المسفهل
30/07/2003, 04:31 PM
من المسلم به أن الشعراء أعظم من وصفوا الطير وتتفننوا في سم صورة رائعة وجميلة
وفتتنوا به ونظموا فيه القصائد الطوا ل والتي تعتبر بحق سجل حافل يرجع أليه ويستفاد منه
لمعرفة الصفات التي ينبغي أن تتوفر في الصقر , فأحببت أن أجمع - هنا - ما أستطيع جمعه
من قصائد الشعراء المشهورين الذين شهد لهم بالتفوق في هذا المجال .
لأن مثل ذلك لا ينبغي أن تخلو منه هذه الخيمة التي خصصت لذلك .
ملحوظة : بعض هذه القصائد من مشاركات الأعضاء في خيمة الشعر .
قصيدة للشاعر:عبد الرحمن العطاوي في وصف الطير :
وطيري اللي كن متنه ليا طار= متن الفريد من الحمام ألسوادي
أشقر ولع ريشه كما لهبة النار=متفهق الجنحان والصدر بادي
مثل العديم اللي يبي يأخذ الثأر= وأسرع من الشيهان عجل المعادي
ليت الطيور استتبعن درب جزار= ولاغدى شقران طير الهدادي
اقفي وعقب لي من الغبن تذكار=الله يغله كيف يجرح فؤادي
ماشفت انا مثله علي كف صقار= من غير فعله ما لوصفه ملادي
ماهوب سباط علي الكف سمار=ليا شاف برق الريش تل القيادي
عمّار يفضي الجو بالمتن غمار=من عجل ملحاقة ليا هدّ صادي
النادر اللي له علي أهل الولع كار= من شاف فعله كب درب ألعنادي
صحيح من سمي الوحش بابو مختار= ليا زان فعله قال راعية غادي
ماهوب من لاهور ديرة علم دار=شبك الجزيرة من طيور الحمادي
وقال بدر الحويفي :
يالـلي طلبـتم نبـذةِ من قـصـيـدي= عن واقع المعقـول لا انقص ولا أزيد
أناغـرامي وانـبـسـاطي وعـيدي= تـفـريعـة القـرناس بأرض بـها صـيـد
لاشطب الصيحان روس الزبيدي= والعــشب جـالـه بالمثـانـي عـنـاقـــيـد
والبــدو مـايبــدي لهم بالشــديدي= تســــعـيـن لـيله مـــا حكوا بالمـواريد
ضـيـق بهم در الغنم والجـمـيـدي= مـــايشـــربون الا حـلـيب المجـــاديـــد
والـبل وبرهـا طار وأبدل جــديدي= ورودم على الفـطر سـوات المجــاليـد
من فضل ربي كل يـوم تــزيـدي= قامت عشايرها تــسن المـفـــــــاريـد
والفجر تسمع للطيور أتــغريـدي= ليل الشتاء طوله عليهن ســــــــراميد
هذيك واللـه منوتي ياعضــــيدي= لا جابها اللـه من صـدوق المــــواعيد
ماكفه الدير لرجم المفــــــيـــــدي= وذوب على خشم الخدار ومشـــــاحيد
مجهود من نو الجباه السد ــــــيدي= وحصل لها قبل القارب تـــــــــــــما ديد
غثوه على روس الشجر والهضيدي= وساق وتساقى اللنفود وتخــــــــــا ديد
وفيض على فيحان ريف المعيدي= نبي لنا بشعاف لوقه مطــــــــــــــاريد
على أوسوق مقربات البــــعيدي= مـن فـوقـهـن يــازين مزح الأوليــــــد
لافـرع النادر وطلـعه وكـيــــدي= وحــوٌل على جـول الحباري تـقل حـيد
وسلط على الخرب النشيط العنيدي= حــاسه وداسه والحباري مــــــــلابـيـد
يقضي بها الصقار يوم جدـــــيدي= في ساعة مابـه وجـــيه مــقاريـــــــد
