وش أفضل كفرات؟

[صامل الهدات]

ودي أركب كفرات وش تنصحوني به مع العلم أني ابغى كفرات قويه لأن أغلب طلعاتي لأماكن وعره ولجبال

[راع الابل]

عطنا موترك ونعطيك افضل الكفرات لكن انت ما علمتنا عن الموتر اللي تبي تركب له الكفرات
وانكان موترك لاند كروزر عليك بكفرات الساصي القديمة .

[صامل الهدات]

الموتر جيب باترول ولاند كروزر

[صلاح الدين]

بسم الله الرحمن الرحيم

*********

مقاس الجنط مهم أيضاً أخي الكريم

*********

لكن بالنسبة لي أنا معي جيب شاص جنط 16 (مكحل) على ما قالوا

هذا رابع طقم دنلوب وارد بن زقر

ترا فيه نوعين ياباني وخليجي أنا أتعامل مع الياباني وهو والله يبيض الوجه

ولا جربت غيره على الجيب لأني جداً مرتاح معه للأسباب التالية

- قوي ويتحمل

- راسي على الخط

- جوانبه قوية بحكم وعورة المناطق اللي أزورها

- زين للنفود تقدر تنسم وأنت مرتاح

والصراحة إن هذي تجربة شخصية ولا جربت غيرهن

ممكن اللي جرب يعطيك أخبار وعلوم تجربته

والله أعلم

[البركة]

الهانكوك 275/16 ممتاز ويكد ركبته على الباترول الربع مرتين لكن المشكله أن سعره صار مثل سعر الياباني تقريباً والهانكوك كوري كان ب260 والحين ب325 ؟؟؟؟

سألت راعي بنشر وقالي ان وكيل الهانكوك رفع سعره يوم شاف الطلب عليه كبير
عاد انا ان شاء الله ناوي اغير كفرات هالأسبوع وشكلي ابدور لي نوع ثاني غيرهن

[منتعش]

يمدحون ( تويو ) وأنا مجربها في لاندكروزر
ومثل الحلاوة - ما شاء الله -

[عاشق تويوتا]

كفرات مشلان ممتازه وقويه جدااا بس غاليه مجربه على الند كلوزر

[صامل الهدات]

ماقصرتوا والله يعطيكم العافيه

[غضنفر]

اذا تبي كفر قاسي ويتحمل الجبال والصخور
عليك بالبرجستون

[xnawwafx]

السلام عليكم

كفرات ميشلان مقاس 265/75/16

علاج الوعر و الجبال طبيعي يتكون قاسيه على الرمله يعني لازم تنسم له وهذي ميزه في الميشلان انك تنسم ولا تخاف من البنشر وانت منسم لو تغير القاع وطلعت من النفود للحجره او اعترضك الوعر

وانا اعيد المقاس اللي فوق لأن المتوفر اكثر شي مقاس 275/70/16 وهذا نفس المقاس اللي منتشر على الدنلوب للجيوب لكن اللي فوق اقل عرض بشي بسيط لكن يميزه انه ارفع ونوعه يسمونه round يعني مستدير لا شفته تحسب انه بالون يعطي نظره للموتر وانا اخص ربعي اصحاب الجموس

على العموم الكفر قيمته 500 ريال

وجهة نظر والتوفيق من الله

ابو سيــــــــــــــف

[ابوجرحين]

السلام عليكم ورحمة الله وبركاته
بالنسبه للكفرات اللي جربته
هي كفرات ((كومهو))
وانا جربتهن مرتين
وماشاالله عليهن ومع اني مشيي عليهن بالحره والوعر اكثر من النفوود

وشكرااا
اخووكــ
ابو جرحين

[][الكاشت][]

احرص وانا اخوك على الكفرات الممتازة ولالا تنظر نهائيا لقيمتها ... فحياتك اولى من ان تفرق معك 500 ريال ؟؟؟

عليك بالميشلان وارد الجفالي ... ثم البرجيستون ثم الدانلوب .. لاتتعداها

محكيك في تاريخ 5/1/1428هـ صار لي حادث بسبب كفر انفجر ولازلت اعاني حتي يومك من اضرار الحادث .. رفيقي انشل وانا كسور والسبب كفر ... طبعا كنت مركبها في شهر 7/11/1427هـ جديدة ولكن كانت رديه ( ديامونتر ) امريكية ... وكل شي قضاء وقدر بس افعل الأسباب

تحياتي ،،،،،،،،،،،،،،،

[الرهدن]

السلام عليكم00
الهنكوك00
سعر مناسب بل رخيص وناعم جدآ على الخط00 وسنويآ طق طقم كفرات ولاتأخذ إلا من الوكيل : جدد ولم تخزن طويلآ00
عيوبه00
اللي دايم بالبر مايصلح له لأنه مايتحمل الوعورة الشديدة00 أما اللي ختات فهو مناسب جدآ00
احرص إن الهواء في البر لايقل عن ال40 وإن نسمت من أجل نفود فعاود النفخ00

.

[s3ed]

الميشلان الاصلي لايعلى علية

[ابو نجود]

يا ناس خوفتوني..انا ركبت طقم بيرللي ل gx_r..عسى فيه احد مجربه؟؟؟
ابو نجود...