طريقة صيد السلس ( لمحبينه ) بكل سهوله

[am2006m]

اول شي للي مايعرف السلس : هو طعم للاسماك ويوجد بالقرب من الشواطي النضيفه ( الرمليه ) وهو من افضل انواع الطعم للاسماك وهذي صورة للسلس

http://www.mekshat.com/pix/upload/images44/mk12448_22222222222.jpg



المطلوب

1- سنارة صغيرة 2 متر
2- طفاحيه
3- ميادير مقاس 20 صغيرة جدا
4- كيس طحين

نبداء بالشرح
تربط طرف الخيط الطالع من السنارة بالطفاحيه وداخل الطفاحيه ثقل صغير او تكون ثقيله نوع ما عشان تروح مسافه معى الرمي ومن جانب الطفاحيه الثاني تاخذ خيط تقص منه متر يفضل يكون مقاس 30 شفاف والطرف الثاني من الخيط اللي قصيناه ( المتر ) تربط الميدار مقاس 20 الان السنارة جاهزه

الخطوه الثانيه

تسوي عجينه صغيره يعني قبضة يد بعدين تختار منطقه يكون البحر امامك والهواء من خلفك وتبداء تنثر طحين بقبضة يدك واصبر 5 دقائق (سو العجينه في هذا الوقت ) بعدين ركب قطعه صغيره جدا من العجين (على مقاس الميدار مقاس عشرين) قبل ماترمي السنارة نثر بعد طحين وكل 5 إلى 10 دقايق نثر طحين وخاصه إذا وقف ضرب السلس على العجينه هذي الطريقه بختصار وانبه الى امور

1- ركب ربيان بدل العجينه افضل إذا توفر الربيان
2- الطفاحيه تقدر تخليها كرة صغيرة جدا بحجم لقمه صغيره تشتريها من اي بقاله
3- تثبت خبزة في الشاطي على بعد 20 متر بدل تنثير الطحين كل 5 دقايق
4- لاهل الدمام والخبر عليكم بالعزيزية مليان وفرش ووفر قروشك في جيبك

لكم تحياتي

[باترول 82]

يعطيك ألف عافيه على هذا التقرير المفيد
ولك كل الاحترام

[مقنا]

الله يعطيك العافيه

[غاوي مقناص]

يعطيك العافه أخوي

[am2006m]

ياهلا بالجميع واوعدكم بالجديد في مجال طرق صيد الطعم وطرق الصيد في كل نوع وطرق التحايل على الاسماك الحذرة



لكم تحياتي

[am2006m]

شغله فاتتني وجل ملا يسهو سبحانه

تتئكد ان خيط السنارة مشدود عشان تحس في السلس إذا قام ينتق الخيط لانه نادر مايبلع الا الكبير منه فئذا حسيت بالتنتيق تسحب عليه بسرعة وتضلك تسحب المكينه بشويش عشان يكون الخيط مسموت ( مشدود )


تحياتي

[احمدوعبود]

ماشاء الله عليك يا ام 2006 ام طريقه رح اجربها بمشيئة الله قريبا
بس متعبه شوي ولا

[am2006m]

اهلين اخوي احمدوعبود

بالعكس اخوي متعه لاخر درجه تخيل في موسم الكنعد ،الكنعد يضرب على السلس والقارض (السمك الصغير ) ياكل السلس يعني لازم تغير الطعم كل 10 دقائق ومن المتعه الشباب مايبون يغيرون طعم يبون يصيدون سلوس شف التفكير بس (يفضلون السلس على الكنعد) بس مايشرهون السلس بالمئات تشوفه واجد قدامك وفي السوق يبيعون الكيلو 15 ريال ومرطرط (لين مره مايصلح لصيد ) وانت في ثلث ساعة تطلع 30 الى 50 حبه حسب خبرتك حوالي 5 الى 7 كيلو شف الفرق فرش وببلاش والشي الثاني يخزنونه وله طرق في تخزينه منها تلف كل 5 الى 7 حبات في قصدير وتخليه في الفريزر ولو بعد سنه جيت بتستخدمة تلقاه زي الفرش


تحياتي

[jwan]

طريقة جيدة وجميلة وبما اني اصيد السلس بضربة خفيفة على رأسه بلمشك ههههههههههه - او اصيد ه على العايم بوضع قطعة سردينة صغيرة على ميدار صغير الان عرفت انه يضرب على العجين بعد مشكور يا صاحب الموضوع

[بوداحم]

يعطيك الف عافيه اخوي على هالمشاركه الحلوه

[عاشق القنص]

تسلم اخوي على هالموضوع
وقبل كم يوم كنا بالدمام على الجسر حق جزيرة المرجان وشفنان سلس يسبح رمينا اله والطعم ربيان مسكه بدون ماينغرز فيه الميدار ايش السبب والكثر من مره هل تعتقد انا الطعم الي انا مركبه كبير؟؟

[alhaidary]

أنا أصيده في الليل بكل سهولة
ضوء كشاف قوي أو إتريك
ولفلف على الشاطئ شوية وبالملعفة أمسك بها
السلس وعلى فكرة نحن نسميها قمبرورة
وكلما رحت في العميق كانت الأحجام أكبر
تقبلوا ودي

[سامي العنزي]

الله يعافيك اخوي am2006m على الموضوع واثراءنا
بمعلومات اكثر عن السلس.
تسلــم والله .