هذا هو ى بالي وهذا رصـــــيدي= سوق النظر بين السهال الجراهــــيد
وقال جارالله بن على الغيثاني المري :
ياجعل ياسقى لاكمل ريشه اذياب=اللي بقلبه لابرق الريش تله
اللى الى طارت تصافق بالانكاب=سبقه من التكيه عليها يتله
ان وقعت جاها من القاع ماهاب=وان ادبرت حول لها عادةٍ له
له تبعٍ يضربها ضرب محراب=منها ابرق الجنحان ياتيه خله
اليا ضرب يفتح على قلبها باب=من كثر ماقد صاد قد هو يدله
له تابعٍ سمه كما غاسق الداب=وأحد من سيفٍ لكسرى يسله
لدوى على الحفال ثم طقه انصاب=يومي بجنحانه وهو في محله
مثل الشجاع اللي على كلح الانياب=لاطاح قامت تنعته عزوةٍ له
جابوه من شيراز عطران الاشناب=اللي خطر الايام ماهي تذله
شيراز له مربى ومدهل ومرقاب=ومن الشجاعه غاديٍ مرقبٍ له
جابوه من عبر البحر فوق الاخشاب=اللي عتيم الليل تسريه كله
وشراه ابن هوبش على روس الاشباب=وجابه من الفرضه بكفه يشله
وشراه من هو راسه ابيض وهو شاب=من ريشته من وسرته صالحٍ له
هدا وهو فرخٍ ويدعى بالاسباب=صاد الفصيله وقعدت في سجله
صاد الفصايل كلها عطب الاضراب=والصيد قد هو كل عامٍ بقله
واخذناه بكرٍ عاريٍ كنه غراب=بقيمةٍ ياجعلها فدوةٍ له
الساق هجر والثنادي لها اقطاب=وروس المناكب مثل روس الاخلة
ظنيت ظنٍ فيه والظن ماخاب=ظنيت لي ظنٍ غدى في محله
شراه من هو للمواجيب كساب=وعطاني الموتر عساني افدله
اللي معي يارد على حزم كلاب=واليا ارتخى متني من الحمل شله
ناصر كما سيفٍ صقيلٍ له انصاب=لا احتجته اسل و ارده من محله
قصيدة غازي بن عون، في وصف الصقر وكان هذا الصقر يسمى ( ملتاع ) ، أختار لكم منها الأبيات التالية
ما ( لملتاع ) في فعله .. ووصفه نظير=آخذٍ كل ميزة بالوفا والتمام
لو بغيت آصفه .. الموصف يحير=منوة اللي بقلبه للصقارة غرام
لا صغير ولا بالوصف عبج كبير=كنه مفصلٍ بالزين تفصيل خام
أفدعٍ محدبٍ.. متسندٍ مستدير=وافي الطول واف العَرض جبر العظام
وارد الوجه وكراعه جلالٍ قصير=واخذاتٍ كفوفه من كفوف الغلام
والسراويل كاسياتٍ اسبوق الحرير=افجحٍ كنه اللقاي وزن المقام
في قحوفه سنا عينه سنا نار كير=فاصلاتٍ بياض الراس مثل الوشام
ولاش ظني مثل بوزه ولا بوز طير=والمناكب تزايمها الثنادي زيام
مكتسٍ من دقاق الريش شين يسير=خُف ريش القطا.. بالوصف والا الحمام
والظهر يطرد به مثل موج الغدير=والنحر بترةٍ مطليةٍ .. بالرخام
وغير والوصاف إلاه فعلٍ يشوق النظير=لا ادرع فالذهيب اللي عليه الكلام
لا قنص به طلوع الشمس والا العصير=وشاف بيض الدواغر في بطون المحام
لا خذوا عنه ثم حقق وشن المغير=ثم تنكس عليهن في مذار الثمام
صب مره على عود يقب الهدير=لا اعترض في حياله جندله بالحسام
يضربه ضربة القرم النشيط الشطير=ضربةٍ عقبها ما يستطيع المقام
وكان خصمه ليا شافه تلقى الفرير=يوم شاف الصمايل طق طقة ادهام
