المساعد الشخصي الرقمي

مشاهدة النسخة كاملة : السكـــــــــــــــــــــــــــــــــــــــون00000 00000000000


نديم المجره
26/08/2007, 12:12 PM
المناسبه
كنت ازور مدينة عرعر بشكل مستمر وفي جميع المناسبات لوجود الوالد بها وبعد وفاة الوالد (يرحمه الله) انقطعت عن زيارتها 0 اتصل احد الاصدقاء وقال خلال حديثه (وينك ؟ الشباب يسألون عنك) فقلت


قلهم لا عاد عني ينشـــــــــــدون
داركم حبه من القلب انمحـــــــــى

في عيوني كانت الأم الحنــــــون
لا طواني الهم والعظــم انلــــــحى

كان يعجبني بها صوت السكـــون
من غياب الشمس إلى حد الضحى

كان يدفعني لها وجد وشجــــــون
لجل شخــصٍ كان فيهــا وأنتحـــى

كنت أحب دياركم حب الجنـــــون
دارت الدنيا ومجــنونك صحـــــى




نديم المجره
محمد الشاوي
26/08/2007, 12:41 PM
قصيدة جميلة ولكن ظلمت عرعر يانديم .

عرعر عبق الشمال وأريج الشمال ولولا حايل لقلت عروس الشمال .
جرير
26/08/2007, 12:59 PM
قصيدة جميلة ولكن ظلمت عرعر يانديم .

عرعر عبق الشمال وأريج الشمال ولولا حايل لقلت عروس الشمال .


سلمت ومثل ماقال الشاوي عرعر ما تستاهل واللي حبوها قبلك معهم حق ويكفي ان اللي فقدته رحمه الله سكنها
القصيده جميله وصح لسانك يا نديم
دغيم1
26/08/2007, 01:26 PM
السلام عليكم ورحمة الله وبركاته


حياك الله أخي الكريم
نديم المجره
كلمات جميلة فيها عتب وحزن وتشره
عرعر نجمة شمال نورها شع وستبقى متوهجة

لايانديم ماظنتي عرعر تهون
دام قلبك في حبها انكوى


فيها ريحة اللي تبكيه العيون
وذكرياته باقيه لو العمر أنطوى
دغفر الله لوالدك وموتى المسلمين
وأسكنهم فسيح جناته


تقبل تحياتي وشكري


دمت بود
أبن حرب
26/08/2007, 05:26 PM
صح لسانك ...
و رحم الله والدك ...
صحيح أحيان الديره اللي نفقد فيها غالي نفقد غلاها ...
لكن مهما مرت السنين ... يرجعك لها الحنين ...
وخاصة إذا كانت لك ذكريات جميلة فيها ...
نديم المجره
27/08/2007, 04:45 PM
الاخ / محمد الشاوي وجرير
اسعدني مروركم واحزنني لومكم وسبق ان وجه لي اللوم علماً بانني عشت في موقف حزين صباح العيد في عرعر 0
وهذه القصيده هي رد لكم جميعاً :




يالايمي طالبك لا تكثر اللـــــــــــــــوم
خل الجروح اللي بـقـلبـــي خـفـــــــــــيه


تلومني كنك عن العدل مفـطــــــــــــوم
الحق لي وشلـــون يصـــبح عــلـــــــــيه


ليتك وقفت بموقـفـــي لو ربع يــــــــوم
تشوف كيف الدار تصـــــبح وذيــــــــــه


كتمت أنا عنكم سواليف وعـلـــــــــــوم
تزعل غريبٍ ما بـقـلــــبه حــمـــــــــــيه


كتمتها بالقلب وادعــت بـه ثــلـــــــــوم
أخفي خطاهـــم لا تجـيـهــــم رديـــــــــه


أرسلتها شمسٍ وعادت لي غيــــــــــوم
أدرا عـــلـــيه وهــو يــــزرا عــلــــــــيه


والله لولا الله وأخشى من اللـــــــــــــوم
لاشوم عنهم شيـمــــةٍ عـــنــقــريـــــــــه


دارٍ رمتني في ضحى العيد بسهــــــوم
أذمـهـــــا لـــوهي بـقـلــــبي حــظــــــيه


اللي ربح بالسوق يمدح على الـــــدوم
واللي خسر يلعن صباح وعشــــــــــــيه



نديم المجره
محمد الشاوي
28/08/2007, 10:18 AM
الاخ / محمد الشاوي وجرير
اسعدني مروركم واحزنني لومكم وسبق ان وجه لي اللوم علماً بانني عشت في موقف حزين صباح العيد في عرعر 0
وهذه القصيده هي رد لكم جميعاً :




