اسعار الحطب في ارتفاع .... ما الحل ...؟

[راعي ابل]

السلام عليكم ورحمة الله وبركاته ...
حي الله الجميع ...


اههههههه ... ياجماعة




... الحطب وما ادراك ما الحطب ...
... فاكهة الشتاء ...
... ولذة الصحراء ...
... زكي الرائحة ...
... حسن المنظر ...
... وأنيس في البر ...
ــــ> بين قوسين ــــ>... (متعة البر)...





الشاهد من الكلام ياجماعة الخير ان اسعار الحطب ثاااااااااااااااابتة من الشتاء اللي راح , أو يمكن فيه نزول بسيط لايذكر ..... لاني قبل يومين شفت هايلوكس غمارة إلى التنده بـ 850 ريال والمرصوص رصة زينة يسوى 1000 وفيها ...
ولو نصبر شوي لين يجي الشتاء أتوقع برتفع زود ...!




مالعمل يا اخوان ....؟




هل فيه احد يعرف واحد يبيع برخيص لو من برا الرياض ......؟




النجدة ساعدونا ......!!! :j





لان الشتاء جاي وملزومين بالحطب مهما كان ...




محبكم ابو عبد العزيز ... :) ;)




.

[عاشق السيل]

وعليكم السلام ورحمة الله وبركاته ،،

هو بس الحطب اللي مرتفع سعره ؟؟!!!

الدنيا كلها طايرة يادافع البلاء ،،

وبيني وبينك الحطب كل ما اشتريت كمية كبيرة كان أفضلك لأنه نسبيا يكون أرخص ،، وتراه ماهو حسافة وأنت قلت كل المدح اللي بالحطب !!

تقبل مروري يالغالي .....




.

[صلهامه]

السلام عليكم
يوم الجمعه 18\8\1428 هـ


اخذت لى فرره فى سوق الحطب جنوب الرياض


لقيت الضحك والغش وبعض الامانه


لقيت السمر أنواع
1- سمر وادى الدواسر وهذا ارخصها
2- سمر المدينه وهذا اغلاها
والسبب وفعلا شفته ان سمر وادى الدواسر خفيف ولا يبطى
لقيت حمولة هايلكس مرصوصه رص يحبه قلبك من وادى الدواسر يقول سيمت بـ 850 افرق السومه وخذ .
قلت لا ابى مثل هالكميه من سمر المدينه قال لى الزول بــ 1500:no:


رحت لكذا واحد وكان السعر ثابت بالنسبة لسمر المدينه


فيه غضا زين بس شوى مو كثير وطالبين فيه 800


اذا اشتريت الحطب يجونك الباكستانيين ويشلونه لك ويقطعونه المقاسات اللى تبى وواصل لين عند بيتك :D


السوق توقعت انه ميت بالوقت هذا وخاب ظنى بالعكس السوق كان فيه زباين VIP


بالنسبة للحل شكلنا بعدين نبى نروح للبر ونجمع من عودان الرمث


لأنه بعد سنه يسرى قرار منع بيع الحطب المحلى فى السعوديه


بس الصراحه انفجعت من الحطب اللى فى السوق وش كثره


عاد اسأل الزول اقول له : كل هالحطب من عندنا بالسعوديه :D


والله اجل ماشاءالله عندنا غابات وحنا ما ندرى

تأكد انك اذا ااشتريت منهم انك تشرف على تحميل السيارة بنفسك ( لانهم ما يعبونها صح بعدين يخلطون يحطون شي صغير ولا هو زين وبعضهم يحط سدر وكينا وبرسوبس وطلح داخل الحموله )


هذا اللى حبيت اوضحه لكم


والسلام

[قرناس نجد]

شف وانا اخوك دورلك مجموعة نشاما واشترو ربع تريله او نصف وزعوها بينكم يكون ارخص واكثر كمية

[العنابي 616]

شوف يا اخوي انت اشتر تريلة كاملة من السمر الزين يجيك السعر من 5000-6000 وخذ الي تبغاه وبع الباقي بربح انا اعرف واحد يشتري التريلة ب5000 ويبيعها بالشتاء ب8000 تقريبا

[أبو خالد 12]

حطب بالصيف شكلكم ما انتم صاحين :looney: الناس تبي البراد وانتم تنشدون عن الحطب :confused: !!!!!!!! .