جاه يوم عبوس قمطرير=جاه من فوقه كنه من صواريخ سام
ولا حصل عن أسباب المنايا منير=لين تروى المخاليب الظمايا الحيام
طاح من فعلهن طيحة مدقٍ ببير=ميّت قاضٍ.. فالجو ماضٍ قوام
وشاعرٍ ما فعل ( ملتاع ) له ما يثير=عقب حافه وشافه يغتشيه الملام
واكتفيت بقليلٍ موجزٍ من كثير=والعذر.. والسموحة ..والسلام اختام
لشـاعر المنتدى القرناس المهــاجــر:
متى على الله تبتـدي هـدّة الطـــــير=وانشـوف جنح اللي بحـبه بليـــــنا
اللي على شـانه قطعـــنا مشـاوير= والاّ لغـيرة بالخــلا مامشــــيــنا
حــبه شـغـلني بالمـــنى والتفـاكـير= ياكـــم على شــانه ليــالي ســريـنا
في خـبتٍ اجـرد مابه الا المغـاتير= ســـتـين ليـلـه للبشـــر مابديـنـــــا
في ديــرةٍ للطــير فيـها مـواكــير= انشــوفها في كـل حــزه وحـيـــنا
كانت تفــرّخ في الجبال الشخاتير=اعشــاشـــها تشـهد على ماطــرينا
واليوم غـصب انّـا نحـصّل مذاكـير= يـاكـود بالهــجرة تعــدي علــيـنا
ودي التمس للطير بعض المعـاذير =ماغـير ماني خــــــابر الاّ يـديـنــــا
حـنا السـبب فيما حصل يالمسافير=من حـــبـنا في مسـكــته لاغــديـنــا
وايضا الحضارة والقنوص الطوابـير=اللـي هـــــواة وتوهــــم مبتـديـنـــا
يشـهد على قولي قنوصٍ مشـاهير=اللي لهم خــبرة وعلــمٍ يقــيـنــــا
ماغـير انـا طالبــك يامعـطي الخـير=تعـيضـنا في ماضــــيات الســـنيـنـا
وعــزالله انا بالليالي المعـاســـــير=اللي بها طير الخــــــلا مايجـيــــنا
للشاعرعبدالرحمن العطاوي :
له سبوع سهيل كل عين تشوفه=جاك حل البراد وراح وقت السمايم
من يخف الكلايف شايفين معروفه=أشقر الريش جاوقته وقلبي مهايم
مولع الطيرو الله مايطاوع ظروفه=دوم قلبه وعينه يم نجم النعايم
يذكر الاشقر اللي عايزات وصوفه=ومن ذكر ذاك ما اطاوع كثير اللوايم
صافي الريش سرواله مغطي كفوفه=أسبح الوجه صافي الريش ماله وقايم
كن جوهر عيونه في محاجر قحوفه=فضه فصها أسود من حجار كرايم
لاقفيته تشوف الريش شعل حروفه=ذاك عوق الخريش اللي تحب الهزايم
عند نايف الي الفى فارق حيل نوفه=ذاك هبي بشوفه ياهبوب النسايم
للشاعر عبد الرحمن العطاوي :
ياهل الولع لا تمدحون الرواقي=والله ما يكفخ على كفي يسراي
أنا هواي ورغبتي واشتياقي=الحر الاشقر هو هوى لقلب ومناي
انا بنجد وهو بريف العراقي= وان جابه الطاروح والاه غلاي
هذاك عوق العازمات السباقي=الى اعتلاهن في السما عجل الاهواي
ياقلب في لاماه ويش انت هاقي=الله لحد راعي الولع بابه الراي
هذه القصيده قالها الصقارعبيد بن على الودايع المري عندما ضيع طيره في باكستان سنة 1407 هــ وقد صاد
حوالي 82 حباري وكان الطير غالي الثمن واسمه ((مران)) فأنشد :
دورو ياأهل يالمواتر بأجتهادي=واجهمو قبل الفجر يجلا ظلامه
دورو مران في روس المبادي=وازعجوله في نبا النايف حمامه
