أقدر اكشف اذا كان احد معي في نفس الموجة ؟؟؟ [الأرشيف]

مشاهدة النسخة كاملة : أقدر اكشف اذا كان احد معي في نفس الموجة ؟؟؟

طخيمان

20/08/2007, 08:12 PM

يا اخوان انا جاااااهل بالأجهزة اللاسلكية وعندي آيكوم 2100 وودي أسألكم هل اقدر اعرف اذا كان فيه احد في المكتب او الموجة وما يتكلم بس يسمع وش نسولف انا وربعي ؟؟

لأننا بصراحة نطلع أحياناً وبين كلامنا بيصير فيه احيانا تحديد احداثيات واسماء سيارات ومعلومات المفروض ما

يعرفها اللا اعظاء الرحلة

والسبب الآخر هو وجود بعض الناس الله لا يوفقهم وانت أدرى بهم يسولفون سواليف مالها داعي ابد وانتم ادرى ....

واعذرونا على طول الكلام والله يطول بأعماركم .

طخيمان

20/08/2007, 10:32 PM

أفااااااااااا وين الردود يا الربع

-الساري-

20/08/2007, 11:08 PM

ياليت احد يعلمنا من إخواننا الطيبين،

بريد5

20/08/2007, 11:09 PM

والله فيه طريقة

لاكن على ايكوم 8000 اللي هي التشفير

وطريقة بالتحديد والله ما ادري لاكنه بالحيل سهله ولاتاخذ وقت

راعي الهـــدد

20/08/2007, 11:28 PM

والله ياغالي ماظنيت ....

لأن عملية الأرسال ماهي مستمرة ...

بمعنى ان اتصالك الاسلكي الآيكوم مايتم الا بعد ظغط الريشة ....

وقبلها كأنك غير موجود ....

فاظن انك ماتستطيع اكتشافه الا اذا ضغط الريشة ولو مرة واحدة فبستطاعتك معرفة ان هناك أحد ....

وباستطاعتك معرفة قربه منك وبعده منك حسب إشارته وأبراجه بيزي او دبل او بينها ...

وإذا قرقه واجد ويقاطعك .... وتبي تحدد موقعه فبسيطه ....

اولاً ... اعرف كم ابراجه .... اذا هي دبل اوفر .... ففك الأريل من الجهاز ... ودر به يمين يسار الين يلقط كلامه بدون اريل .... وهذا لايحصل الا اذا هو قريب منك مره ....

أو امش اذا هو بعيد ناحية الأرسال انظر اي الأتجاهات يكون معها الأريل أبراجه اقوى واتجه معها

ستجد ان الأبراج تزيد ... وهكذا حتى تصل لمنطقته

ثم مثل ماقلت لك اول فك الأريل ودر بالجهاز يمين يسار حتى تعرف نقطة تمركزه ... على حسب الأبراج الموضحة بالجهاز

عموماً .... مسألة معرفة هل بالمكتب أحد او لا .... صعبة علينا كأفراد ....

أما كحكومة فمن ابسط الأشياء

وتذكر ان موجات الأرسال للآيكوم قصير المدى الي هو معنا الآن .... تنبثق بالهواء عند الأرسال على شكل دوائر .... وتلتقط الأريال حسب قطر الدائرة وقوة الأرسال ....

وبعيد المدى .... يرسل على شكل افقي .... يعني زي خطوط الطول الفلكية ....

يعني الي جنبه مايتعامل معه .... ولايسمعه حتى لو انه بعد 50 كيلو او 1 كيلو

وفي نفس الوقت يستطيع وبجداره ان يتعامل مع ابعد نقطة ولو على بعد 1000 كيلو ....

موفق ياغالي ...

اطنبت كثيراً بس اتمنى اني افدتك واذا به ملاحظات تراني طالب ومنكم اتعلم ....

نصيحة لوجه الله ... لتحديد أحداثيات عبر الآيكوم وخشيت الملاقيف ... اجعل بينك وبين ربعك شفرة معينة ...

يعني ...

1حقيقي =2 وهمي

2حقيقي =3 وهمي

3 حقيقي =4 وهمي

4حقيقي =5وهمي

5 حقيقي =6وهمي

6 حقيقي =7 وهمي

7 حقيقي =8وهمي

8 حقيقي =9وهمي

9 حقيقي =10وهمي

10 حقيقي =1 وهمي

والصفر الحقيقي صفر كما هو

وبهذا انقل لهم احداثيتك ... وعطهم الشفرة يفكونها مباشرة ....

