أم صتمة اللي تباع عند شياب سوق الزل؟؟؟؟؟؟؟

[فـــــزوعـــي]

السلام عليكم يا شباب ..

بغيت أستفسر عن ام صتمة اللي عند شساب سوق الزل هل أقدر أصرحها وكذلك هل أبيع

حقتي هناك...

أفيدونا مأجورين يا أهل التجربة..

وجزاكم الله خير:rolleyes:

[aflaj12]

أنصحك تروح لحقين الرماية وأسعارهم أرحم من شيبان الزل ويعطونك تصريح عليها أما البيع فيشترون منك شيبان الزل ويكسرونك في السعر

[الأشهـــــب]

الأخ الفاضل : فزوعي
والله وانا اخوك إن طعت شوري لاتشتري البنادق هذي ، لأنها والله خسارة نافذه ، خرابها واجد ولاتبرد القلب مثل الألمانيات الي لك وللزمن .
لكن وانا أخوك إن كانك تقصد ودك تبيعها في سوق الزل ، فأعتقد أنا أنه لامشاكل في ذلك لكثرة الذين يبيعونها في ذلك المكان ولافيه تشديد عليها من الأمن .
أما بالنسبة للتصريح فوالله وانا أخوك زي ماقلت لك ماتستاهل هذي النوعية التعب علشان تطلع لها تصريح ............... إلا هي بكبرها ماتستاهل تصريح .
وأنا أخوك إن بغيت الشور .....فإجدع الي عنك واشتر لك المانية الي عليها الكلام .

وتقبل أطيب تحياتي ،،،،،،،،،،،،،،،،،،،،،،،،،،،،،،،

[بن نشار]

بالنسبة للتصاريح ما فيه الا من الاماكن المصرح لهم فقط
وبالنسبة للشراء يشترون منك
وانصحك بالجديد

[امير الرفيعه]

اخوي فزوعي ...
السلام عليكم.
بالنسبه وانا اخوك للبندق ماتستاهل تراها . وخاصه الي عند الشيبان في الزل
اما بالنسبه للبيع ماتقدر في الوقت الحالي انك تبيعها في السوق ...
بالنسبه للتصاريح ماتقدر هالوقت لان التصاريح موقفه من الوزاره....
وعلى مافتولك الشباب تراها والله ماتستاهل واشترلك ياطويل العمر المانيه هي اللي عليها الكلام.....

[فـــــزوعـــي]

بسم الله الرحمن الرحيم

أخوي Aflaj12 الله يجزاك كل خير على ها النصيحة وشكرا..

أخوي الأشهب الله يحييك ويعطيك العافية ويجمعنا وياك في الجنة قل آمين...

أخوي بن نشار الله يخليك ويجزاك كل خير...

أخوي أمير الرفيعة :وعليكم السلام ورحمة الله وبركاته الله لا يهينك ويخليك..

[قناص رماح]

السلام عليكم ورحمة الله وبركاته

انا سبق لي اني شريت من سوق الزل صتمه وما ارمي بالصتمه كم رصاصه الا وهي خربانه انصحك

بالصتمات الجدد وفيه عندك كم نوع هن اللي عليهن الكلام وهن الالماني والاسباني والانجليزي وغير ذولي

لاتدور،،،،،،،،،، :good:

[عاشق الجبال]

السلام عليكم ورحمة الله وبركاته
تحية طيبة لكل المشرفين والاعضاء
انصحك يافزوعي بالانجليزية ويبلي انا عندي وحده صار لها اكثر من 9سنوات وحتى الان موجوده
عندي ماشاء الله عليها ماشفت منها اي مشاكل بس اهم شي تحافظ عليها وتقوم بتزيتها من فترة
لاخرى أما الاسبانية انا شفت منها نوع جديد بكرتونه معروض للبيع ناظرت من خلال منظارها
اعجبتني الالوان الموضوعه على الناضور العادي شد بلدها بس مارميت فيها ولااستعملتها .
اما الالمانية فهي ممتازه تقنيا غير انه يعيبها ماصورتها قابله للثني ممايجعلها غير دقيقة في الاصابه
اكرر شكري للجميع والسلام وتقبلوا تحياتي