والنقل غلوه والصايح ينادي=دققو الانظارفي راس العدامه
العديم اللي لبرقى الريش صادي=نادرٍ فيه الركاده والشهامه
حيسفا ياضيعته ضاع المرادي=ضاع فكري والجفن حارب منامه
كم ذبح في جملةٍ في حرف وادي=مايهاب الجول لو بنّى خيامه
اكتبوا صيده ثمانين عدادي=وزادها ثنتين في تالي ختامه
لاتحدى الخرب من دون الربادي=حرمت منه المعزه والسلامه
كل ماقالوا متى مران غادي=اجحد احزاني بضحكه وابتسامه
للشاعر مهيل دغيم جابر الهاجري :
سهيل نجمه قدله أيام شفناه = وقفا سمـوم القـيض واقـبل براده
راعي الولع يفرح ليا حل طرياه =تمضي ليالـيه سـرور وسعادة
ينسى هموم وسط صدره مخفاه =اللـي بعض الايام تـزعج رقاده
لـقبل هـداد مخضبٍ كف يمـناه= بدم الخـريش اللـي تحـب النـيادة
غلاس طلع من عيدان مجناه =أبيض نحر وباقي الريش ساده
هجر عريـض كامل في مـزاياه =وزود علـى ذلـك طـبـوع وركاده
لاشافـه الصـقار نـوخ مطاياه =وقـام يتذكـر مامضى من هداده
يـوم السنيـن الطيبـة كان يقناه =واليوم نفسه ماتوالــم مـــراده
أليا مضى لسهيل خمسين شلناه = من مربطه والموس طـوف عـقــاده
وبــعد أسبــوعيــن ينقــز دعيناه = وعقبه جهز للي تحـب الـشـراده
خطواخـريش مـاتعدا معشـاه =بـيـن العواسج ضايـر له مقاده
نــوب تجي هارب ونوب محيراه =بـرض وعر وفي طرفها حشاده
يـومه سمر بالطلع تل وعطيناه =وسبقـه مع فـتحة قـزاز الـقـياده
وقفى يهز الريش ولغيض يحداه=مطـلب وهي قدمه سوات الجرادة
عقبـة طواها طويةالدلو لرشاه = مرهي ولـوطارت طيار زيـادة
وادلى عليهـا بـالحراب المسماة =سيف ابن غانم يوم فاخت غمادة
من صفقته جاتك من الغيم مدلاة=وهو شهر يـردم سما من عنادة
وعقـرب عليها من بعيد مذكاة =من ضربـته مايحي الصيد عادة
وحول بها للقاع ورويت من ادماه =والريش غطا في محلة مصادة
وجيـنـا وغديناه قلب وثنداة = وريـش عليه الدم قاني سوادة
وخبـو معاليق العيال المظراة =لجـروم رمـث مبطي في همادة
والنار في ظــل المواتر شعلناة =وقامت توقد يوم حطوا وقـاده
وسويت فنجال على الكبد محلاه =بـه زعفـران خالطه مع قنادة
وصبيت للربع المشاكيل مبداه =وقمنا نسولف بينا با الهــوادة
تسوا حياة معثر مالهـم جاة =عند الحلايـل ماتعدا الوسادة
لاغاب عنها يوم قامت توطـاه=ماتصدقه حتى يجيب الشهـادة
ياالله عسىرب السموات يمحاه = وإلا عسى ربـي يـعجـل نـفـاده
القاف لعيـون الصقاقير قلناه =اللي بعضهـم مهتني في قعـاده
بيض الوجيه اللي تحاتي محاتاة =طلوع نجم سهيـل يطلق قيـادة
وصلاة ربي عد غيم نثر ماه =على رسول الله ختمنا الإفادة
وفتتنوا به ونظموا فيه القصائد الطوا ل والتي تعتبر بحق سجل حافل يرجع أليه ويستفاد منه
لمعرفة الصفات التي ينبغي أن تتوفر في الصقر , فأحببت أن أجمع - هنا - ما أستطيع جمعه
من قصائد الشعراء المشهورين الذين شهد لهم بالتفوق في هذا المجال .