اعطيك مثال

انت تبي توصل لهم ألأحداثية الحيقية المطلوبة التالية ....

24 .. 42 ..300

مباشرة تقول لهم استلم الأحداثية ...

وتعطيه الرقم الوهمي التالي الذي يشير للرقم الحقيقي أعلاه

35 .. 53 .. 400

الآن هم يفكونها زي الحلاوة ... والملقوف يقعد بها

بس خذ في بالك هذه الشفرات من ابسط مايكون ... لمتمرسين فيفكونها بسرعة ....

بس حنا مناب بحرب ونخوك .... هالشفرة تكفيك وزيادة وانت شغل ذهنك وسو شفرة قوية ...

اعرف اثنين يتكلمون مع بعض كلام غريب والله ماتفهم منه شي ... وهو عربي ....

كلها شفرات كلامية بيانية صوتية ...

بزيادة حرف بعد كذا وهكذا ...

موفق ياغالي

راعي الهـــدد

20/08/2007, 11:31 PM

والله فيه طريقة

لاكن على ايكوم 8000 اللي هي التشفير

وطريقة بالتحديد والله ما ادري لاكنه بالحيل سهله ولاتاخذ وقت

هلا بالغالي .... بريدة ...

التشفير انت تقصد يشفر قناته ... وتصير خاصة له وخوية بس ... صح ....

هذا مايسأل عنه اخونا ....

يسأل كيف يعرف فيه احد مسنتر بمكتب عام غير مشفر او لا ... ؟؟؟ يعني يكتشفه ...

والا اذا هي من هالباب فلك طريقة احلى من تشفير المكتب ...

وهي انك تعمل بطريقة الأرسال بمكتب والأستقبال مباشرة في مكتب آخر ....

وهذه سهلة موجودة بالآيكوم

طخيمان

21/08/2007, 12:59 AM

الله يجزاكم خير يا أخوان وما قصرتوا الله لا يقصر بأعماركم

ولكن اخوي راعي الهدد ما فهمت قصدك بطريقة الارسال من مكان والاستقبال من مكان آخر

وإذا كنت بشفر المكتب لي انا وربعي هل اقدر ولا لا

ومشكوووورين والله يعطيك العافية :)

لاسلكي0000000

21/08/2007, 12:16 PM

اسلام عليكم ورحمة الله وبركاته
اخي
لا يمكنك تعرف الاشخاص المستمعين للتردد الذي تستخدمه
اوكيه
التشفير الذي تتكلم عنه موجود وممنوع وبقوه
ولو اكتشفت من قبل الحكومه ستعامل معامه
لا تحسد عليها
خلك طبيعي افضل لك من الشبهات
حيث التشفير واضح اكتشافه ثق ان يوجد هواه لا سلكي
لو اكتشفوك سيتم التبليق عنك
والحكومه لديها اجهزه خاصه قالية الثمن تحدد موقعك
والله يستر عليك وخلك طبيعي افضلك
وحاول لاتطلع عن تردد 144 الى 146 في السعوديه
و السلام

طخيمان

21/08/2007, 01:49 PM

لاسلكي 000000

مشكور اخوي والله يعطيك العافية

لكن وش السبب اني ما اطلع عن 144 أو 146 ؟؟

لاسلكي0000000

21/08/2007, 05:31 PM

لاسلكي 000000

مشكور اخوي والله يعطيك العافية

لكن وش السبب اني ما اطلع عن 144 أو 146 ؟؟
هذا الترددات
مخصصه لهواه الاسلكي
في السعوديه
والباقي للشريكات والشرطه والمرور والدفاع المدني
والطيران و البواخر
تخيل نفسك تستخدم تردد الشرطه وتم اكتشافك ياااااااساتر
على انك اذا استخدمت ترددات الهوا الي هي من 144 الى 146
اصلا ممنوع انك تستخدمها بس ارحم لك والسبب انها مقصور للهوه حيث ان الهواه معروفين
ويستخدمون اشارات ممنوحه لهم من الدوله
اشارات يعني نداء
والسلام عليكم

عاشق الكنود_

21/08/2007, 08:33 PM

لاسلكي0000000

22/08/2007, 01:35 AM

ماااتوقع تقدر
اخوي لاسلكي
انت مكبر الموضوع ان الحكومه تعاقب وبشده من يتعدى النطاق المسموح
بالعكس انا اعرف اكثر من شخص له مكتب فوق 155000
ولم يتعرض لااي مشكله
تقبل خالص تحياتي
اخووووووك
عـــــــــــــــــــــاشق الكنود مدمن سوالف كنود
هل المكتب مصروف له من جه رسميه
ام من راسه كل واحد حاط له مكتب على ترددات تخص الامن
من هلال احمر ومن دفاع مدني من مرور وشرطه ودوريات
استخدم الترددات هاذه ممنوووعه والي بيشفر ما شفر الا عنده بلا
نتمنى ان يستوعب الناس
ويعرفون الترددات الخاصه با الخدمات الخاصه با الدوله

