ابي اسم هذا الطير

[abo saleman]

السلام عليكم ورحمة الله وبركاته


كيف حالكم ؟


علومكم ؟


ان شاء الله بخير



المهم


انا كنت طالع اصلي الفجر


ولقيت طير غريب


سألت واحد من الربع قال انه يمكن من الطيور المهاجرة


وهالطير هذا مسوي مضاربة مع قط (( بس ))


والقط هذا مكسر ارجل هالطير


فاأخذت هالطير وحطيتها بالمزرعة


واخذت له كم صوره علشان استفسر عن اسم هالطير


ونصحني احد الاخوان في منتداكم


وياليت لو تعلموني اسم هالطير


ولاتبخلون علي


وهذي كم صوره للطير


1


http://www.wz63.com/up/uploads/a5412c5dee.gif


2


http://www.wz63.com/up/uploads/13a0fcb169.gif


3


http://www.wz63.com/up/uploads/17cb77794b.gif


4


http://www.wz63.com/up/uploads/6c826474a9.gif


5


http://www.wz63.com/up/uploads/a115031897.gif


6


http://www.wz63.com/up/uploads/2edbd41599.gif




والصراحه احترت باي قسم انزل الموضوع


وارجو المساعدة


وتقبلوا تحياتي


اخوكم ابوسليمان

[abo saleman]

ونسي اقوول


هل هو طيب

يعني هو لحمه طيب

[مستقنص]

السلام عليكم ورحمة الله وبركاته
صبحك الله بالخير


هذا الطير ياطويل العمر نسميه غرنوق ووالله العالم انه من الطيور المهاجره و المستوطنه في نفس الوقت ومنتشره في مزارع الخرج اي ان مستوطنه محد يجيها واكيد له اسم باللغه العربيه الفصحاء
ومشرفنا العزيز ان شاءالله بيفيدنا اكثر بحكم خبرته

وبحكم انك وجدته فحبيت اقولك هالموقف اللي صار لي انا والربع مره من المرارير كشتنا كشته في شعيب الطوقي نصيد دخل وصفاري حنا خمسه ومجموع صيدنا 50 من الدخل كان ذاك اليوم مفلسين ولا فيه صيد عليه الكلام ويوم جاء وقت الغداء وقفنا وطبخنا هاك الكبسه الطيبه وتغدينا وعينا من الله خير وبعد الغداء جلسنا جلسه طيبه سوالف وهاك الشاهي اللي يخليك تشوف عماير مصر المهم جاء وقت الصلاة صلينا وبعد الصلاة كملنا سوالف واللي حط راسه وده ينام المهم شوي ويطب علينا فرق من هالطير مثل اللي عندك بالظبط
يجي له 15 وبعضنا نايم شوي ويقوم واحد من الربع شرواك وشروا السامعين ويستلمهن بأم خمس رمي طيار ونقحص نقول الصيد ياولد الصيد وتحاجرهن وخذ ضحك ونصيد منهن عشر وخمس منهن نصيب قناصه جنبنا

الزبده ياطويل العمر تعشينا عليهن شوي بالليل وغير الشوي
ما تصلح لان فيها زخمه وميزتهن مشحمات وبالنسبه للطعم نص ونص

هذا ماحبيت افيدك عن هالطير
وان شاءالله الشباب بيفيدونك والمعذره على الاطاله

اخوك
ذرى

[مستقنص]

ههههههههههههههههه
المعذره

مساك الله بالخير امبرمج على الصبح
الى هالحين :(

والعلوم تسرك ياها الوجهه الطيب

[حب الوطن]

السلام عليكم اخي ( ابو سليمان ) الطير هذا الي اعرفه انه نوع من انواع

الغرانيق المتواجده وانا حاولت اجيب اسم علمي له والله اعلم والي صدته لون من عدة الوان

اي خطا مني اتاسف والاخوان يعدلونه اسمه العلمي ( Heron ) وهذي صور


وهذا نوع من انواع غير الي في الصوره لونه اخضر واسمه ( GREEN HERON )

http://www.mekshat.com/pix/upload/images45/mk41006_green heron11.jpg


http://www.mekshat.com/pix/upload/images45/mk41006_qqqqq.jpg


اخوك / حب الوطن

[حب الوطن]

اما عن اكله وطعمه ما اكلته ولا افكر ان شالله والله اعلم هل هو يوكل ولا لا

مع العلم شفته في الساحل اجوال اجوال

اخوك / حب الوطن

[فطري]

الأخوة الأفاضل


بإعتقادي أنه من طيور "الواق" وهي من عائلة البلشون (Heron) ولكنها اصغر من حيث الحجم.


أسم الطائر في الصورة هو:
الأسم العربي: الواق الصغير
الأسم الأنجليزي: Little Bittern
الأسم اللاتيني: Ixobrycbus minutus


http://www.mekshat.com/pix/upload/images45/mk42658_lb.jpg



وهو بالفعل كما ذكر الأخ ذرى، منه مجموعة مستوطنة وآخرى مهاجرة. ويتواجد في المناطق الرطبة، ويتغذى على الأسماك الصغيرة وصغار الضقادع والحشرات.
اما ماذكر أخي حب الوطن، فهو من فصيلة البلشون الأخضر، وهي من الطيور التي ترداد السواحل فقط.


اما عن طعمة: فلم اجربه، ولكن اعتقد ان الدجاج افضل منه :D


والله اعلم،

[حب الوطن]

ماشالله عليك اخي ومشرفنا الغالي (فطري ) هذا الاكيد تقبل تحياتي الي جبته في

ردك الكريم

بس هل هناك اي تشابه بين النوعين

اخوك / حب الوطن

[الداعم]

صورة (طرشه) والصورة واضحة ماتبي عرف . وهي خطرة جدا وخاصة علي عيون الاطفال ..منقارها حاد جدا ( تنقر علي حركة العين )

[مستقنص]

السلام عليكم

ماقصرت اخي العزيز الفطري
على هالمعلومات المفصله اللي كنت اجهلها وتوبه اذا اكلته
دامه ياكل ضفادع واتمنى من اخي العزيز
طارح الموضوع الاستفاده

اخوكم
ذرى

[فطري]

الأخ العزيز حب الوطن
هناك تشابه من حيث الحجم وبعض السلوك، ولكن يختلفان في مناطق الإنتشار والتكاثر. وسف اتطرق لها في موضوع خاص إنشاء الله.

الأخ العزيز الداعم
والله إن جبتها، ونسيت اذكرها، بالفعل جميع طيور الواق والبلشون خطيرة جداً لإنها تتجه بضرب العين مباشرة (أو أي شئ لامع). مشكور على التذكير

الأخ العزيز ذرى
تسلم يالغالي، وانا تايب منها من زمان

الأخ أبو سليمان
نآمل أن نكون قد وفقنا بالإجابة عن إستفسارك، وجميع الأخوة ماقصروا
ونصيحتي لك: بأن تقوم بالتخلص من هذا الطائر إذا كان لا يستطيع المشي، لإنه بدون الأرجل لن يستطيع العيش. فقتله قد يكون ارحم له.

ولك مني خالص الود والتقدير

[قناص الجرابيع]

السلام عليكم
هذا الطير نسميه عندنا (الغرنوق الغبيسي)

[abo saleman]

اخواني

ذرى
حب الوطن
فطري
الداعم
قنااص الجرابيع


الله يعطيكم العافيه على المعلومات القيمة

وماااقصرتوا

والطير عطيته واحد من العيال يبي يتعشى فيه

وشاكر لكم

وتقبلوا تحياتي القلبية

اخوكم ابوسليمان