لأن مثل ذلك لا ينبغي أن تخلو منه هذه الخيمة التي خصصت لذلك .
ملحوظة : بعض هذه القصائد من مشاركات الأعضاء في خيمة الشعر .
قصيدة للشاعر:عبد الرحمن العطاوي في وصف الطير :
وطيري اللي كن متنه ليا طار= متن الفريد من الحمام ألسوادي
أشقر ولع ريشه كما لهبة النار=متفهق الجنحان والصدر بادي
مثل العديم اللي يبي يأخذ الثأر= وأسرع من الشيهان عجل المعادي
ليت الطيور استتبعن درب جزار= ولاغدى شقران طير الهدادي
اقفي وعقب لي من الغبن تذكار=الله يغله كيف يجرح فؤادي
ماشفت انا مثله علي كف صقار= من غير فعله ما لوصفه ملادي
ماهوب سباط علي الكف سمار=ليا شاف برق الريش تل القيادي
عمّار يفضي الجو بالمتن غمار=من عجل ملحاقة ليا هدّ صادي
النادر اللي له علي أهل الولع كار= من شاف فعله كب درب ألعنادي
صحيح من سمي الوحش بابو مختار= ليا زان فعله قال راعية غادي
ماهوب من لاهور ديرة علم دار=شبك الجزيرة من طيور الحمادي
وقال بدر الحويفي :
يالـلي طلبـتم نبـذةِ من قـصـيـدي= عن واقع المعقـول لا انقص ولا أزيد
أناغـرامي وانـبـسـاطي وعـيدي= تـفـريعـة القـرناس بأرض بـها صـيـد
لاشطب الصيحان روس الزبيدي= والعــشب جـالـه بالمثـانـي عـنـاقـــيـد
والبــدو مـايبــدي لهم بالشــديدي= تســــعـيـن لـيله مـــا حكوا بالمـواريد
ضـيـق بهم در الغنم والجـمـيـدي= مـــايشـــربون الا حـلـيب المجـــاديـــد
والـبل وبرهـا طار وأبدل جــديدي= ورودم على الفـطر سـوات المجــاليـد
من فضل ربي كل يـوم تــزيـدي= قامت عشايرها تــسن المـفـــــــاريـد
والفجر تسمع للطيور أتــغريـدي= ليل الشتاء طوله عليهن ســــــــراميد
هذيك واللـه منوتي ياعضــــيدي= لا جابها اللـه من صـدوق المــــواعيد
ماكفه الدير لرجم المفــــــيـــــدي= وذوب على خشم الخدار ومشـــــاحيد
مجهود من نو الجباه السد ــــــيدي= وحصل لها قبل القارب تـــــــــــــما ديد
غثوه على روس الشجر والهضيدي= وساق وتساقى اللنفود وتخــــــــــا ديد
وفيض على فيحان ريف المعيدي= نبي لنا بشعاف لوقه مطــــــــــــــاريد
على أوسوق مقربات البــــعيدي= مـن فـوقـهـن يــازين مزح الأوليــــــد
لافـرع النادر وطلـعه وكـيــــدي= وحــوٌل على جـول الحباري تـقل حـيد
وسلط على الخرب النشيط العنيدي= حــاسه وداسه والحباري مــــــــلابـيـد
يقضي بها الصقار يوم جدـــــيدي= في ساعة مابـه وجـــيه مــقاريـــــــد
هذا هو ى بالي وهذا رصـــــيدي= سوق النظر بين السهال الجراهــــيد
وقال جارالله بن على الغيثاني المري :
ياجعل ياسقى لاكمل ريشه اذياب=اللي بقلبه لابرق الريش تله
اللى الى طارت تصافق بالانكاب=سبقه من التكيه عليها يتله
