من سبق له أن جرب ( جهاز الطيور ) هذا .......؟؟؟ شارك بما تعرفه

[سرهيد1]

السلام عليكم ورحمة الله وبركاته


اخواني هل سبق لكم وان جربتوا هذا النوع من اجهزة تتبع الطيور....؟؟؟


Ayama Segutel

هذا موقع الشركة لم شاء أن يستزيد
http://www.ayama.com/index.htm
http://www.ayama.com/images/radio_tr/r_u_es22.jpg


الجهاز صغير الحجم بشكل ملفت ومغري ... ( ما تبلش فيه وانت تنقله وسط السيارة وانت تسوق )


http://www.ayama.com/images/radio_tr/r_cotxe2.jpg


سهل الحمل بحيث من السهولة جمع كل مكوناته واكسسواراته في داخل ( شنطة كمره صغيره )


http://www.ayama.com/images/radio_tr/bolsa_u.jpg


له خيارات كثيرة من أنواع ( الريش ) وبشكل عام هي صغيرة بالمقارنة مع الشركات الاخرى بشكل ملفت


http://www.ayama.com/images/radio_tr/tots_web.jpg


من الممكن إضافة ( هوائي ) إضافي للجهاز حتى تكون نسبة إستقبال الإشارة أكثر وضوح


http://www.ayama.com/images/radio_tr/antena3gran.jpg


نوع آخر من الهوائيات


http://www.ayama.com/images/radio_tr/antena5gran.jpg


الجهاز مزود ( بسوتش ) يفحص قدرة ( البطارية الموجوده داخل الريشة ) سهل الإستخدام ودقيق في اعطاء النتائج .


http://www.ayama.com/images/radio_tr/r_v_prop.jpg


http://www.ayama.com/images/radio_tr/tr_cet_v.jpg


كان ما سلف من معلومات هي من إدعائات الشركة المصنعة ( الاسبانية ) ولم يتم تأكيد ذلك من طرف محايد .


=====================


على كل حال بمشاهداتي السريعة وجدت مزايا في الجهاز الخصها بما يلي :


صغر الحجم
سهولة النقل
يمتكل ريش صغيرة مقارنة بغيرها
الجهاز لا يحتاج لتبديل البطاريات حي انه مزود ببطارية ( قابلة للشحن )
الجهاز مزود بشاحنين للكهرباء أحدهم يقبل الشحن من الفولت ( 220 ) والاخر يقبل الشحن من ولاعة السيارة .
الجهاز قابل للعمل من دون بطارية وذلك عن طريق توصيله مباشره بولاعة السيارة .
يوجد فيه خاصية فحص مقدرة الريشة المستخدمة .


من ناحية العيوب التي اتوقعها فيه هي كالتالي


مشكلة توفير البطارية الخاصة بالريشة .... ( غريبة نوع ما وصعب العثور عليها ) هذه صورة لنوعية البطارية المستخدمة :
http://www.shopingcity.cz/img/PR13b.jpg


بطارية الجهاز القابلة للشحن صعب الوصول لها بدون تفكيك الجهاز بشكل موسع ( مع العلم بأن عمرها الافتراضي غير مذكور ولم يتم التنويه عنه )


مدى صغر حجم الريشة بشكل ملحوظ يثير الشكوك حول مقدرة الجهاز على كشف إشارتها من مسافات بعيدة .


هذا وبحول الله سوف أقوم بتجربة الجهاز في القريب العاجل واطلعكم على مقدراته الفعليه حينما تتسنى لي الفرصة لذلك .


ولكن آمل من الذين يملكون معلومات مسبقه عن هذا الجهاز بطرحها هنا حتى نستفيد ونفيد بحول الله


شاكر للجميع مجهوداتهم بشكل مسبق

[المري]

مرحبا ابو عبدالله ..

صحيح جربته العام وحط ارجيلك .. وهذا موجود عندك في الرياض يبيعونه من اسنين..

ولا يصلح وذلك لان الريشة تضعف كل يوم من بداية استعمالها وأنا كلمت الاسباني بالجوال وقال: فيه

ريش هذا الموسم بتنزل بس الى الاسبوع اللي طاف ماشفت شي ..

وسلاامتك

اخوك - المري

[المري]

ابو عبدالله وش تقصد بقولك:


الجهاز مزود ( بسوتش ) يفحص قدرة ( البطارية الموجوده داخل الريشة ) سهل الإستخدام ودقيق في اعطاء النتائج .


لان السويتش اللي تقول يفحص بتري الجهاز ماهوب الريشة!!!

يمكن هذا قصدك طال عمرك.

