أستشاره طبيه من أهل الخبره

[b6L]

صبحكم ومساكم الله بالخير يالربع
ياجماعة الخير عندي سلقه حطة 8 جراوه من قبل 3 شهور تقريبا وهي كحيله ألي نزلت في تصويت القناص
ومن اول ماولدتهم وحنا مدارينهم ومدارين امهم بحليب الخلفات وبكل شي وقبل كم يوم ماتوا 3 وألي بعده واحد وألي بعده واحد وألي بعده ثنين ومابقى إلا واحد جبته لبيطري وماشالله تدرون كيف البيطريه فاهمين (مايدرون وين الله حاطهم) الجرو يزوع دم وهاذا يعطيني مضاد حيوي أبيكم تفيدوني يالربع مابقى إلا هالجرو وأبوه مسروق وطيب وأمه مايحتاج مابيه يروح علي شورو علي يالربع لاهنتوا ونأسف للأطاله

[قناص سوريا 1]

والله مدري ياخوي شقول لك لكن الله يعينك على بلواك
وحليب الخلفات هاليومين ما ينضمن وخاصة المرض إللي قام نسمع عنه ولا أحد درى له للحين وما يدرون وش هو .
يمكن أحد ثاني يقدر يفيدك والله يعينك مرة ثانية
تقبل مروري

[سلطان العوني]

اخوي
الله يسهل امورك ان شاء الله

عليك بقشر الرمان المجفف فوحه على النر مدة ساعه او ساعه ونص
الا ما يتغير لونه الا اسود كاتم

بعدين انتظر لين يبرد وعطه بالابره عن طريق الفم ابرتين فقط

تلاحظه بعد فتره بسيطه يزوع

اذا زوع يعني طلع المرض اللي في بطنه بعدها

عليك بالبيض والحليب اخلطها جميع مع الحلبه وعطه يشرب
اذا ما قبل يشرب حاول تشربه عن طريق الابره

لا تحاول تعطيه اكل بارد

لا تحاول تعطيه اكل ثقيل على المعده

[<عاشق الصمان>]

اخوي
الله يسهل امورك ان شاء الله

عليك بقشر الرمان المجفف فوحه على النر مدة ساعه او ساعه ونص
الا ما يتغير لونه الا اسود كاتم

بعدين انتظر لين يبرد وعطه بالابره عن طريق الفم ابرتين فقط

تلاحظه بعد فتره بسيطه يزوع

اذا زوع يعني طلع المرض اللي في بطنه بعدها

عليك بالبيض والحليب اخلطها جميع مع الحلبه وعطه يشرب
اذا ما قبل يشرب حاول تشربه عن طريق الابره

لا تحاول تعطيه اكل بارد

لا تحاول تعطيه اكل ثقيل على المعده



ما خلا شئ بو عايش والله يشفيه أنشاء الله
...........

[القحطاني505]

مااقصر اخونا بوعايش وبيض الله وجهه

[المسااااافر]

اسمع الكلام مثل ماقال اخوي سلطان لاتعطيه شي ثقيل على معدته عطه حليب وحلبه وكل بعد يومين عطه شويت رز ناشف ميكون فيه دسم ونشاء الله بيطيب وهاذا الي عندي وانا اخوك......

[الأكيدر]

ماقصر اخوي سلطان 000
واعمل بالي قال وانشاء الله يطيب 000