[صلهامه]

ابو خالد

حياك الله

الصيف مهوب دايم لك يا حيى يبى يروح

لو نفكر تفكيرك كان بالشتا ندفع على الحطب اضعاف قيمته اللى نشتريه فيه هالوقت

[نمر بن حثلين]

ميزه شراء الحطب ذا الوقت انه يصير يابس والشمس راكته وان حصل تلقا عندهم من حق العام فهو احسن واحسن

اما الا صبرت للشتا يجيك المطر ويربصه واستلم عاد انواع الدخنه ويبطي ما يالع


واما بالنسبه لارتفاع الاسعار لانه الظاهر هذي اخر سنه مسموح لهم ببيع الحطب المحلي
والسنه الي بعدها يمنع الاحتطاب نهائيا وماهنا الا الاستيراد من الصومال

[سحاب1111]

السلام عليكم ورحمة الله وبركاته
والله ياربع اعتقد انه صار لازم يفتح باب الايستيراد
المشكلة الحين انه مو الي يطلع للبر يولع لا صار حتى الي بالبيت او الاستراحات والمزارع يولع وصارت جلسات ثابته لشباب او الكبار . لا وزيدك بعد الصبايا صاريو يبون الضوية ولا يكفيهم الجلسة بعد لا لازم يسون الشاهي والاكل عليها
يعني صار استخدام الحطب بشكل كبير من مختلف شرائح المجتمع
الي نتمناه هو فتح باب الاستيراد بشرط ان الاسعار تكون رخيصة ولا ايش الفايدة
ولا اقولكم وشوله اصلاً الحطب الغاز موجود ورتاحو
مع السلامه

[M o b d a]

اليوم ..


1428/8/25

ذهب لسوق الحطب ..


اللى بجنوب الرياض ..


بالعاده أشري

أكياس الطبايل على 18 /20/22 ما يتعداها ..


المهم ..

أنا زبون عند واحد من 4 سنوات دايم أخذ منه أنا والجماعه ..


الوكاد تفأجات إن ما عنده طبايل ليه ؟.

كله راح متىىى قبل أسبوع ..


المهم كن رأفع عنده 30 كيس حق الرز 40 كيلو ..

قال شف هذا عشانك زبوني ..

بعطيك إياه على 30 ولا انا رابفعه للشتاء أبيعه بـ 40 بـ 45 ..

أفا يا ذا العلم وش السالفه ؟

قال والله وش أسوي ..


قلت بـ 20 قال والله بـ 24 ما يجيء ..


المهم رحت درت درت ..

لقيت على 20 / 25 / 30


بها الإسعار

المهم رحت لواحد ثاني أعرفه بعد وخذيت على 25 من 25 كيس ..


والله يعين ..

مع إنه غالي .

والحطب مثل ما ذكرتوا على 650 إلى 1500 ما ينفع بعد

[icom 2006]

هلا والله ياخوان انا ماعندي مشكله اقاسم احد بس وين الحطب الزين واذكر فيه واحد يبيع حطب اسمه ابو طلال وهذا رقمه / 0505476760

[أبومنصور]

انا مع اخوي قرناس نجد
ولا يهونون الأخوان

[جاك العلم]

الحطب الزين بالدهناء

السعر بالمجان

[مداوي]

الله يعين كل شي ارتفع سعره
الله يلطف

[رعد النجدي]

لا تزعلون منى
هذا طبعنا نتقضا ليلة العيد ليش
هي عاده عند السعوديين اذا وصل الشيء انخرشنا
انا قبل شهرين شاري ونيت غماره سمر طيب مب ممتاز لكن زين مرصوص بشكل كوخ خذته ب 630 وتقطيع 50 ريال متأكد هالحين ما يقل عن 900 ريال
عموماً الله يعينكم
الى في جنوب الرياض حراميه وانا اعرفهم زين روحو للي في النظيم شرق الرياض بتلقون فرق 150/200 ريال في الونيت
ولا تنسون القشر طلعو من عينه 3 خياش بلاش

[نجم السويبع]

صادق اخوي رعد النجدي اليوم اجلدوني ب900 ريال في حملة ددسن غمارة بس الحطب طيب وزين لقيت ارخص لاكن ما اعجبني الحطب فيه اختلاف ولو انتظرت للبرد ماخذها دون 1400- 1500

انا مع راي الاخوه بشراء سيارة كبيرة وتقاسمها ........ الف شكر

[بو منصور]

الله لا يهينكم على الموضوع المهم

عزالله ان الشبوب مطلب للجميع

لكن انا سمعت ان الحطب اذا تجيبه من المدينه ارخص


ياليت لو تفيدوني اذا رخيص بروح اجيب لي حمولة سكس


وكم يوصلونها للنعيريه

لاهنتوا ..