اخوك - بومعيض

[سرهيد1]

وعليكم السلام

هلابك ياخوي ابو معيض

ياحي هالعين عز الله اني حسيت انك مجربه

لكن ما علمتني كم ابعد مسافه وصلها معك بريشة جديدة ؟؟؟؟؟؟؟؟؟؟

بالنسبة لسوتش فحص الريشه اللي ذكرته لك ( كان بسبب مكالمة اجريتها مع الشركة وافادوني بذلك ) والحقيقة ان هذا شكل طرحهم لي بان ذلك السويتش خاص بفحص مقدرة الباتري الخاص بالريشة وليس الجهاز

على كل حال كم قيمة الجهاز يابو معيض ووشلون وضعه بشكل عام

[المري]

طال عمرك هذا وكيله في الرياض

ويجي منه نوعين :

النوع الصغير هذا اللي انت حاط في مشاركتك قيمتة 8000 ريال معه 3 ريش .. تردد اوربي..

اما النوع الثاني فيجي مثل الولدلايف ويشتغل على تردد ريش المارشال 216 .. 10 ريش بقيمة 2500 ريال

ويأتي مشكلته في الشحن .. وانا شريت العام من هذا النوع 3 اجهزة وبصراحة ماأنفعت معنا بشي..

يوصل من 8 كيلو وجاي واذا كثرت استخدام الريشة ماعاد توصل الا 3 كيلو وجاي..

الزبدة يابو عبدالله ,, ماينفع بشي..


وسلااااااااااااامتكم

اخوكم - المري

[المري]

أما بخصوص السويتش , مافيه الا سويتش لفحص قوة البتري اللي في الجهاز فقط..

وسلااااااااااامتكم

اخوكم - بومعيض

[سفتور]

هذا الجهاز أسباني وما عليه كلام بس كلما طالت المسافه ظعف أرساله و أزين مافيه أنه صغير وما تبلشبه فالموتر.

[أبو رداد]

مشكور يابو عبدالله على هذا التقرير عن الجهاز
حجمه قريب جدا للالماني
واشوف الالماني افضل بالمواصفات
وخصوصا القديم
وعليك (بتيوتا )اجهزة الطيور مارشال
والسلام

[ابو عايد]

السلام عليكم ورحمة الله وبركاته

ابو عبدالله انا ندور الجهاز الزين الى يجيب مسافات بعيدة

أحد منكم جرب الجهاز الى على الاقمار الصناعية وين القار الجهاز الى على الاقمار الصناعية مثل الطيور الى يطلقونها أهل الامارات ويراقبون على الشاشة

[طارق الحربي]

والله ونعم فيكم كلكم

رجال مايبخلون على غيرهم بالمعرفه

سلمتم

[خيال الصبحا]

وعليكم السلام
بيض الله وجهك يابو عبدالله
وبيض الله وجه ابو معيض
دايم يجيب العلم الاكيد
ولايهون سفتور
وابو رداد
وابو عايد
وشكرًا

[خيال الصبحا]

ولا يهون ابو عبدالله(طارق)
والعذر والسموحة ، الظاهر كتبنا
الرد بوقت واحد ، وشكرًا

[طارق الحربي]

معذور يابو نايف

اخو وعزيز

[الفالكونر]

السلام عليكم ,,
حياك الله يا خوي سرهيد ولا يهونون الربع ,,, خصوصا حبيبنا المري بو معيض ,,
يا بو معيض الظاهر انه قدري انني دايم اختلف معاك لكن ارد واقول الاختلاف بالراي لا يفسد للود قضية ..تبقى عزيز وغالي .
بالنسبة للأسباني فللأمانة والحق يقال , انه يمكن انا واعوذ بالله من كلمة انا أول من استخدم هالجهاز بالمنطقة قاطبة بما فيهم وكيل أو موزع الجهاز عندنا , عطاني اياه وقالي جرب وعطني رايك ,,
يا جماعة شأسولف لكم ,, شيء ما يتصدق , خلاني احذف الاجهزة الباقية وأحرقها بتراب الفلوس بدون أستثناء ,, وبدون ذكر ماركاتها ولكن لا تقارن بالاسباني بكل المعايير ..

