أهل الخبره

[راعي الجمس454]

السلام عليكم ورحمة الله وبركاته

طير حر قرناس ثالث مقيظه بالشرقيه . نزلت عددته بشكل يخوف . الطير ماشاء الله مصفي كامل

رحت لعيادة فارس بالدمام وقالوا عنده إلتهاب كبد و أمعاء وعطوني كورس 7 أيام والطير تحسن شوي

و الحين ما يعلف إلا شي بسيط . وياليت ترشدوني على حل للمشكله الطير عزيز بالنسبه لي .

الموس والنايفه تتعب الطير بس مش إلى الدرجه.

[الاشعل 316]

ان شاء الله الاخون بيفيدونك

بس يمكن الطير معه قلاع تلاحق طيرك وانا خوك

والله يشفيه

تقبل تحيات

اخوك ابو سطام

[القرناس المهاجر]

اخي الكريم راعي الجمس454 لآأنسب نفسي من اهل الخبره 00 لكن لآبأس من إبداء الرأي والمشوره :) 00 فأولاً :-


1- يجب معرفة العلف إلذي تقدمه لطيرك 00 وكم مدة المداومه عليه
2- معرفة موقع تقييض الطير 00 وهل يصل إليه الشمس والهواء الطلق 0


بالنسبة لقلة العلف وكذلك الفحمه فهي أمور متعارف عليها أثناء القرنسه وهذا عائد لحذف الريش ولتوقف الطير عن الطيران


وبما أنك تقول وصّلته لعيادة طيور فهم طبعاً أقرب للحدث والمشكله 00 وأتوقع وألله أعلم يمكن أن عند طيرك ديدان بالأمعاء وهذي تسبب إلتهاب وقل شهيه ونزول حاد في الوزن 00

لكن طالما إنه تحسن .. وطالما أن سهيل طلع والطيور المهاجره وفدت :D .. فإنشاء الله إن طيرك فاله العافيه 00 وإليك النصائح التاليه :

1- حاول قدر المستطاع جلب الجرابيع والجرذ البري وإعطاء الطير منها لمدة ثلاثه أيام فهي تساعده على تنظيف المعلف بطريقة الروباج 0

2- ثم بعد ذلك حاول إعطائه العصافير المهاجره حالياً وهي فرصه مواتيه لتنشيط طيرك لأنها لذيذة الطعم سريعة الهضم كثيرة الفوائد :D واترك المضادات تراها ترهق الطير لأنه تعبان من غيرها 00

وحنا واللي سبقونا قبل مانعالج الطير إلا بالغذي الجيد والطير الصنيع هو السليم 00 والاّ إذاضعف دخلته الأمراض وتجاذبته العلل :(


اخوك 00 القرناس المهـاجر

[شعلان]

هلا بخوي راعي الجمس جرب تعطيه علف شي بسيط ( بدون عظام ) ويفضل ( بدمه ) شي بسيط بس أهم شي ياكل وإذا ما فاد جرب تعطيه فرخ حمامة توه فرش ( حي ) وحطه تحته وخله لين يذبحه وياكل منه بس أهم شي حاول إنه مايزيد في العشا وأفضل انه ياكل شي بسيط من انه يزيد وتدريجيا بيتحسن إن شاء الله .
بس يا اخوي ما ذكرت لنا من كم يوم ما ياكل من عطيته العلاج . واسمح لي على القصور .. وإن شاء الله بيفيدونك الإخوان . أخوك شعلان .

[راعي الجمس454]

السلام عليكم ورحمة الله وبركاته

اخوي الأشعل316 مشكور على المرور

أخوي القرناس المهاجر وانا أخوك فيك الخير والبركه ما اقصد أنه يرد على سؤالي عالم أنا
أقصد بأهل الخبره إللي مر بالمشكله هذي وشاف لها حل وما قصرت وبيض الله وجهك.

أخوي شعلان اشكرك على المرور بنسبه لسؤالك بعد أسبوع من العلاج بدأ تقل الشهيه بس يعلف شي بسيط
ويكون ماسك العلف يس ولك شكري.

[راعي الناوي]

عطه وانا اخوك B12 هذا فيتامين يحتوي على 12 فيتامين تعطى مع العلف ترفع عدة الطير بشكل رهيب

[فنجون]

اخوي تاكد من الطير انه ما فيه قلاع واذا ما فيه قلاع عطه ادوى التهاب حق فارس اكيد عنده التهاب فرسه