ان وقعت جاها من القاع ماهاب=وان ادبرت حول لها عادةٍ له
له تبعٍ يضربها ضرب محراب=منها ابرق الجنحان ياتيه خله
اليا ضرب يفتح على قلبها باب=من كثر ماقد صاد قد هو يدله
له تابعٍ سمه كما غاسق الداب=وأحد من سيفٍ لكسرى يسله
لدوى على الحفال ثم طقه انصاب=يومي بجنحانه وهو في محله
مثل الشجاع اللي على كلح الانياب=لاطاح قامت تنعته عزوةٍ له
جابوه من شيراز عطران الاشناب=اللي خطر الايام ماهي تذله
شيراز له مربى ومدهل ومرقاب=ومن الشجاعه غاديٍ مرقبٍ له
جابوه من عبر البحر فوق الاخشاب=اللي عتيم الليل تسريه كله
وشراه ابن هوبش على روس الاشباب=وجابه من الفرضه بكفه يشله
وشراه من هو راسه ابيض وهو شاب=من ريشته من وسرته صالحٍ له
هدا وهو فرخٍ ويدعى بالاسباب=صاد الفصيله وقعدت في سجله
صاد الفصايل كلها عطب الاضراب=والصيد قد هو كل عامٍ بقله
واخذناه بكرٍ عاريٍ كنه غراب=بقيمةٍ ياجعلها فدوةٍ له
الساق هجر والثنادي لها اقطاب=وروس المناكب مثل روس الاخلة
ظنيت ظنٍ فيه والظن ماخاب=ظنيت لي ظنٍ غدى في محله
شراه من هو للمواجيب كساب=وعطاني الموتر عساني افدله
اللي معي يارد على حزم كلاب=واليا ارتخى متني من الحمل شله
ناصر كما سيفٍ صقيلٍ له انصاب=لا احتجته اسل و ارده من محله
قصيدة غازي بن عون، في وصف الصقر وكان هذا الصقر يسمى ( ملتاع ) ، أختار لكم منها الأبيات التالية
ما ( لملتاع ) في فعله .. ووصفه نظير=آخذٍ كل ميزة بالوفا والتمام
لو بغيت آصفه .. الموصف يحير=منوة اللي بقلبه للصقارة غرام
لا صغير ولا بالوصف عبج كبير=كنه مفصلٍ بالزين تفصيل خام
أفدعٍ محدبٍ.. متسندٍ مستدير=وافي الطول واف العَرض جبر العظام
وارد الوجه وكراعه جلالٍ قصير=واخذاتٍ كفوفه من كفوف الغلام
والسراويل كاسياتٍ اسبوق الحرير=افجحٍ كنه اللقاي وزن المقام
في قحوفه سنا عينه سنا نار كير=فاصلاتٍ بياض الراس مثل الوشام
ولاش ظني مثل بوزه ولا بوز طير=والمناكب تزايمها الثنادي زيام
مكتسٍ من دقاق الريش شين يسير=خُف ريش القطا.. بالوصف والا الحمام
والظهر يطرد به مثل موج الغدير=والنحر بترةٍ مطليةٍ .. بالرخام
وغير والوصاف إلاه فعلٍ يشوق النظير=لا ادرع فالذهيب اللي عليه الكلام
لا قنص به طلوع الشمس والا العصير=وشاف بيض الدواغر في بطون المحام
لا خذوا عنه ثم حقق وشن المغير=ثم تنكس عليهن في مذار الثمام
صب مره على عود يقب الهدير=لا اعترض في حياله جندله بالحسام
يضربه ضربة القرم النشيط الشطير=ضربةٍ عقبها ما يستطيع المقام
وكان خصمه ليا شافه تلقى الفرير=يوم شاف الصمايل طق طقة ادهام
جاه يوم عبوس قمطرير=جاه من فوقه كنه من صواريخ سام