من أهم مميزات الجهاز الاسباني أياما سيقوتيل :
1. صغير الحجم .
2. البطارية للجهاز شحن ( 10-12 ساعة وانساه للموسم كله ).
3. الريش صغيره الحجم ولكن الوزن متقارب , وأختلف معاك فيما يتعلق بعمر البطارية .
4. التردد مختلف عن البقية ويكفك من مشاكل متابعة طيور الناس في حالة الضياع الله لا يقدر .
5. المدى لا تسولف مافي مقارنة نهائي , بالريش اللي تجي معاه لونها أستيل وسميكه شوي جابت معاي 20 – 25 – ومره رقم خيالي 32 كيلووووووووووووووووووووو,,!!
6. دقة في التحديد وهذي مشكلة يواجها معظم الصقاقير في البحث . مثال ( فرطت الريشة من شاهين يطرد له حمامه وعقب ما صاد الشاهين والا ما في ريشه ,,!! دور يا مدور وبعون الله هذي الريشه ثلاث ارباعها بالتراب بوجه العدو والذنب بالكاد يبين ) .

والحين مرهم أو مبرمج عليه ريشة جديده من الجهاز الاسباني الجديد اللي جايبه خويك راعي الجيره بالكويت ,, تعرفه المطوع ,, ها عرفته ,!؟
ماتصدق كم جاب معاي ,,!! بخلصك , تدل عزبة النادر بطرف رمث النعيرية , منها لين شوي وأصل حربات , مليت وانا اسوق يا رجل ولا تستغرب جابت 40 كيلو وتقول بعد بس خلاص مليت ورجعت ,,

الشاهد انه جهاز مسكت والسلام .

ملاحظة : ترى جهاز خويك المطوع الجديد قوي قوي قوي حيل وجاب معانا ارقام هم خيالية وأخاف اقول تقولون هذا يبالغ او يسوي دعاية لكن والله ثم والله مالي علاقة ولا مصلحة لكن الصج ينقال ,
جاب معانا انا والمطوع 48 كيلووووووو !!!!؟؟ وجاب معاه هو مرة ثانية 53 كيلوووووووووووو..!!؟؟
وعلى فكره الجهاز أسمه تايني لوك , هم أسباني الصنع . ممتاززززززززززززز .

وتقولون المارشل أي مارشل أي ............. الله يهديكم ..

[المري]

مرحبا بالفالكونر..

اولا: بخصوص التايني لوك .. انا استخدم من العام والله اني امس مركب في الريشة حجر وفاحصها..

اما الريشة اللي العام معي السنة هذه ماوصلت حتى 5 كيلو وكلمتي رفيقي وارسل علي وحده قبل شهر

وزينه , بس اللي العام أضعفت اكثر من النص.. وماعليه كلاااام وتحديد طيب بالحيل ..

علما بأنه نازل في الامارات من سنة 2004 م..

وارسااااااااااااااااله خيالي جدا جدا وقد كتبت عنه موضوع من فترة على هذه الرابط..

والجهاز مازال عندي واستخدمه وناوي استخدمه هذا الموسم بأذن الله..

وكان له وكيل في أمريكا بس تخلى عنه وترك الوكالة , لانه باعني ريشة ويوم جات الريشة اخربت

ورديتها عليها ورفض المصنع اانها يصلحها..

[المري]

ثانيا: الجهاز الأسباني من شركة أياما..

يمكن شريت حوالي 5 اجهزة وكلها ابطلت علما اني دكتووووووووووووووور اجهزة @!!!!َ يعنى لاتشك

أني غشيم او يساورك الشك في ذلك..

وكلها اطلعت بااااطلة ..

حتى ان الشركة عطتى الجهاز الواحد ب 1100 ريال تبغى تفتك منه وشريتها ب 1100 ريال

واطلعت كل الأربعة ماتشحن البتدري حقها !!!!

المهم رأيك على عينى ورأسي ..

[الفالكونر]

السلام عليكم ,,

هلا بالغالي بومعيض , تبي الصج انت اللي ما فيك حيله يالذيب ,
أولا حاشا لله أن يداخلني شك نهائيا بمعرفتك بالاجهزة , وانت دكتور كبير وبروفسور بعد .

بالنسبة للأياما انا أستخدمة من زمان يمكن له 5 سنوات عندي وعلى كيف اللي تبي , يمكن بالصدفة الي ارسلوهم لك فيهم بلى ,, على العموم كجهاز ما عليه كلام لا ومع ريشة التايني لوك ( صغيره , خفيفة , تشتغل وتفصل بالمغناطيس ) الصراحة ما يتبدل بأي شيء ثاني .

وللعلم ترى ماله وكيل بأمريكا ولا قالها الله واللي أنت شريت منه( نورث وودز) هذا يبيع كل شيء يعني بالعربي سايت بتاع كله ولاهو متخصص و تلقاها يمكن ستوكات من زمان والا فيها بلى والدليل على كلامي سعرها, فلا تآخذ عليه ولا منه .

