منتديات مكشات



لمتابعة "الأحوال الجوية والرحلات" عبر جوال مكشات أرسل الرقم 1 إلى 89200 (اتصالات) - 601259 ( موبايلي ) - 708042 (زين)

::: تابعونا على تويتر مكشات :::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية

العودة   منتديات مكشات >
الســيارات > خيمة السيارات وتجهيزاتها
التسجيل التعليمـــات قائمة الأعضاء التقويم اجعل كافة الأقسام مقروءة

إضافة رد
 
أدوات الموضوع انواع عرض الموضوع
  #1  
قديم 30/09/2013, 11:44 PM
ليوان ليوان غير متواجد حالياً
مكشاتي متواصل
 
تاريخ التسجيل: Dec 2006
المشاركات: 119
المواضيع: 15
ليوان is on a distinguished road
توليف خزان هواء لماطور الهواء

الاخوة الكرام
السلام عليكم ورحمة الله وبركاته

عندي فكرة وابي رائكم فيها
عندي ماطور هواء صغير شبيه بـ (ابو جمل ) لتعبئة الكفرات وابي ازيد فاعليته ويصير استخدمه لأكثر من غرض وطرت علي فكرة اخليه مثل ماطور الهواء الي عند البناشر ( ضغط اقوى ) قلت اكيد السر في خزان الهواء
يعني الكبروسر يعبي الخزان وينضغط الهواء داخل الخزان ويعطي ضغط عالي
لكن المشكلة الحين في الخزان
ما هو الخزان الي بيقوم بهذا الدور
هل ممكن القى خزان مثل الي عند البنشري بس يكون صغير ما يتجاوز ليتر واحد او 2 ليتر

هل تنفع اسطوانة الدافور الزرقاء وماذا تحتاج مثل هذه



هل تنفع علبة الفريون مثل هذه وماذا تحتاج من إضافات





رد مع اقتباس

رابط إعلاني

  #2  
قديم 01/10/2013, 12:18 AM
aboabdullah96 aboabdullah96 غير متواجد حالياً
مكشاتي متواصل
 
تاريخ التسجيل: Apr 2013
المشاركات: 134
المواضيع: 3
aboabdullah96 is on a distinguished road
رد: توليف خزان هواء لماطور الهواء

كنت افكر فيها سابقا على موتري السابق

حصلت عند ساكو تاخذ 100psi سعرها حدود 150 ريال الكلام قديم حوالي 8 سنوات

اذا كل اطار راح تنسمه الى 15 واذا بغيت تعبي 35 يعني الفرق في الاطار الواحد 20
المجموع للاربع اطارات 80
اول ثلاث اطارات راح تاخذ 60 ويبقى في الخزان 40 مع 15 اللي في الاطار الاخير يكون المجوع 55 تقسمها على اثنين يطلع 22.5 للاطار الاخير والتعئبه بتكون بطئيه لان ضغط الهواء في الاطار بيكون مقارب للتبقي في الاسطوانه
هذا لو في حاله ضغطت الاسطوانه


الفكره اللي كنت ابسويها اركب فاصل يفصل الكهرباء اذا تعبت الاسطوانه يفصل الماطور ( تأمين )
واذا بغيت امشي افتح الاسطوانه مع الماطور اعبي من الاسطوانه والماطور يعبي بنفس الوقت بحيث اذا وصلت للاطار الاخير يكون عوضت النقص ويتعبى بسرعه


اللي خلاني الغي الفكره ( من وين ماطور يعبي الى 100 وكم بيعيش )
الاسطوانه كبيره بحجم تقريبا نفس حجم اسطوانه الدافور الكبيره

يمكن حساباتي غلط ما يمنع تدرس الموضوع بشكل اكبر


شريت ماطور ابو جمل يجي في شنطه لونها جيشي اخذته من العليان فرع خريص
نسيت هم التعبئه سريع مشاءالله جربته على فورد شلت البلف كامل وعبيت الى 32 تقريبا اخذ مني حدود الدقيقه وجربته على درانجو وسريع مشاءالله ويبيض الوجه
ومصمم بفلتر عشان يحمي البستم من الاتربه ( بوجه العدو )
سعره بحدود 400 ريال


بالتوفيق
رد مع اقتباس
  #3  
قديم 01/10/2013, 12:49 AM
تنومه1 تنومه1 غير متواجد حالياً
مكشاتي متقدم
 
تاريخ التسجيل: May 2012
الدولة: الرياض
المشاركات: 288
المواضيع: 34
تنومه1 is on a distinguished road
رد: توليف خزان هواء لماطور الهواء

احييك واهنيك على مخك النظيف .
اعطيك معلومات عن كمبرسورات الهواء .. بهالمعلومات بتفهم شغلتك زين وما فيك قصور انشاءالله .