ولا حصل عن أسباب المنايا منير=لين تروى المخاليب الظمايا الحيام
طاح من فعلهن طيحة مدقٍ ببير=ميّت قاضٍ.. فالجو ماضٍ قوام
وشاعرٍ ما فعل ( ملتاع ) له ما يثير=عقب حافه وشافه يغتشيه الملام
واكتفيت بقليلٍ موجزٍ من كثير=والعذر.. والسموحة ..والسلام اختام
لشـاعر المنتدى القرناس المهــاجــر:
متى على الله تبتـدي هـدّة الطـــــير=وانشـوف جنح اللي بحـبه بليـــــنا
اللي على شـانه قطعـــنا مشـاوير= والاّ لغـيرة بالخــلا مامشــــيــنا
حــبه شـغـلني بالمـــنى والتفـاكـير= ياكـــم على شــانه ليــالي ســريـنا
في خـبتٍ اجـرد مابه الا المغـاتير= ســـتـين ليـلـه للبشـــر مابديـنـــــا
في ديــرةٍ للطــير فيـها مـواكــير= انشــوفها في كـل حــزه وحـيـــنا
كانت تفــرّخ في الجبال الشخاتير=اعشــاشـــها تشـهد على ماطــرينا
واليوم غـصب انّـا نحـصّل مذاكـير= يـاكـود بالهــجرة تعــدي علــيـنا
ودي التمس للطير بعض المعـاذير =ماغـير ماني خــــــابر الاّ يـديـنــــا
حـنا السـبب فيما حصل يالمسافير=من حـــبـنا في مسـكــته لاغــديـنــا
وايضا الحضارة والقنوص الطوابـير=اللـي هـــــواة وتوهــــم مبتـديـنـــا
يشـهد على قولي قنوصٍ مشـاهير=اللي لهم خــبرة وعلــمٍ يقــيـنــــا
ماغـير انـا طالبــك يامعـطي الخـير=تعـيضـنا في ماضــــيات الســـنيـنـا
وعــزالله انا بالليالي المعـاســـــير=اللي بها طير الخــــــلا مايجـيــــنا
للشاعرعبدالرحمن العطاوي :
له سبوع سهيل كل عين تشوفه=جاك حل البراد وراح وقت السمايم
من يخف الكلايف شايفين معروفه=أشقر الريش جاوقته وقلبي مهايم
مولع الطيرو الله مايطاوع ظروفه=دوم قلبه وعينه يم نجم النعايم
يذكر الاشقر اللي عايزات وصوفه=ومن ذكر ذاك ما اطاوع كثير اللوايم
صافي الريش سرواله مغطي كفوفه=أسبح الوجه صافي الريش ماله وقايم
كن جوهر عيونه في محاجر قحوفه=فضه فصها أسود من حجار كرايم
لاقفيته تشوف الريش شعل حروفه=ذاك عوق الخريش اللي تحب الهزايم
عند نايف الي الفى فارق حيل نوفه=ذاك هبي بشوفه ياهبوب النسايم
للشاعر عبد الرحمن العطاوي :
ياهل الولع لا تمدحون الرواقي=والله ما يكفخ على كفي يسراي
أنا هواي ورغبتي واشتياقي=الحر الاشقر هو هوى لقلب ومناي
انا بنجد وهو بريف العراقي= وان جابه الطاروح والاه غلاي
هذاك عوق العازمات السباقي=الى اعتلاهن في السما عجل الاهواي
ياقلب في لاماه ويش انت هاقي=الله لحد راعي الولع بابه الراي
هذه القصيده قالها الصقارعبيد بن على الودايع المري عندما ضيع طيره في باكستان سنة 1407 هــ وقد صاد
حوالي 82 حباري وكان الطير غالي الثمن واسمه ((مران)) فأنشد :
دورو ياأهل يالمواتر بأجتهادي=واجهمو قبل الفجر يجلا ظلامه
