الصقر و الا الشوزل

[ساكن البياصي]

.
اليوم قلت لواحد من ربعي أبشري صقور يعني خلاص أبصير صقار:p
.
تدرون وش سوى ......... قعد يناظر وجهي كنه أول مرة يشوفن:no:
.
ثم قال أنت عندك نص وعندك مدري وشو وعندك 27 قلت إيه
.
قلت زين والصقور وش رايك وهو يجيك يقرب خشته لوجهي
.
ويقول أنصحك تشتري شوزل قلت والصقور وهو ينرفز:mad:
.
قلتله وشبك قال أنت ما تعرف للصقور :D
.
اثر الرجال ناسي إنه مرة قنصنا وهو معنا وكان معنا عدة صقور :)
.
وقد ظهرت براعتي :D في ذلك اليوم
.
الظاهر إنه ما يبي لي دوخت الراس :p
.
تبي تقولون عاد حنا وش دخلنا بالموضوع :confused: أقول بس كذا حبيت أحط عندكم خبر
.
وتبدون النصيحة :D

[راع الابل]

والله ياخوك ساكن البياصي

اخوك راع الابل يقول اللي ما يعرف للصقر يشويه ولا بعد نص استوى ههههههه ترى الطير يبليه ويبيله اشياء واشياء لا تستهين فيها المثل اللي فوق ما حطوا الاولين عبث
لكن

انكان تبي تكميخ الراس وتكسير العظام ومطامر اعقوم وارطاء ورمث ومناقز اجروف وبنشر كفرات وهربدت موتر ونهايتها مهالك ههههههههه خذلك طير

وانكان تبي صداع مزمن مع كل طلقة وكسر كتف وخوف وفووووووبيا وتغميض عين قبل الرمية خذلك شوزل هههههههههه

والدعوا هينة

تقبل ميزاحي بطريقتي الخاصة

اخوك راع الابل

[منور]

الصقاره والع ماهي يوم اويومين
وشوف الميول الي نفسك

[ساكن البياصي]

راع الابل صح لسانك يشويه ويحرحره ولا يذكيه
.
عاد أنا وشلي ودوخة الراس والله منيب مطامر ولا لون إذا وإذا فقط شريته
.
أبا اخليه يشخص معي :cool: بس لجوا هالربع وبدوا هذا يضحك:p وذا يبتسم :)
.
صراحة يرفعون الضغط :confused:
منور إييييه ذكرتني بمنور الله يذكرك و يذكره بالخير :rolleyes:


أنت تقوله صاز سنة من السنين قلت أباصير رياضي وخر يا ولد ;)
.
وأنا اروح واشتري جهاز جري ومعه كم حبة من الأجهزة الخفيفة و إلى يومك مغبرات :(
.

[الدكتور00]

الطير وسلامتك ،،


ولو إنه ولع ماوراه إلا الخساير .. لكن يبي له الكفو ،،
وبيني وبينك البندق ترى لها نوبات ، لكن فالقيض ما تعداه !! (( مقناص جبال ))





تـقـــبــــــــــل تـــحــيــــــــــــــاتــــــــــــي ،،،،،،،،،

[راعي الجير]

مرحبا فيكم اخواني وحياكم الله هذه ابيات كتبتها في صديق لي يهوا الشوازن والسلاح وتعرفون راعي الطير وراعي السلاح مايتفقون اتمنى تعجبكم وتحوز على رضاكم


السوبر برلي مع تشوك وضغوط * * * ماتنفعك وقت الهدد والتحدي

بعها وخذلك فارسي(ن )ومشروط* * * يلحق شريد الجول لا قفى معدي

لا جا الوعد ياخذ مع العاصيه شوط * * * مره يسابقها ومره يهدي

من كثر صيده للحباري خذا نوط * * * ومن زين طبعه مجول السبق مصدي

افجح هجر كاشف وعاتقه شمحوط* * * وسره ولون ويطربك وقت هدي

مطروح قبل العام في نقل شبوط * * * ساعة علق بالنقل للشيخ ودي

شراه منهو واسع الحال مبسوط * * * ماحسب لدنياه وش عاد تبدي

انا اشهد انه في فعايله مغبوط * * * وانا اشهد انه صايب الراي مقدي

[الدكتور00]

من كثر صيده للحباري خذا نوط *** ومن زين طبعه مجول السبق مصدي


صح السانك .. يا راعي الجير

استوقفني قصيدك ونا أخوك ما شاء الله جزل بليغ اللفظ .. والبيت ذا خصوصا مهوب صاحي<<<< يقاللي أمدح هالحين هههههههه

[قلب شاهين]

الطير وسلامتك ،،



ولو إنه ولع ماوراه إلا الخساير .. لكن يبي له الكفو ،،
وبيني وبينك البندق ترى لها نوبات ، لكن فالقيض ما تعداه !! (( مقناص جبال ))






تـقـــبــــــــــل تـــحــيــــــــــــــاتــــــــــــي ،،،،،،،،،


تحياتي / قلب شاهين ،،

[راعي الناوي]

انا بصراحه مااحب اصيد الصيده بسلاح ياطير وإلا اخليها تروح

[الاشعل 316]

وانا خوك الطير

والله يا انك بتشوف وساعة الصدر

تقبل تحيات

اخوك ابو سطام

[ساكن البياصي]

أخوي الدكتور ..


أخوي راعي الجير


أخوي قلب شاهين


أخوي راعي الناوي


أخوي الاشعل 316


حياكم الله جميعا و جزاكم الله خيرا ووفقكم لما يحب ويرضى قولوا آآمين


طرحت الفكرة هذا اليوم على عدة وجوه و إليكم الخلاصة صار الموضوع قواعد :D


واحد من الشباب طرحت عليه الفكرة وهو يبدا يخنبق علي هاكلخنابيق ألي ما عمري


سمعته منه وهو الرجال يتحمس ويبدى يشرح لي قعد يجي نص ساعة و أنا أفوح بس


أبيه يسكت :confused: ويوم شفته هدى شوي قلتله أمزح عليك منا شاري :no2:


الطامة الكبرى قلت الفكرة عند الشيبان ويجونك ويقلبونه نصايح وخلون وصط خلقاني


ما أسوى بيزة :( و البيزة ذي مدري وشي عملته ومدري وش علاقته بالبيز المهم شغله


طويلة نرجع للموضوع قررت بالأخير إني ما أخوض هذه التجربة صار شعيب :p


و إذا بغيت مرة ثانية أخوض إني ما أستشير إلا أهل الصنعة صار شعر مثلكم


وشرواكم شرواكم الطيب وسلامتكم ..... :D

[راعي الجير]

اخوي الدكتور صح بدنك وترا كبر راسي لاتمدح