص دعائكم
التعديل باللون الاخضر والنص الاصلي بالاحمر


رد مع اقتباس
  #12  
قديم 12/08/2012, 05:28 PM
ahmad963 ahmad963 غير متواجد حالياً
مكشاتي متقدم
 
تاريخ التسجيل: Mar 2007
المشاركات: 218
المواضيع: 14
ahmad963 is on a distinguished road
رد: حل لتسريب فريون تكييف السيارة

اقتباس:
المشاركة الأصلية كتبت بواسطة ابو الجادل مشاهدة المشاركة
شكرًا للجميع

اخوي ahmed963

اتمنى اعرف وصف ورشة اللبناني اللي تقول عنه طويل وشايب
لأني كنت ابحث عنه قبل اروح للرشيد

انتظر ردك

أبشر يا أبو جادل لافضيت بمر الخضرية وأجيبلك اسم المحل ووصفه بالضبط ولا يهمك ياغالي
رد مع اقتباس
  #13  
قديم 12/08/2012, 05:56 PM
الصورة الرمزية ابو الجادل
ابو الجادل ابو الجادل غير متواجد حالياً
مكشاتي
 
تاريخ التسجيل: Aug 2011
المشاركات: 17
المواضيع: 3
ابو الجادل is on a distinguished road
رد: حل لتسريب فريون تكييف السيارة

شكرا للجميع

اخوي اصيل حجازي شكرا لتوضيحك وياليت كلنا نعرف للميكانيكا و الكهرباء ما كنا احتجنا لبعض وللمحلات هذي، يمكن انت تعلمت كم شغله وتكون تجهل في امور اخرى وهذا امر طبيعي، فلان يفهم بالمكيف وفلان يفهم بالكمبيوترات وفلان يفهم بالتلفزينات وفلان يفهم في البناء وفلان يفهم في الساعات والذهب .... الخ
ولكن الامانه هي المطلوبه ،، اشكرك مره اخرى لوضعك تلك الاشرطه الجميله الايضاحية.

اخوي ابو هديبي مدري اذا لك نفس تروح لورشة الرشيد بعد التعليقات او لا هههههه لكن بقولك وصفها لانك سالت وابشر بالخير،، هي بالشارع الي يقص الخضريه من الجنوب للشمال اعرض شارع وفيه محلات تجارية كثيره وبتجيلك الورشه على اليسار ، والورشه بالنسبه لجيرانها تصنف بأنها ورشه كبيره



اما بالنسبه للاخ ahmed963
ابيك تترك لي رقمك دامك مكشاتي متقدم الله لا يهينك ، ارسله لي في بريد خاص ، انا مكشاتي سياحي ولا اقدر اراسلك على الخاص ، ويمكن احط رقمي هنا وانفقع ببوز أليم
ابي اكلمك ياخوي واخذ منك الوصف والسلام ، لا تفضي نفسك وتشغل نفسك وتكلف على نفسك وتدخل زحمة الخضريه وانت مو معتاز.


اكرر شكري للجميع والايضاح
اللهم تقبل الله صيامنا وقيامنا
رد مع اقتباس
  #14  
قديم 12/08/2012, 06:16 PM
llonely llonely متواجد حالياً
مكشاتي متقدم
 
تاريخ التسجيل: Mar 2010
المشاركات: 610
المواضيع: 14
llonely is on a distinguished road
رد: حل لتسريب فريون تكييف السيارة

انا معي جيب فورد ماشي 35 الف على الضمان وسبحان الله بدا تبريد المكيف يقل شوي شوي حتى انتهى تماما ورحت لورشه عاديه لمعرفته المشكله وكشف على السياره وما وجد فريون وساومني على تعبئه فريون حتى يكتشف المشكله هل هو تنسيم ام ذهاب طبيعي للفريون فرفضت وحجزت موعد لصيانه السيارة في الوكالة ويعلم الله ان ما عندي فلوس لاكن قلت اشوف سعرهم كم وفعلا ادخل السيارة الوكالة ووعدوني بالكشف والاتصال علي واسبوع كامل ويجيني اتصال بان التهريب والتنسيم بسبب الثلاجه والتمديدات الحار والبارد فيها وهيا شامله للضمان ما تدفع ريال فالحمد لله
لاكن ما يعيب الوكاله تاخيرهم في الكشف والاصلاح ولولا الله سبحانه وسياره السواق كان دفعت تكاليف الاصلاح في استئجار سياره بديله لمشاويري
رد مع اقتباس
  #15  
قديم 12/08/2012, 09:19 PM
الصورة الرمزية ابو الجادل
ابو الجادل ابو الجادل غير متواجد حالياً
مكشاتي
 
تاريخ التسجيل: Aug 2011
المشاركات: 17
المواضيع: 3
ابو الجادل is on a distinguished road
رد: حل لتسريب فريون تكييف السيارة

اخوي احمد

مشكور وبيض الله وجهك
لقيت الورشة
اسمها مركز تقنية كهرباء وتكييف السيارات بإشراف ابو يوسف
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 07:49 AM




Powered by vBulletin® Copyright ©2000 - 2014, Jelsoft Enterprises Ltd.
Translation By : exahost.com.sa
هذا المنتدى يستخدم منتجات بلص
جميع الحقوق محفوظة © موقع مكشات ،،، لأفضل عرض استخدم : 768 ×1024 ::: مكشات / أحد المشاريع المحتضنة في حاضنة بادر لتقنية المعلومات والإتصالات