[am2006m]

اشكر جميع من شارك في الموضوع على مرورهم ومشاركتهم
اخواني هناك اكثر من طريقه لصيد السلس وخاصه في الليل ،، بالساليه ( شبك دائري يرما باليد ) هذي برميه وحدة تصيد كميه من السلس بعد ماتنثرله طحين وبعد مايوصل ترميله خبزه او تثبتها له وبعد ماتشوف تجمع على الخبزه ترمي عليه


اخوي jwan لو السلس على بعد 200 متر وتنثر طحين ثق ثقه تامه ان السلس بيوصل لنقطة تنثيرك لطحين وبتشوفه هايج ( الطحين يلحس مخه ) والعجين مايحتاج وحده بوحده على طول يضرب عليه




عاشق القنص نعم يحتاج ميدار صغير ( مقاس 20 ) وحط عجين عشان تتئكد انه سلس



alhaidary (http://www.mekshat.com/vb/member.php?u=55684) اخوي نعم ينصاد في الليل بس لازم ضوء




لكم تحياتي

[صياد متواضع]

مشكووور وما قصرت اخووي
وتقبل مرووري
اخوك
صياد متواضع
ولد الشرقيه

[am2006m]

ياهلابك اخوي صياد متواضع ومشكور على مرورك


وكل من شارك وادلا بدلوه لكم كل الشكر على مروركم


لكم تحياتي

[maag]

الف شكر اخوي
وجاري التجربة

[am2006m]

الف شكر اخوي
وجاري التجربة


هلابك اخوي ومشكور على مرورك

[شلال البحر]

بسم الله الرحمن الرحيم
اخي العزيز am2006m او ابو سعود
السلام عليكم ورحمة الله وبركاته
يعطيك الف عافية على هذا الموضوع وربنا يجعله في ميازين حسناتك بس انت ناسي شيء مهم احسن من انك ترش طحين نسية انه افضل ان تجيب خبز وتلفه مثل السندوتش وتربطة بخيط ومن ثم تجهل الخيط طويل وفي نهايته تربطه بحجرة ونرميها في البحر وترى السلس يتجمع عليها لية والا انت ناسي ايامنا والا افكرك وتقيل مروري وتحياتي
اخوك
شلال البحر

[am2006m]

بسم الله الرحمن الرحيم





اخي العزيز am2006m او ابو سعود
السلام عليكم ورحمة الله وبركاته
يعطيك الف عافية على هذا الموضوع وربنا يجعله في ميازين حسناتك بس انت ناسي شيء مهم احسن من انك ترش طحين نسية انه افضل ان تجيب خبز وتلفه مثل السندوتش وتربطة بخيط ومن ثم تجهل الخيط طويل وفي نهايته تربطه بحجرة ونرميها في البحر وترى السلس يتجمع عليها لية والا انت ناسي ايامنا والا افكرك وتقيل مروري وتحياتي
اخوك


شلال البحر




هلابك اخوي شلال البحر


ولاتزعل اللي نبهتني عليه مذكور في الموضع راجع الموضوع ولا اقلك خذ بريحك


ذكرت في اخر نقطه الاتي


1- ركب ربيان بدل العجينه افضل إذا توفر الربيان
2- الطفاحيه تقدر تخليها كرة صغيرة جدا بحجم لقمه صغيره تشتريها من اي بقاله
3- تثبت خبزة في الشاطي على بعد 20 متر بدل تنثير الطحين كل 5 دقايق
4- لاهل الدمام والخبر عليكم بالعزيزية مليان وفرش ووفر قروشك في جيبك




ومشكور على مرورك الكريم لاعدمناك ياغالي



لك تحياتي

[صياد متهور]

الله يعطيك العافيه


مشكوووووور

[سقاف]

يعطيك الف عافية يالحبيب

[w5070]

جزاك الله خير أخي الكريم



على هذه الطريقة الرائعة لصيد السلس ..



بارك الله فيك على الإفادة



تقبل مني خالص الود والتقدير..أخوك أبومحمد

[فلوجي]

مشكور اخي العزيز على موضوعك المميز هذا ---واسالك كيف هو طعمه وايهما افضل للاكل الصغير منه ام الكبير وايهما احسن المقلي ام المشوي ام بالسالونه-- ام انه لا يصلح الا كطعم للاسماك الاخرى؟؟
مشكور يالغالي

[rado]

المووووووووتر للبيع

[maysarh]

طريقة جيدة وجميلة

[المحتسب]

مشكور أخي الحبيب على الموضوع ويعطيك الف عافية

[غضباوى]

موضوع حلو

انا صدت منة كثير فى العزيزية

مشكور

[عجيبان]

مجهود رائع منك تستأهل الشكر
أنا
والله. استفذت

[صياد رايق بال]

مشكووور وما قصرت اخووي علي هذه المعلومه

[صياد مبتداء]

وعليكم السلام ورحمة الله وبركاته

ياهلاء وغلاء أخو 2006AM

هذي الطريقه مجربه وفعاله 100/100

بس يبيلها وأحد يده حاميه وهاب ريح.. مايبرد ..

ويجهز له عجينه وتحته سطل ماء على شان الطعم يبقاء حي لمدة الصيد..

متاء موسم الكنعد بس .. قبل نطلعه فرش وشك حي وأرمي ويطلع لك المزيون ..

الله يعطيك العافية على طرح الطريقه لتعم الفائدة للشباب ..

تقبل مروري اخوك : أبو محمد ....

[hunter78]

بارك الله فيك على مشاركتنا هذه الخبرة بالصيد
جعله الله بميزان حسناتك
والشكر أيضا لمن قام بنبش الموضوع:good2:

[صياد العقير.]

يعطيك العافيه على تقرير روعه

[SNIPER07]

الله يعطيك العافيه
على هالمعلومات الطيبه

تحياتي

[الصياد 7000C]

:(مشكووووووووووووووور على الطريقه بس ماعتقد انه بجده فيه
قبل 4 سنوات كان فيه شويه
بس دحين الله يرحمه