والعقاب معرروف لديكم
سلام

طارق الحربي

22/08/2007, 05:44 AM

اخي بريده

هل لك ان تخبرنا عن كيفية التشفير ؟

اخي لاسلكي

اعتقد ان الجهات الحكوميه تستخدم موجات غير موجات الكنود هذا اعتقادي ومعلوماتي بسييييييطه
شكرا

فهد325

22/08/2007, 09:43 AM

هلا بالغالي .... بريدة ...

التشفير انت تقصد يشفر قناته ... وتصير خاصة له وخوية بس ... صح ....

هذا مايسأل عنه اخونا ....

يسأل كيف يعرف فيه احد مسنتر بمكتب عام غير مشفر او لا ... ؟؟؟ يعني يكتشفه ...

والا اذا هي من هالباب فلك طريقة احلى من تشفير المكتب ...

وهي انك تعمل بطريقة الأرسال بمكتب والأستقبال مباشرة في مكتب آخر ....

وهذه سهلة موجودة بالآيكوم

السلام عليكم ورحمة الله وبركاته
حتى التشفير ما ينفع اللي ترسل في مكتب وتستقبل في مكتب
لان فيه حرحة اقدر اسمعك انت وخويك وهي اني اخزن المكتبين واخلي القنات على التخزين
بحيث انتضر في مكتب من المكتبين اللي تراسلون فيها واذا ارسل واحد اروح بضغطة زر سهم فوق واسمع الرد وسهم تحت واسمع المرسل مرة ثانية وهاكذا
مالكم الا تتفقون على كلمة مثلاً (دقايق واصير معك) في الكلمة هذي تطلعون ألف أو أفين وثنعش ونص مثال (144.000 ----- 146.012.5)
لسلامة المعلومات بينك وبين خويك لازم كل شوي تغيرون القنات
وتكون المعلومات بينك وبين خويك على طول اول ما تغير القناة اول رد هو المعلومة مثال (دقايق واصير معك) يعني غير المكتب ،،، اذا طلعتو مكتب ثاني على طول وصلت ،،، ايه،،،، رقم ***** وخلصنا
علشان الثاني اللي كان معكم عقبال ما يطق الباحث الا انت وخويك عطيته المعلومة حتى ولو المكتب اللي كنتو فيه ما فيه احد الاحتياط واجب
ارجو اني افدتك آسف للأطالة

لاسلكي0000000

22/08/2007, 05:23 PM

اخي بريده

هل لك ان تخبرنا عن كيفية التشفير ؟

اخي لاسلكي

اعتقد ان الجهات الحكوميه تستخدم موجات غير موجات الكنود هذا اعتقادي ومعلوماتي بسييييييطه
شكرا
حياك الله نعم معلوماتك بسيطه
ويا مرحب فيك

طارق الحربي

22/08/2007, 05:25 PM

شكرا على الرد المؤدب :)

لاسلكي0000000

22/08/2007, 07:13 PM

شكرا على الرد المؤدب :)
ما عليك زود يا طااررررررق

طخيمان

22/08/2007, 07:14 PM

10000000

شكر لكم يا اخوان على التفاعل ومشكورين وما قصرتوا :)

لاسلكي0000000

22/08/2007, 07:18 PM

10000000

شكر لكم يا اخوان على التفاعل ومشكورين وما قصرتوا :)
ما عليك زود ياليت تبحث عن طريقه الاتصال الصحيحه
وتبحث عن طريقه الحصول على ترخيص للجهاز
والله ولي التوفيق

راعي الخن

22/08/2007, 07:36 PM

مرد الملقوف صايدك صايدك كلها يسوي بحث مره والى هو لا قيك ثم يبلشك لكن اجحده خمس دقايق ثم يمل ويخليك الله يهديهم . والسلام

طخيمان

22/08/2007, 08:58 PM

اخوي لاسلكي 00000

وتبحث عن طريقه الحصول على ترخيص للجهاز

ان شاء الله في اقرب وقت

راعي الخن

آمين الله يهديهم ويصلحهم
ومشكور على المشاركة والتفاعل