يالايمي طالبك لا تكثر اللـــــــــــــــوم
خل الجروح اللي بـقـلبـــي خـفـــــــــــيه


تلومني كنك عن العدل مفـطــــــــــــوم
الحق لي وشلـــون يصـــبح عــلـــــــــيه


ليتك وقفت بموقـفـــي لو ربع يــــــــوم
تشوف كيف الدار تصـــــبح وذيــــــــــه


كتمت أنا عنكم سواليف وعـلـــــــــــوم
تزعل غريبٍ ما بـقـلــــبه حــمـــــــــــيه


كتمتها بالقلب وادعــت بـه ثــلـــــــــوم
أخفي خطاهـــم لا تجـيـهــــم رديـــــــــه


أرسلتها شمسٍ وعادت لي غيــــــــــوم
أدرا عـــلـــيه وهــو يــــزرا عــلــــــــيه


والله لولا الله وأخشى من اللـــــــــــــوم
لاشوم عنهم شيـمــــةٍ عـــنــقــريـــــــــه


دارٍ رمتني في ضحى العيد بسهــــــوم
أذمـهـــــا لـــوهي بـقـلــــبي حــظــــــيه


اللي ربح بالسوق يمدح على الـــــدوم
واللي خسر يلعن صباح وعشــــــــــــيه


نديم المجره



يقول الله سبحانه وتعالى ( وماتدري نفس بأي أرض تموت ... ) ونحن لانلومك أبدا ففقد الوالد عزيز على النفس .






رحم الله والدك وأسكنه فسيح جناته وجميع موتى المسلمين .


تقبل تحياتي يانديم المجرة .
راعيها 1
28/08/2007, 12:33 PM
اللة يعطيك العافية يابو حويل .بس فية سؤال؟
إنت مانت ممنوع من دخول عرعر بسبب قصيدة قلتها بأهل عرعر ؟؟؟؟؟
دغيم1
28/08/2007, 03:32 PM
السلام عليكم ورحمة الله وبركاته


أخي الغالي


نديم المجرة


توقفت على شاطي قصيدتك


وابحرت بفكري مع حروفها ....


تلاطمت بي الأمواج


تمنيت لو كنت شاعر


أكتب مايجول في خاطري


توقف عند هذا البيت




ليتك وقفت بموقـفـــي لو ربع يــــــــوم

تشوف كيف الدار تصـــــبح وذيــــــــــه





بعدها


خواطري إنساقت إليك


فهي ليست قصيدة


فانا لست بشاعر




أبدأ بذكر اللي خلق شمس ونجوم


خلق خلقه وعلومهم عنده خفية




يخفف جـروح قلـبك المظـيوم


ويفرج هموم نفسك الشجية




أدري بقلبك صواديف وهموم


وجرح الأحباب على النفس قوية




ياصاحبي حاشاك مايلحقك لوم


رآيتك بيضـاء وعلـومك نقيـة




لي طلبة قبل ياتي نهار الصـوم


أمور جرت لك عدها منسيـة




تقبل تحياتي


دغيم 1
أبرق الشقيقة
28/08/2007, 03:43 PM
السلام عليكم ورحمة الله

الله يرحم ابوك ويسكنه فسيح جناته الله يجعل قبره روضة من رياض الجنه


عاد نجي للقصيده الصراحه قمه في الروعه تسلم الايادي
أسامي
28/08/2007, 03:47 PM
اخوي دغيم مساك الله بالخير
من تقصد بقولك/خلق خلقه وعلومهم عنده خفية
او اشرح هذا الشطر ولا عليك امر
نديم المجره
29/08/2007, 01:13 PM
الاخ / دغيم
جبرت خاطري الله يجبر بخاطرك
راعي الخن
29/08/2007, 01:23 PM
صح لسانك وجعل والديك في الجننننننننننننننننننننننننه
الشقردي 12
29/08/2007, 02:51 PM
صح لسانك والله يغفر لوالدك ويرفع منزلته في علييين وأسأل الله أن يزل عنك كل هم وغم
نديم المجره
09/11/2007, 02:16 PM
الشقردي 12
اسعدني مرورك ودعائك 0
الله يسعدك ويوفقك ويرحم والديك 00000000