الكمبرسورات نوعين:

1- على دينمو كهربائي يدور طرمبة الهواء .
2- على ماطور هندل يدور طرمبة الهواء.
رقم1 يجي له تماتيك اذا تعبى الخزان يوقف الدينمو عن العمل.
رقم2 يبقى شغال على طول ما يطفى ابد الا اذا طفيته (طبعاً له صمام امان يهرب الهواء الزائد من الخزان حتى لا ينفجر مع ملاحظة ان الماطور لايزال شغال . ومثل هالكمبرسور تشوفه مركب على ونيتات اصحاب البناشر) .

بالنسبه لفكرتك اسطوانة الغاز امتن واقوى ومكتوب عليها مقدار الضغط الداخلي المحتمل لها ويجي منها اشكال متعدده وهي الانسب كونك تستطيع تلقى لها مكان مناسب في السياره( تحت الهيكل ).
اسطوانات الفريون رقيقه وغير سميكه .
اذا بتنفذ هالفكره ركب لك تماتيك اذا رغبت بحيث اذا نقص الهواء في الخزان يشتغل الكمبرسور مباشرة من دون تدخل من المستخدم .
لا تنسى تركب للخزان صمام امان لتهريب الهواء وتفريغه عند الحاجه او الضروره وكذلك مخرج هواء اضافي .
افضل انك تاخذ كمبرسور بستمين حجم كبير او من النوع الاصلي لفكرتك .
رد مع اقتباس
  #4  
قديم 01/10/2013, 05:53 AM
لاتكب البيالة لاتكب البيالة غير متواجد حالياً
مكشاتي ذهبي
 
تاريخ التسجيل: Jan 2009
الدولة: الرياض
المشاركات: 2,160
المواضيع: 50
لاتكب البيالة is on a distinguished road
Re: توليف خزان هواء لماطور الهواء

نفس الفكرة فكرت به
واشتريت فاصل كهرب يشبك عند ضغط 90 ويفصل عند ضغط 110
وشريت يلف امان يفتح عند 120
وشريت ليات
وساعة ضغط
ودبة طفاية حريق
لكن ما اشتغلت به الى الان
طبعا النفخ بيكون سريع لان الدبة بيكون به 110 ضغط والكفر به 15 مثل الى 30او 35 فيه فرق والماطور يشتغل بنفس الوقت يعوض حتى حال تنقلك بين الكفرات او معايرتك له ما يضيع هواء الماطور
طبعا فيه علاقة بين حجم الهواء وضغطه
يعني الدبة تقريبا تجي ثلث حجم الكفر لكن الضغط به 90 مثل والكفر ابيه من 10 الى 30 هل الدبة تنفخ كفرين او 3 حتى لو ما اشتغل الماطور
لقيت قانون رياضي وضح هالمسالة ونسيته الان
لكن النتيجة جيدة نظريا

ممكن احد يستكثر سالفة الضغط 110 بالدبة
اقول الماطور يتحمل ينفخ الى 150 والدبة تحمل ضغوط فوق ال 200
يعني ما فيه مشكلة من ناحية التحمل


الماطور عند الضغوط العالية يمكن يتعب ويطول ما وصله يعني يعبي من 5 الى 50 بدقيقتين لنفرض اعرف انه ممكن يحتاج دقيقتين مثلا كي يعبي من 80 الى 90 وممكن مثله يعبي من 105 الى 110

لكن مدامه مثبت ويتحمل خله يشتغل وانت ماشي

الفكرة ممتازة والبلوف الكهربائي والميكانيكي والساعة والليات والسدات والنقاصات تحصله متوفرة بشارع الريل ولو تطلبه من برى اوفر واسهل


رد مع اقتباس
  #5  
قديم 01/10/2013, 04:31 PM
الصورة الرمزية mohannadAs
mohannadAs mohannadAs غير متواجد حالياً
 
تاريخ التسجيل: Jul 2009
الدولة: الكويت
المشاركات: 922
المواضيع: 49
mohannadAs is on a distinguished road
رد: توليف خزان هواء لماطور الهواء

حبيت اوضح شي بس ان ال PSI هو قيمة الضغط و ليس الحجم
شوف هذا الرابط لموضوع لي نزلته من فترة و فيه نفس الفكرة اللي ببالك بس غالي شوي

تقرير عن كومبريسور ARB العملاق من أخوكم ابو حمزة

http://www.mekshat.com/vb/showthread.php?t=569481


سبحان الله والحمد لله والله اكبر ولا اله الا الله ولا حول ولا قوة الا بالله وسبحان الله وبحمده وسبحان الله العظيم اللهم صل وسلم على نبينا محمد


لا اله الا الله محمدا رسول الله
رد مع اقتباس
  #6  
قديم 01/10/2013, 08:23 PM
الصورة الرمزية أرض الحجاز
أرض الحجاز أرض الحجاز غير متواجد حالياً
مكشاتي متقدم
 
