محاوره بين بدر الحويفي وطيره..

[مروض الطير]

يقول بدر الحويفي:
الخرب يا غنام ما هو كروان

***********تبرك عليه ولا يهمك صغيره

الخرب عابي لك قنابل بخزان

*********يبي على خشمك يفك الذخيرة

غرّك فعولك يوم تقنص لفيحان

***********أثرك جيّد لى قضبت الكسيرة


فرد عليه الطير قائلاً :

انته وراك تلومني يابو سلمان

*********والله لأعوضك كان حصّلت غيره

وأنا الحقيقة يوم هدّيت غلطان

**********جيته مع البومة واثرها خطيرة

ما مقصدي خايف من الخرب جزعان

************ لكن ما جيته بعرف وبصيره

خرب مغفل له أسبوعين بشمان

*********مليان من قطف الخزامى مصيره

هو طار متعافي وأنا طرت عميان

*********سدد عيوني سدد الله نظيره !!!


منقووووووووووووول

[ابو عايد]

السلام عليكم ورحمة الله وبركاته

تسلم على القصيده يالغالي وتم نقلها للقصائد المكشاتية

[جبل راف]

تسلم على القصيدة وصح لسانك يابو عواد عز الله انك شاعر فحل

[العاديات]

الله يعطيك العافيه
ابو سلمان شاعر اوصقار قديم
له قصايد ممتازه
تقبل مروري