[نمر بن حثلين]

الي يشتري دينا لاشك يوفر واجد لانها تطلع بحدود الالفين
لكن المشكله تقصيص الحطب وتشليقه
تحتاج عامل يقطع لك بمنشار وبالشاكوش والازميل عشان يشلق
والسمر غثيث لانه قاسي بالحيل ويهلك العامل وهو ما زين شي

وفي النهايه لو تحسبه تحصل انك لو من الاساس شاري حمولة دتسن مقطع ومشلق اصرف لك

[icom 2006]

انا من الحين اذا احد يبي نصيف فانا مناصفه ؟؟

[قرناس نجد]

الي يشتري دينا لاشك يوفر واجد لانها تطلع بحدود الالفين
لكن المشكله تقصيص الحطب وتشليقه
تحتاج عامل يقطع لك بمنشار وبالشاكوش والازميل عشان يشلق
والسمر غثيث لانه قاسي بالحيل ويهلك العامل وهو ما زين شي

وفي النهايه لو تحسبه تحصل انك لو من الاساس شاري حمولة دتسن مقطع ومشلق اصرف لك





اخوي الدينة لقتها قبل شوي على 6000 ريال والددسن الى التنده 1100 ومسح الحوض على 400 والله يعين اذا جاء الشتاء

[هاوي قطا]

مساكم اللة بالخير جميعا انا اقول مثل ما قال اخوي ايكوم 2006 نتشارك بدينا ولا تريلا ونتقاسمها اللي يبي يشارك يحط جوالة ولا علية امر

[قرناس نجد]

مساكم اللة بالخير جميعا انا اقول مثل ما قال اخوي ايكوم 2006 نتشارك بدينا ولا تريلا ونتقاسمها اللي يبي يشارك يحط جوالة ولا علية امر

الدينا على 6000 ريال وانا اخوك ولا وبعد مريت على حقين الحطب إلى عند استاد الملك فهد وغالين يقول


التريلا مسيومه 14700 وغير كذا الشاص على 1500 سوم والله يعين

[icom 2006]

مرحبا يالغالين انا هذا رقمي 0501211543

[هاوي قطا]

وانا هذا رقمي 0505290604
لكن لازم يكون في شخص مسئول يجمع الأرقام ويتولى المهمة من - الى 0

[البضيع]

احسن شي سوو اضراب عن الحطب واستعملوا الدفايات لموسم واحد على الاقل

وتروحون مجموعة كبيرة للحماية الفطرية تشتكونهم عن غلاء الحطب

وان هذا الغلاء يساعد على الاحتطاب الجائر الذي دائما ما يحذرون الناس منه

فعليهم اجبار الباعة على خفض الاسعار

والله ولي التوفيق

اخوكم كورولا,,,,,,,,,,,,,,,,,,,

[ابو تمام]

بسم الله الرحمن الرحيم
هلاو غلا ابو عبدالعزيز موجود وأرخص من الرياض بس يبي لها تعب شوي إذا كان عندك سيارة دينا ولا أسـتاجر دينا ورح لحصاة قحطان بعد القوبعبه هي مشوار من الرياض يجي لها يمكن 400 كيلو عندهم سوق قبل الحصاة سوق غنم وحطب وكل شي بس لازم تطب عليهم بعد الفجر لأن سوقهم ينتهي الساعه 10 صباحا تقريبا بتحمل الدينا لين راااااااااااسها ماتكلفك اكثر من الف وميتين إسأل مجرب اتمنى لك التوفيق

[الطيب11]

الحل بالمقاطعة والاتجاه لوسائل تدفئة أخرى:confused:

[قرناس نجد]

والله يبن الحلال ما نقدر والدفيات ما هي زي الشبه لكن الله يعين الايام الجاية بمنع الاحتتاطب وكل شي من الخارج

[ابوخالد220]

السلام عليكم ورمة الله

يوجد لدينا حطب مستورد من مصر عباره عن اشجار فواكه اكثر من 20 طن

حسب هيئة القاييس والمواصفات السعوديه اسعار مشجعه للطن

للجادين يرجى الاتصال اخوكم ابو خالد جوال 0558840301