تاريخ التسجيل: Jun 2002
المشاركات: 221
المواضيع: 10
أرض الحجاز
رد: توليف خزان هواء لماطور الهواء

أخوي المسألة يحتاج لها

سويتش وبلف وطفاية حريق بس

أصمل وتوكل على الله

والله أني أفكر بها وأقيس طفايات الحريق اللي عندنا بالدوام

D:


أذكر الله يا غافل

رد مع اقتباس
  #7  
قديم 02/10/2013, 12:33 AM
ليوان ليوان غير متواجد حالياً
مكشاتي متواصل
 
تاريخ التسجيل: Dec 2006
المشاركات: 119
المواضيع: 15
ليوان is on a distinguished road
رد: توليف خزان هواء لماطور الهواء

اخي العزيز aboabdullah96
عندي ماطورين هواء واحد حق هيدروليك كاديلاك والثاني حق هيدروليك بنز حجم كل واحد تقريباً مثل ابو جمل .. افكر اشبكها مع بعض واعتقد انها بتعطي كمية هواء اكثر وتعويض للمفقود اسرع

اخي العزيز تنومه 1 اشكرك على الإطراء
وين القى صمام الامان ووين يركب و التماتيك الي اذا نقص الهواء في الخزان يشغل الكمبرسور والعكس وكيف اركبه على اسطوانة الغاز
علبة الفريون مصممة حسب ما اتوقع لتحمل ضغط الفريون تتوقع انها ما تتحمل ضغط هواء 120 مثلاً

اخي العزيز لاتكب البيالة
معلوماتك قيمة جداً
ماهو الماطور الي عندك وكم حجم دبة طفاية الحريق وكم تكلفة الاغراض الي شريتها <<< تحقيق هذا ما صار سؤال ههههههه

اخي العزيز mohannadAs
هذا الماطور الي يبرد الكبد لكن غالي مرة وين 5000 ريال قيمة سيارة .. لفت نظري الاسطوانه الي معه حجمها مناسب

اخي العزيز أرض الحجاز
عز الله اني مثلك كل ما اشوف اسطوانة غاز ولا علبة فريون اقعد اقلب واقيس فيها هههههه


رد مع اقتباس
  #8  
قديم 02/10/2013, 01:02 AM
تنومه1 تنومه1 غير متواجد حالياً
مكشاتي متقدم
 
تاريخ التسجيل: May 2012
الدولة: الرياض
المشاركات: 288
المواضيع: 34
تنومه1 is on a distinguished road
رد: توليف خزان هواء لماطور الهواء

لك رساله على الخاص

جميع ما تحتاجه تلقاه في شارع الريل او عند اسواق العوشن بالبديعه

الصمام قيمته من 20 - 25 ريال
ساعة ضغط قيمتها بحدود 10 ريال
تماتيك ايطالي اصلي بحدود 60 ريال (مخرج - مخرجين - 3 مخارج ) يناسب معك ابو مخرج واحد لأن فيه مخرج اخر رئيس ويركب على الخزان.
طبعاً التماتيك يصبح يشغل الكمبرسور تلقائياً اذا نقص هواء الخزان ومن ثم يقطع الكهرباء ويفصل اذا تعبى الخزان دون اي تدخل بشري .
الاخوان ذكروا طفاية الحريق .... ممتازه جداً

كيف الحال
رد مع اقتباس
  #9  
قديم 02/10/2013, 01:12 AM
aboabdullah96 aboabdullah96 غير متواجد حالياً
مكشاتي متواصل
 
تاريخ التسجيل: Apr 2013
المشاركات: 134
المواضيع: 3
aboabdullah96 is on a distinguished road
رد: توليف خزان هواء لماطور الهواء

اقتباس:
المشاركة الأصلية كتبت بواسطة ليوان مشاهدة المشاركة
اخي العزيز aboabdullah96

عندي ماطورين هواء واحد حق هيدروليك كاديلاك والثاني حق هيدروليك بنز حجم كل واحد تقريباً مثل ابو جمل .. افكر اشبكها مع بعض واعتقد انها بتعطي كمية هواء اكثر وتعويض للمفقود اسرع

اخي العزيز تنومه 1 اشكرك على الإطراء
وين القى صمام الامان ووين يركب و التماتيك الي اذا نقص الهواء في الخزان يشغل الكمبرسور والعكس وكيف اركبه على اسطوانة الغاز
علبة الفريون مصممة حسب ما اتوقع لتحمل ضغط الفريون تتوقع انها ما تتحمل ضغط هواء 120 مثلاً

اخي العزيز لاتكب البيالة
معلوماتك قيمة جداً
ماهو الماطور الي عندك وكم حجم دبة طفاية الحريق وكم تكلفة الاغراض الي شريتها <<< تحقيق هذا ما صار سؤال ههههههه

