سؤال عن طريقة نقل الابل

[mej]

السلام عليكم ورحمة الله وبركاته

سؤال عن طريقة النقل

يا اخوان انا ودي اشتري لي من السوق في حدود العشر نياق وانقل لهم الى المنطقه الي انا فيها

ابي اشتري من الحسا وانقلها لمنطقه ورا الجبيل يعني حوالي 300 كيلو حوالي 3 ساعات والسؤال بارك الله فيكم كيف يتم نقلهم

مع العلم انهم في حدود العشر؟؟؟؟

هل فيه نوع من السيارات تنقلهم و وين احصلهم و كم التكلفه تقريبا و وش نوع السياره وكم تاخذ في النقله الواحده؟؟؟؟

بارك الله فيكم واسمحو لي على كثر الاسئله وياليت تفيدوني ولو بالقليل

شكرا

[ابو مساعد]

وعليك السلام رحمة الله وبركاته

العشره ما يحملهم الا العايدي وما فوق التكلفه هذا انت وشطارتك بنسبه للدراهم اما وين تحصله أكيد في السوق راح تحصل ودر اللى عليه ونش اوفرلك لان الونش لوحده يبله ممبلغ >>

ومبروك مقدما ,,,,

تحياتي ...

[mej]

فصل لي في ردك لو سمحت

كم نكلفة العادي وكم ياخذ من ناقه وكم تكلفة الونش وكم ياخذ له من ناقه

مشكور يابو مساعد

[نجم السويبع]

بعد أذن اخوي أبو مساعد







أخوي mej العايدي فيه ونش والبل ماهي سوى في الحجم وإن شاء الله إنه يشيلهن كلهن ,,,,,
وبالنسبه للسعر من أتوقع من الثلاث الى الاربع والله يباركلك فيها وبالتوفيق

[راعي الروضة]

سعر النقل يختلف من صاحب دينا الى اخر حسب نوع الونش ولمسافة فقد تجد سائق هندي اقل سعرا من السوداني مثلا وقد تجد ونش احسن من الاخر وانا انصحك من عدم حمل ابلك بونش ابو سلاسل اذا كانت لقحات حتى لايتضرر مافي بطنها 000 اما السعر فقد يتراوح مابين الالف والالفين ريال 00 والله اعلم

[mej]

نجم السويبع

بارك الله فيك وهل تقصد ثلاثمئه واربعمئه؟؟

[mej]

سعر النقل يختلف من صاحب دينا الى اخر حسب نوع الونش ولمسافة فقد تجد سائق هندي اقل سعرا من السوداني مثلا وقد تجد ونش احسن من الاخر وانا انصحك من عدم حمل ابلك بونش ابو سلاسل اذا كانت لقحات حتى لايتضرر مافي بطنها 000 اما السعر فقد يتراوح مابين الالف والالفين ريال 00 والله اعلم
بارك الله فيك

طيب وش الافضل من ونش ابو سلاسل؟؟؟

[نجم السويبع]

أيه أخوي أنا طال عمرك شايلن من الرياض الجنادريه الى الاحساء بثلاثمائه
ريال السياره دينه

[mej]

بيض الله وجهك وكم تحمل ناقه تقريبا ام ثلاثميه او اربعميه تقريبا؟؟

[نجم السويبع]

أخوي البل ماهي سوى فيه بكار وفيه خلفات بعيالها وبعض البل جرومهن اكبار أنت خذلك عايدي ويكون فيه ونش وإن ماكفى خذ معه دينه
الدينه نشيل فيها اربع نياق أكبار بعيالها الونش أخوي ماهو سلسله الونش يكون هيدروليك أرجوا أني أكون أفدتك

[راعي الطلعات]

السلام عليكم

مادامك تقول انهم عشر نياق فيه شاحنات احجام ومتوفره بكل الحركات فيها اما اكون السلسله بالكهرابا تشتغل او باليدوي تشيل لك عشر وزياده واسعارهم تفوات صراحه ياخوك

بس لا تاكل هم النقل راعي لاشاحنه راح ينقلها لك ويحطها لك بالمكان الي تبيه بس المشكله في اسعار نقلهم

والله يعينك ويوفقك ان شاءالله

[mej]

نجم السويبع كفيت و وفيت والله يوفقك ويرزقك من فضله

راعي الطلعات بيض الله وجهك على الافاده والدعوه والله يوفقك ويرزقك

[راعي الروضة]

أيه أخوي أنا طال عمرك شايلن من الرياض الجنادريه الى الاحساء بثلاثمائه
ريال السياره دينه
والله سعر مناسب جدا غريبه لقيت مثل هالسعر ماشاء الله مايجي قيمه البنزين 000 انا لازلت اقول لن يقل نقلها عن الالف ريال باي حال من الاحوال 0

[راعي الروضة]

بارك الله فيك

طيب وش الافضل من ونش ابو سلاسل؟؟؟

لونش ابو سلاسل يضر بطن الناقة المعشر او اللقحة وقد تعرض الى السقوط مباشرة الى الارض عند التنزيل اذا كان صاحب الدينا غشيم او مستعجل او ماعجبه السعر 00اما الونش الهيدروليك فاطرافه عبارة عن حبال قويه على كل سير عرضه 15 سم تربط في الناقة من جميع الاتجاهات بعد عقلها وتوجد نوع من التوازن والسلامه لحملها وانزالها

[mej]

بيض الله وجهك يا راعي الروضه ولا هنتووووو جميعا والله يكثر من امثالكم

[a.الخثلان]

الأخوان كفوا ووفوا جزاهم الله خير الجزاء

والدينا لاتفكر تشيل لك عشر نياق ولا دنيا جامبو

دور لك عايدي وأغلب العياديات عليها ونوش هيدروليك

ولا دينتين نوع جامبو

وإذا كان في النياق لقحات فاحرص انك ما تحشرهن

[خيال الصبحا]

الأخ mej
الاخوان كفو ووفو
وبيض الله وجيهكم جميعًا
وشكرًا

[المحتار2007]

الحل ياطويل العمر
دينتين الوحده ب300 او350

[mej]

الزينون--خيال الصبحا--المحتار

بيض الله وجيهكم وكثر الله من امثالكم