وقول آمين أن شاء الله ما تستخدمة أبد . وسلامك عده واصل بأذن الله ولو انه اقرب لك مني هههههههههههههخ.

[سرهيد1]

السلام عليكم

يالربع اختلف الراي بين اخويانا

وكلن كلامه على العين والراس

لكن الصحيح اني بحول الله بطلع اجربه واعطيكم علومه بالتفصيل

وبيض الله وجيهكم على النقاش الراقي

ترى المقصد خدمة الاعضاء بالمنتدى واللا الناس اللى تقضب العلوم ولا تطلعها واجد

لكن خيرة الناس من سخره الله لخدمة اخوانه المسلمين

عساكم ذخر

[المري]

دامك فيها يابوعبدالله بتجرب جرب الأسباني الجديد:

http://www.clonica.net/usuario/img_usuario/puntodecontrol.com/Clonica_Port_Productes_Img_2/117.jpeg

[الفالكونر]

السلام عليكم ,,,

صبحك الله بالخير يا بومعيض ومن يقراء ,,

شفت شلون الموضوع تحول من مارشال الي أجهزة أسبانية بشكل لا أرادي ,,,,!!

[المري]

أكيد انك قاري علينا قراية أهل .....

هذا ابرك الموضوع اللي نشوف اسمك معنا يالفالكونر (( والله اني صادق ))

والسنه هذي عطوني اتصال الى قدكم مجتمعين..

والله يحفظكم ويرعاكم

اخوك - بومعيض

[الفالكونر]

الله يبارك فيك يا بومعيض ,,
والسنه ذي أذا ما جيتنا جيناك ولنا الشرف نجتمع معاك ومع الربع , وعسى الله يجمعنا على الايمان والطاعة قل آمين ..

[azzam1]

شكرا للاخ العزيز فالكونر:
اخوانى الاعزاء بالنسبه للجهاز الاسبانى ayama فنحن وكلاؤه بالكويت مند 5سنوات ومن فضل الله تعالى تم بيع اعداد كبيره منه داخل الدوله وفى قطر والبحرين ولم ترد الينا اى شكوى رئيسيه بشأن الجهاز او الريش ولكن هناك بعض سوء الفهم من بعض الاخوه:
عند تشغيل الجهاز او فحص الريشه يجب استعمال البطاريات الاصليه والحجم الملائم للريشه والتأكد من (صلاحية البطاريات)
لقد تم اختبار الجهاز مع انواع الاجهزه الاخرى واثبت فعلا انه يعتمد عليه من ناحية المسافه والدقه والحجم والتحمل لاجواء الخليج ولاستعمال الصقارين والاهم هو اننا فى كل عام نطور الجهاز والريش للافضل ويوجد الان لدينا ريشه جديده تم فحصها بالكويت ومن قبل الصقارين وارسلت 43 كيلو بالضوء والصدى يعنى بكامل القوه,مميزات الريشه الجديده:
الوزن:5,5 جرام
البطاريات:عدد 2 بطاريات 393
المسافه من 40 الى 50 line of site
الدقه ونسبة الخطأ فى التحديد:اقل من 1 سنتيمتر
عمر البطاريه:7 ايام
ضد الماء والصدمه
ملاحظه:الجهاز مكفول لمدة سنه كامله
تردد الجهاز 430 ميجاهرتز (لا يتأثر باى عوائق او خطوط الضغط العالى)

[azzam1]

http://www.ayama.com/index.htm
http://www.ayama.com/images/radio_tr/r_u_es22.jpg

[سرهيد1]

السلام عليكم

بيض الله وجهك يا عزام كلام جميل

وين ابو معيض هذا الوكيل يرد بنفسه

ابو معيض تعال جاي يا مال الشحم

[الزعـبي]

السلام عليكم

اخي عزام كم سعر الجهاز وكم سعر الريشه

وشكرا لك على تفاعلك ...

[الفالكونر]

السلام عليكم ,

حياك الله أخوي عزام ,, وهذي الساعه المباركة اللي تشرفنا بمشاركتك بالمنتدى ,,
بالبداية لاشكر على واجب وانا ماقلت الا الصحيح أياما وبس والباقي …………..

وانت تعرفني شكثر متولع بهالجهاز , ولا جت من فراغ بل من تجربة ومقارنة طويلة مع بقية الاجهزة وانت اعلم بذلك , ثبت فيها بما لا يدع مجال للشك انه جهاز مسكت وتعتمد على الله ثم عليه ..