اخي العزيز mohannadAs
هذا الماطور الي يبرد الكبد لكن غالي مرة وين 5000 ريال قيمة سيارة .. لفت نظري الاسطوانه الي معه حجمها مناسب

اخي العزيز أرض الحجاز
عز الله اني مثلك كل ما اشوف اسطوانة غاز ولا علبة فريون اقعد اقلب واقيس فيها هههههه



الله يوفقك ونشوف مشروع بموضوع مستقل
الدبه وملحقاتها امرها سهل

الكلام الماطور يقدر يضخ الى 100psi ؟؟

المواطير العاديه اذا عبيت فيها سيارتين تهنق مع ان الضغط 35
اتوقع كل ماطور يكتب عليه اقصى ضغط
ابشوف الماطور اللي عندي مدى تحمله اكيد بحصل مكتوب عليه

انا اذكر الفريون اذا جيت اعبيه في السياره يعبي الى 135 ويوقف ماني متاكد ناسي لاني من زمان ما عبيت لكن حتى لو عبله الفريون تتحمل يبقى حجمها صغير ممكن تستفيد من اسطوانه الفريون اللي يتعبى منها يجي لونها ارزق واخضر حجمها مناسب واكيد تتحمل ضغط عالي


المواطير لو تولف لها مراوح مثل اللي في الكمبيوتر الحبه 10 ريال من محلات الكمبيوترات

اذا ما ضبطت بسبب الضغط ممكن تكبر الاسطوانه وتخفف الضغط بفاصل مع ماطورين
اذا قلنا اسطوانه ضغطها 60 مو صعبه على الماطور
60 راح تعبي كفرين من 15 الى 35 يعني 20 لكل كفر
والماطورين شغاله كذا ما توصل للرابع الا وانت معوض النقص

اللي اعرف انظمه الهيدروليك ضغطها عالي وكميه هواء قليله ممكن تكون مناسبه المواطير اللي عندك



متابع معك

تحياتي
رد مع اقتباس
  #10  
قديم 02/10/2013, 01:17 AM
aboabdullah96 aboabdullah96 غير متواجد حالياً
مكشاتي متواصل
 
تاريخ التسجيل: Apr 2013
المشاركات: 134
المواضيع: 3
aboabdullah96 is on a distinguished road
رد: توليف خزان هواء لماطور الهواء

بالنسبه للتركيب

وجهه نظري

الاسطوانه فيها فتحه وحده ممكن تركب عليها قسام فرعين فرع للحساس وفرع لصمام الامان
والرئيسي راكب فيه الليات من المواطير ونفس اللي ينفرع للتعبئه

ماطور واللي في الاسطوانه وفيه فرع للتعبئه
تعبي والماطور شغال لي التعبئه تجيه التغذيه من الماطور والاسطوانه اذا عبيت وانتقلت للكفر الثاني يكون اللي قافل وله راس مثل البناشر في هالوقت الماطور تلقائي يعبي الاسطوانه تشبك في الكفر الثاني يتكرر الامر وهكذا
رد مع اقتباس
  #11  
قديم 03/10/2013, 09:14 AM
شبل الكشافه شبل الكشافه غير متواجد حالياً
مكشاتي
 
تاريخ التسجيل: Oct 2010
المشاركات: 19
المواضيع: 1
شبل الكشافه is on a distinguished road
رد: توليف خزان هواء لماطور الهواء

اخي الفاضل ليوان
يوجد ماطور هواء جاهز بخزان وتوصيلات كاملة معه يشتغل عند ضغط 165 ويفصل عند 200
من شركة viair وعندهم انواع اقل وكلها تركب على السيارات وتشتغل 12v وعندهم عده مقاسات
لخزانات الهواء وبضغوط مختلفة
تقدر تطلبها من خارج السعودية واغلى نوع عندهم سعره في حدود 1600 ريال يزيد او ينقص 100 ريال
لكن مدري كم يكلف الشحن وزنه مع الاسطوانة (الخزان) تقريباً 16 كيلو
مقطع فيديو للماطور (يوجد موسيقى )
https://www.youtube.com/watch?v=Y6jK-ldMk6s
مواصفات الماطور من موقع amazon
http://www.amazon.com/VIAIR-Ultra-Du...air+compressor
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:21 PM




Powered by vBulletin® Copyright ©2000 - 2014, Jelsoft Enterprises Ltd.
Translation By : exahost.com.sa
هذا المنتدى يستخدم منتجات بلص
جميع الحقوق محفوظة © موقع مكشات ،،، لأفضل عرض استخدم : 768 ×1024 ::: مكشات / أحد المشاريع المحتضنة في حاضنة بادر لتقنية المعلومات والإتصالات