دورو مران في روس المبادي=وازعجوله في نبا النايف حمامه
والنقل غلوه والصايح ينادي=دققو الانظارفي راس العدامه
العديم اللي لبرقى الريش صادي=نادرٍ فيه الركاده والشهامه
حيسفا ياضيعته ضاع المرادي=ضاع فكري والجفن حارب منامه
كم ذبح في جملةٍ في حرف وادي=مايهاب الجول لو بنّى خيامه
اكتبوا صيده ثمانين عدادي=وزادها ثنتين في تالي ختامه
لاتحدى الخرب من دون الربادي=حرمت منه المعزه والسلامه
كل ماقالوا متى مران غادي=اجحد احزاني بضحكه وابتسامه
للشاعر مهيل دغيم جابر الهاجري :
سهيل نجمه قدله أيام شفناه = وقفا سمـوم القـيض واقـبل براده
راعي الولع يفرح ليا حل طرياه =تمضي ليالـيه سـرور وسعادة
ينسى هموم وسط صدره مخفاه =اللـي بعض الايام تـزعج رقاده
لـقبل هـداد مخضبٍ كف يمـناه= بدم الخـريش اللـي تحـب النـيادة
غلاس طلع من عيدان مجناه =أبيض نحر وباقي الريش ساده
هجر عريـض كامل في مـزاياه =وزود علـى ذلـك طـبـوع وركاده
لاشافـه الصـقار نـوخ مطاياه =وقـام يتذكـر مامضى من هداده
يـوم السنيـن الطيبـة كان يقناه =واليوم نفسه ماتوالــم مـــراده
أليا مضى لسهيل خمسين شلناه = من مربطه والموس طـوف عـقــاده
وبــعد أسبــوعيــن ينقــز دعيناه = وعقبه جهز للي تحـب الـشـراده
خطواخـريش مـاتعدا معشـاه =بـيـن العواسج ضايـر له مقاده
نــوب تجي هارب ونوب محيراه =بـرض وعر وفي طرفها حشاده
يـومه سمر بالطلع تل وعطيناه =وسبقـه مع فـتحة قـزاز الـقـياده
وقفى يهز الريش ولغيض يحداه=مطـلب وهي قدمه سوات الجرادة
عقبـة طواها طويةالدلو لرشاه = مرهي ولـوطارت طيار زيـادة
وادلى عليهـا بـالحراب المسماة =سيف ابن غانم يوم فاخت غمادة
من صفقته جاتك من الغيم مدلاة=وهو شهر يـردم سما من عنادة
وعقـرب عليها من بعيد مذكاة =من ضربـته مايحي الصيد عادة
وحول بها للقاع ورويت من ادماه =والريش غطا في محلة مصادة
وجيـنـا وغديناه قلب وثنداة = وريـش عليه الدم قاني سوادة
وخبـو معاليق العيال المظراة =لجـروم رمـث مبطي في همادة
والنار في ظــل المواتر شعلناة =وقامت توقد يوم حطوا وقـاده
وسويت فنجال على الكبد محلاه =بـه زعفـران خالطه مع قنادة
وصبيت للربع المشاكيل مبداه =وقمنا نسولف بينا با الهــوادة
تسوا حياة معثر مالهـم جاة =عند الحلايـل ماتعدا الوسادة
لاغاب عنها يوم قامت توطـاه=ماتصدقه حتى يجيب الشهـادة
ياالله عسىرب السموات يمحاه = وإلا عسى ربـي يـعجـل نـفـاده
القاف لعيـون الصقاقير قلناه =اللي بعضهـم مهتني في قعـاده
بيض الوجيه اللي تحاتي محاتاة =طلوع نجم سهيـل يطلق قيـادة
وصلاة ربي عد غيم نثر ماه =على رسول الله ختمنا الإفادة