وعلى العموم الله يرزق الجميع والمجتهد , في كل مجال ,

سلام أخوكم الفالكونر

[ابو سمحه]

مشكووووورين على الردووت وما يحتاج ارد

[azzam1]

السلا م عليكم اخوانى جميعا:
بالنسبه للاخ العزيز اللى سأل عن السعر بالمملكه الوكيل اخى فيصل العطيشان (السويبع),اما بالنسبه للكويت فنحن الوكلاء(شركة المقناص للمعدات البريه والبحريه),000000
سعر الجهاز(فل اوبشن-صدى وضوء مع سماعة الادن) مع عدد 2 ريشه الجديده مع البطاريات الاصليه +كفاله سنه 650 دينار
الاخ العزيز بو حمد نحن اللى لنا الفخر فى تواصلك معانا انت والاخوه الاعزاء
الايميل الخاص بالشركه(gulftent@yahoo.com)

[المري]

الله يكفينا شر هالجهاز ؟؟ !!!!

اخوي عزام مرحبا بك اولا في منتدانا ومنتداك وحياك الله ,,, وياليت انك متواجد معنا على طول علشان

نستفيد منك.. بخصوص هذا الجهاز بحيث انك وكيلة.. من غير اقصور في اخونا الفالكونر..

ياليت تنزل لنا صور ريش الجهاز؟؟ اخر ريشة نزلت؟

[الفالكونر]

السلام عليكم ,,
تسلم يا عزام , والفخر لنا بمشاهدة مشاركاتك الكريمة يا بو الأياما ( بو الغلابة ) هههههههههههخه

[وكرى بحر]

يا شباب افحصو اجهزتكم من جديد بو معيض يقول بعد سنه ضعف الجهاز معا ه

[الفالكونر]

السلام عليكم ,,

حياك الله يا وكري بحر ,,,

طال عمرك الجهاز له 5 سنوات عندي ,, وتقول فحصوا أجهزتكم ,,!!..؟؟

عقوبه انت يا راعي الحديده ,,,

[azzam1]

مرحبا بوحمد وابرك الساعات اللى اجتمعنا معاكم بس الاطباق اللى سويتهم بودر ماشاالله سوت لنل مشكله معى الرماة نيهم يرمون نفسك,
الاخ العزيز وكرى بحر ,الظاهر انك عرفتنى بس انا ماعرفتك ,وكلمتك فيها (لحمة ضب) وحياك الله

[سرهيد1]

السلام عليكم

عزام وش اطباقه ........؟؟؟؟

skeet - trap >>>>>>???

شكلك من ربع خالد المضف والطرقي وفهيد الديحاني وصلاح ومبارك هههههههههههه والربع

[المري]

اخوي سرهيد

الظاهر انت وعزام نفس الهواية .. الله يكفينا شر ذا الهواية..


الله يحفظكم ويرعااكم

اخوكم - المري

[azzam1]

السلام عليكم

عزام وش اطباقه ........؟؟؟؟

skeet - trap >>>>>>???

شكلك من ربع خالد المضف والطرقي وفهيد الديحاني وصلاح ومبارك هههههههههههه والربع
(الاخ سرهيد:كل الاسماء اللى قلتها رجال لهم كل التقدير وابطال انجزوا مالم ينجزه غيرهم بالعالم ,وانا واحد منهم ولى الشرف انا اكون منهم .وختام اسمائهم بكلمة هههههههه منك لا تجوز )

[سرهيد1]

السلام عليكم

عزام وش اطباقه ........؟؟؟؟

skeet - trap >>>>>>???

شكلك من ربع خالد المضف والطرقي وفهيد الديحاني وصلاح ومبارك هههههههههههه والربع
(الاخ سرهيد:كل الاسماء اللى قلتها رجال لهم كل التقدير وابطال انجزوا مالم ينجزه غيرهم بالعالم ,وانا واحد منهم ولى الشرف انا اكون منهم .وختام اسمائهم بكلمة هههههههه منك لا تجوز )

اخوي عزام حياك الله

هذولا ربعي بعد واعدهم اخواني ولي معهم عشرة طويلة والضحكة لم تكن على ما تتوقع

ولكن الضحكة كانت من مفاجئة الصدف بأن كيف يكون واحد من ربعنا بيننا ولا ندري به

على كل حال حياك الله وبياك وسامحني على وقع ضحكتي عليك فليست على ما تخيلت

[الفالكونر]

السلام عليكم ,,,
حياك الله يا عزام ,, والله أنت ملك الدبل تراب والصعب , واحنا ما نعلمنا الا منكم ولا نجي أعشار مستواكم بالرمي .. يا ملك التونتي 20