من محاولاتي

[شقران]

هذه محاولة تحكي بعض من ما عانيته لواقع حزين......
حكم هذا الواقع أو بعض منه بأن أصوره داخلها
.....فأحببت اخذ رأيكم في محاولتي


أصبحت أنا اليوم والقلب مغموم = والــــــدمع ماهو على وجنتي صبّاب
الدمع تقل يخرق القلب بسهوم = يـــــــا عزوتي لقلـبي اليوم أمــصاب
من أول ٍكنت أداوي المحروم = والحين صرت للنفس علاجها طـلاب
أشهد إن القدر من الرب مقسوم = ما فادني في بلوتي ربعي والأصـحاب
يا سيدي يا مالكي يا دايم الدوم = ما واحــــــــد يطلبك ويقابله بــــــــاب
أطلبك يا خالقي تنصر المظلوم = حاجتي تقضيها ما تسأل عن خطـــاب
أنت إلي تسهل كربة المهموم = أنت الصفا وأنت الوفا وأحب الأحباب
يا سامع شكواي وزايدي لوم = كل البــشر تخطي ومحدٍ لها عــــــاب
ترى دعوة المظلوم مالها سلوم = ما تدري إنها تُسمع مالها حجـــــاب
يا ليتني في بلوتي اليوم مرحوم = أسالك أنا الرحمة يا خير وهــــــــاب

[المسفهل]

أي والله ... وشاعر ولا ندري !

والله يابو سلطان ما نسمح لك إلا إن أهديت خيمة الشعر عشر قصايد

من القديم والجديد .

نسأل الله أن يذهب عنك الخزن .. أن ربنا لغفور شكور


ولربِّ نازلة يضيق بها الفتى=ذرعا وعند الله منها المخرج

ضاقت فلما استحكمت حلقاتها=فرجت وكنت أظنها لا تفرج

[راعي مرات]

المشرف00 الغالي00شقران


محاولة ولا أجمل0000


كتبتها من معاناة يا أخي00أجمل مافيها أنها عبرت عن ما تريد البوح به00


وهذا هو المقصود000تسلم أيها الغالي0000

[شقران]

الا ماتقول مستشعر:D :p
ياحيبلك يابوسهيل........

ابشر بالي اقدر عليه اما عاد عشر فذي صعبه شوي.....

لكن خلها على التساهيل........

اشكرك على مجاملتك الرقيقه ......


وجزيت خيراً على دعائك لاخيك....
----------------
حبيبنا راعي مرات ياعلك سالم وغانم

شكرا لردك الرقيق وجزاك الله خير .على تشجيعك
-----------------
ملاحظة سبب التأخر في ردي بسبب سفري داخل المملكة وخارجها بعيداً عن اي جهاز.

[ابو عايد]

أصبحت أنا اليوم والقلـب مغمـوم=والدمع ماهو على وجنتـي صبّـاب
الدمع تقل يخـرق القلـب بسهـوم=يا عزوتي لقلبـي اليـوم أمصـاب




مشكوراخوي شقران على هذه القصيده الرائعه

وهذه من عوايدك يا ابو سلطان الله يكثر من أمثالك

وبيض الله وجهك ولايهينك وصح لسانك

وتقبل تحياتي // العاشق الولهان

[شقران]

يابوعايد
وجهك ابيض يالعاشق الولهان.......

وصح لسانك والجميع ياغالي........

تحياتي القلبيه

[خوي راعي كيف]

اف اف اف والله مانتب بسيط ياشقران وصح لسانك وبيض الله وجهك ؛؛؛ الصراحه رهيبه واللي مزينه ومزود رهبته انه تحكي واقع . واللي مزينه اكثرررررررررر انه منك وازودك من الشعر بيت ابحفظه عندي بالجهاز .لاكن حسبي الله على من ضلمك :( .

بس الصراحه بدينا نخاف باكر تزعل على احد منا وتمحطه بقصيدة هجا ;)

بس نرجع ونقول هيجلنا من قريحك يابو فجر.

[الباهي]

صح لسانك يابوسلطان

صراحه قصيده مسكته حلوه
الله يعافيك

ونبي زود تراي طماع وانت كريم وحنا نستاهل

اخوك الباهي

[شقران]

ابوفهد اوف اوف وينك يارجال اكيد مقطع هالدخل يقطع بليسك

لي مده ماشفت ردود وشلون ابوناصر عساه طيب......

ياحبيلك تسلم على ردك ياغالي .......

دائماً مايحاكي واقع الانسان يكون اقرب للقلوب..

وتامر على راعيها يابوفهد....
عشت ياغالي.
++++++++++
وصح لسانك وبدنك والجميع يالباهي....
سرني اعجابك .........وابشر بعزك ........خلها بالتساهيل
وتستاهلون كل خير ياغالي

[تالي الاولين*]

.


صح لسانك ياشقران

قصيدة معبرة

بس وانا اخوك لا تبخل علين بغيرها



.

[شقران]

صح بدنك والقاريء

الله يجيب التساهيل

تحياتي القلبيه